Fréttablaðið - 06.07.2019, Side 16

FÓTBOLTI Það ræðst á morgun
hvort Bandaríkin verji titil sinn
á heimsmeistaramótinu í knatt­
spyrnu kvenna og vinni sinn
fjórða heimsmeistaratitil eða Hol­
land verði handhafi bæði Evrópu­
meistaratitils og heimsmeistara­
mótstitils þegar liðin leiða saman
hesta sína í úrslitaleik heimsmeist­
aramótsins í Lyon í Frakklandi.
Bæði lið koma stútfull af sjálfs­
trausti í þennan leik en Bandaríkin
sem eru sigursælasta lið sögunnar
í keppninni hefur haft betur í 11
leikjum í röð á heimsmeistara­
móti sem er met og Holland hefur
að sama skapi sett met með því að
sigra í 12 leikjum í röð á síðasta
Evrópumóti og þessu heimsmeist­
aramóti.
Bandaríkin eru að leika til úrslita
á heimsmeistaramóti þriðja mótið
í röð og í fimmta skipti alls en Hol­
land er aftur á móti að þreyta frum­
raun sína í úrslitaleik mótsins.
Tveir sterkir leikmenn í sóknar­
leik beggja liða eru tæpir vegna
meiðsla fyrir þennan leik en
Megan Rapinoe sem hefur skorað
fimm mörk á mótinu spilaði ekki
þegar Bandaríkin lögðu England
að velli í undanúrslitunum vegna
meiðsla og Lieke Martens fór af
velli í sigri Hollands gegn Svíþjóð
í hinum undanúrslitaleiknum
vegna támeiðsla.
Breiddin í bandaríska liðinu er
hins vegar afar mikil og Jill Ellis
þarf ekki að hafa áhyggjur af því
þó Rapinoe verði ekki með. Christ­
en Press nýtti til að mynda tæki­
færið og skoraði í sigrinum gegn
Englandi og að sama skapi sást
það ekki á leik hollenska liðsins
sem hefur leikið frábærlega undir
stjórn Sarinu Wiegman að það
saknaði Martens eftir að hún fór
af velli í leiknum á móti Svíum.
– hó    
Komið að úrslitastundu á HM
6 . J Ú L Í 2 0 1 9 L A U G A R D A G U R16 S P O R T ∙ F R É T T A B L A Ð I Ð
SPORT
Arnhildur Anna er metnaðarfull og stefnir hátt í kraftlyfingum.
KRAFTLYFTINGAR Þegar rætt er við
Arnhildi Önnu skín í gegn hversu
mikinn metnað hún leggur í kraft­
lyftingarnar og einlægan áhuga
hún hefur á að ná lengra í íþrótt­
inni. Hún kom sjálfri sér á óvart
með því að jafna sinn besta saman­
lagða árangur á bikarmótinu sem
fram fór fyrr á þessu ári.
„Byrjun ársins var ekki eins og
best verður á kosið en uppkeyrslan
fyrir bikarmótið í febrúar fyrr á
þessu ári var ekki eins og ég vildi
hafa hana. Ég kom hins vegar sjálfri
mér á óvart á bikarmótinu þar sem
ég jafnaði minn besta árangur,“
segir Arnhildur um hvernig henni
hefur gengið á fyrri hluta ársins.
„Nú stefni ég svolítið á að hafa
gaman af æfingunum í sumar og
ná að slaka á inn á milli. Ég er samt
alltaf mjög peppuð fyrir því að æfa
og ég mjög erfitt með að taka langar
pásur. Þegar ég fer á æfingu þá gef
ég allt í hana en ég ætla að slaka
aðeins á í sumar,“ segir hún um
framhaldið hjá sér.
Verður erfitt að slaka
á í afmælisferðinni
„Ég er á leiðinni í afmælisferð hjá
mömmu sem er að verða fimmtug
á árinu og verð þar í þrjár vikur. Þar
mun ég minnka æfingaálagið eitt­
hvað en ég er bara þannig gerð að ég
get aldrei tekið mér algjört frí. Svo
er ég með stór plön fyrir haustið
og ef það á að takast þá verð ég að
halda líkamanum góðum allt árið.
Vegna afmælisferðarinnar ætla ég
að sleppa Vestur­Evrópumótinu í
haust þar sem tímasetningin á því
móti hentar ekki nægilega vel út frá
afmælisferðinni,“ segir þessi metn­
aðarfulli íþróttamaður.
„Ég mun svo auka álagið á æfing­
um þegar líða tekur að Evrópumót­
inu í haust en þar koma inn kepp­
endur frá Austur­Evrópu sem gerir
mótið mjög sterkt. Þar keppa mjög
sterkir einstaklingar og keppnin
verður gífurleg. Svo er Íslandsmótið
haldið næsta haust og þar stefni ég
sömuleiðis að því að standa mig,“
segir hún um markmiðalistann.
„Svo langar mig að koma mér á
heimsmeistaramótið á næsta ári
en ég þarf að bæta samanlagðan
árangur minn um 12,5 kg til þess að
komast þangað. Það er alveg mögu­
legt og mér finnst ég eiga mest inni
í bekkpressunni.
Það eru líka tæknileg atriði í
öðrum greinum sem ég get alltaf
bætt og ég verð að bæta mig um
nokkur kíló í öllum greinum til að
koma mér inn á heimsmeistara­
mótið. Bætingin verður líklega
mest í bekkpressunni og ég ein­
blíni mest á það í æfingaprógramm­
inu næstu mánuði,“ segir hún enn
fremur um markmið sín.
hjorvaro@frettabladid.is
Stefnir á bætingu um 12 kíló á árinu
Arnhildur Anna Árnadóttir kraftlyftingakona stefnir að því að vera í sínu besta formi í haust og fara á verðlaunapall á Evrópu-
mótinu sem fram fer í nóvember. Arnhildur Anna stefnir enn fremur að því að komast á heimsmeistaramótið næsta sumar. 
Frá atvinnuleysi til starfa
Vinnumálastofnun auglýsir eftir tilboðum í virkni- og
námsúrræði fyrir atvinnuleitendur sem tryggðir eru innan
atvinnuleysistryggingakerfisins sbr. 12. gr. laga nr. 55/2006.
Í starfsáætlun þessa árs leggur Vinnumálastofnun sérstaka
áherslu á atvinnuleitendur af erlendum uppruna, ungt fólk í
viðkvæmri stöðu, auk þess sem staða langtímaatvinnulausra
er ávallt áhersluatriði í vinnumarkaðsaðgerðum stofnunar-
innar. Staða háskólamenntaðra og staða atvinnuleitenda
eldri en 50 ára eru sömuleiðis áhersluatriði.
Leitað er eftir tilboðum í virkniúrræði/námskeið á
eftirfarandi sviðum m.t.t. áhersluatriða í starfsáætlun:
• Hagnýtt hvatningar- og starfsleitarnámskeið sem felur í sér
að greina og þekkja tækifæri og hindranir á vinnumarkaði
og aðferðir við að koma sér á framfæri.
• Íslenskunám fyrir atvinnuleitendur af erlendu bergi.
Jafnt einstaklingum sem fyrirtækjum er boðið að leggja inn
tilboð. Gerð er krafa um sérfræðiþekkingu leiðbeinenda og
reynslu af námskeiðshaldi. Vinnumálastofnun áskilur sér
rétt til að taka eða hafna öllum tilboðum og verða þjónustu-
samningar gerðir við þá bjóðendur sem samþykkt verður
að ganga til samstarfs við. Óskað er eftir tilboðum sem
tilgreina tilgang og markmið námskeiðs, markhóp, lengd
námskeiðs, verð pr. tímaeiningu, námsgögn, staðsetningu
og annað sem tilboðsgjafar telja mikilvægt að komi fram.
Tilboðum merkt „Tilboð í virkni- og námsúrræði“
skal skilað fyrir 9. ágúst 2019 á netfangið:
virkni2019@vmst.is
Hollenski framherjinn Vivianne Miedema og bandaríski sóknarmaðurinn
Alex Morgan verða í lykilhlutverkum á morgun. NORDICPHOTOS/GETTY
Arnhildur Anna telur sig geta bætt árangur sinn töluvert í bekkbressu.
0
6
-0
7
-2
0
1
9

0
4
:3
7
F
B
0
7
2
s
_
P
0
5
7
K
.p
1
.p
d
f
F
B
0
7
2
s
_
P
0
5
2
K
.p
1
.p
d
f
F
B
0
7
2
s
_
P
0
1
6
K
.p
1
.p
d
f
F
B
0
7
2
s
_
P
0
2
1
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
2
3
6
0
-7
E
6
0
2
3
6
0
-7
D
2
4
2
3
6
0
-7
B
E
8
2
3
6
0
-7
A
A
C
2
7
5
X
4
0
0
.0
0
1
4
B

F
B
0
7
2
s
_
5
_
7
_
2
0
1
9
C
M
Y
K