Fréttir - Eyjafréttir - 31.05.2012, Blaðsíða 6

Hluthafar í Vinnslustöðinni hf.
(VSV), bræðurnir Guðmundur og
Hjálmar Kristjánssynir, birtu öðrum
hluthöfum og Eyjamönnum öllum
opið bréf í Fréttum í síðustu viku og
kölluðu það „hina hliðina á deilum
innan VSV“. Nokkur atriði þar kalla
á athugasemdir af hálfu okkar, fyrr -
verandi og núverandi stjórnarmanna
og framkvæmdastjóra VSV, önnur
ekki. Ekkert er til dæmis að athuga
við lýsingu þeirra á kaupum heima-
manna á meirihluta hlutafjár í VSV
af Olíufélaginu og tengdum aðilum
árið 2002.
Rétt er það líka að bræðurnir komu
til liðs við Eyjamenn sem fjárfestar
á erfiðum tíma í VSV og það varð
upphafið að miklu uppbyggingar -
skeiði fyrirtækisins, eigendum,
starfsmönnum og Eyjabyggðinni til
farsældar. Yfirgnæfandi líkur eru
hins vegar á að hlutir hefðu þróast á
annan og verri veg hjá fyrirtækinu
og í byggðarlaginu ef heppnast
hefði atlaga bræðranna að því að
eignast enn stærri hlut í VSV. Um þá
hlið málsins segja þeir bræður fátt í
grein sinni en meira en velkomið er
að fylla í þá mynd með ágripi af
sögunni allri, lesendum til upplýs -
ingar.
Gott gengi VSV
Þegar nýr eigendahópur var mynd -
aður um VSV árið 2002 unnu lið -
lega 200 manns hjá félaginu og það
velti um þremur milljörðum króna.
Síðan þá hefur VSV sameinast
nokkrum útgerðarfélögum og á um -
talsverðan hlut í Huginn VE. Hjá
VSV starfa nú um 350 manns og
félagið velti um 15 milljörðum
króna árið 2011.
Félaginu hefur vegnað vel, það
hefur greitt hluthöfum sínum arð og
er vel í stakk búið til enn frekari
sóknar. Vöxtur VSV og gott gengi
sjávarútvegsfyrirtækja yfirleitt er
forsenda velsældar sem við búum
við í Eyjum og hefur vakið eftirtekt
um land allt. Reyndar svo mikla
eftirtekt í Stjórnarráði Íslands að
landsstjórnin telur nú öllu máli skip-
ta að skattleggja sjávarútvegs-
fyrirtækin í drep en það er önnur
saga.
Kaflaskil með
hlutafjár kaupum á laun
Í okkar huga urðu kaflaskil í sam-
skiptum við bræðurna frá Rifi á
árunum 2005 og 2006. Guðmundur
Kristjánsson kom í bak okkar Eyja -
manna með því að reyna að komast
yfir hlutabréf í VSV á laun í gegnum
Straum fjárfestingarbanka og auka
þannig hlut sinn í félaginu.
Sporin hræða, enda minnti sú at -
laga óþægilega mikið á aðgerðir
Guðmundar til að komast á sínum
tíma yfir Básafell fyrir vestan og
síðar ÚA fyrir norðan. Vorið 2007
gerði hópur Eyjamanna yfirtökutil-
boð eftir að fréttir bárust af skipu -
lögðu áhlaupi í því skyni að komast
yfir hlutabréf í VSV. Fyrir Eyja -
mönnum vakti það eitt að tryggja
með mótleik sínum áframhaldandi
arðsaman rekstur VSV í heima -
byggð.
Klögumál á færibandi
Hlutabréfaáhlaupið var sem sagt
upphafið að deilum í eigendahópi
VSV en rétt er að halda því til haga
að framkoma bræðranna gagnvart
með eigendum sínum og stjórnar-
mönnum verður ekki lögð að jöfnu.
Hjálmar sýndi VSV og rekstri
félagsins einlægan áhuga, lagði gott
til mála á stjórnarfundum með gagn-
legum ábendingum og eðlilegum og
nauðsynlegum skoðanaskiptum.
Hann sótti vel stjórnarfundi en Guð -
mundur mætti örsjaldan á stjórnar-
fund eftir 2006 og þá helst þegar
blossuðu upp deilur sem tengdust
eignarhaldi VSV. Hann lagði fátt til
mála sem tengdist sjálfum rek-
strinum.
Deilurnar taka á sig ýmsar myndir
og vandséð er hvernig meðeigendur
okkar telja það geta verið félaginu
til góðs að framleiða klögumál á
færibandi gegn núverandi og fyrr -
verandi stjórnarmönnum og fram -
kvæmdastjóranum.
Þannig hafa Guðmundur og
Hjálmar ítrekað stefnt félaginu sjál-
fu og meirihlutaeigendum fyrir dóm
og borið á menn hinar og þessar
sakir. Þeir hafa kært til ráðuneyta og
stofnana og halda því áfram þrátt
fyrir að kröfum þeirra hafi verið
hafn að í dómssölum og annars
staðar.
Trúnaðarbrestur
Staðreynd er að VSV hefur verið
rekin með miklum ágætum frá
árinu 2000. Það má sannreyna með
því að bera ávöxtun heildareigna
félagins saman við sambærilegar
tölur fyrir sjávarútveginn í heild
sinni í gögnum Hagstofu Íslands.
Enda hafa deilur í eigendahópi VSV
ekki staðið um rekstur eða rekstr -
arstefnu heldur liggja rætur þeirra
fyrst og fremst í trúnaðarbresti sem
varð í framangreindum samskiptum
okkar við Guðmund Kristjánsson.
Í framhaldinu var tekist á um
afskráningu VSV af hlutabréfa -
markaði og um kaup á hlut í Ufsa -
bergi-útgerð og síðar sameiningu
VSV og þess félags.
Boð um far með gullvagni
Bræðurnir frá Rifi furða sig á því í
grein sinni að aðrir eigendur hluta -
bréfa í VSV hafi ekki hlaupið til og
selt sér bréfin sín vorið 2006 þegar
þeim var gert svokallað samkepp-
nistilboð á genginu 8,5 á sama tíma
og gengið var metið 4,6 á markaði.
Svarið er einfalt. Sárafáum hluthöf -
um datt í hug að selja vegna þess að
þeir mátu meira að halda ráðandi
stöðu heimamanna í fyrirtækinu og
tryggja þannig stöðu þess í Eyjum.
Ágætt er að bræðurnir haldi því til
haga í skrifum sínum að að þeir
buðu þáverandi og núverandi meir-
ihluta VSV liðlega fjögurra mill-
jarða króna yfirverð á rekstrarvirði
hlutabréfanna.
Meirihluta eigend urnir hefðu því
getað gengið út úr félaginu með
fulla vasa fjár og skilið reksturinn
eftir í höndum bræðranna frá Rifi en
þeir neituðu sér um það - í þágu
félagsins og byggðarinnar í Eyjum!
Hvert mannsbarn gat séð að VSV
hefði ekki lengi verið rekin með
óbreyttu sniði ef Rifsbræður hefðu
keypt félagið á slíku yfirverði. Eina
færa leiðin til að láta kaupin ganga
upp var að selja hluta af aflaheimil-
dum og skipum félagins, hver svo
sem kynni að kaupa og hvar svo á
landinu sem sá kaupandi væri.
Nær væri að snúa
bökum saman
Þarna vofði raunveruleg hætta yfir
VSV og byggðarlaginu og 67%
hlut hafa gerðu sér ljósa grein fyrir
ábyrgð sinni að afstýra henni. Satt
og rétt er að Lífeyrissjóður Vest -
mannaeyja gat selt með ávinningi til
skamms tíma en ráðamenn hans lásu
rétt í stöðuna. Þeir horfa á hagsmuni
sjóðsins og Eyjanna til lengri tíma.
Við horfum líka á hagsmuni byggð -
arlagsins til lengri tíma.
Síðast en ekki síst teljum við að
hagsmunum félagsins og sjá-
varútvegsins í heild sé best borgið
nú, á viðsjárverðum tímum í stjórn-
málum og sjávarútvegsmálum, með
því að eigendur snúi bökum saman
og taki upp eðlilegra samskiptaform
en að tala saman í gegnum lögfræð -
inga í dómssölum.
Eyjólfur Guðjónsson, Haraldur
Gíslason, Kristín Gísladóttir, Leifur
Leifsson, Sigurgeir B. Krist -
geirsson, Sigurjón Óskarsson.
°
°6 Fréttir / Fimmtudagur 24. maí 2012
66° mynda í
Eyjum
-Vantar krakka
Á laugardaginn fara fram aug -
l ýsing atökur á vor- og sumarlínu
66°NORÐUR fyrir árið 2013 á
smábátabryggjunni.
Tökur hefjast um 14:00 en óskað
er eftir hjálp Vestmanna eyinga því
66°NORÐUR vill fá krakka á
aldrinum 6 til 8 ára til þess að vera
með í myndatökunum. Þegar
mynda á regngallana dugir ekkert
minna til en að opna vatnsbrunn á
bryggjunni og búa til almennilega
rigningu. Krakkarnir fá því regn-
galla yfir sig á meðan tökunum
stendur og allir krakkar sem mæta
fá glaðning frá 66°NORÐUR.
Það er afar viðeigandi að mynda
fatalínu Sjóklæðagerðarinnar
66°NORÐUR í Vestmannaeyjum á
sjómannadagshelgi en rætur
fyrirtækisins liggja í framleiðslu
sjó- og vinnufatnaðar.
Fréttatilkynning.
Framkvæmdastjóri, hluthafar og stjórnarmenn í Vinnslustöðinni skrifa:
Hvers vegna þáðum við ekki far
með gullvagni bræðranna frá Rifi?
Vorið 2007 gerði hópur Eyjamanna yfirtöku-
tilboð eftir að fréttir bárust af skipu lögðu
áhlaupi í því skyni að komast yfir hlutabréf
í VSV. Fyrir Eyja mönnum vakti það eitt að
tryggja með mótleik sínum áframhaldandi
arðsaman rekstur VSV í heima byggð.
”
TINNA, dóttir Martins Ejólfs sonar er ein af fyrirsætunum sem
verða í auglýsingunum.
NÚ STANDA YFIR miklar framkvæmdir á nýja Vigtartorginu við
smábátahöfnina en framkvæmdir ná hámarki í dag, fimmtudag og á
morgun. Þá gefst Eyjamönnum, ungum sem öldnum, tækifæri til að
mæta á svæðið, taka þátt við að smíða, mála eða gróðursetja, nú eða
bara fylgjast með hinum vinna og gefa góð ráð. Stefnan er að klára
verkið fyrir klukkan 16:00 á föstudaginn en tónlistar- og listafólk
verður með skemmtiatriði allan daginn. Þá mun Grímur kokkur gefa
Eyjamönnum og gestum hádegismat á nýja Vigtartorginu á föstudag.