Fréttir - Eyjafréttir - 31.05.2012, Blaðsíða 21

21Fréttir / Fimmtudagur 31. maí 2012°
°
Halla Svavarsdóttir er gift Ólafi
Einarssyni, skipstjóra á Heimaey
VE. Þau eiga fjögur börn, Sindra,
Daða Einar Gauta og Svövu Töru.
Halla er grunnskólakennari við
Hamarsskóla og mikill náttúru -
unnandi. Hún var tilbúin í spjall um
stöðu sjómannskonunnar sem hún
telur vera ágæta enda ráði hún öllu
sem hún vilji ráða.
„Óli hefur verið á sjó frá því við
kynntumst. Við byrjuðum að búa
1981, giftum okkur 1982 og eigum
fjögur börn. Fyrir þann tíma þekkti
ég ekki líf sjómannskonunnar því
ég kem ekki úr sjómannsfjölskyldu.
Ég gat ekki stuðst við það sem ég
þekkti og varð að finna út úr þessu
sjálf,“ sagði Halla og var í fram -
hald inu spurð hvort það hafi ekki
stundum verið erfitt.
„Mér finnst erfiðast að vera ein
þegar eitthvað er um að vera þegar
fólk kemur saman af ýmsum
tilefnum til að gleðjast eins og á
þjóðhátíð, afmælum og öðrum
gleðistundum. Mér finnst ekki
gaman að vera þriðja eða fimmta
hjólið í samkvæmislífi. Ég reyni
því að horfa á jákvæðu hliðarnar
sem eru miklu skemmtilegri. Það
eru algjör forréttindi að ráða öllu,
þá meina ég öllu sem er að gerast
hér heima, það er að ráða öllu. Svo
kemur Óli heim eftir langan tíma
og ætlar að fara að skipta sér af því
sem er í matinn, lit á einhverju her-
bergi, af hverju það er málað í
þessum lit en ekki öðrum, skipta
sér af uppeldi barnanna,“ segir
Halla og lítur á þetta sem hreina og
klára afskiptasemi.
„Forréttindin eru að við þrosk -
umst ekki svona saman eins og
margur heldur höldum sjálfinu þó
við séum mjög samrýmd. Til
dæmis eins og þegar Óli kemur í
land eftir að hafa verið lengi á sjó,
það getur verið svolítið erfitt. Ég er
í ákveðinni rútínu og svo truflar
hann hana og ég þarf að gefa
aðeins eftir og hann líka. Svo fer
hann á sjó og þá kemur upp
söknuður og tómleiki og svo heldur
rútínan áfram. Ekki það að mér
leiðist aldrei og maður fyllir upp í
með einhverju sem manni finnst
skemmtilegt,“ segir Halla og brosir
og er greinilega ekki að velta sér
mikið upp úr leiðindum.
Á hlutdeild í velgengni
hús bóndans
Halla segist hafa tekið eftir því að
konur kvarti yfir því að menn þeirra
taki ekki nægilegan þátt í heimilis -
haldi að þeirra mati. „Þetta er
ekkert vandamál á mínu heimili, ég
geri bara allt. Ég tók sjö ára fæð -
ingarorlof þegar yngsta barnið kom
í heiminn. Ég vissi að börnin yrðu
á minni könnu.
Ég er mjög stolt af því hversu vel
hefur gengið hjá Óla í hans starfi
og tel mig eiga hlutdeild í því.
Vinnan hjá honum hefur alltaf
gengið fyrir öllu sem við tökum
okkur fyrir hendur. Oft hafa plön
um sumarfrí riðlast og ekkert við
því að gera. Þetta er partur af sjó-
mannslífinu,“ segir Halla og tekur
fram að hún eigi góða að sem hafi
létt undir með henni þegar Óli er á
sjó.
„Foreldrar mínir hafa stutt mig ef
eitthvað þarf að laga eða hefur
brotnað þá hef ég getað leitað til
pabba. Foreldar Óla eru líka til
staðar og það munar miklu að hafa
þetta bakland. Auðvitað hjálpar líka
að vera sjómannskona í svona litlu
bæjarfélagi þar sem nálægðin er
miklu meiri og auðveldara að leita
til ættingja og vina.“
Þú starfar sjálf sem kennari?
„Já, ég er kennari og er í fimmtíu
prósent stöðu við í Hamarsskóla.
Það er bæði gefandi og skemmti-
legt. Ég lít á það sem forréttindi að
vera með krökkum. En mér finnst
skógrækt líka mjög skemmtileg og
hef verið félagi Skóræktarfélags
Vestmannaeyja frá því það var
stofn að 1999. Áhugamál mín eru
mörg, ég elska að fara í fjallgöngur.
Útivera og náttúra og hvað þetta
heitir allt saman.
Ég og Óli eigum þessi áhugamál
sameiginleg en hann er ekki nátt -
úru furðufugl eins og ég. Ég held
samt að hann hafi áhuga, hann
kemur að minnsta kosti alltaf með,“
segir Halla og hlær og vill að
lokum óska sjómönnum og fjöl-
skyldum þeirra til hamingju með
daginn.
Sjómannskonurnar bera ábyrgð á hlutunum í landi
Halla Svavarsdóttir er gift Ólafi Einarssyni skipstjóra:
Algjör forréttindi að ráða öllu
-Þá meina ég öllu sem er að gerast hér heima
FÖÐUR, afa og eiginmanni fagnað, Svava Tara, Aron Sindrason og Halla á bryggjunni þegar Heimaey kom til hafnar í Eyjum í fyrsta skipti.
Foreldrar mínir hafa stutt mig ef eitthvað
þarf að laga eða hefur brotnað þá hef ég
getað leitað til pabba. Foreldar Óla eru
líka til staðar og það munar miklu að
hafa þetta bakland. Auðvitað hjálpar líka
að vera sjómannskona í svona litlu bæjar-
félagi þar sem nálægðin er miklu meiri.
” Ég er kennari sem er bæði gefandi ogskemmtilegt. Ég lít á það sem forréttindiað vera með krökkum. En mér finnstskógrækt líka mjög skemmtileg og hef
verið félagi Skóræktarfélags Vest manna -
eyja frá því það var stofn að 1999.
”