Fréttir - Eyjafréttir - 31.05.2012, Blaðsíða 22

Fréttir / Fimmtudagur 31. maí 201222 °
°
Konurnar bera ábyrgðina í landi - Guðbjörg Sigurgeirsdót
Aðalheiður Hafsteinsdóttir og
Sigurður Ingi Ólafsson, yfirstýri-
maður á Heimaey VE, eru flott
hjón. Sigurður fór á sjóinn eftir að
þau fóru að búa og Aðalheiður sá
um heimilið eins og gengur á sjó-
mannsheimilum. Þau eiga þrjú
börn, Írisi, Söru og Óla og nú
bætast tengdabörn og barnabörn
við fjölskylduna. Aðalheiður féllst
á að koma í spjall um líf sjómanns -
konunnar.
„Siggi var ekki sjómaður þegar
við kynntumst en fór á sjó þegar
Íris, elsta dóttir okkar, var níu
mánaða gömul. Hún er fædd 1981
og mig minnir að þá hafi verið
komið þriggja mánaða fæðingar -
orlof en Siggi dreif sig á sjó til að
ég gæti verið lengur heima og hún
þyrfti ekki að fara í pössun svona
ung.
Í Stýrimannaskólann 1987
Hann fór svo í Stýrimannaskólann
1987 og hefur verið á sjó síðan. Ég
fór svo að vinna úti og vann allan
daginn þar til Sara fæddist 1988 og
svo eignuðumst við Óla fjórum
árum seinna, 1992. Ég var heima
með börnin þegar þau voru lítil,
sjö ár, og fór eftir það að vinna í
hálfri stöðu á Rauðagerði,“ sagði
Aðalheiður og telur mikilvægt að
konur geti verið heima meðan
börnin eru ung.
„Kröfurnar voru minni, núna er
allt orðið breytt. Við áttum líka
spari merki sem gengu upp í fyrstu
afborgunina á íbúð. Það skipti máli
og ég held að það væri ágætt að
taka upp svoleiðis kerfi aftur,“ segir
Aðalheiður sem var orðin sjó-
mannskona áður en hún vissi af.
Alls ekki sátt í fyrstu
„Maður bara sá um allt, nú deili ég
þessu meira með Sigga. Þegar hann
byrjaði á sjó, þá hringdi maður á
skrifstofuna til að fá fréttir. Nú er
hann nettengdur og svo eru gervi -
hnattasímar. Þeir gátu hringt heim
þegar þeir voru á leiðinni með skip-
ið frá Chíle þannig að þetta er allt
öðruvísi. Miklu meiri samskipti á
milli sjómanna og fólksins í landi
þegar þeir eru úti á sjó.
Í fyrstu var ég alls ekki sátt við að
Siggi væri á sjó og fannst það
alveg ömurlegt en svo vandist þetta.
Ég hefði vel getað hugsað mér að
hafa hann í landi. En svona er
þetta, honum líkaði vel á sjónum
og kaupið er betra í dag en þegar
hann var að byrja. Þetta var okkar
ákvörðun. Ég þurfti nánast að sjá
um alla hluti, heimili og fjármál, þá
var ekki greiðsluþjónusta eins og í
dag. Það er líka mjög mikilvægt að
eiga góða fjölskyldu og vini til að
leita til þegar eitthvað kemur upp
og eru til staðar.“
Það er líka ákveðin rómantík í
kringum sjómennskuna?
„Já, og það er alltaf gaman þegar
Siggi kemur í land. Þegar hann var
á Faxanum, voru þeir lengi í burtu
og tóku sér góð frí á milli. Eftir að
hann fór á Álsey þá lönduðu þeir
oftast í Eyjum. Hann var líka miklu
meira í burtu þegar hann var á
Ísleifi og fleiri bátum, þá var oft
landað í Færeyjum. Það er allt
annað líf þegar þeir landa hérna
heima,“ segir Aðalheiður og sendir
öllum sjómönnum óskir um gleði-
legan sjómannadag.
Ég hefði vel getað hugsað mér að hafa
hann í landi. En svona er þetta, honum
líkaði vel á sjónum og kaupið er betra í
dag en þegar hann var að byrja. Þetta var
okkar ákvörðun. Ég þurfti nánast að sjá
um alla hluti, heimili og fjármál, þá var
ekki greiðsluþjónusta eins og í dag.
”
FJÖLSKYLDAN SAMEINUÐ Fagnaðarfundur var þegar Heimaey VE kom til heimahafnar og Aðalheiður heilsaði upp á eiginmanninn eftir langa siglingu frá Chíle. Íris, Aðalheiður,
Gunnar Þór, Óli og Sigurður.
Aðalheiður Hafsteinsdóttir er eiginkona Sigurðar Ólafssonar, yfirstýrimanns:
Þegar hann byrjaði hringdi maður
á skrifstofuna til að fá fréttir
-Nú er hann nettengdur og svo eru gervihnattasímar
-JÁ, og það er alltaf gaman þegar Siggi kemur í land, segir Aðalheiður
aðspurð um rómantíkina.