Fréttir - Eyjafréttir - 26.10.2016, Side 10

10 Eyjafréttir/ Miðvikudagur 26. október 2016
:: Arna Huld skipar sjöunda sæti á lista Samfylkingar í Suðurkjördæmi ::
Eflum grunnþjónustuna og leyfum sér-
hagsmunum ekki að hafa yfirhöndina
Arna Huld Sigurðardóttir er
fædd í Svíþjóð 1981. Hún skipar
sjöunda sæti á lista
Samfylkingarinnar í Suðurkjör-
dæmi. Arna Huld er deildarstjóri
sjúkradeildar Heilbrigðisstofn-
unar Suðurlands í Vestmanna-
eyjum.
Foreldrar hennar eru Sigurður
Karl Sveinsson og Guðlaug
Birna Guðjónsdóttir. Anna Hulda
á eina dóttur, Kolbrúnu Birnu,
sem er í fyrsta bekk. Arna Huld
var á árum áður alltaf virk í
stjórnmálum en tók sér svo
góða pásu frá þeim. Þegar hún
flutti aftur til Vestmannaeyja
síðasta haust vildi hún taka upp
þráðinn aftur. Heilbrigðismálin
eru henni hugleikin sem og
samgöngumálin.
Hvað ertu að aðhafast þessa
dagana? Tími minn fer að mestu í
að sinna vinnunni, vera með dóttur
minni, horfa á einstaka sjónvarps-
þátt og svo er kosningabaráttan auð-
vitað komin á fullt.
Hvað var til þess að þú ákvaðst að
gefa kost á þér? Hér áður fyrr var
ég nokkuð virk í stjórnmálum en á
ákveðnum tímapunkti fékk ég alveg
nóg og dró mig í hlé. Ég ætlaði mér
ekki að taka aftur virkan þátt. En
þegar ég flutti heim síðasta haust
varð hugarfarsbreyting hjá mér. Ég
fékk aftur áhuga á því að geta haft
áhrif á hvernig samfélagi við búum
í. Þannig að þegar ég fékk símtal frá
Oddnýju Harðardóttur um að taka
sæti á lista þá ákvað ég að slá til
og fá þar af leiðandi tækifæri til að
vinna að því að koma mínum skoð-
unum á framfæri.
Hvaða málefni brenna helst á þér
og hvað er það sem þú mundir
vilja koma í gegn ef þú ferð inn
á þing? Við skulum nú alveg vera
raunsæ um að ég sé ekki á leiðinni
á þing, þar sem Suðurkjördæmi er
með núna samtals tíu þingmenn og
ég skipa sjöunda sæti listans. En
það er ekki þar með sagt að það séu
ekki ákveðin mál sem eru mér mjög
hugleikin og ég tilbúin að berjast
fyrir.
Fyrsta og eitt mikilvægasta mál-
efnið eru auðvitað heilbrigðismálin.
Ég vann í tíu ár á gjörgæslu og
vöknun á Landspítalanum og er
núna á sjúkradeildinni hér í Eyjum
þar sem ég hef unnið í rúmt ár. Mín
reynsla er að það er sama hvernig
árar þá hefur alltaf verið sparnaður í
heilbrigðiskerfinu.
Sparnaður er eitthvað sem mér
finnst ekki eiga við í heilbrigðikerf-
inu. Skynsemi í rekstri er hins vegar
eitthvað sem þarf að hafa að leiðar-
ljósi. Eftir hrun stökk heilbrigðis-
kerfið okkar aftur um tugi ára,
biðlistar lengdust og heilbrigðis-
starfsfólk flúði íslenska kerfið
vegna mikils álags í starfi, slæmrar
vinnuaðstöðu og slakra kjara. Þetta
er eitthvað sem við þurfum að laga.
Allir Íslendingar eiga að geta búið
við fyrsta flokks heilbrigðiskerfi,
það er allavega mín ósk. Til þess
að það sé möguleiki þá þurfa allir
landsmenn að geti fengið viðeig-
andi þjónustu og tryggja þarf öryggi
fyrst og fremst. Í raun væri hægt að
tala endalaust um þetta málefni, en
ég læt hér við sitja.
Annað málefni sem er þarft að
koma í gegn eru breytingar á hús-
næðismálum. Það er ekki eðlilegt
að mínu mati að ungt fólk, þar á
meðal ég sjálf, eigi svona erfitt með
að festa kaup á húsnæði. Það þarf
að efla leigumarkaðinn um allt land
og auðvelda fólki að kaupa sér sína
fyrstu eign. Ég er sérstaklega ánægð
með þær raunhæfu hugmyndir sem
Samfylkingin er með í þeim málum
fyrir þessar kosningar og held að
þær geti hjálpað mörgum.
Að mínu mati þarf að efla lög-
gæslu um allt land og setja þarf
meira fjármagn í málaflokkinn.
Þetta væri liður í að auka öryggi
almennings og ekki síst öryggi lög-
reglumanna í starfi.
Mikilvægt er að passa uppá öll
menntunarstig, það á að vera
hvetjandi að sækja sér menntun. Við
þurfum að hlúa bæði að nemendum
og starfsfólki og taka mið að mis-
munandi þörfum einstaklinga. Efn-
að bæjarfélag eins og Vestmanna-
eyjabær þarf að vinna markvisst að
því að skipa okkur meðal fremstu
skóla.
Samgöngumál og heilbrigðismál
er það sem brennur helst á Eyja-
mönnum. Hvað viltu helst sjá gert
þar? Meðan ég bjó í Reykjavík
þá var ég oft mjög pirruð á
samgöngunum. Eftir að ég flutti þá
snýst lífið stundum um lítið annað
en þessi blessuðu samgöngumál.
Kemst maður eða ekki? Og það er
ekki endilega veðrið sem veldur
því að maður komist ekki, heldur er
jafnvel fullt í allar ferðir Herjólfs.
Þetta er óásættanlegt þar sem
siglingaleiðin er okkar þjóðvegur.
Því er mikilvægt að gerðar séu
ráðstafanir varðandi Landeyjarhöfn
og að hún sé ekki bara nothæf hluta
ársins. Þessu fylgir auðvitað smíði
nýs skips. Þetta er og á að vera for-
gangsmál fyrir okkur Eyjamenn.
Eins og kemur fram hér að ofan
þá eru heilbrigðismálin minn
málaflokkur. Ég fór í hjúkrun til
að sinna fólki og ég elska vinnuna
mína, eða allavega oftast. Það er
nánast án undantekningar að ein-
staklingur þurfi ekki á einhverjum
tímapunkti að þiggja þjónustu í
heilbrigðiskerfinu. Við sem vinnum
að þessum málum viljum auðvitað
geta veitt bestu mögulegu þjónustu
sem hægt er. Álagið er misjafnt og
þar sem við búum á eyju höfum við
takmarkað “back-up”. Við verðum
fyrst og fremst að treysta hvert á
annað.
Ef við hugsum eingöngu um Eyjar
þá þarf að stórbæta sjúkraflutninga
frá Eyjum. Við eigum ekki að sætta
okkur við það að sjúkravélin sé
staðsett á Akureyri og að það geti
liðið alltof langur tími í að bráð-
veikur sjúklingur komist í loftið.
Einnig þarf að efla endurmenntun
heilbrigðisstarfsfólks, það er mikil-
vægt og hefur sýnt sig að endur-
menntun veiti starfsmönnum meira
sjálfsöryggi og auki kunnuáttu til
að takast á við þau atvik sem gætu
komið upp. Það þarf að tryggja að
við missum ekki það frábæra starfs-
fólk sem við höfum hér í Eyjum úr
starfi. Svo þarf auðvitað að gera allt
til að við fáum fleiri hjúkrunarrými
og passa uppá að við höldum þeim
sjúkraplássum sem við höfum.
Og hvað á að gera til að þetta lagist
og koma í veg fyrir að eitthvað
alvarlegt gæti gerst? Fyrst og fremst
þarf að tryggja að nægilegt fjár-
magn sé sett í þennan mikilvæga
málaflokk.
Annað sem þú vilt koma á fram-
færi? Það sem ég held að þessar
kosningar muni snúast um að
miklu leyti er í hvað viljum við að
skattpeningarnir okkar verði notaðir
í. Mitt mat er að það þarf að efla
grunnþjónustuna og ekki leyfa sér-
hagmunum að hafa yfirhöndina. Að
lokum þetta: Höfum áhrif og notum
kosningaréttinn okkar.
Sara SjöFn GrETTiSdÓTTir
sarasjofn@eyjafrettir.is
Arna Huld Sigurðardóttir
Ragnheiður Perla Hjaltadóttir er
nemandi í hjúkrun við Háskóla
Íslands. Hún er dóttir Hjalta
Kristjánssonar læknis og Veru
Bjarkar Einarsdóttur. Ragnheið-
ur Perla vill sjá meiri afköst og
öryggi í vegakerfinu hér á landi,
auðvelda ungu fólki kaup á
fyrstu fasteign og efla nýsköpun.
Einnig vill hún sjá fæðingar-
þjónustu aftur í Vestmanna-
eyjum, betri þjónustu í sjúkra-
flutningum og að þeim
verkefninum sem í gangi eru
varðandi Landeyjahöfn verði
fylgt eftir og haldið áfram að
bæta.
Hvað ertu að aðhafast þessa
dagana?
Ég er á fjórða og síðasta ári í
hjúkrunarfræði við Háskóla Íslands
svo að það fer voða mikill tími hjá
mér í skólann og verknám. Ég vinn
með náminu á Bráðalyflækninga-
deild í Fossvogi á milli þess sem ég
er að reyna að sanna að ég geti
eitthvað í blaki með Þrótti Reykja-
vík.
Hvað varð til þess að þú ákvaðst
að gefa kost á þér?
Það var hringt í mig og ég beðin að
taka sæti á listanum. Mér fannst það
kjörið tækifæri til að skapa tengsl
og reyna að hafa einhver áhrif.
Stjórnmál eru bara of mikilvæg til
að ungt fólk láti sig þau ekki varða.
Hvaða málefni brenna helst á þér
og hvað er það sem þú mundir
vilja koma í gegn ef þú ferð inn á
þing?
Það myndi allavega styrkja trú mína
á kraftaverk ef ég færi beint á þing
úr 17. sætinu. En það sem ég vona,
að þeir sem eru ofar en ég á
listanum geri þegar að þeir fara á
þing er til dæmis að það þarf að
auka afköst og öryggi vegakerfisins
á landinu. Það hljóta að vera fleiri
en ég sem eru hræddir að keyra í
Landeyjahöfn. Mér finnst einnig
mikilvægt að séreignasparnaðs-
leiðin verði fest í sessi til að
auðvelda ungu fólki kaup á fyrstu
eign. Og svo þarf að halda áfram að
lækka skatta og efla nýsköpun og
sprotastarf svo að dæmi séu nefnd.
Samgöngumál og heilbrigðismál
er það sem brennur helst á
Eyjamönnum. Hvað viltu helst sjá
gert þar?
Sem fyrrverandi starfsmaður í
afgreiðslu Herjólfs er ég orðin
algjörlega ónæm fyrir umræðunni
um samgöngumál og finnst fátt jafn
leiðinlegt en að tala um Herjólf.
Það væri því auðvitað ósk mín að
finna þessu máli farsælan farveg
þannig að við Eyjamenn getum hætt
að ræða samgöngumálin í öllum
partýum.
Það þarf að fylgja nýjum Herjólfi
eftir og halda áfram að vinna að
úrbætum við Landeyjahöfn. Við
Íslendingar erum ekki mjög góð í
að hugsa út fyrir rammann og það
þarf helst allt að vera gert í gær. Við
verðum að tryggja að þær ákvarð-
anir og breytingar sem gerðar verða
í tengslum við Landeyjahöfn verði
teknar á faglegum forsendum og
ekki í fljótfærni, til að endurtaka
ekki sömu mistök og gerð voru
þegar höfnin var byggð. Einnig vil
ég sjá sama fargjald í Landeyjahöfn
og Þorlákshöfn.
Heilbrigðismálin eru mér líka
mjög kær og ég tel að mikilvægast
af öllu sé að tryggja fæðingarþjón-
ustu í Vestmannaeyjum og fá
skurðstofuvakt. Ég hef einnig talað
mikið fyrir því að það þarf að efla
sjúkraflutninga og nýlega sam-
þykkti heilbrigðisráðherra að
fjármagna það að skoða þessi mál
betur og því þarf að fylgja eftir. Það
á einnig að fara að stækka Hraun-
búðir og bæta við deild fyrir
heilabilaða sem er ekkert nema
jákvætt.
Annað sem þú vilt koma á
framfæri, þá má það endilega
koma fram.
Ég vil bara minna alla Vestmanna-
eyinga á hvað það eru mikil
forréttindi að búa í Vestmanna-
eyjum, ég hlakka mikið til að flytja
aftur heim og græða fleiri klukku-
stundir í sólarhringinn. Einnig vil
ég auðvitað hvetja alla til að setja X
við D!
:: Ragnheiður Perla skipar 17. sæti á lista Sjálfstæðisflokks í Suðurkjördæmi ::
Stjórnmál eru bara of mikilvæg til
að ungt fólk láti sig þau ekki varða
Sara SjöFn GrETTiSdÓTTir
sarasjofn@eyjafrettir.is
Ragnheiður Perla Hjaltadóttir