Dagblaðið Vísir - DV - 31.05.2019, Page 8

8 31. maí 2019FRÉTTIR
M
ánudaginn 27. maí féll
erlendur verkamað-
ur niður af húsþaki við
Víðimel 50–52 í vestur-
bæ Reykjavíkur. Var hann starf-
andi við viðgerðir á húsinu og
liggur samkvæmt heimildum DV
stórslasaður á sjúkrahúsi. Vinnu-
eftirlitið hefur bannað alla vinnu
á verkstað þar til öryggi hefur ver-
ið tryggt.
Heyrði fallið
Samkvæmt skýrslu Vinnueftirlits-
ins, sem DV hefur undir höndum,
var fallhæðin 6,6 metrar. Maður-
inn var að störfum við þakviðgerð-
ir og rann af þakinu inn á vinnu-
pall við þakbrún. Þaðan féll hann
fram af pallinum og niður á jörð.
Nágranni húseigenda, kona
sem býr á Hringbraut, heyrði
þegar maður féll en hún þekk-
ir ágætlega til. Hún segir að mað-
urinn sé af erlendu bergi brotinn,
í kringum fimmtugt og harðdug-
legur. Hann liggi nú illa haldinn á
Landspítalanum, sé þríbrotinn á
hálsi en ekki lamaður. Hún segir:
„Ég sá þetta ekki gerast en ég
heyrði hávaðann. Fyrst hélt ég
að þeir hefðu misst niður báru-
járnsplötu eða eitthvað slíkt. Þessi
maður var búinn að vera í fullri
vinnu hér í um þrjár vikur. Ég hef
fylgst með þessum vinnuflokki.
Þetta eru greinilega mjög dugleg-
ir menn. En þeim hafði fækkað um
helming. Þessi maður er erlend-
ur og á dóttur og tengdason sem
vinna hér á landi einnig.“
Þegar fallið varð fylltist allt af
bæði lögreglumönnum og sjúkra-
liði. Eins og áður segir hefur
Vinnueftirlitið einnig rannsakað
málið.
Vinnupallar ófullnægjandi og
fallvarnarbúnaður gamall
Samkvæmt skýrslunni var örygg-
iskröfum ekki sinnt en nákvæmar
reglur eru til um þakvinnu. Það er
reglugerð nr. 547/1996 um aðbún-
að, hollustuhætti og öryggisráð-
stafanir á byggingarvinnustöðum
og við aðra tímabundna mann-
virkjagerð.
„31.3 Ef þak er hátt eða halli
þess meiri en 34 gráður má
einungis fela þeim einum að vinna
á útköntum þaksins, sem vitað er
að til þess eru hæfir. Þegar vinna
er framkvæmd við slíkar aðstæð-
ur skal koma fyrir nægjanlega tra-
ustu 0,6 m breiðu (mælt hornrétt
frá þakinu) öryggisbretti við þak-
brúnina, eða koma fyrir upp und-
ir þakskegginu 0,4 m breiðum
vinnupalli með 0,6 m háu hliðar-
bretti og nægilega vel festum þak-
vinnustigum.
31.4 Verði slíkum eða a.m.k.
jafntryggum öryggisbúnaði ekki
komið við skal hver starfsmaður
sem á þaki vinnur hafa öryggisbelti
með lás í líflínu af viðurkenndri
gerð. Líflínan skal fest á öruggan
hátt í fastan hluta byggingarinnar.“
Á Víðimel voru margir öryggis-
þættir í ólagi. Vinnupallarnir ófull-
nægjandi þar sem engir fótlistar
voru á efstu hæð palls, sem getur
valdið mikilli slysahættu.
Starfsmenn notuðu ekki við-
eigandi öryggishjálma sem at-
vinnurekanda er skylt að leggja til.
En samkvæmt reglum eiga starfs-
menn í byggingarvinnu að nota
slíka hjálma af viðurkenndri gerð.
Útlit hluta fallvarnarbúnað-
ar var ófullnægjandi og aldurinn
kominn fram yfir viðmiðunar-
mörk. Fallvarnarbúnaður skal
alltaf uppfylla ákveðin skilyrði
og vera innan þeirra marka sem
framleiðandinn setur, bæði varð-
andi ástand og aldur.
Þá hafði ekkert skriflegt áhættu-
mat verið gert um öryggi og heil-
brigði á vinnustaðnum, þar sem
meðal annars eru taldir upp helstu
áhættuþættir til að auðvelda upp-
rifjun með starfsmönnum.
Svava Jónsdóttir, sviðsstjóri hjá
Vinnueftirlitinu, segir við DV að
verktakinn hafi þegar brugðist við
hluta af athugasemdunum og hafi
til 31. maí til að bregðast við öðr-
um. Ef Vinnueftirlitið metur sem
svo að skilyrðin séu uppfyllt er
hægt að hefja vinnu á ný. Heimilt
er þó að vinna að öryggismálum á
staðnum.
Íbúar ekki upplýstir
Jónatan Guðnason hjá Lög-
reglunni á höfuðborgarsvæðinu
staðfestir í samtali við DV að mál-
ið sé til meðferðar hjá embættinu.
Að öðru leyti gat hann ekki tjáð sig
um málið.
Hlér Guðjónsson, formaður
húsfélagsins á Víðimel 50-52, sem
telur sex íbúðir, vildi ekki ræða við
blaðamann. Annar íbúi kom af
fjöllum þegar blaðamaður hringdi
í hann. Sagðist hann ekki hafa ver-
ið upplýstur um vinnuslysið. Taldi
hann að allt hefði verið pottþétt
hjá verktakanum og góð meðmæli
fylgt.
Húsið er merkt verktakan-
um Húsaviðgerðir.is. Fram-
kvæmdastjórinn, Matthías Eyj-
ólfsson, vildi ekki ræða við DV um
málið. n
EIGUM MARGA
LITI Á LAGER
Nánari upplýsingar á
mt.is og í s: 580 4500
HANNAÐ FYRIR
ÍSLENSKT VEÐURFAR
ÁLKLÆÐNINGAR
& UNDIRKERFI
Kristinn Haukur Guðnason
kristinn@dv.is
ERLENDUR VERKAMAÐUR FÉLL
TÆPA SJÖ METRA OFAN AF ÞAKI
n Stórslasaðist n Öryggi í ólagi n Málið í meðferð lögreglunnar
Víðimelur 50–52 Maðurinn féll 6,6 metra til jarðar.
Skýrsla
Vinnueftirlits
Margir þættir
ófullnægjandi.