Dagblaðið Vísir - DV - 31.05.2019, Síða 56

Hlaupablað 31. maí 2019KYNNINGARBLAÐ
Verslunin Sportvörur Bæjarlind 1–3 Kópavogi býður upp á mikið úrval
af vönduðum hlaupafatnaði
fyrir nýliða og keppnisfólk. Þegar
kemur að íþróttafatnaði leggja
Sportvörur áherslu á háþróaðar
vörur sem styðjast við umfangsmiklar
gæðaprófanir. Þá hefur verslunin
verið leiðandi á Íslandi í sölu á
æfingatækjum, lyftingabúnaði og
bardagavörum.
Eins og að hlaupa á skýjum
Nýjasta vara þeirra eru On skórnir,
sem upprunnir eru úr Svissnesku
Ölpunum, með það að markmiði
að umbylta upplifun hlauparans.
Sportvörur eru fyrst til þess að bjóða
upp á skóna á Íslandi, en margir af
viðskiptavinum þeirra voru kunnugir
skónum erlendis frá.
Skórnir byggja á tækni sem
nefnist CloudTec® og byggir á mjúkri
lendingu sem fylgt er með kraftmikilli
fjöðrun. Að sögn sölumanna
Sportvara virkar tæknin líkt og ský.
Hefðbundnir hlaupaskór dempa bara
upp og niður en On skórnir bæta um
betur og dempa afturábak og áfram,
sem er áður óþekkt hér á landi.
Að auki búa skórnir yfir annarri
nýjung sem nefnist SpeedboardTM,
sem er vökvafyllt bretti undir
innleggi sólans. Það er þróað af
verkfræðingum til þess að lágmarka
tap á hreyfiorku milli skrefa og
breyta orkunni í hreyfingu framávið.
Brettið sveigist eins og þegar bogi
er spenntur og skilar þannig aukinni
orku til hlauparans. Einnig virkar það
eins og jafnvægisbretti og hjálpar
hlauparanum að stilla sig af og lenda
rétt. Eins veitir það góða vörn ef stigið
er á misfellur, en það dreifir álaginu
um allan fótinn.
Allir ættu að geta fundið On skó
við sitt hæfi, en Sportvörur hafa
á boðstólum alhliða íþróttaskó,
hversdagsskó og hlaupaskó
frá merkinu. Allir eru þeir búnir
CloudTec® en er tæknin þó örlítið
mismunandi eftir gerðum.
Skemmtileg upplifun fyrir
meiðslapésa
Stefán Logi Magnússon, fyrrverandi
atvinnumaður í knattspyrnu og
verslunarstjóri Sportvara, ber On
skónum góða sögu og segir þá
ótrúlega létta og þægilega. „Þeir
hafa reynst mér vel sem fyrrverandi
knattspyrnumanni. Ég hef orðið fyrir
miklu álagi á liðþófana og hnén og
finn klárlega mun þegar ég nota On
skóna. Það hefur verið skemmtileg
upplifun fyrir meiðslapésa eins og
mig.“ Þá hafa viðskiptavinir Sportvara
losnað við beinhimnubólgu, og meðal
annars rakið það til þess að hafa
skipt yfir í On skóna.
Við kaup á hlaupaskóm er
mikilvægt að gefa sér tíma og vanda
valið. Í verslun Sportvara geta
viðskiptavinir prófað skóna á tveimur
mismunandi hlaupabrettum. Öllum
er frjálst að máta og prófa, en oft er
ekki aftur snúið eftir að hafa hlaupið
á skýjunum.
Leiðandi í óháðum rannsóknum á
íþróttafatnaði
Að auki bjóða Sportvörur upp á
hlaupafatnað frá fyrirtækinu 2XU.
Fyrirtækið er leiðandi á heimsvísu
hvað varðar óháðar rannsóknir á
compressionfatnaði, sem ætlað
er að bæta æfingar, frammistöðu
og endurheimt. Rannsóknir sýna
markverðan mun þegar kemur að
þáttum á borð við aukið blóðflæði,
minni eymsli og betri árangur. Sem
dæmi um sérhæfðar gerðir 2XU
má nefna fatnað fyrir hjólreiðafólk,
buxur fyrir ófrískar konur, bæði
fyrir og eftir fæðingu, og sérstakar
compressionbuxur sem flýta
endurheimt, meðal annars ætlaðar
fyrir flug.
Allir starfsmenn verslunarinnar
hafa bakgrunn í íþróttum og því
margfróðir þegar kemur að ráðgjöf
við val á íþróttabúnaði. Þar er
tekið vel á móti öllum og margir
fastakúnnar sækja verslunina
reglulega.
Nánari upplýsingar:
Sportvörur – Sportvorur.is
Bæjarlind 1–3
201 Kópavogur
Sími: 544 4140 n
HLAUPTU Á SKÝJUM
Sportvörur.is