Morgunblaðið - 17.05.2019, Blaðsíða 12

með það í huga að eldhúsið og borðstofan
væru þungmiðja hússins og voru allar innrétt-
ingar sérsmíðaðar. Gætt var sérstaklega að
því að þær væru í takt við eldri tíma og lagt
var upp úr að skapa látlausa en sígilda um-
gjörð.“
Á gólfunum er ljóst harðparket frá Harð-
viðarvali og koma flísarnar frá Agli Árnasyni.
Meðfram parketinu eru þykkir gólflistar sem
setja svip sinn á rýmið. Það vekur einnig at-
hygli að húsgögnum er raðað upp af mikilli
smekkvísi. Berglind og Helga tóku að sér að
velja og stilla upp öllum húsgögnum í húsinu.
„Við aðstoðuðum eigendur við kaup og upp-
röðun og fengum mikið af fylgihlutum frá
stelpunum í Magnolia.“
Hvað var mest spennandi við þetta verk-
efni?
„Að fá að taka þátt í að hanna og endurgera
þetta hús með svona mikla, persónulega og
merkilega sögu.“
– Hvaða litir eru á veggjunum?
„Þar sem við ákváðum að hafa allar innrétt-
ingar hvítsprautulakkaðar var ákveðið að
setja hlýlegan gráan lit á veggina sem heitir
NCS S 3502-Y,“ segir Berglind.
– Hvað gerir þetta hús sjarmerandi?
„Það er klárlega saga hússins og andinn
sem ríkir þarna. En eigandinn hefur oft
minnst á það við okkur að fólkið hennar er
enn með þeim þarna,“ segja þær.
Hér er aldeilis hægt að baða sig.
Frístandandi baðkarið kemur vel út
við flísarnar, sem eru munstraðar
og minna á gamla tímann.
Í kringum gluggana eru fallegir
gluggakarmar sem eru stíflakkaðir.
Fataskáparnir voru sérsmíðaðir hjá
Erni ehf. í Vestmannaeyjum.
Baðherbergið er mjög hlýlegt og fallegt.
Takið eftir hillunni undir innréttingunni
sem geymir handklæði heimilisins.
Hringlaga spegill nútímavæðir baðher-
bergið og er í stil við speglana á hinu
baðherbergi hússins.
 SJÁ SÍÐU 14
12 MORGUNBLAÐIÐ FÖSTUDAGUR 17. MAÍ 2019