Morgunblaðið - 21.06.2019, Síða 26

26 MINNINGAR
MORGUNBLAÐIÐ FÖSTUDAGUR 21. JÚNÍ 2019
✝ Magnús Magn-ússon fæddist í
Höskuldarkoti 7.
apríl 1941 í Ytri-
Njarðvík. Hann lést
á Stony Brook-
sjúkrahúsinu á
Long Island 25.
apríl 2019.
Foreldrar hans
voru Magnús Ólafs-
son, skipstjóri og
útgerðarmaður í
Höskuldarkoti í Ytri-Njarðvík, f.
6. mars 1886, d. 12. ágúst 1964,
og Þórlaug Magnúsdóttir, f. 18.
október 1901, d. 8. desember
1963. Systkini Magnúsar eru:
Friðrik Jón, f. 28. september
1925, d. 27. ágúst 1929; Anna
Fríða, f. 20. maí 1928; Friðrik
Ársæll, f. 23. ágúst 1929, d. 21.
23.12. 1987, b) Matthildur Hjart-
ardóttir, f. 23.11. 1991, c) Jó-
hannes Andrew Robinson, f.
29.11. 1999, d) James Robert
Robinson, f. 15.7. 2002. 2) Edda
Magnúsdóttir, f. 21.1. 1977.
Móðir hennar er Sigríður Inga
Brandsdóttir. 3) Sonja Margrét
Magnúsdóttir, f. 30.7. 1977.
Móðir hennar er Rut Helgadótt-
ir. Dóttir Sonju er Salka Sif Sig-
urjónsdóttir, f. 7.10. 2012
Magnús ólst upp í Ytri-
Njarðvík, stundaði sjóinn fram-
an af, rak Olís í Njarðvíkunum á
tímabili, var stjórnarformaður
og forstjóri Hafskips árin 1973-
1979, flutti til Long Island, New
York árið 1981 og rak þar verk-
takafyrirtæki þar til hann lét af
störfum sökum aldurs. Á þeim
tímapunkti kom hann oftar til
Íslands og bjó sér heimili í
Hveragerði og Reykjavík ásamt
því að hafa athvarf í Bandaríkj-
unum.
Útför Magnúsar fer fram frá
Ytri-Njarðvíkurkirkju í dag, 21.
júní 2019, klukkan 14.
maí 2006, Garðar, f.
5. október 1930;
Ólafur, f. 5. október
1930, og Baldur, f.
5. janúar 1935, d.
26. september
1938.
Magnús var þrí-
kvæntur. Eigin-
konur hans voru
Sigrún Sigurðar-
dóttir, Guðrún
Rútsdóttir og Ingi-
björg Edda Jóhannsdóttir.
Dætur Magnúsar eru:
1) Þórhildur Sylvía, f.
18.2.1971. Eiginmaður hennar
er Jón Einar Kjartansson. Móðir
hennar er Sigrún María Sigurð-
ardóttir, f. 28.1. 1943, d. 14.9.
2002. Börn Þórhildar Sylvíu eru
a) Magnús N. Þóroddsson, f.
Pabbi.
Með ást þinni kenndir þú mér að
elska.
Með trausti þínu kenndir þú mér að
trúa.
Með örlæti þínu kenndir þú mér að
gefa.
Takk pabbi.
Faðir minn hélt mikið upp á
Gunnar Dal og þessi orð tók ég
úr bók eftir hann sem heitir
„Orð milli vina – Kall tímans“.
Yfir síðasta vígi frægðar þinnar
féllu þessi myrku og lygnu vötn,
og vilji þinn týndi stjörnu sinni.
En einmitt þá
kom engill lífsins til þín,
lyfti upp deyjandi höfði þínu,
og blóð þitt hlýddi kalli tímans.
Úr gleymdum draumi
byggðir þú nýjan veg
framhjá föllnu húsi þínu
áleiðis til fjallsins helga.
Minn ástkæri faðir, Magnús
Magnússon, flutti sig yfir í
Sumarlandið fagra á sumardag-
inn fyrsta.
Þennan undurfagra morgun
horfði ég upp í fallegan rauðan
himininn og hugsaði, hann faðir
minn mun velja þennan dag til
að kveðja.
Það var mér mjög dýrmætt
að hafa náð að halda í höndina
á honum þegar hann dró síð-
asta andardráttinn og umvafði
ég hann allri þeirri ást sem ég
gat gefið.
Þetta var erfið stund en ég
er þakklát fyrir að hafa fengið
að vera til staðar. Það verður
tómlegt án föður míns (okkar).
Hann á helminginn af hjarta
mínu en móðir mín heitin hinn,
en nú eru tveir fallegir englar
sameinaðir og vaka yfir okkur.
Við gerðum gott sem hann
faðir minn hefði verið ánægður
með því þeir sem þekktu pabba
vel vissu að hann elskaði Her-
sey’s-súkkulaði með möndlum
og þótti honum það það besta
sem til er á jarðarkringlunni og
fékk hann eitt stykki með sér í
Sumarlandið fagra.
En elsku pabbi minn, þín
verður sárt saknað en ég veit
að nú líður þér betur á líkama
og sál.
Hið illa eyðir að lokum sjálfu sér.
Hið ranga hverfur af því það var
aldrei satt
Allt er að lokum leitt á réttan veg.
Aðeins faðirinn þekkir heildarmynd-
ina og hinn endanlega tilgang.
Þessi afstaða Guðs að elska og fyrir-
gefa á að vera afstaða kristins
manns til annarra manna.
(Gunnar Dal)
Ég elska þig, engillinn minn
– Hvíldu í friði.
Þín dóttir
Sylvía.
„Ég hringi bara í Magga
frænda, hann reddar þessu.“
Þetta var viðkvæðið á mínu
heimili í mörg ár. Það var alveg
sama hvaða greiða hann var
beðinn um, það var allt svo
sjálfsagt og ekkert mál, sama
hvort það var að koma ísskáp í
flug eða hýsa okkur og vini í
lengri eða skemmri tíma.
Það voru margir sem nýttu
sér þessa góðvild Magga og
pöntuðu ýmsan varning sem
var sendur heim til hans og
hann kom þessu alltaf til skila,
ekki málið.
Alltaf var hann mættur á
flugvöllinn til að taka á móti
okkur og alltaf lék hann á als
oddi. Í eitt skipti vorum við
frekar mörg að fara til hans og
ég vissi að við kæmust aldrei
öll fyrir í bílnum, svo ég bað
hann um að útvega bílaleigubíl
fyrir okkur.
Hann tók nú frekar dræmt í
þetta hjá mér, sagði að við
skyldum bara sjá til hvernig
þetta yrði, hann ætlaði að
skoða þetta aðeins. Þegar við
mættum tók hann kampakátur
á móti okkur að vanda og gekk
með okkur að bílaplaninu. Það
tísti í honum þegar hann bauð
okkur upp í splunkunýjan 8
manna jeppa þar sem allir
komust fyrir. Það sem hann
hafði gaman af að koma okkur
á óvart og „redda“ málunum.
Þær voru þó nokkrar ferðirnar
þar sem hvert sæti í jeppanum
var skipað gestum sem hann
hafði jafnvel aldrei séð áður.
Það var alltaf nóg pláss og allir
velkomnir.
Maggi elskaði veislur. Eftir
að hann og Edda keyptu húsið
við Club Road héldu þau höfð-
inglegar veislur við öll tæki-
færi, þar sem vinir og vanda-
menn mættu, jafnvel langt að
og alltaf var nóg pláss til að
gista. Edda töfraði fram kræs-
ingar eins og bestu kokkum er
einum lagið og dekraði við
gestina. Það voru ekki bara
veislur á hátíðisdögum. Í hvert
skipti sem einhverjir gestir
komu til dvalar frá Íslandi var
slegið upp veislu og vinum
þeirra boðið þar sem allir voru
kynntir.
Það var ekki bara húsaskjól
og fæði sem gestirnir nutu,
heldur var ekkert sjálfsagðara
en að heimilisbíllinn væri til af-
nota svo hægt væri að kíkja á
mollin, aðrar spennandi versl-
anir eða áhugaverða staði.
Maggi kom heim 3-4 sinnum
á ári og í hvert sinn var byrjað
á morgunmat hjá okkur. Hann
var afskaplega frændrækinn og
reyndi að heimsækja eins
marga og hann mögulega
komst yfir á þessum tíma sem
hann stoppaði. Vegalengdir
voru aldrei vandamál þar sem
hann var vanur að keyra 3-4
tíma í vinnu og annað eins til
baka þegar hann var að vinna í
Bandaríkjunum, þá var ekkert
mál að skreppa norður eða
austur í hvaða færð sem var
hér heima.
Eftir að Maggi keypti íbúð
við Heilsuhælið í Hveragerði
kom hann oftar heim. Hann
elskaði að vera þar innan um
yndislegt fólk, góða vini og
góða umönnun.
Maggi bjó við heilsubrest hin
síðari ár, en 2 síðustu ár voru
honum erfið. Hann var mér og
minni fjölskyldu afskaplega
góður. Hvíl í friði, kæri frændi.
Þorbjörg Garðarsdóttir.
Vinur minn Magnús er látinn
og fer útförin fram 21. júní frá
Ytri-Njarðvíkurkirkju. Við
fæddumst árið 1941, hann á
Höskuldarkoti og ég að Bjargi
og bjó síðan á Sunnuhvoli stutt
frá. Strax á barnsaldri lá leið
okkar saman, við hittumst oft
og áhugamálin svipuð. Vorum
mikið við sjóinn, niðri á höfn, í
fjörunni og alltaf var hægt að
finna eitthvað við hæfi ungra
og áhugasamra drengja. Staðir
eins og Stekkjarhamar, Fitjar,
Bolafótur og Stapinn eru mér
oft í huga. Ég man allt það at-
hafnafrelsi sem við höfðum,
verkefnin mörg og margt að
skoða.
Magnús var fjölhæfur mað-
ur, skynsamur, stjórnsamur,
áræðinn og tók að sér ýmis
verkefni á lífsleiðinni.
Hann varð ungur skipstjóri
og vann nokkur ár sem slíkur
hjá föður sínum og síðar við
stærri fyrirtæki og viðamiklar
framkvæmdir.
Það leið stundum nokkuð
langur tími þar til við hittumst,
en hann flutti til Bandaríkjanna
þar sem hann bjó í mörg ár.
Stundum bauð hann ferming-
arsystkinum sínum til Hvera-
gerðis og áttum við þar
ánægjulegar stundir saman.
Hann heimsótti mig oft er hann
kom til landsins og ræddum við
lengi saman og nutum þess.
Hann lést eftir erfiðan sjúk-
dóm, ég sakna hans.
Hryggðar hrærist strengur
hröð er liðin vaka
ekki lifir lengur
ljós á þínum stjaka.
Skarð er fyrir skildi
skyggir veröldina
eftir harða hildi
horfin ertu vina.
Klukkur tímans tifa
telja ævistundir
ætíð lengi lifa
ljúfir vinafundir.
Drottinn veg þér vísi
vel þig ætíð geymi
ljósið bjart þér lýsi
leið í nýjum heimi.
(Hákon Aðalsteinsson)
Kæru dætur, barnabörn,
systkini, aðrir ættingjar og vin-
ir Magnúsar.
Sendi ykkur innilegustu
samúðarkveðjur vegna fráfalls
Magnúsar. Blessuð sé minning
hans.
Sólmundur.
Magnús
Magnússon
✝ Sigfríður ErlaRagnarsdóttir
fæddist á Akureyri
28. júlí 1943. Hún
lést á Dyngju,
hjúkrunarheimili
HSA á Egilsstöð-
um, 31. maí 2019.
Foreldrar henn-
ar voru Guðrún
Oddsdóttir, hús-
freyja, f. 27. mars
1918, d. 28. mars
1995, og Ragnar Stefánsson,
bílstjóri á Akureyri, f. 1. maí
1923, d. 20. apríl 2007.
Elstur systkina Erlu er Odd-
ur Lýðsson, f. 11. apríl 1941, þá
Jón Þorsteins, f. 16. júní 1945,
Úlfar, f. 28. des. 1949, Anna, f.
28. mars 1952, Ragna Ósk, f.
22. jan. 1955, Sigríður, f. 16.
mars 1958, og Guðbjörg Inga,
f. 18. ágúst 1959.
Sigfríður Erla giftist Sævari
Kristni Jónssyni í ágúst 1963.
Börn Sigfríðar Erlu og Sæv-
ars Kristins eru Kristín Hrönn,
f. 2. mars 1963, maki Gunnar
Benediktsson, börn þeirra a)
1969, maki Einar Árni Krist-
jónsson, börn þeirra eru a)
Guðrún Erla Sumarrós, börn
Emilía Alís, Bergrós Björt og
b) Ísar Karl. Þórdís, f. 6. apríl
1975, dóttir hennar er Tara
Sóley Mobee. Guðrún Freydís,
f. 28. apríl 1976.
Erla og Sævar hófu búskap á
Rauðabergi, Mýrahreppi, og
bjuggu þar þangað til Erla og
Sævar skildu árið 1984 og flutti
Erla á Vesturbraut 19, Höfn,
Hornafirði, með dætur sínar.
Erla var mikil félagsvera og
var í Kvenfélaginu á Mýrum
þar sem hún lagði stund á
hannyrðir og félagsstörf. Hún
kenndi hannyrðir við Grunn-
skólann í Holti um tíma. Síðar
vann hún við aðhlynningu á
dvalarheimilinu á Höfn í
Hornafirði og var það henni
mikil gleði þar sem hún hafði
alltaf löngun til að læra hjúkr-
un.
Erla flutti til Egilsstaða til
dætra sinna sem þar búa, þeg-
ar starfsævi hennar lauk vegna
vanheilsu og bjó lengstan tíma
í húsnæði sínu að Árskógum
26A en flutti síðar í íbúð í
Hamragerði 5 þar sem hún bjó
til æviloka.
Útförin fór fram 15. júní
2019.
Meira: mbl.is/minningar
Sævar Már, maki
Hrafnhildur Rós,
börn þeirra eru
Ægir Þór og Katr-
ín María. b) Oddur
Logi, maki Hekla
Björk, börn þeirra
eru Halldór Logi
(d. 2013), Sóley
Þrá, c) Brynjar
Örn, d) Anna Katr-
ín og e) Benedikt
Kristinn. Elfa
Björk, f. 16. mars 1964, maki
Magnús Ástvald Eiríksson,
börn þeirra eru a) Ólöf Þór-
halla, maki Aðalsteinn, börn
Siggerður, Inga Kristín, Guð-
rún Ása, Anita og Aðalsteinn.
b) Eiríkur Ástvald, maki Selma,
börn: Sunneva Kolbrún, Snæ-
björt Elfa og c) Guðný Krist-
jana. Sigríður Sif, f. 16. mars
1968, maki Gestur Pálsson,
börn þeirra eru Telma Þöll
Buabin, maki Andri Már, Klara
Margrét, maki Cathrine Kraft,
Katla Mjöll, maki Sverrir Örn,
og Sigríður Helga.
Anna Sigurbjörg, f. 10. mars
Elsku mamma mín, það sem
ég er þakklát þér fyrir að hafa
kallað okkur saman 27. maí sl.
Sannarlega má segja að þú hafir
vitað lengra en nef þitt náði. Þeg-
ar Elfa systir hringdi í mig og
sagði mér að þú óskaðir sérstak-
lega eftir að „raska“ okkar vinnu,
þér þætti það leitt en það væri
ástæða til, gerði ég mér ekki
grein fyrir að ég væri að kveðja
þig. Við áttum ómetanlegar sam-
ræður aðfaranótt miðvikudagsins
29. maí þegar þú sagðir mér frá
því hvað þú værir orðin þreytt á
þessum líkama þínum.
Það er mér einnig ómetanlegt
þegar þú sagðir: Sigga mín, ég er
ekki að fara frá ykkur, ég er bara
orðin svo þreytt á þessum líkama
og ég skildi þig svo vel þar sem ég
veit hvað hann var þér mikil
byrði. Styrkur þinn sem þú sýnd-
ir er mér mikið hugðarefni og
litlu tuðefni manns í lífinu verða
svo lítilfengleg eftir að hafa séð
þig ákveða lífslokin þín í þessari
jarðvist. Þvílíkur styrkur,
mamma mín.
Ég er svo þakklát þér fyrir að
hafa fætt mig í þessa jarðvist og
tekið að þér móðurhlutverk mitt
sem sannarlega reyndi nú stund-
um á þig, ég er svo þakklát að
dóttir mín, Telma Þöll, fékk þig
sem ömmu, það voru engin tak-
mörk fyrir því hvað þú studdir
hana og elskaðir hana.
Kærleikur þinn og mann-
gæska gagnvart öllu lífi hefur
alltaf skinið í gegn og höfum við
systur oft rætt um það hvað við
búum vel að því fordómaleysi
sem okkur var kennt gagnvart
öllu lífi. En einstöku sinnum
þvarr fordómaleysið þitt og sér-
staklega vegna klæðaburðar
dóttur þinnar og í sérstökum
prófraunum við útlit og hár. Ég
man alltaf eftir því að þú þoldir
ekki appelsínugulu kúkabuxurn-
ar mínar og af öllum hönnunar-
verkefnum mínum held ég að þér
hafi fundist það allra versta flík-
in, ég man líka að þú varst stund-
um þreytt á því þegar ég stalst í
fataskápinn þinn. Það sem þú
rakst upp stór augu þegar þú
komst heim úr vinnunni og við
Ragga vorum að sauma okkur föt
á ball, ég lá ofan á efninu og
Ragga klippti, við gjörsamlega
gengum yfir þig þarna enda varst
þú vandvirk hannyrða- og sauma-
kona og gerðir allt svo vel sem þú
gerðir. Þvílík endalaus þolin-
mæði sem þú bjóst yfir þegar við
fylltum Vesturbrautina af vinum,
gítarspili og söng en ég veit einn-
ig að þú naust oft vel.
Frelsið sem við áttum sem
börn á Rauðabergi, umvafin móð-
urástinni og hlýju, öll faðmlögin
og knúsin þegar við duttum á
hausinn eða misstigum okkur
eitthvað. Ein minning þegar þú
þrjóskaðist við að klæða mig í
regnfötin þrátt fyrir að þú vissir
að ég kæmi alltaf jafn hundblaut
inn eftir að hafa látið regnvatnið
af þakinu renna ofan í hálsmálið.
Alltaf vaknaðir þú fyrst og
fórst langseinust að sofa, alltaf
voru nýir jólakjólar tilbúnir á að-
fangadagsmorgun. Matarástina
fékk ég sannarlega frá þér enda
þið amma Gunna snilldarkokkar.
Barnabörnin þín fengu að njóta
spilastundanna með þér og allra
ullarsokkanna sem þú prjónaðir
handa þeim.
Ein svona stutt grein fangar
ekki það þakklæti sem ég ber til
þín, elsku mamma mín. Ég sakna
þín óendanlega en veit að þú ert
komin á svo yndislegan stað, ég
fann þig dansa á nýju fótunum
þínum. Elska þig, mamma mín.
Sigríður Sif Sævarsdóttir.
Elsku yndislega amma mín.
Nú ertu búin að kveðja þennan
heim og mikið er allt tómlegt án
þín.
Ég er samt mjög lánsöm með
þann tíma sem við áttum saman
og allt sem ég lærði af þér. Þú átt
svo stóran part í mér og mínu
uppeldi og ég væri svo sannar-
lega ekki manneskjan sem ég er í
dag ef það væri ekki fyrir þig. Ég
á mörg af mínum persónuein-
kennum til þín að sækja, allt frá
ljúfmennsku og lífsgleði til óbil-
andi þrjósku og tilhneigingar til
dramatíkur.
Við gátum verið bestu vinir en
við áttum nú líka alveg til að fara í
hár saman allhressilega. Núna
minnist ég þeirra stunda með
brosi á vör því ekki nóg með það
að það voru stundum furðuleg-
ustu hlutir sem við gátum æst
okkur yfir heldur hafði ég yfir-
leitt mjög gaman af því að koma
blóðinu í þér á hreyfingu og er
nokkuð viss um að þú hafir ekki
síður haft gaman af því.
Eins hafði ég lúmskt gaman af
því að hneyksla þig með klæða-
burði mínum, hvort sem það var
að hjóla til þín í snjókomu og
vindi á stuttermabolnum og ber-
fætt eða klædd í svart frá toppi til
táar sem þér fannst draga allan
lit úr mér. Ég var alls ekki alltaf
sammála þér og fannst þú oft
ósanngjörn við mig en ég veit
samt að þú vildir bara passa að ég
yrði besta útgáfan af sjálfri mér.
En mestur hluti okkar stunda var
tími sem ég naut mikið – enda-
laus rommíspil og gott spjall þar
sem þú rifjaðir upp gamla tíma í
ítarlegum smáatriðum og lagðir
manni lífsreglurnar. Ég gæfi
flest mitt til að fá einn dag með
þér í viðbót – fá soðinn ömmufisk,
taka eina rommítörn og fá ráð hjá
þér um hvernig ég geti tekist á
við að hafa þig ekki lengur hjá
mér.
Eins sárt og það er að þú sért
farin þá veit ég að þú ert ham-
ingjusöm þar sem þú ert núna, í
garðinum þínum og loksins getur
þú dansað.
Guð veri með þér, elsku amma
mín.
Anna Katrín.
Þú, Guð míns lífs, ég loka augum
mínum
í líknarmildum föðurörmum þínum
og hvíli sætt, þótt hverfi sólin bjarta,
ég halla mér að þínu föðurhjarta.
Æ, tak nú, Drottinn, föður og móður
mína
í mildiríka náðarverndan þína,
og ættlið mitt og ættjörð virstu geyma
og engu þínu minnsta barni gleyma.
Ó, sólarfaðir, signdu nú hvert auga,
en sér í lagi þau, sem tárin lauga,
og sýndu miskunn öllu því, sem andar,
en einkum því, sem böl og voði
grandar.
Þín líknarásján lýsi dimmum heimi,
þitt ljósið blessað gef í nótt mig
dreymi.
Í Jesú nafni vil ég væran sofa
og vakna snemma þína dýrð að lofa.
(Matthías Joch.)
Með þökk fyrir allt og allt.
Minning þín er ljós í lífi okkar.
Kristín Hrönn, Gunnar og
Benedikt Kristinn.
Sigfríður Erla
Ragnarsdóttir
Morgunblaðið birtir minningargreinar endurgjaldslaust alla
útgáfudaga.
Skil | Þeir sem vilja senda Morgunblaðinu greinar eru vinsamlega
beðnir að nota innsendikerfi blaðsins. Smellt á Morgunblaðslógóið í
hægra horninu efst og viðeigandi liður, „Senda inn minningargrein,“
valinn úr felliglugganum. Einnig er hægt að slá inn slóðina
www.mbl.is/sendagrein
Skilafrestur | Ef óskað er eftir birtingu á útfarardegi verður greinin
að hafa borist eigi síðar en á hádegi tveimur virkum dögum fyrr (á
föstudegi ef útför er á mánudegi eða þriðjudegi).
Þar sem pláss er takmarkað getur birting dregist, enda þótt grein ber-
ist áður en skilafrestur rennur út.
Minningargreinar