Morgunblaðið - Sunnudagur - 21.07.2019, Blaðsíða 18

18 MORGUNBLAÐIÐ SUNNUDAGUR 21.7. 2019
LÍFSSTÍLL
Hvað er það sem heillar þig við tísku?
Það sem heillar mig mest er hvernig tískan endurspeglar tíðarandann
hverju sinni. Það er gaman að skoða sögu tískunnar og hvernig hún hefur
breyst og þróast í gegnum árin. Stóru tískuhúsin keppast um að koma með
nýjar línur og yfirleitt hefur maður séð eitthvað af því áður því tískan fer í
endalausa hringi. Eitthvað sem manni þykir fáránlegt í dag gæti manni þótt
mjög töff eftir nokkur ár og mér finnst það mjög merkilegt. Eins finnst mér
mjög heillandi þegar fólk fer sínar eigin leiðir í að finna sinn stíl, burtséð frá
tískustraumum hverju sinni.
Hvernig myndir þú lýsa þínum fatastíl?
Ég myndi lýsa mínum stíl sem afslöpp-
uðum með smá „tvisti“. Dagsdaglega stelst
ég oft í fataskápinn hjá kærastanum og klæði
mig frekar gauralega, en hef líka mjög gaman
af því klæða mig upp á fyrir fínni tilefni. Mér
finnst líka gaman að blanda þessu tvennu
saman, t.d. fara í hælaskó við „baggy“-buxur
og stuttermabol, og eins strigaskó við fínan
kjól. Minn fataskápur samanstendur því af
klassískum vönduðum flíkum í bland við fínni
flíkur og aukahlutum sem poppa upp dressið.
Átt þú þér einhverja tískufyrirmynd?
Amma mín var virkilega smart kona og átti
mikið af fallegri merkjavöru frá fyrri tíð sem
hún notaði aftur og aftur í gegnum árin. Hún
þræddi vintage-búðir hér heima og erlendis í
leit að gullmolum og var alltaf virkilega flott
til fara. En annars svona í nútímanum dreg
ég minn innblástur frá töff týpum sem ég
fylgi á Instagram og finnst gaman að grúska í myndum
á pinterest.
En uppáhaldshönnuð?
Mér finnst allt sem kemur frá tískuhúsi Alexander
Wang mjög nett.
Áttu þér eitthvert gott stef, ráð eða mottó, þegar
kemur að fatakaupum?
Gæði fremur en magn. Ég reyni að vanda valið vel
þegar kemur að fatakaupum og forðast að kaupa ódýr-
ar einnota fjöldaframleiddar flíkur bara af því þær eru í
tísku í korter. Frekar kaupi ég mér færri vandaðri flík-
ur sem hafa verið búnar til á heið-
arlegan máta og get hugsað mér að
para saman við flíkurnar sem ég á
fyrir í fataskápnum. Þær eru auð-
vitað dýrari í innkaupum en ódýr-
ari til lengri tíma litið og umhverfisvænni.
Hvað kaupir þú þér alltaf þó þú eigir nóg af því?
Skó og yfirhafnir. Ég er með mikið blæti fyrir hvoru-
tveggja og fell langoftast fyrir slíku. Ég hugsa yfirleitt
dressið út frá hvaða skór og yfirhöfn fara saman, og
klæðist síðan klassískum bol og buxum undir.
Hver er þín uppáhaldsárstíð varðandi tísku og
hvers vegna?
Klárlega haust/vetur. Mér finnst gaman að klæðast
flottum útivistarfatnaði, t.d. frá 66°Norður, sem nær að
sameina klæðilega hönnun og praktík úr gæðaefnum. Ég
á mikið meira af hlýrri fatnaði heldur en léttum sumar-
fötum og lendi því stundum í vandræðum í sólarlöndum.
Hvað er nauðsynlegt í snyrtitöskuna?
Gott rakakrem. Nýverið fór ég á námskeið hjá hinni kláru og flottu konu
Hörpu Kára sem rekur eigið Make Up Studio. Þar fór heil vika af námskeið-
inu í að læra hvað umhirða húðar er mikið lykilatriði í fallegri förðun og
hef ég því í fyrsta skipti fengist til að koma góðum kremum og
hreinsivörum inn í mína daglegu rútínu.
Hvaða tískutímaritum, bloggum eða áhrifavöldum fylgist
þú með?
Það breytist sífellt, ég kaupi meira af interior-tímaritum
heldur en tískutímaritum og fylgist með hafsjó af flottu fólki
á Instagram, mestmegnis frá Íslandi auðvitað og Skandinav-
íu.
Áttu þér uppáhaldsflík?
Já, nokkrar. Ég erfði nokkrar gullfallegar flíkur frá
ömmu minni sem hafa mikið tilfinningalegt gildi fyrir mig.
Til dæmis má nefna vintage-vesti alsett perlum og pallíett-
um sem hún klæddist á áttræðisafmælinu sínu og dansaði í
langt fram á nótt.
Svo eru það flíkurnar sem maður á í áraraðir, endast og
endast og manni finnst alltaf jafn smart og klæðilegar, eins
og gallasamfestingurinn frá Carhartt WIP.
En nýjasta gersemin í skápnum er massífur Acne Stud-
ios-ullartrefill sem ég hlakka mikið til að ofnota í vetur.
Gallasamfestingurinn frá
Carhartt WIP er í miklu
uppáhaldi hjá Kristínu.
Morgunblaðið/Árni Sæberg
Afslappaður stíll með smá „tvisti“
Kristín Pétursdóttir, leikkona, flugfreyja og áhrifavaldur, er með einstaklega skemmtilegan stíl.
Kristín sækir innblástur mikið í samfélagsmiðla en segir ömmu sína þó
með helstu fyrirmyndunum þegar kemur að tísku.
Sigurborg Selma Karlsdóttir sigurborg@mbl.is
Tískuhús Alexander
Wang er í eftirlæti.
Ullartrefill frá
Acne Studios er
nýjasta gersemin
í fataskápnum.
Kristín heldur úti Instagram-
aðganginum kristinpeturs.
Kristín segir
66°Norður sameina
klæðilega hönnun
og praktík úr
gæðaefnum.