Morgunblaðið - Sunnudagur - 21.07.2019, Blaðsíða 24

24 MORGUNBLAÐIÐ SUNNUDAGUR 21.7. 2019
LÍFSSTÍLL
Elísabet II. Englandsdrottning virðir fyrir sér
málverk í liðinni viku á sýningu sem nú hefur
verið opnuð í Buckingham-höll í London til að
minnast þess að 200 ár eru liðin frá fæðingu
Viktoríu drottningar.
Á málverkinu sést Viktoría, langalangamma
Elísabetar, vitja særðra hermanna í Krím-
skagastríðinu árið 1855. Málverkið er eftir
John Gilbert. Viktoría var drottning frá 1837
til 1901. Elísabet tók við krúnunni 1952.
AFP
„Litir Fridu“ nefnist sýning, sem um þessar mundir er
haldin í Mexíkóborg og helguð er Fridu Kahlo. Kahlo er
einn þekktasti listamaður Mexíkós.
Náttúra og listmunir landsins voru henni innblástur
og verk hennar eru auðþekkjanleg. Myndin er tekin úr
lofti af risastóru líkneski af listakonunni rúmliggjandi á
Zocalo-torgi í Mexíkóborg daginn sem sýningin, sem á
spænsku heitir „Los Colores de Frida“, var opnuð.
AFP
Franski listamaðurinn Yves Klein er þekktur
fyrir sinn sérstaka bláa lit, sem iðulega er við
hann kenndur. Um þessar mundir fer fram
yfirlitssýning á verkum listamannsins í Soul-
ages-safninu í borginni Rodez í Frakklandi.
Klein var að auki þekktur fyrir að nota
nakta mannslíkama sem pensla og ljósmynd
þar sem hann kastar sér fram af húsvegg og
nefnist „Stökk út í tómið“. Hann lést árið 1962
aðeins 34 ára gamall.
AFP
Geimbúningur Neils Armstrongs frá því hann steig fæti á tunglið fyrstur
manna 21. júlí 1969 er nú aftur til sýnis á Smithsonian-safninu í Washington.
Hann hefur ekki verið til sýnis í 13 ár og er tekinn fram nú í tilefni af því að
hálf öld er liðin frá för Apollo 11. og lendingunni á tunglinu. Þrír geimfarar
voru um borð, Armstrong, Buzz Aldrin og Michael Collins. Armstrong og
Aldrich stigu á tunglið og voru þar 21 og hálfan tíma.
AFP
Geimferðir,
listir
og aðall
Söfn og sýningar eru snar þáttur í öllum
ferðalögum. Nánast hvar sem komið er
má finna eitthvað spennandi. Hér er stiklað
á milli Mexíkóborgar, Washington, London
og Rodez í Frakklandi.
Karl Blöndal kbl@mbl.is
Góð
heyrn
glæðir samskipti
ReSound LiNX Quattro
eru framúrskarandi heyrnartæki
Hlíðasmára 19 • 201 Kópavogur • Sími 534 9600 • heyrn.is
Erum flutt í
Hlíðasmára 19
Fagleg þjónusta hjá
löggiltum heyrnarfræðingi
Með þeim færðu notið minnstu smáatriða hljóðs sem berst þér til eyrna.
Í þeim er nýr örgjörvi með 100% meiri hraða, tvöfalt stærra minni og eru
sérlega sparneytin.
Tækin eru heyrnartól fyrir þráðlaust streymi úr síma og öðrum tækjum.
Hægt að stjórna allri virkni með appi eða með takka á tækjum. Eru með
rafhlöður, sem hlaðast þráðlaust á einfaldan hátt, eða með einnota rafhlöður.