Morgunblaðið - 27.08.2019, Qupperneq 25

ÍÞRÓTTIR 25
MORGUNBLAÐIÐ ÞRIÐJUDAGUR 27. ÁGÚST 2019
HANDBOLTI
Kristján Jónsson
kris@mbl.is
Ísland kemur vel út þegar árangur
yngri landsliða í Evrópu í handknatt-
leik í sumar er skoðaður. Evrópska
handknattleikssambandið, EHF, tók
saman lista yfir árangur þjóða í yngri
landsliðum bæði karla og kvenna.
Þegar allt er lagt saman er Ísland í
8. sæti en EHF gefur árangri hvers
liðs fyrir sig stig og samkvæmt þeim
útreikningum er Ísland með 214 stig.
Ungverjaland er í efsta sæti með 318.
Ungverjarnir skera sig töluvert úr en
næst á eftir koma Noregur, Svíþjóð
og Danmörk. Þau eru með nánast
lygilega svipaðan árangur miðað við
að lagður er saman árangur nokk-
urra landsliða hjá báðum kynjum.
Ekki er annað að sjá en Norður-
landaþjóðirnar verði áfram áberandi
í íþróttinni í framtíðinni ef frammi-
staða yngri landsliða gefur einhver
fyrirheit um það sem koma skal.
Karlaliðin í fremstu röð
Ekki er útlit fyrir svartnætti hjá
karlalandsliðinu í framtíðinni ef not-
uð er sama röksemdafærsla. Þegar
árangur yngri landsliða karla er
lagður saman er Ísland í 2.-4. sæti
ásamt Spánverjum og Svíum. Eru
þær þjóðir með 156 stig og aðeins
tveimur stigum á eftir Ungverjum.
Ísland fékk 72 stig fyrir 17 ára liðið,
52 stig fyrir 19 ára liðið og 32 stig
fyrir 21 árs landsliðið. Á eftir Íslend-
ingum koma þjóðir eins og Frakk-
land og Danmörk. Þýskaland er í 9.
sæti svo dæmi sé tekið og Króatía í
10. sæti. Það sem ef til vill kemur á
óvart er að Portúgal er í 6.-8. sæti
með jafnmörg stig og Frakkar og
Danir.
Kvennaliðin í 22. sæti
Hjá kvennaliðunum er Ísland í 22.
sæti með 58 stig. Ungverjar eru í
efsta sæti með yfirburðaforystu en
ungversku konurnar hafa lengi verið
öflugar í íþróttinni. Noregur og
Rússland koma næst á eftir og Dan-
mörk í 4. sæti.
Tvö lið liggja til grundvallar hjá
konunum. Ísland fékk 32 stig fyrir 17
ára liðið og 26 stig fyrir 19 ára liðið.
Þjóðirnar hvor sínum megin við Ís-
land á listanum eru Úkraína og
Litháen.
Áttundi besti árangurinn
 Yngri landsliðin í handboltanum
koma vel út á listum EHF
Morgunblaðið/Kristinn Magnússon
Efnilegur Haukur Þrastarson var áberandi með 19 ára liðinu.
Ólafur Stefánsson, einn fremsti
handknattleiksmaður sögunnar,
hefur ákveðið að taka við þjálfun 4.
flokks karla hjá Val.
Þetta kemur fram á facebook-
síðu Valsmanna. Þar kemur fram
að Ólafur hafi verið viðloðandi af-
reksæfingar og handboltaskóla fé-
lagsins undanfarin ár, samhliða
fjölbreyttum verkefnum utan hand-
boltans. Hann verði auk þess með
sterkt teymi með sér.
Ólafur stýrði meistaraflokki Vals
2013-14 og var aðstoðarþjálfari
landsliðsins 2015-16.
Óli Stef snýr
aftur í þjálfun
Morgunblaðið/Eva Björk
Hlíðarendi Ólafur Stefánsson mun
þjálfa hjá sínu uppeldisfélagi.
Aðeins átta mánuðum eftir að hann
sneri til baka úr atvinnumennsku til
liðs við Íslandsmeistara Vals hefur
enski framherjinn Gary Martin nú
skrifað undir samning þess efnis að
leika í 1. deild á næsta ári, með liði
ÍBV. Eyjamenn tilkynntu þetta í
gær, nú þegar ljóst er að liðið fellur
úr efstu deild. Martin hefur skorað
fjögur mörk í átta leikjum fyrir ÍBV
og er vísast ætlað stórt hlutverk í
að koma liðinu aftur í efstu deild.
ÍBV hefur einnig gert nýjan
samning við aðalmarkvörð liðsins,
Halldór Pál Geirsson.
Fallnir Eyjamenn
halda Martin
Ljósmynd/Sigfús Gunnar
Eyjamaður Gary Martin kom til
ÍBV á miðju sumri og verður áfram.
Ég þekki mann sem hljóp mara-
þon í Reykjavíkurmaraþoninu.
Hafði hann ekki hlaupið þá vega-
lengd áður.
Þessi maður hafði ekki verið
að flagga því á Facebook að
hann ætlaði að láta vaða í 42
kílómetrana. Er þessi maður á
fertugsaldri og vel á sig kominn
en þó ekki týpan sem eltir uppi
Iron man-keppnir eða háfjalla-
hlaup.
Í síðustu viku heyrði ég hann í
fyrsta skipti nefna að hann ætl-
aði að hlaupa maraþon. Varð ég
óneitanlega undrandi en spennt-
ari fyrir uppátækinu eftir því
sem ég ræddi þetta meira við
hann.
Það næsta sem ég hef komist
því að villast inn í götuhlaup í
seinni tíð er þegar ég fylgdist
grannt með Kára Steini Karls-
syni við hlaupabrautina á Ólymp-
íuleikunum í London árið 2012.
Ég hóf að spyrja kunningja
minn hvort hann hefði prófað að
hlaupa 30 kílómetra eða 35 kíló-
metra til að láta reyna á þolið og
skrokkinn. Nei, var svarið. Hafði
hann ekki hlaupið lengra en 21
kílómetra í einu.
Afslappaðra viðhorfi til
jómfrúhlaups í maraþoni hef ég
ekki kynnst áður. Um leið og
hann borðaði grísahnakka með
sveppasósu, og drakk kók með,
daginn fyrir hlaupið, sagði hann
mér frá því að þol í hægu skokki
hefði aldrei verið vandamál. En
bætti því við að hann ætlaði bara
að gera öll byrjendamistökin og
hefði ekki leitað ráða hjá reynd-
um hlaupaspírum.
Kunningi minn lauk maraþon-
hlaupinu og það án þess að úr
geirvörtunum blæddi. Þegar ég
hitti hann í gærmorgun var
göngulagið heldur einkennilegt
en lundin var létt.
BAKVÖRÐUR
Kristján Jónsson
kris@mbl.is
Íþrótta- og ólympíusamband Ís-
lands hefur undirritað viljayfirlýs-
ingu við Tama City Tokyo og Koku-
shikan-háskólann í Japan varðandi
æfingaaðstöðu fyrir íslenska hóp-
inn sem tekur þátt í Ólympíu-
leikunum í Tókýó árið 2020.
Þetta kom fram í fréttatilkynn-
ingu sem ÍSÍ sendi frá sér í gær.
Tama City Tokyo er sveitarfélag í
vesturhluta Tókýó-svæðisins, en
um 150 þúsund manns búa þar og
er sveitarfélagið 21 ferkílómetri að
stærð. Nokkrir stórir háskólar eru
staðsettir innan sveitarfélagsins og
er Kokushikan-háskólinn einn af
þeim stærri.
Viljayfirlýsingin felur í sér að
Tama City Tokyo og Kokushikan-
háskólinn munu bjóða æfinga- og
gistiaðstöðu fyrir íslenska hópinn í
aðdraganda Ólympíuleikanna 2020
og verða þannig aðsetur íslenska
hópsins. Þá munu allir aðilar stefna
að því að auka samvinnu og sam-
skipti sín á milli bæði í aðdraganda
leika, á meðan þeir standa yfir og
að þeim loknum.
Ljósmynd/Simone Castrovillari
Ólympíufari Anton Sveinn McKee getur nýtt sér gestrisni Japana.
Ísland komið með
„heimavöll“ í Japan