Þjóðarbúskapurinn - 01.07.1972, Page 19

17
Aukning iðnaðarvöruútflutnings annars en áls og kísilgúrs
varð mjög veruleg b*ði árin 1970 og 1971. Árið 1970 jákst
útflutningur iðnaðarvara um 484 og árið 1971 um 41.3% eða úr
393 m.kr. í 556 m.kr.. Vegna söluerfiðleika á heimsmarkaði
var útflutningur áls 1971 aðeins tæpur helmingur þess, sem verið
hafði árið áður, en útflutningur áls minnkaði úr 33.5 þús. tonnum
1970 í 17.6 þús. tonn 1971. Þar sem álframleiðslan júkst á sama
tíma úr 38.0 þús. tonnum í 41.3 þús. tonn, varð mikil birgða-
aukning áls á árinu 1971. Álbirgðirnar í árslok námu um
30 þúsund tonnum.
Árin 1969 til 1971 hafa að öllum líkindum verið eitthvert
hagstæðasta tímabil iðnaðarins á þessum áratug. Afkoma iðnaðarins
ins fúr hrakandi á árunum 1964 til 1967, en fúr batnandi þegar á
árinu 1968. Þessi hagstæða þrúun hélzt til ársins 1970 og fram
á árið 1971.
Aðrar greinar og framleiðslan í heild.
Vöxtur innlendrar eftirspurnar hafði ekki mikil áhrif á
byggingarstarfsemi á árinu 1970, en hún jókst þá aðeins um 2%
frá lægð ársins 1969. En á árinu 1971 hljép mikill fjörkippur
í framkvæmdir, og varð sú þróun skýrari eftir því sem á árið
leið. Aukningin í byggingarstarfsemi og mannvirkjagerð er talin
hafa numið um 17% á árinu. í öðrum atvinnugreinum, þ.e. í
verzlun og hvers konar þjónustu, var um verulega framleiðslu-
aukningu að ræða í takt við almenna þróun eftirspurnar. Laus-
legar áætlanir benda til 10 til 15% aukningar í starfsemi þessara
greina á árinu 1971.
í heild má ætla, að vöxtur þjóðarframleiðslunnar hafi numið
rúmlega 6% á árinu 1970. Árið 1971 varð aukningin mun kröftugri
og má ætla, að vöxtur þjóðarframleiðslunnar hafi numið um 9 1/2%
á árinu. Er þetta meiri aukning en nokkurt aðildarlanda 0ECD
náði á síðast liðnu ári. Heildarfjárhæð þjóðarframleiðslunnar á
verðlagi ársins hefur sennilega verið nálægt 52 1/2 milljarði króna.
Hér fer á eftir yfirlit yfir áætlaðar magnbreytingar
framleiðslunnar í heild árin 1970 og 1971 eftir atvinnugreinum.
Þessar áætlanir eru ekki allar byggðar á traustum heimildum og
ber fyrst og fremst að líta á þær sem vísbendingar um breytingar
þjóðarframleiðslu frá framleiðsluhlið.