Faxi - 01.10.2016, Blaðsíða 10
áfa9 a /buáanaia
Gamla flugstöðin
Við stríðslok var ljóst að gjörbylting var
að eiga sér stað í samgöngum milli
landa. Flugið var komið til að vera en þótt
flugbrautirnar væru til staðar á Keflavíkur-
flugvelli þá voru þjónustubyggingar margar
hverjar úr sér gengnar og ekki vel til þess
fallnar að þjóna nýju hlutverki. Fljótlega í
stríðslok hófst mikill uppbygging á flugvell-
inum og var meðal annars byggð flugstöð,
sem fékk nafnið Keflavík og var vígð 9. apríl
1949.
Flugstöðin þjónaði mörgum hlutverkum.
Fyrir utan að afgreiða flugfarþega þá var
þar til húsa veðurstofa, tollafgreiðsla og
útlendingaeftirlit, skrifstofur pósts og
flugvallaryfirvalda, veitingasalur fyrir 150
manns og hótel með 50 herbergjum.
Flugstöðin var í notkun allt þar til að
núverandi flugstöð, Flugstöð Leifs Eiríks-
sonar, var vígð við hátíðlega athöfn þann
12. apríl 1987 af Vigdísi Finnbogadóttur,
forseta Islands. Nýja flugstöðin var ekki
bara stærri og betri hún var utan girðingar.
Sú gamla var djúpt inn á svæði varnarliðsins
og þannig þurftu flugfarþegar að fara í
gegnum aðalhliðið sem var rétt við veginn
út í Hafnir.
Gamla flugstöðin hélt þó áfram að vera
flugstöð en nú þjónaði hún eingöngu
varnarliðum og gestum þess. Byggingin er
enn uppistandandi og eflaust eiga margir
Islendingar minningar um sína fyrstu
utanlandsferð tengdar þessari byggingu.
Á þeirri rúmu hálfu öld frá því að hún var
byggð hefur verið byggt við hana og endur-
byggt til að mæta breyttum þörfum og nýju
hlutverki. Eftir brotthvarf varnarliðsins
hefur byggingin lítið verið notuð og líklegt
má telja að hún verði látin víkja. Það yrði
flókið að gefa þessari byggingu nýtt líf með
öllum sínum viðbyggingum og endur-
byggingum en gaman væri ef hluti hennar
fengi að standa sem minnisvarði um þá tíð.
Þessi bygging er órofa tengd þeirri lífs-
kjarabyltingu sem varð á sjötta og sjöunda
áratugnum þegar alþýða manna gat veitt sér
þann munað að fljúga suður í sólina.
10 FAXI