Faxi - 01.10.2016, Blaðsíða 18

Góð ímynd svœðisins
l
Um skeið hefur ímynd Reykjaness
verið löskuð. Varnarliðið átti lengi
vel hlut að máli að íbúarnir voru litnir
hornauga en margir þeirra komust hátt
í störfum fyrir Kanann án þess að hafa
mikla menntun. Við þóttum njóta ýmissa
fríðinda með herstöð í túnfætinum sem
sumir öfunduðust út af. Jafnvel rokið,
sem nú þykir auðlind í rekstri gagnavera
á þessu sama svæði, er nefnt þegar
svæðið er gagnrýnt, ásamt þáttum eins
og fá atvinnutækifæri, spilling, félagsleg
vandamál og fleiri ranghugmyndum.
Heklan - Atvinnuþróunarfélag Suður-
nesja, hóf fyrir um ári síðan samstarf
við H:N Markaðssamskipti um að bæta
ímynd svæðisins. ímyndarherferðin heitir
„Reykjanes - við höfum góða sögu að segja“
og gengur út á að bæta ímyndina með
skipulögðum hætti. Herferðin, sem einnig
er grunnurinn að eflingu svæðisins, miðar
að því að fylla íbúa svæðisins stolti, laða að
nýja íbúa, ný atvinnutækifæri, auka hag-
vöxt, tekjur og fjölga ferðamönnum. Margt
hefur áunnist og um svipað leyti og vinna
við bætta ímynd hófst varð Reykjanesið
vottaður UNESCO jarðvangur sem er
gæðastimpill fyrir svæðið. Markaðsstofan
Suðurnesja, sem rekin er af Heklunni, stýrir
vinnu í tengslum við jarðvanginn og þá
uppbyggingu sem er á svæðinu varðandi
ferðamennsku og jákvæða ímynd. Einn af
verkefnastjórunum er Þuríður Halldóra
Aradóttir sem Svanhildur Eiríksdóttir
ræddi við um ímyndina fyrr og nú og þá
vinnu sem er í gangi.
Eitt af því fyrsta sem berst í tal þegar rætt
er um ímynd Reykjanessins er mikilvægi
Þuríður Halldóra Aradóttir. Ljósmynd Svahildur Eiríksdóttir.
þess að tengja það við Reykjanes jarðvang. í
vottun UNESCO felist gæðastimpill og vitn-
eskja um að á svæðinu eru merkilegar nátt-
úruminjar. Á Reykjanesinu er það eldvirkn-
in og flekaskilin milli Evrasíu og Ameríku
sem eru aðalsmerki svæðisins og mikilvægt
að tengja við vaxandi ferðaþjónustu og
möguleika svæðisins, ásamt þeirri ímyndar-
vinnu sem er í gangi undir stjórn H:N
Markaðssamskipta. „Grunnurinn að því
verkefni er Sóknaráætlun fyrir landshluta,
sem Samband sveitarfélaga á Suðurnesjum
og Samband íslenskra sveitarfélaga sam-
þykkti í samstarfi við ríki og Byggðastofn-
un. I framhaldi af henni mótaði hver lands-
hluti sína stefnu, um hvað bæri að leggja
áherslu á, hvað ætti að gera o.s.frv. Þannig
kom samstarfið við H:N Markaðssamskipti
til og er framhald af mótunarvinnu sem
hófst í fyrra. Það er kallaður saman mjög
breiður hópur fólks af öllu svæðinu, bæði úr
atvinnulífinu og sveitarfélögum og farið er
yfir hvaða verkefni okkur finnst við eiga að
fara út í. Síðustu tvö til þrjú árin hefur verið
rosalega mikill fókus á markaðssetningu
svæðisins og ímynd þess. Fólki er mjög
umhugað um orðstírinn og það er búið að
vera lengi. Fólki finnst að ekki hafi verið vel
talað um Reykjanesið, talað er um ósann-
gjörn ummæli og ósanngjarna orðræðu sem
tengist Reykjanesinu og það varð ofan á að
fólk vildi breyta þessu.“
Vitundavakning inn á við
og kynning út á við
Þuríður segir ákveðnar mýtur vera í gangi
sem við getum ekki breytt nema með því
að við byrjum hjá okkur sjálfum, þ.e.a.s. að
íbúar á Reykjanesi breyti því hvernig þeir
hugsi og tali um svæðið. „Þannig kom þetta
upp og nú höfum við gert samning við H:N
Markaðssamskipti til að aðstoða okkur við
- Jdrðhiti ájleykjanesskagana
Ljósniynd Svayar Ellertsson.