Faxi - 01.10.2016, Blaðsíða 22

:ŒfH j Ziái m
njnJ mTm - D C EíotelHostel
njiyr i r | ■ ¥

Eg heiti Richard Henry Eckard og er
hótelstjóri Base Hotel á Ásbrú.
Ég hef búið í Danmörku meirihluta síðustu
15 ára og þar kviknaði ástríða mín fyrir
hótelgeiranum.
Árin 2003 - 2010 vann ég í Horsens á 142
herbergja hóteli sem var áður gamalt sveita-
setur. Þar kynntist ég alvöru hótelrekstri
og síðan þá hefur hótelrekstur verið ástríða
hjá mér. Þetta litla hótel var vinsæll staður
fyrir veislur, ráðstefnur og hópefli fyrirtækja
ásamt því að vera vinsæll áfangastaður fyrir
gesti á sumrin. Þar var afslappað yfirbragð
og góður tími til að öðlast mikilvæga reynslu
við hótelrekstur.
Árið 2010 fluttum við fjölskyldan til Is-
lands, ég settist á skólabekk á ný og tók stúd-
entspróf við Keili á Ásbrú, lærði Ferðamála-
fræði og ensku við Háskóla íslands. Þremur
árum seinna fluttum við aftur til Danmerkur.
Þá hóf ég störf í miðbæ Árósa á glænýju og
glæsilegu 4 stjörnu hóteli sem taldi 228 her-
bergi þar sem stórstjörnur, leikarar, hljóm-
sveitir og ráðherrar voru tíðir gestir.
Ég hef því í gegnum tiðina sinnt fjölbreytt-
um hópi viðskiptavina með ólíkar þarfir og
hef brennandi áhuga á að veita framúrskar-
andi þjónustu, hef unun af því að leiðbeina
fólki og leysa úr vandamálum með jákvæðni,
gleði og húmor að leiðarljósi.
Ég hef ávallt fylgst vel með þróun ferða-
mála á fslandi þá sérstaklega á Suðurnesjum
og sem Suðurnesjamaður hefur mér ávallt
fundist Suðurnesin vera falin perla sem
ferðamenn sem og íslendingar viti ekki um.
Þegar þetta verkefni bauðst mér var ég svo
spenntur fyrir því að kallað var til fjölskyldu-
fundar hjá okkur og málin rædd. Konan mín
og þrjú heimabúandi börn okkar samþykktu
að rífa upp tjaldhælana og pakka saman hús-
inu okkar í Vejle og halda heim til fslands. f
enn annað ævintýrið.
Hugsjón mín hvað varðar Base Hotel er
þess vegna að leggja mikla áherslu á að vinna
náið með okkar nærumhverfi á Suðurnesjum
og þar með styrkja Reykjanessvæðið, í kynn-
ingu þess til ferðamannsins og um leið að
vera samastaður íslendinga á leið í eða úr fríi
sem og íbúa og námsmenn á Suðurnesjum.
Smá um mig:
Ég er miðju barn af fimm systkinum og
eini strákurinn. Tvær af systrum mínum
eru kennarar, ein þroskaþjálfi og sú fjórða
fjármálastjóri. Ég ólst upp í Sandgerði. Frá
því í æsku fór ég fljótlega að sækjast í störf
í nemendaráði og tómstundanefndum,
keppti í ræðukeppnum og stundaði skíða- og
hestamennsku. Ég bjó þar þangað til ég og
konan mín sem einnig er úr Sandgerði, þá
með þrjú börn, héldum saman í ævintýri til
Danmerkur árið 2001. Þremur börnum og
fimmtán árum síðar erum við flutt heim á
Suðurnesin aftur.
Ég kom einn heim í maí á þessu ári þar
sem ég fór beint í það að vinna við upp-
setningu hótelsins. Ég flakkaði svo fram
og tilbaka til að pakka heimilinu saman og
komum við fjölskyldan svo öll í lok júlí.
Ég er nú stundum spurður að því hvernig
mér nú datt í hug að flytja heim og þá er oft
nefnt veðrið, eða pólitík og fleira. Ég svara
því þá með bros á vör að okkur fannst mjög
gott að búa á meginlandi Evrópu og hefur
það víkkað sjóndeildarhring okkar en heima
er alltaf heima og vissum við alltaf að þangað
kæmum við aftur. Heim aftur á Suðurnesin
þar sem fjölskyldur okkar og vinir eru en þó
er það alltaf þannig að þegar maður flytur í
annað land þá skilur maður alltaf eitthvað
eftir á báðum stöðum.
Það hefur verið tekið alveg ótrúlega vel á
móti okkur bæði persónulega og gagnvart
opnun nýja hótelsins hvar sem við komum.
Ég hlakka mjög mikið til að vera með í því að
styrkja Suðurnesin og kynna þau fyrir bæði
ferðamanninum og íslendingnum sem vita
ekki að það er mun meira á Suðurnesjum en
bara flugvöllurinn.
22 FAXI