Skessuhorn - 25.02.2015, Qupperneq 2

2 MIÐVIKUDAGUR 25. FEBRÚAR 2015
Pípó einnig
verktaki við
loftræstikerfi
AKRANES: Í frétt um nýtt
loftræstikerfi á Sjúkrahúsi
Akraness í síðasta blaði var
sagt frá samstarfsaðilum
og undirverktökum Blikk-
smiðju Guðmundar í þessu
stóra verkefni. Þar láðist að
nefna að Pípulagningaþjón-
ustan (Pípó) var einn sam-
starfsaðilanna. Það leiðrétt-
ist hér með.
–mm
Gulir
lögreglu­
borðar
VESTURLAND: Þegar
lögreglan hefur komið að
og afgreitt umferðaróhapp
er venjan að hún setji gul-
an lögregluborða á ökutæk-
ið. Þannig mega vegfarend-
ur vera þess fullvissir að lög-
reglan, sjúkraflutningsmenn
og aðrir viðbragðsaðilar séu
búnir að afgreiða málið. Sé
slíkur gulur borði hins veg-
ar ekki á ökutæki á vegi eða
utan vegar; sem ætla má að
hafi lent útaf eða í árekstri,
er að sjálfsögðu öllum veg-
farendum, bæði rétt og skylt
að huga að málum og kom
þeim til aðstoðar er þess
þurfa. Sé lögregla og hjálp-
arlið að störfum og ekki er
beðið um aðstoð er óþarfi
að stöðva eða gefa sig fram,
segir í tilkynningu frá lög-
reglunni á Vesturlandi.
–þá
Kræsingar
sýknaðar
af ákæru
BORGARNES: Fyrirtæk-
ið Kræsingar í Borgarnesi,
áður Gæðakokkar, var sýkn-
að síðastliðinn föstudag í
Héraðsdómi Vesturlands af
kæru Matvælastofnunar um
rangar innihaldslýsingar á
vöru og þar með vörusvik.
Málið snerist um að ekkert
nautakjöt fannst í nautabök-
um frá fyrirtækinu, en DNA
rannsókn leiddi það í ljós.
Matvælastofnun gerði rann-
sóknina hjá Gæðakokkum í
kjölfar hrossakjötshneykslis
í Evrópu 2013. Niðurstaða
Héraðsdóms Vesturlands
byggist á því að einungis eitt
sýni hafi verið tekið og það
sé ekki nægjanlegt til sönn-
unar. Ekki sé því hægt að úti-
loka að um óhapp hafi verið
að ræða og því bera að sýkna
fyrirtækið af ákærunni. Ekki
liggur fyrir hvort dómi Hér-
aðsdóms Vesturlands verði
áfrýjað til Hæstaréttar.
-þá
Enn og aftur er ástæða til að minna
fólk á að fylgjast vel með veður-
spám og skipuleggja sínar ferðir
samkvæmt þeim. Áfram eru kröft-
ugir umhleypingar í kortunum.
Einnig að hafa bíla sína eins vel
búna og kostur er til vetrarferða.
Mikið álag hefur verði á björgun-
arsveitum að undanförnu og allir
þurfa að leggjast á eitt við að reyna
að fækka þeim útköllum. Það ger-
um við best með því að sýna fyrir-
hyggju.
Veturinn virðist ekki vera að lina
tökin og útlit er fyrir kulda og hríð-
arveður næsta dagana. Á fimmtu-
dag er spáð norðan 23-30 m/sek.
með talsverðri snjókomu á norð-
vestanverðu landinu og örlít-
ið hægari suðvestanlands með
dálítilli snjókoma. Á föstudag er
spáð norðvestan stinningi norð-
austanlands með éljum en held-
ur hægari sunnan- og vestantil
og bjartviðri. Austan 8-13 m/sek
um kvöldið með snjókomu sunn-
anlands en lægir og léttir til fyr-
ir norðan og austan. Á laugardag
er útlit fyrir suðaustan 5-13 og él
syðra en hægara og björtu með
köflum norðan heiða. Á sunnudag
er í kortunum norðan hvassveður
með ofankomu norðan- og aust-
anlands. Frost verður yfirleitt að
fimm stigum þessa daga.
Í síðustu viku var spurt á vef Skessu-
horns: „Fannst þér Hæstaréttar-
dómur í Al Thani málinu réttlát-
ur?“ Langflestur eru á því að hann
hafi verið of vægur eða 58,33%,
„hæfilegur“ var svar 31,31%, „nei
of þungur“ sögðu aðeins 3,28% og
7% höfðu ekki skoðun á því.
Í þessari viku er spurt:
Hvernig sjónvarpsefni finnst þér
útsending frá Edduverðlaunum?
Smábátasjómenn eru Vestlend-
ingar vikunnar. Þeir hafa átt erfitt
með að sækja sjó í umhleypingum
í vetur en einatt sætt lagi og fisk-
að þá vel.
Til minnis
Veðurhorfur
Spurning
vikunnar
Vestlendingur
vikunnar
Markaðsaðstæður batna fyrir grásleppuhrogn
Grásleppukarlar eru með hýrri há
en þeir voru á sama tíma í fyrra þar
sem allt bendir nú til að eftirspurn
verði ágæt eftir grásleppuhrogn-
um á þessu ári. Ólíkt frá síðasta ári
þá munu engar birgðir liggja fyr-
ir af óseldum hrognum frá fyrri
árum. Helsta óvissan nú er bundin
við það hversu marga veiðidaga út-
gerðir grásleppubáta munu fá til að
stunda veiðar á þessu ári.
Heildarveiði á grásleppu í fyrra,
hjá þeim þjóðum sem grásleppu-
veiðar stunda, var sú minnsta sem
skráð hefur verið í þau 40 ár sem töl-
ur ná yfir grásleppuveiðar á heims-
vísu. Grænland og Ísland eru nú
leiðandi þjóðir í hrognkelsaveiðun-
um. Þannig hefur það reyndar ver-
ið undanfarin átta ár eftir að mik-
ill samdráttur varð í veiðum á Ný-
fundnalandi. Vertíðin í fyrra skilaði
grænlenskum veiðimönnum 9.400
tunnum af söltuðum grásleppu-
hrognum. Íslenskir kollegar þeirra
fengu 7.710 tunnur auk þess sem
grásleppan sjálf er hirt hér á landi
og skilar því verðmætum. Alls var
afli þessara tveggja þjóða 94% af
heildarveiðinni í heiminum. Á Ný-
fundnalandi og í Noregi var nán-
ast engin veiði. Hins vegar rofaði
eitthvað til í veiðum hjá Svíum og
Dönum.
Verðmæti drógust
saman
Á vefsíðu Landssambands smá-
bátaeigenda (smabatar.is) má lesa
að útflutningsverðmæti grásleppu-
hrogna frá Íslandi á síðasta ári hafi
numið 1,17 milljörðum króna. Þetta
var um 200 milljónum króna minna
verðmæti en fékkst fyrir hrogn-
in árið 2013. Alls voru flutt út 959
tonn af grásleppukavíar og söltuð-
um grásleppuhrognum. Magnið
skiptist nokkuð jafnt milli afurð-
anna. Heilt yfir var þetta um 8%
samdráttur borið saman við 2013.
Verðhækkun varð á söltuðum
grásleppuhrognum þar sem út-
flutningsverðmæti á hvert kíló fór
upp um 5,4% samanborið við 2013.
Hins vegar lækkaði verð mikið á
grásleppukavíarnum, varð um 18%
lægra nú en á árinu 2013.
Óvissa um fjölda daga
Áhugi hefur glæðst meðal íslenskra
grásleppukarla fyrir því að stunda
veiðar í ár. Söluhorfur eru tald-
ar ágætar enda munu óseld hrogn
ekki vera til í birgðum. Það er betri
staða en á sama tíma í fyrra þegar
framleiðendur sátu enn með nokk-
ur þúsund tunnur óseldar frá ver-
tíðunum 2012 og 2013. Talið er að
heimsmarkaðurinn muni þola það
vel að framleiddar verði alls 20.000
tunnur í ár.
Sjávarútvegsráðuneytið gaf í
upphafi vikunnar út nýja reglu-
gerð um hrognkelsaveiðar. Sam-
kvæmt reglugerðinni verður heim-
ilt að hefja veiðar 20. mars á svæð-
um D, E, F og G, úti fyrir Norður-
og Austurlandi ásamt Suðurlandi
að Garðskaga. Vesturmörk fyrir
norðan er Horn. Á öðrum svæð-
um má byrja veiðar 1. apríl að und-
anskyldum innanverðum Breiða-
firði þar sem veiðar hefjast 20. maí.
Tímabil á hverju veiðisvæði eru 75
dagar og geta grásleppukarlar val-
ið samfellt veiðitímabil innan þess
tíma sem takmarkast af endanleg-
um fjölda veiðidaga. Endanleg-
ur fjöldi veiðidaga mun liggja fyrir
um mánaðamótin mars - apríl, þeg-
ar niðurstöður úr vorralli Hafrann-
sóknastofnunar liggja fyrir. mþh
Á grásleppuveiðum við Akranes.
Strætó hækkar verð um mánaðamótin
Ný gjaldskrá mun taka gildi fyrir
þjónustu strætisvagna Strætó 1. mars
næstkomandi. Stakt fargjald mun
hækka úr 350 krónum í 400 krónur,
eða um 14%, en fargjöld öryrkja og
eldri borgara hækka um 4%. Tekur
ný gjaldskrá við af annarri sem sett
var 1. desember 2012. Þetta kemur
fram í tilkynningu frá Strætó. Þar
segir einnig að breytingarnar séu í
samræmi við fjárhagsáætlun Strætó
fyrir árið 2015 og þeim sé ætlað að
mæta auknum kostnaði, meðal ann-
ars vegna aukinnar þjónustu sem
hófst um áramótin. Samhliða breyt-
ingum á verðskrá verða tekin upp ný
nemakort fyrir 6 til 11 ára og 12 til 17
ára sem miða að því að auka þægindi
og lækka kostnað barnafjölskyldna
við að nýta þjónustuna. Nemakort-
in gilda í eitt ár frá útgáfu en hingað
til hefur aðeins einn flokkur nema-
korta verið í boði. „Aldursflokkur-
inn 18 ára og eldri mun kosta 46.700
kr., 12-17 ára 19.900 kr. og 6-11 ára
7.900 kr. Þetta þýðir að hver strætó-
ferð fyrir barn á aldrinum 6 til 11
ára sem fer 16 ferðir á mánuði mun
kosta 41 krónu og 104 krónur fyr-
ir aldurshópinn 12 til 17 ára. Nýju
nemakortin munu því koma barna-
fjölskyldum vel fjárhagslega auk þess
sem aukin þægindi felast í því að geta
keypt kort til eins árs í stað afslátt-
arfarmiða með takmörkuðum fjölda
ferða,“ segir í tilkynningunni. Kortin
munu veita aðgang að strætisvögn-
um Strætó á gjaldssvæði 1 og hægt
er að kaupa þau á heimasíðu Strætó
og fá þau send heim. Breytingarnar
taka til þjónustu strætisvagna Strætó
en ekki akstursþjónustu fyrir fatlað
fólk. Þar verða engar breytingar á
gjaldskrá.
Verð á fargjöldum milli Reykjavík-
ur og Akraness hækkar um 100 krón-
ur um mánaðamótin. Staðgreiðslu-
gjald eftir breytingar verður því 800
krónur, en ferðin á milli Reykjavík-
ur og Borgarness mun kosta 1.600
krónur. Að Vegamótum er verð-
ið 2.800 kr., Grundarfirði 4.000 kr.
og Ólafsvík 4.400 kr. Þá verður stað-
greiðslugjaldið á milli Reykjavíkur
og Rifs 4.800 kr., Arnarstapa 5.200
kr. en 3.600 krónur á milli Reykja-
víkur og Stykkishólms. grþ
Eimskip kaupir þrjár lóðir á Grundartanga
Eimskipafélagið hefur gengið frá
kaupum á þremur lóðum á iðnaðar-
og hafnarsvæðinu á Grundartanga.
Samtals eru lóðirnar 22.410 fer-
metrar, eða 2,24 ha. Mikil uppbygg-
ing er fyrirhuguð á svæðinu og með
lóðakaupunum tekur félagið þátt í
henni, segir í tilkynningu á heima-
síðu Eimskips. Að sögn Gísla Gísla-
sonar hafnarstjóra Faxaflóahafna
hafa forsvarsmenn Eimskipa sýnt
áhuga fyrir að byggja upp vöruhótel
á Grunartanga auk þess að bæta sína
aðstöðu á svæðinu. Samhliða lóða-
kaupunum hefur Eimskip fest kaup
á tveimur nýjum hafnarkrönum.
Annar kraninn verður settur niður
á Grundartanga þar sem hann mun
m.a. þjónusta álver Norðuráls. Hinn
kraninn verður hins vegar staðsettur
við Mjóeyrarhöfn á Reyðarfirði þar
sem hann leysir eldri krana af hólmi.
Kranarnir verða stærstu hafnarkran-
ar á Íslandi og er sérstaða þeirra
sú að þeir geta lyft tveimur 20 feta
gámum samtímis. Með þessu skap-
ast mikið hagræði við losun og lest-
un skipa. Kranarnir eru rafknúnir
og því umhverfisvænni en eldri olíu-
knúnir kranar. þá
Frá Grundartangahöfn.
Kraninn á Grundartanga verður af
gerðinni TEREX Gottwald GHMK 6507,
svipaður þessum.