Skessuhorn - 25.02.2015, Síða 4
4 MIÐVIKUDAGUR 25. FEBRÚAR 2015
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudög-
um. Auglýsendum er bent á að panta auglýsingapláss tímanlega. Skilafrestur smáaug-
lýsinga er til 12.00 á þriðjudögum.
Blaðið er gefið út í 3.800 eintökum og selt til áskrifenda og í lausasölu.
Áskriftarverð er 2.573 krónur með vsk. á mánuði. Elli- og örorkulífeyrisþegar greiða
kr. 2.230. Rafræn áskrift kostar 2.023 kr. Rafræn áskrift til elli- og örorkulífeyrisþega er
1.867 kr. Áskrifendur blaðs fá 50% afslátt af verði rafrænnar áskriftar. Verð í lausasölu
er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Þórhallur Ásmundsson, blaðamaður th@skessuhorn.is
Guðný Ruth Þorfinnsdóttir, blaðamaður gudny@skessuhorn.is
Magnús Þór Hafsteinsson, blaðamaður mth@skessuhorn.is
Auglýsingar og dreifing:
Emilía Ottesen, markaðsstjóri emilia@skessuhorn.is
Pálína Alfreðsdóttir palina@skessuhorn.is
Valdimar Björgvinsson valdimar@skessuhorn.is
Tinna Ósk Grímarsdóttir (vefauglýsingar) tinna@skessuhorn.is
Umbrot:
Ómar Örn Sigurðsson omar@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Hossihoss
Þrátt fyrir tilburði í þá veru, fæ ég ekki alltaf að vera sjónvarpsstjóri á mínu
heimili. Þar eins og annarsstaðar verður jú að gæta ákveðins lýðræðis, ef
undan eru skildir fréttatímar, þá gildir einræði. Á fréttir vil ég horfa enda
tel ég það hluta af starfinu að fylgjast með því sem til umfjöllunar er í öðr-
um fjölmiðlum. Þess utan sætti ég mig við að ráða ekki dagskránni ef ég
verð undir í atkvæðagreiðslu heimilisfólks um hvaða rás skuli valin á fjar-
stýringunni. En síðastliðið laugardagskvöld sá ég eftir að hafa ekki barist
hatrammar gegn öllum lýðræðistilburðum á mínu heimili. Á dagskrá Rík-
issjónvarpsins var bein útsending frá Eddunni 2015, stærstu sjálfhoss-sam-
komu Íslandssögunnar.
Á Eddunni draup sjálfánægju ómælt af hverju strái. Reyndar vissu þeir
sem voru viðstaddir þessa samkomu í Norðurljósasal Hörpunnar að dag-
skráin yrði löng og strembin og gerðu allt sem í þeirra valdi stóð til að slæva
meðvitundina með róandi efnum, væntanlega flestum í fljótandi formi.
Þetta var svolítið eins og rússnesk rúlletta. Allir vonuðu að þeir yrðu kosn-
ir þeir bestu í sinni grein, en í ljósi þess að þeir gátu einmitt átt það á hættu
að verða hinir útvöldu, þurftu þeir líka að óttast að þurfa að stíga á svið og
ávarpa alþjóð í beinni útsendingu í þessu ástandi. Flestum gekk það djöf-
ullega og ekki veit ég til dæmis hversu ánægð hún var verðlaunaklipparinn
með sjálfa sig daginn eftir þegar mesta gleðin var runnin af henni. Að flestu
leyti var þessi samkoma því alveg drepleiðinleg og ætti ekki að bera á borð
sjónvarpsáhorfenda. Þarna kepptist hin eina og sanna elíta kvikmyndagerð-
ar- og sjónvarpsfólks að hossa hvert öðrum. Gunnu frænku, Siggu barna-
píu og auðvitað mömmu og konunni var þakkað fyrir að vera til, vera þessa
mikla stoð og stytta í lífi þessa fólks sem er náttúrlega ekkert merkilegra en
annað vinnandi fólk. Í ljósi þess að hérumbil á hverju ári eru einungis fram-
leiddar ein, tvær eða í hæsta lagi þrjár nothæfar kvikmyndir hér á landi, var
raunarlegt að fylgjast mewð því þegar sú illskásta fékk hérumbil öll verð-
launin sem í boði voru. Aumingja aðstandendur Parísar norðursins, Af-
ans, Borgríkis og Harrýs og Heimis voru náttúrlega smáðir. Þeirra myndir
voru í nær öllum tilfellum dæmdar lélegri en Vonarstræti sem almennt fær
fremur slaka dóma (almennings). Niðurstaða mín er því einfaldlega sú að
ég ætla að gera ráðstafanir til að vera að heiman næst þegar Eddan einok-
ar dagskrá Ríkisfjölmiðilsins. Kannski er líka niðurstaða mín að Íslending-
ar geta ekki nema svona tíunda hvert ár framleitt bíómynd sem horfandi er
á. Því miður, þetta er bara staðreynd. Ég geri því að tillögu minni að næst
verði Eddan haldin í Laugardalshöllinni, henni ekki sjónvarpað en þess í
stað látið reyna á hversu margir eru tilbúnir að mæta á skemmtundina og
borga með aðgangseyri sínum raunvirði samkomunnar.
Ljósið í myrkri þessarar annars löngu dagskrár úr félagsheimilinu Hörpu
voru heiðurslaunin og handhafi þeirra. Ómar Ragnarsson varð verðskuld-
að fyrir valinu fyrir framlag sitt til sjónvarpssögu Íslendinga. Ég hef fylgst
með sjónvarpi álíka lengi og það hefur verið til hér á landi. Þar gegndi
Ómar alla tíð veigamiklu hlutverki, var dáður og jafnvel dýrkaður. Kannski
fannst okkur landsbyggðartúttunum það sérstaklega vegna þess að Ómar
var hugsanlega eini fjölmiðlamaðurinn af höfuðborgarsvæðinu sem raun-
verulega leit á landsbyggðarfólk sem jafnoka og verðuga uppsrettu efnis og
fræðslu. Hann hefur alltaf náð að fanga einkenni landsins okkar og fólksins
sem það byggir. Ómar er fólksins og fólkið er Ómars.
Magnús Magnússon.
Björgunarskipið Björg í Rifi er
nú í slipp í Njarðvík þar sem við-
gerð og endurbætur standa yfir. Að
sögn Páls Stefánssonar skipstjóra
var farið með skipið í síðustu viku
og áætlað að viðgerð og endurbæt-
ur taki um sex vikur héðan í frá.
Jón Svanberg Hjartarson, fram-
kvæmdastjóri Slysavarnafélagsins
Landsbjargar, segir í samtali við
Skessuhorn að vélar Bjargarinnar
verði teknar upp og lagfærðar en
þörf á því hafi legið fyrir í nokkur
ár. Samhliða fara fram smærri við-
gerðir, reglubundið viðhald og þá
verður skipið heilmálað. Áætlan-
ir gera ráð fyrir að kostnaður við
viðgerðirnar muni nema um 13
milljónum króna. Stærstan hluta
hans greiðir Björgunarbátasjóður
Landsbjargar á grunni samkomu-
lags félagsins og Innanríkisráðu-
neytisins um viðhald og endurbæt-
ur björgunarskipa. Þó mun Björg-
unarbátasjóður Snæfellsness bera
einhvern óbeinan kostnað.
Forsvarsmenn Björgunarbáta-
sjóðs Snæfellsness hafa óskað eft-
ir því að athugað verði hvort unnt
sé að gera Jón Oddgeir, hið af-
lagða skip Landsbjargar, haffært að
nýju til þess að koma í stað Bjarg-
ar á meðan hún er í slipp. Sjómenn
á Snæfellsnesi hafa af því áhyggj-
ur að ekki sé öflugt björgunarskip
til taks meðan Björgin er í við-
gerð. Langt er í næstu björgunar-
skip, eða í Reykjavík, Hafnarfirði
eða á Patreksfirði. Það er að sögn
Jóns Svanbergs til skoðunar að Jón
Oddgeir verði gerður sjóklár fyr-
ir verkefnið, en hann segir ljóst að
búnaðarskoðun þurfi að fara fram
til að fullt haffærniskírteini fáist.
mm/þa Ljósm. þa.
Framkvæmdasjóður ferðamanna-
staða hefur úthlutað styrkjum fyr-
ir árið 2015. Eru þeir að verðmæti
175,7 milljóna króna og skiptast
á milli 50 verkefna. Þar af hljóta
níu verkefni á Vesturlandi styrki
að upphæð rúmar 34 milljónir kr.
Það jafngildir tæplega 19,4% af
heildarúthlutun sjóðsins að þessu
sinni. Tveir hæstu styrkirnir nema
tólf milljónum króna hvor. Annar
þeirra rennur til Akraneskaupstað-
ar vegna framkvæmda við svæðið á
Breið. Þá fær Snæfellsbær tíu millj-
óna króna styrk vegna aðgengis við
Bjarnarfoss í Staðarsveit.
Þeir styrkir sem renna til fram
kvæmda á Vesturlandi eru:
Akraneskaupstaður
Breiðin á Akranesi
12 milljónir kr. vegna yfir-
borðsfrágangs göngustíga, göngu-
svæða og búnaðar á lóð. Markmið
styrkveitingar er að bæta aðgengi
ferðamanna og styðja við uppbygg-
ingu í kringum menningarminjar
bæjarins.
Snæfellsbær
Bjarnarfoss í Staðarsveit, að
gengi fyrir alla, allt árið
10 milljónir kr. til að gera bíla-
stæði, göngubrú, áningarstað og
skilti. Markmið styrkveitingar er að
vernda viðkvæma náttúru og auka
aðgengi ferðamanna að fossinum.
Borgarbyggð
Nýtt bílastæði við Grábrók og
salernisaðstaða
4,9 milljónir kr. til að færa bíla-
stæði út fyrir mörk friðlýsts svæð-
is og að Hreðavatnsskála og bæta
grunnþjónustu með því að opna
nýja salernisaðstöðu. Markmið
styrkveitingar er að bæta grunn-
þjónustu.
Dalabyggð
Strandstígur í Búðardal
2,9 milljónir kr. til að ljúka fram-
kvæmdum við einn áfangastaðanna
við Strandstíg í Búðardal. Markmið
styrksins er að bæta öryggi og að-
gengi ferðamanna og auka upplif-
un þeirra m.a. með bættri aðstöðu
til fuglaskoðunar.
Ólafsdalsfélagið
Endurreisn Ólafsdals í Gilsfirði:
2. áfangi
1,5 milljón kr. til hönnunar og
framkvæmda við fræðslustíg og
aðrar gönguleiðir. Markmið styrk-
veitingar er að styrkja svæðið sem
viðkomustað ferðamanna og auka
aðgengi og ánægju ferðamanna.
Hvalfjarðarsveit
Glymur í Botnsdal
830 þús. kr. til að endurbæta og
viðhalda gönguleið upp að Glym.
Markmið með styrkveitingu er að
bæta aðgengi að fossinum og auka
öryggi ferðamanna með viðhaldi
og endurbótum á stígum og bætt-
um merkingum.
Snæfellsbær
Rauðfeldargjá, Skipulag, hönn
un, teikningar og leyfi
800 þús. kr. til skipulags og
hönnunar á bílastæðum og stíg-
um. Markmið styrkveitingar er að
bæta aðgengi ferðamanna og dreifa
álagi.
Saga jarðvangur project
Viðbótarframlag í Rammaskipu
lag fyrir Sögu Jarðvang
635 þús. kr. til að ljúka vinnu við
rammaskipulag fyrir Sögu Jarðvang
með heildstæðu neti göngu- og
reiðleiða auk kortlagningar jarð-
og söguminja. Markmið styrkveit-
ingar er að stuðla að heildstæðri
og sjálfbærri uppbyggingu ferða-
mannastaða og -leiða á svæði jarð-
vangsins.
Snæfellsbær
Svöðufoss, Hönnun á göngustíg,
bílastæði og áningarstað
500 þús. kr. til hönnunar áning-
arstaðar, göngustíga og bílastæð-
is. Markmið styrkveitingar er að
vernda náttúru, auka aðgengi að
fossinum og dreifa álagi á svæðinu.
kgk
Þessa samsetta mynd er tekin á nán-
ast sama blettinum við veiðihúsið á
bökkum hinnar fengsælu laxveiði-
ár; Grímsá í Borgarfirði. Mynd-
in til hægri er tekin að sumri en sú
vinstra megin síðastliðinn mánu-
dag. Að sögn Sveinbjörns Eyjólfs-
sonar formanns veiðifélags Gríms-
ár og Tunguár minnist hann ekki
þess að hafa séð svona mikla íssöfn-
un á breiðunni neðan við fossinn.
Sveinbjörn segir fossinn vera um
þriggja metra háan en neðan við
hann nú er uppsafnaður ís og við
fyrstu sýn er ekki að sjá neinn foss
lengur. Laxfoss er því horfinn, fram
að leysingum í vor.
mm
Laxfoss ekki sjáanlegur fyrir ís
Björgin í slipp næstu sex vikur
Fimmtungur styrkja Framkvæmda
sjóðs rennur til Vesturlands
Frá Breiðinni á Akranesi þar sem
stórátak í umhverfismálum er fram-
undan.