Skessuhorn - 08.04.2015, Blaðsíða 2

2 MIÐVIKUDAGUR 8. APRÍL 2015
Fá styrk til funda
og fræðslu
AKRANES: Skóla- og frí-
stundaráð Akraneskaupstað-
ar samþykkti á fundi sínum
3. mars síðastliðinn að mæla
með því við bæjarráð að veitt
verði aukafjárveiting til starfs-
mannafunda og fræðslu fyrir
starfsfólk í íþróttamannvirkj-
um. Bæjarráð samþykkti svo á
fundi sínum á dögunum ráð-
stöfun fjármuna að fjárhæð kr.
500.000 til íþróttamannvirkja
Akraneskaupstaðar vegna
starfsmannafunda og fræðslu
fyrir starfsfólk.
–þá
Grundfirðingar
halda bæjarhátíð
GRUNDARFJÖRÐUR:
Eins og mörg undanfarin ár
ætla Grundfirðingar að halda
bæjarhátíð sína „Á góðri
stund“ næsta sumar. Á fundi
Hátíðarfélagsins sem haldinn
var sl. sunnudag 29. mars var
ákveðið að hátíðin færi fram
síðustu helgina í júlí venju
samkvæmt. Stjórnin ákvað
að auglýsa þegar eftir fram-
kvæmdarstjóra hátíðarinnar.
Áhugasamir eru beðnir um að
senda línu á netfangið agodri-
stund@bref.is, segir í tilkynn-
ingu frá stjórn Hátíðarfélags-
ins.
-þá
Auglýsinga-
samningur við
Icelandair
AKRANES: Bæjarráð Akra-
ness samþykkti á fundi sín-
um 26. mars sl. fyrirliggjandi
drög að samningi milli Akra-
neskaupstaðar og Icelandair
vegna auglýsingasamnings í
þættinum Unique Iceland,
sem meðal annars er sýndur á
myndbandaveitunni youtube.
com. Bæjarráð hvetur til þess
að ferðaþjónustufyrirtækjum á
Akranesi verði boðin þátttaka
við gerð auglýsinganna. Þegar
er reiknað með kostnaðinum
í samþykktri fjárhagsáætlun
sem er kr. 500.000. Samning-
urinn er til þriggja ára. Verð-
ur gert ráð fyrir kostnaðinum
í fjárhagsáætlun áranna 2016
til 2017.
-þá
Hvalfjarðar-
göng lokuð um
helgina
HVALFJÖRÐUR: Hval-
fjarðargöng verða lokuð allri
almennri umferð vegna mal-
bikunar um næstu helgi, það
er frá föstudagskvöldi 10. apríl
til mánudagsmorguns 13.
apríl. Lokunin gildir frá kl. 20
á föstudagskvöldið til kl. 6 að
morgni mánudagsins. Ástæða
lokunarinnar er vegna við-
halds á slitlagi í göngunum.
Nú á að malbika aðra akrein
ganganna. Sama verk var unn-
ið á hinni akreininni haustið
2014. Þrátt fyrir að lokað sé
fyrir almenna umferð er gert
ráð fyrir að lögregla, sjúkra-
og slökkvilið komist um göng-
in ef neyð kallar. Í öðrum til-
vikum verða vegfarendur að
aka þessa helgina fyrir Hval-
fjörð.
-mþh
Meðal viðburða á Vesturlandi í þessari
viku má nefna vetrarleika hestamanna-
félagsins Glaðs í Búðardal, stórtónleika
söngdívna ættaðar af Skaganum í Tón-
bergi og þá eru tveir viðburðir í Land-
námsetri í Borgarnesi, Skálmöld og
Hallgrímur og Guðríður.
Veturinn virðist ekki enn hafa sleppt
takinu og áframhaldandi umhleyp-
ingar eru í kortunum. Á fimmtudag er
spáð að gangi í í austan- og norðaust-
an 10-18 með snjókomu eða slyddu
en úrkomulítið verði norðvestan til.
Á föstudag er útlit fyrir vaxandi norð-
austanátt með snjókomu eða slyddu,
10-20 um kvöldið og hvassast austan
til. Á laugardag er spáð hvassri norðan
átt með snjókomu austan til en hæg-
ari og úrkomulitlu vestan til. Lægir og
styttir upp um kvöldið. Kólnandi veður.
Á sunnudag er útlit fyrir hægt vaxandi
sunnan átt og hlýnandi veður, 10-18
um kvöldið og rigning eða slydda
sunnan- og vestan til og hiti 0 til 5 stig,
en annars úrkomulítið og vægt frost.
Í síðustu viku var spurt á vef Skessu-
horns. Myndir þú kjósa sama flokk og
síðast ef kosið væri til þings í dag? Já,
örugglega var svar 34,94% og já senni-
lega sögðu 12,56%. Nei örugglega
ekki sögðu 25,13% og nei sennilega
ekki 11,36%. Ætla ekki að kjósa var svar
6,02% og veit það ekki sögðu 9,98%.
Í þessari viku er spurt:
Býstu við langvarandi verkföllum?
Kári Viðarsson leikstjóri, leikari, stofn-
andi og eigandi Frystiklefans í Rifi.
Hann hefur sýnt og sannað að menn-
ingin getur blómstrað úti á landi.
Eyrarrósin er verðskulduð. Til hamingju.
Til minnis
Veðurhorfur
Spurning
vikunnar
Vestlendingur
vikunnar
Þann 28. nóvember undirrit-
uðu fulltrúar Akraneskaupstaðar,
Borgarbyggðar, Skorradalshrepps,
Hvalfjarðarsveitar, Kjósarhrepps,
Reykjavíkurborgar og Faxaflóa-
hafna viljayfirlýsingu um að koma
á fót samstarfsvettvangi á Grund-
artanga. Viljayfirlýsingin fól með-
al annars í sér að hagsmunaaðilar
Grundartangasvæðisins lýstu yfir
vilja til samstarfs á sviði umhverf-
ismála, við mótun framtíðarsýn-
ar um svæðið með það að mark-
miði að vera leiðandi í umhverfis-
málum, upplýsingagjöf um svæðið
og forgangsröðun á valkostum fyrir
framleiðslu- og þjónustufyrirtæki.
Samkvæmt yfirlýsingunni skyldi
strax hafist handa við undirbún-
ing að stofnun þessa samstarfsvett-
vangs í sameiningu. Þessi viljayfir-
lýsing var undirrituð með pompi og
prakt í stjórnsýsluhúsi Hvalfjarðar-
sveitar. Fulltrúi Kjósarhrepps var
Guðmundur H. Davíðsson oddviti
frá Miðdal. Nú hefur sveitarstjórn
Kjósarhrepps dregið sig út úr þessu
samstarfi.
Hafnað á fundi
sveitarstjórnar
Viljayfirlýsingin var tekin til um-
fjöllunar á fundi sveitarstjórnar
Kjósarhrepps 5. mars síðastliðinn.
Kjósverjar hafna þátttöku í
þróunarfélagi um Grundartanga
Þar var henni hafnað með bókun
þar sem segir meðal annars:
„Samkvæmt fyrirliggjandi drög-
um að hluthafasamkomulagi í
einkahlutafélaginu Grundartangi
Þróunarfélag ehf. er gert ráð fyr-
ir því að aðilar viljayfirlýsingarinn-
ar verði eigendur alls hlutfjár í fé-
laginu að jöfnu. Lagt er hins vegar
til að skipun stjórnar félagsins verði
með þeim hætti að einn stjórnar-
maður verði tilnefndur af Akranes-
kaupstað, einn af Faxaflóahöfnum,
einn frá Hvalfjarðarsveit og einn
frá Reykjavík en einn stjórnarmað-
ur verði hins vegar tilnefndur sam-
eiginlega af Borgarbyggð, Skorra-
dalshreppi og Kjósarhreppi. Sam-
kvæmt þessum drögum að hlut-
hafasamkomulagi verða helstu við-
fangsefni félagsins m.a. að vinna að
stofnun iðnaðar- og framleiðslu-
klasa á Grundartangasvæðinu og
greiða fyrir uppbyggingu, vinna að
stofnun þróunarseturs í málmiðn-
aði og málmtækni og greiða fyr-
ir uppbyggingu atvinnufyrirtækja á
svæðinu m.a. með þátttöku í stofn-
un, eignarhaldi og rekstri félaga.“
Telja ekki tekið tillit
til hagsmuna
Áfram segir svo í sömu bókun að:
„Kjósarhreppur hefur ekki tal-
ið það vera fyrir hagsmuni íbúa og
atvinnurekstrar í sveitarfélaginu
að stuðla að frekari uppbyggingu
á stóriðju á Grundartanga í Hval-
firði. Fyrirhuguð skipun stjórnar
í félaginu tekur á engan hátt tillit
til hagsmuna Kjósarhrepps og tel-
ur sveitarfélagið að það muni lít-
il áhrif hafa á framgang félagsins
þar sem hluthöfum er mismunuð
þátttaka í stjórn þrátt fyrir að gert
sér ráð fyrir því að eignarhald aðila
viljayfirlýsingarinnar í fyrirhuguðu
félagi verði jöfn. Af þessum ástæð-
um hafnar Kjósarhreppur því að
taka þátt í stofnun á Grundartangi
Þróunarfélag ehf. á þeim grundvelli
sem framlögð drög að hluthafasam-
komulaginu gera ráð fyrir.“
Guðmundur H. Davíðsson odd-
viti Kjósarhrepps segir að eft-
ir að viljayfirlýsingin var undirrit-
uð hafi einfaldlega komið á daginn
að Grundartangi Þróunarfélag ehf.
skyldi verða félag um uppbyggingu
fyrir stóriðju og annan þungaiðn-
að á Grundartangasvæðinu. „Við
í Kjósarhrepp, Borgarbyggð og
Skorradalshrepp áttum að leggja
fé í þetta þróunarfélag en litlu eða
engu fá að ráða. Allavega horfir
þetta þannig við hjá okkur í Kjós-
inni. Félagið var þannig orðið allt
annað en lagt var upp með.“
Guðmundur segist upphaflega
hafa staðið í þeirri meiningu að
þróunarfélagið ætti ekki að verða
uppbyggingarfélag fyrir stóriðju.
„En kannski misskildi ég þetta bara.
Nú er þó komið á daginn hvað að-
ilar voru að hugsa sem áttu frum-
kvæði að þessu. Það má segja að
það hafi eftir á að hyggja bara ver-
ið fínt að við frá Kjósarhreppi kom-
um að þessu því allt þetta ferli hef-
ur dregið skýrar fram en áður hvað
aðilar eins og Faxaflóahafnir, Hval-
fjarðarsveit, Akranes og Reykjavík
eru að hugsa þegar Grundartangi
og Hvalfjörður eru annars vegar.
Það er ekkert annað sem vakir fyr-
ir þessum aðilum en það að úthýsa
sem mestri iðnaðar- og hafnarstarf-
semi frá Reykjavík og upp á Grund-
artanga. Slíkar fyrirætlanir eru bara
ekki í þeim anda sem við í Kjós-
inni höfum verið að leggja áherslu
á varðandi framtíðarsýn og áherslur
á Hvalfjarðarsvæðinu,“ segir odd-
viti Kjósarhrepps.
Halda uppi gagnrýni
Þessi orð Guðmundar H. Davíðs-
sonar nú ríma á vissan hátt við yf-
irlýsingu sem hann gaf í ræðu þeg-
ar viljayfirlýsingin var undirrituð
í stjórnsýsluhúsinu í Hvalfjarðar-
sveit í nóvember. Þá voru eftirfar-
andi orð höfð eftir honum í Skessu-
horni: „Við komum ekki endilega
inn í þetta sem „jábræður.“ Það er
þó mikilvægt að vera með og reyna
að hafa áhrif á hvað verið er að gera.
Þessi þróun er jákvæð en þarf ekki
að fela í sér meiri stóriðjustefnu.
Við viljum standa vörð um lífræn-
an landbúnað í Kjósinni. Á sama
tíma erum við meðvituð um að við
getum ekki haldið uppi gagnrýni á
mengun því þá erum við svolítið að
skjóta okkur í fótinn og viðurkenna
að vörur okkar séu ekki nægilega
góðar. Nú er búið að kynna fyrir
okkur hjá Kjósarhreppi fyrirætlan-
ir varðandi starfsemi í Hvammsvík.
Þar er verið að horfa á uppbygg-
inu á töluverðri ferðaþjónustu með
vistvænni hótelbyggingu þar sem
gestir stunda vistvæna útivist. Þeir
aðilar velta fyrir sér hvernig fram-
tíðin verði handan fjarðar á Grund-
artanga. Við gátum bara svarað því
að þar sé fyrir hendi ákveðið skipu-
lag en setjum ákveðna varnagla við
það. Að sjálfsögðu munum við halda
áfram að fylgjast með því hvað er
að gerast þarna og halda mönnum á
tánum. Við teljum það okkar hlut-
verk en fögnum jafnframt að vera í
því samstarfi sem þessi viljayfirlýs-
ing gefur til kynna.“ mþh
Þessi mynd var tekin þegar viljayfirlýsingin var undirrituð í stjórnsýsluhúsi
Hvalfjarðarsveitar 28. nóvember síðastliðinn. Nú hafa Kjósverjar dregið sig út úr
samstarfinu. Guðmundur H. Davíðsson oddviti situr yst til vinstri.
Samstarfsvettvangurinn um
Grundartanga enn á undirbúningsstigi
Stefnt var að því við undirritun vilja-
yfirlýsingarinnar um samstarfsvett-
vanginn um Grundartangasvæðið
að hann hefði störf um áramót. Til
stóð að ráða sérstakan starfsmann
til verkefnisins og hugmyndir voru
uppi um að hann hefði vinnuað-
stöðu í stjórnsýsluhúsi Hvalfjarðar-
sveitar. Ekkert hefur enn orðið úr
þeirri ráðningu.
„Það má segja að eftir að vilja-
yfirlýsingin var undirrituðu þá hafi
sveitarfélögin á sinn hátt gripið
boltann. Það hefur átt sér stað tölu-
verð umræða um hvaða form sé
rétt að hafa á þessu samstarfi sem
dregið var upp í viljayfirlýsing-
unni. Spurt er hvort þetta þróun-
arfélag eigi að vera hlutafélag eða
á einhverju öðru formi. Um þetta
hafa verið skiptar skoðanir. Það
var svo samþykkt á fundi Faxaflóa-
hafna að fela Akranesi, Hvalfjarðar-
sveit og Borgarbyggð að ræða þetta
frekar sín á milli. Það var svo hald-
inn fundur um málið 31. mars. Þar
var ákveðið að biðja um álit frá ráð-
gjafafyrirtæki um það hvaða leiðir
væru mögulegar í þessum efnum og
þar stendur málið núna,“ segir Páll
Brynjarsson, framkvæmdastjóri
Sam taka sveitarfélaga á Vesturlandi
(SSV), en samtökin hafa starfað
sem tengslavettvangur í málinu.
Páll segir að athugasemdir Kjós-
arhrepp varðandi félagið snúi fyrst
og fremst að drögum sem lágu fyr-
ir. „Það hefur ekkert verið ákveð-
ið enn, þetta voru fyrst og fremst
drög að félaginu. Það verður bara
að ræða við Kjósverja frekar þeg-
ar menn hafa rætt þetta verkefni
og komist að niðurstöðu um hvaða
ramma og skipulag það fær,“ segir
Páll Brynjarsson.
mþh
Kristín Soffía Jónsdóttir formaður stjórnar Faxaflóahafna, Gísli Gíslason hafnar-
stjóri, Björn Blöndal formaður borgarráðs Reykjavíkur og Ólafur Adolfsson for-
maður bæjarráðs Akraness þegar viljayfirlýsingin var undirrituð í nóvember.