Skessuhorn - 08.04.2015, Blaðsíða 18

18 MIÐVIKUDAGUR 8. APRÍL 2015
Næstkomandi föstudagskvöld, 10.
apríl, verður söngleikurinn Grease
frumsýndur í Bíóhöllinni á Akra-
nesi á vegum leiklistarklúbbs nem-
endafélags Fjölbrautaskóla Vest-
urlands. Þetta er í fyrsta sinn sem
Grease er settur upp á Skaganum.
Uppsetningin er stór í sniðum, alls
koma hátt í 70 manns að henni
með einum eða öðrum hætti.
Leikstjóri sýningarinnar er
Hallgrímur Ólafsson, oftast kall-
aður Halli Melló. Hann segir æf-
ingar hafa gengið vonum framar
en þó sé ýmislegt sem enn þurfi að
huga að. „Leikhús gengur aldrei
fyrr en rétt fyrir frumsýningu,
þetta er bara endalaus vinna,“ seg-
ir Halli og nefnir að æfingaferl-
ið blekki með tímanum þá sem
standa að uppsetningunni. „Það
er æft í margar vikur, allir löngu
hættir að hlæja að bröndurunum.
Maður veit aldrei fyrr en áhorf-
endur koma hvort þetta er gott eða
ekki,“ bætir hann við og segir það
gilda um allar uppsetningar, bæði í
áhuga- og atvinnuleikhúsum. Ferl-
ið sé í grunninn alltaf það sama,
munurinn á atvinnu- og áhuga-
leikhúsi birtist fyrst og fremst hjá
þeim sem koma að uppsetningu
verkanna. „Í atvinnuleikhúsi er
þetta náttúrulega það sem maður
starfar við. Maður mætir í vinnuna
og veit nákvæmlega hvað maður
gerir þann daginn. Svona áhuga-
leikhús er að vissu leyti líflegra.
Hér fylgist maður með krökkun-
um bæta færni sína stórlega á ör-
fáum vikum, það sér maður vitan-
lega ekki hjá atvinnuleikurum. Það
eru meiri læti á bak við, sérstaklega
þegar maður vinnur með þessum
aldurshópi,“ segir Halli og bros-
ir. „Síðan er mjög skemmtilegt að
sjá þessa ofboðslegu tilhlökkun til
lokaniðurstöðunnar. Hér var ég til
dæmis spurður þremur vikum fyr-
ir frumsýningu hvenær við mynd-
um æfa uppklappið og hvernig við
hneigjum okkur. Það er það sem
mér þykir leiðinlegast,“ bætir hann
við og hlær.
Hjördís Tinna Pálmadóttir og
Heiðmar Eyjólfsson fara með
hlutverk aðalpersónanna Sandy
og Danny. Aðspurð hvernig mót-
un persónanna hafi gengið segja
þau hana langt komna en ljúki lík-
lega ekki fyrr en á frumsýningar-
degi. „Sandy er þessi ljúfa og góða
stúlka sem veit samt alveg hvað
hún syngur,“ segir Hjördís Tinna
sem kveðst tengja aðeins við pers-
ónu hennar. „Sú Sandy sem ég
leik er kannski aðeins ákveðnari
við Danny en sú sem birtist í bíó-
myndinni,“ bætir hún við. Heið-
mar tekur undir með Hjördísi
Tinnu og nefnir að hann byggi
sinn Danny mikið á bíómyndinni.
„Ég get reyndar ekki dansað eins
og hann,“ segir Heiðmar og hlær.
Bæði Hjördís Tinna og Heiðmar
hafa sungið opinberlega við hin
ýmsu tilefni og segja sönginn ekki
hafa vafist mikið fyrir þeim. „Við
ætlum að syngja þetta í uppruna-
legu tóntegundunum, það hefur
ekki verið vandamál,“ segja þau.
Lifandi tónlist og
mikill söngur
Tónlistin er fyrirferðamikill hluti
sýningarinnar og það skiptir leik-
stjórann miklu máli að flutning-
ur hennar sé lifandi. „Hún gegn-
ir mjög stóru hlutverki í sýning-
unni. Þetta eru mikil söngatriði,
tengd eru saman með leikþátt-
um. Þess vegna var mikilvægt að
velja sterka söngvara í aðalhlut-
verkin, þannig verður sýning-
in sem best. Svo myndi ég aldrei
gera þetta án þess að vera með
hljómsveit. Áhorfendur eiga að fá
að njóta þess að allur flutningur
sé lifandi,“ segir Halli. Undirleik-
ur verður í höndum hljómsveit-
ar sem sérstaklega var sett saman
fyrir sýninguna. Hún verður stað-
sett við hliðina á sjoppunni á móti
aðalinngangi hússins, ekki á svið-
inu. Þannig skilar hljómurinn sér
sem best til áhorfendanna í saln-
um. „Við verðum þarna frammi
með skjá þar sem við sjáum sýn-
inguna í beinni og heyrum allt
sem fram fer,“ segir Birgir Þóris-
son tónlistarstjóri. „Hljómsveitin
verður íklædd búningum í stíl við
leikarana og mun spila fyrir sýn-
ingu meðan fólk gengur í salinn,
í hléinu og svo auðvitað öll lögin í
sýningunni,“ bætir hann við.
„Þetta verður mikið fjör og við
hvetjum alla til að koma og sjá
þessa sýningu,“ segja þau Hjördís
Tinna og Heiðmar og leikstjórinn
tekur undir með þeim. „Það er al-
veg frábært að koma heim og sjá
kraftinn í sínum gamla heimabæ,
að það séu miklu fleiri tækifæri,
eins og þetta, sem voru ekki til
staðar þegar ég var hér. Það er
fleira í boði en bara fótbolti,“ seg-
ir Halli að lokum.
kgk
Sungið af mikilli innlifun á æfingu. Ljósm. eo.
Grease í Bíóhöllinni
Heiðmar Eyjólfsson fer með hlutverk Danny. Ljósm. eo.
Hjördís Tinna Pálmadóttir leikur
Sandy í sýningunni. Ljósm. eo.
Flutningaskipið Gitana kom til
Ólafsvíkur annan páskadag með
saltfar. Skipað var upp 900 tonnum
af salti úr skipinu. Saltfiskvinnslu-
fyrirtækið Valafell fékk 100 tonn og
KG Fiskverkum í Rifi tók 300 tonn.
Afganginum, það er um 500 tonn-
um var skipað upp til geymslu við
Ólafsvíkurhöfn. Fenginn var krani
frá Borgarnesi sem hífir átta sekki
í einu. Uppskipunin stóð fram eft-
ir kvöldi. Skipið fór frá Ólafsvík
um fimm morguninn eftir og sigldi
Stykkishólms.
þa
Saltskip
til Ólafsvíkur
um páska