Skessuhorn - 08.04.2015, Blaðsíða 6

6 MIÐVIKUDAGUR 8. APRÍL 2015
Stykkishólmsbær
auglýsir fjölda lóða
STYKKISH.: Fjöldi byggingalóða
í Stykkishólmi eru lausar til úthlut-
unar samkvæmt frétt sem birtist á
vef sveitarfélagsins í vikunni yfir
páskahelgi. Um er að ræða 15 ein-
býlishúsalóðir, fjórar parhúsalóðir
og lóðir fyrir verslun, þjónustu og
annan atvinnurekstur. Skoða má
nánari upplýsingar um lóðirnar og
staðsetningar þeirra á vef Stykkis-
hólmsbæjar (stykkisholmur.is).
–mþh
Kælingin í
Drangey gengið
vonum framar
MIÐIN: Frá áramótum hafa skip-
verjar á togaranum Drangey SK frá
Sauðárkróki prófað nýjan búnað til
kælingar á fiskafla um borð. Eins og
greint hefur verið frá í Skessuhorni
var þessi búnaður þróaður og smíð-
aður hjá 3X Technology og Skagan-
um á Akranesi. Búnaðurinn bygg-
ir á að nú er fiskurinn kældur með
sjó í stað íss áður. Björn Jónasson
skipstjóri á Drangey segir að nýja
vinnslu- og kælilínan hafi kom-
ið mjög vel út þótt enn sé unnið að
betrumbótum. Björn segir að þetta
hafi gengið vonum framar. Nýja
kælingin og geymsluaðferðin komi
vel út. Í fyrstu veiðiferðina hafi ver-
ið tekið með til öryggis smávegis af
ís, en ekki þurfti að gípa til hans. Því
hafi ekki verið notað eitt korn af ís
um borð í Málmey á þessu ári, að
sögn Björns skipstjóra í viðtalið sem
birt er í páskablaði Fiskifrétta.
–þá
Komst ekki langt
frá armi laganna
AKRANES: Aðfaranótt annars í
páskum ætlaði lögreglan á að hafa
tal af gangandi mönnum á Akranesi.
Tók þá annar þeirra á rás um leið og
lögreglubíllinn var stöðvaður. Hann
var eltur uppi á hlaupum og hand-
tekinn. Reyndist hann vera með um
15 grömm af ætluðu amfetamíni á
sér sem talið er að hann hafi ætlað
að selja.
-þá
Tíu undir áhrifum
við akstur
VESTURLAND: Tíu ökumenn
voru stöðvaðir af lögreglunni á Vest-
urlandi í liðinni viku vegna gruns um
akstur undir áhrifum fíkniefna. Í fjór-
um tilvikum reyndust ökumenn eða
farþegar vera með fíkniefni meðferð-
is sem að lögreglan haldlagði. Um
kannabisefni var að ræða en einn-
ig amfetamín. Í einu tilvikinu kom
fljótlega í ljós að viðkomandi öku-
maður var í lagi og ekki undir nein-
um fíkniefnaáhrifum. Flestir þess-
ara ökumanna voru á leið í gegnum
umdæmið en einnig var um „heima-
menn“ að ræða, að sögn lögreglu. Í
einu tilvikinu kom við sögu maður
á fimmtugsaldri sem var á ferðinni
ásamt þremur ólögráða piltum. Var
fulltrúi barnaverndarnefndar kall-
aður út vegna þessa sem og vegna
annars máls þar sem um ungan öku-
mann var að ræða. Fíkniefnahund-
urinn Nökkvi var notaður við leit í
sumum bílanna og fann hann hluta
af efnunum. Þá var einn ökumað-
ur stöðvaður vegna meintrar ölv-
unar við akstur. Fimm umferðaró-
höpp urðu í umdæmi LVL í liðinni
viku, flest minniháttar og án meiðsla
á fólki. Þar af var um eina bílveltu
var að ræða á Snæfellsnesi þar sem
erlendir ferðamenn lentu útaf á bíla-
leigubíl og veltu. Voru ökumaður og
farþegi í öryggisbeltum og sakaði
ekki. - þá
Rafmagnsleysi á
páskanótt
AKRANES: Rafmagni sló út
í stórum parti af gamla bæjar-
hlutanum á Akranesi laust eftir
miðnætti aðfaranótt páskadags.
Afar sjaldgæft er að rafmagslaust
verði á Skaganum nú á tímum.
Ofsafengnum stormum vetrar-
ins hefur ekki einu sinni tekist
að svipta Skagamenn straumn-
um þó það hafi gerst víða ann-
ars staðar á Vesturlandi. Merkja
mátti á samfélagsmiðlum að
þeim Skagamönnum sem á ann-
að borð voru vakandi hafði orð-
ið nokkuð brugðið þegar myrkr-
ið skall á. Viðgerðarteymi frá
Orkuveitunni brugðust skjótt við
á ögurstundu. Rafmagn komst á
í áföngum og innan stundar gátu
allir ornað sér við það á nýjan
leik. –mþh
Kræklingur fyrir
innanlandsmarkað
KRÓKSFJ.NES: Í blaði Fiski-
frétta sem út kom 26. mars sl. er
meðal annars spjallað við Berg-
svein Reynisson kræklingarækt-
anda og sauðfjárbónda á Gróu-
stöðum í Reykhólahreppi. Skel-
vinnslan Nesskel í Króksfjarð-
arnesi fékk leyfi síðastliðið vor
til vinnslu og pökkunar á kræk-
lingi. Skelin sem pakkað er hjá
Nesskel kemur að mestu úr
Hvalfirði og starfa tveir til þrír
við pökkun. Bergsveinn seg-
ir í viðtalinu að útflutningur á
kræklingi hafi brugðist og nú
sé horft eingöngu á innanlands-
markaðinn. Hann segir að veiða
þurfi um hundrað tonn af kræk-
lingi í ár til að anna eftirspurn-
inni. Róa þurfi nokkuð stíft
næstu vikurnar til að hafa birgð-
ir áður en hrygningin byrji, en
hún er frá miðjum maí og út
júní. Skelin sé mjög viðkvæm á
þeim tíma og þoli lítið hnjask.
Bergsveinn talar um blettafisk-
irí varðandi kræklinginn, segir
að finna megi bletti inn á milli
í Hvalfirðinum þar sem mjög
góð skel sé, en annars sé mik-
ið af öðru dóti í firðinum. Veið-
arnar snúist mikið um að finna
réttu blettina. -þá
Heimafólk lýsir andstöðu við
virkjanir í Hvítá
Síðasta dag marsmánaðar hittust 22
íbúar í Hvítársíðu og Hálsasveit á
fundi í Brúarási til að ræða tillög-
ur Orkustofunar um um virkjanir í
Hvítá. Skessuhorn greindi frá þeim
tillögum í janúar síðastliðinn. Þær
snúa að tveimur virkjanakostum
í Hvítá. Önnur yrði niður undan
Síðumúlabænum og hin við Sáms-
staðagil. Orkustofnun hefur nú
beðið verkefnisstjórn um ramma-
áætlun að leggja mat á framkvæmd-
ina.
Funduðu um málið
Af þeirri ástæðu hittust íbúar á
svæðinu nú til þess að skoða mál-
ið og ráða ráðum sínum. Ingi-
björg Daníelsdóttir frá Fróðastöð-
um í Hvítársíðu var ritari fundar-
ins. „Fólk er nú frekar æðrulaust
og trúir því varla að hér sé alvara
á ferð. Við getum varla orðið al-
mennilega reið því þetta er svo
fjarstæðukennt. En það felst mik-
il ósvífni í þessum tillögum. Hér er
um að ræða óðul feðranna sem fólk
er að reyna að koma ósködduðum
inn í framtíðina en stjórnvöld gæla
nú við hugmyndir um að setja und-
ir vatn. Maður hlýtur að neyðast
til að taka þær alvarlega fyrst þær
er komnar frá opinberri stofnun,“
segir Ingibjörg í samtali við Skess-
horn.
Samþykktu ályktun
Samhljóða álit þeirra sem voru á
fundinum í gær var að þessar virkj-
anahugmyndir séu ekki góður kost-
ur. Eftirfarandi ályktun var sam-
þykkt samhljóða:
„Fundurinn lýsir eindreginni
andstöðu sinni við framkomnar
hugmyndir um virkjanir í Hvítá í
Borgarfirði þar sem stór hluti und-
irlendis flestra jarða á svæðinu fer
undir vatn. Um er að ræða dýr-
mætt land þar sem mest af því er
ræktað eða ræktanlegt, einnig er
möguleiki á miklum malarnám-
um á svæðinu. Hvítá er höfuðá
mestu laxveiðiáa landsins, ekki má
taka áhættu hvað laxagengd í þær
ár varðar. Bleikjustofn árinnar er
verðmætur og þarf að verja hann.
Fundurinn beinir því til sveitar-
stjórnar Borgarbyggðar og leggur á
það þunga áherslu að virkjun verði
ekki sett inn á aðalskipulag sveitar-
félagsins.“
Ingibjörg Daníelsdóttir segir að
fólk hafi viljað koma þessari yfir-
lýsingu frá sér núna til að láta í sér
heyra frá upphafi. „Allir á fundin-
um voru mjög eindregið á því að
þessar virkjanahugmyndir í Hvítá
væru alveg út í hött.“
mth
Þessi eyri stendur niður undan Kirkjubóli í Hvítársíðu og varð Guðmundi Böðvars-
syni yrkisefni í nokkrum af hans fegurstu ljóðum. Þetta færi allt á kaf við virkjun.
Yfirlitskort sem sýnir hugmynd að annarri virkjananna tveggja í Hvítársíðu og
það land sem færi undir vatn í því tilfelli.