Skessuhorn - 15.10.2015, Side 26

MIÐVIKUDAGUR 14. OKTÓBER 201526
Síðasta vika var svokölluð Gleði-
vika á Heilbrigðisstofnun Vestur-
lands (HVE) á Akranesi. Tilefnið
var árshátíð starfsmanna, sem hald-
in var á laugardaginn á Grand Hot-
el í Reykjavík. Gleðivikan hófst á
mánudegi og voru deildir sjúkra-
hússins skreyttar með Hollywood
þema og dregið var í happadrætti
í hádeginu alla daga vikunnar.
Starfsmenn deildanna fengu frjáls-
ar hendur með skreytingar og var
mikill metnaður lagður í verkin.
Á föstudaginn klæddu starfsmenn
sig upp í samræmi við skreyting-
ar deildanna og dómnefnd, skip-
uð þeim Ólafi og Steinari Adolfs-
sonum, gekk um stofnunina, skoð-
aði skreytingar, punktaði hjá sér og
þáði mútur!
Deildir sjúkrahússins voru all-
ar skemmtilega skreyttar. Þar mátti
meðal annars finna villta vestrið,
saumastofu fræga fólksins, Eve-
rest fjallið og kvennadeildin var
skreytt með stjörnum, því þar fæð-
ast jú stjörnurnar. Í hádeginu var
svo opinberað hverjir báru sigur úr
býtum. Röntgendeildin fékk verð-
laun fyrir frumlegheit en þar var
árið 1942 skreytt í svarthvítu þema
enda vinnur starfsfólkið með svart-
hvítar myndir alla daga. Sigurveg-
arar Gleðivikunnar voru starfs-
fólk heilsugæslunnar sem voru með
„The walk of fame“ þema. Gólf
heilsugæslunnar var alsett stjörn-
um líkt í Hollywood og veggirn-
ir skemmtilega skreyttir með vegg-
spjöldum tengdum kvikmyndum,
þar sem aðalleikararnir voru starfs-
fólk heilsugæslunnar. Innst á gang-
inum var rauður dregill, þar sem
stjörnurnar létu mynda sig. Vinn-
ingshafarnir fengu óskarsverð-
launastyttu, gjafabréf í bakaríinu og
ostakörfu að launum.
grþ
Hollywood þema í Gleðiviku HVE á Akranesi
Fyrsta Stóra morgunstund skóla-
ársins í Brekkubæjarskóla var hald-
in síðastliðinn fimmtudagsmorgun.
Að venju var mikið sungið og spil-
að og fjölmenntu foreldrar og aðr-
ir aðstandendur á pallana í íþrótta-
húsinu við Vesturgötu. Nemendur
2. bekkjar sungu um hana, krumma
og fleiri dýr, tekið var undir í sam-
söng, 9. bekkur steig á stokk með
skemmtilegt og litríkt atriði og
nemendur 5. bekkjar buðu upp á
dans. Veittar voru viðurkenningar
til nemenda á yngsta- og miðstigi
og svo var sungið meira. Að end-
ingu var stiginn fjöldadans á gólfi
íþróttahússins.
grþ /Ljósm. Kristinn Pétursson.
Sigurvegarar í skreytingakeppni Gleðivikunnar voru starfsmenn heilsugæslunnar.
Þeir stilltu sér upp fyrir myndatöku á rauða dreglinum.
Léttklæddur vert bauð dómnefndinni upp á mútur á öldurhúsi Villta vestursins hjá
A-deildinni.
Starfsfólk skrifstofunnar var með búninga- og förðunaraðstöðu.
Sjálfur Baltasar Kormákur leikstjóri
tók á móti dómnefndinni í grunn-
búðum Everest. Uppi á Everest fjallinu
mátti finna ýmsan búnað svo sem
súrefniskúta og kappklætt starfsfólk,
enda kalt á toppnum.
Læknaritarar settu upp saumastofu Hollywood, undir merkinu „Björnsson
design“. Hér má sjá hönnuðinn sjálfan, Gísla Björnsson, ásamt Ólafi Adolfssyni úr
dómnefndinni.
Dómnefndin ásamt skemmtinefndinni „The ladies“, sem skipuð var þeim Ásthildi
Gestsdóttur, Birnu Katrínu Hallsdóttur, Brynju Jóhannsdóttur og Ólínu Ingibjörgu
Gunnarsdóttur.
Þessi dama sér um að strauja fötin fyrir
fræga fólkið og hikar ekki við að fá sér
vínglas og vindling í vinnunni.
Mikið sungið á fyrstu Stóru
morgunstund vetrarins
Nemendur í 2. bekk stigu fyrstir á svið. Nemendur í 9. bekk Brekkubæjarskóla fluttu skemmtilegt atriði.
Mikið var sungið á Stóru morgunstundinni.