Skessuhorn - 03.02.2016, Qupperneq 4
MIÐVIKUDAGUR 3. FEBRÚAR 20164
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til 12.00 á þriðjudögum.
Blaðið er gefið út í 3.800 eintökum og selt til áskrifenda og í lausasölu.
Áskriftarverð er 2.700 krónur með vsk. á mánuði. Elli- og örorkulífeyrisþegar greiða
kr. 2.340. Rafræn áskrift kostar 2.120 kr. Rafræn áskrift til elli- og örorkulífeyrisþega er 1.960 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Guðný Ruth Þorfinnsdóttir gudny@skessuhorn.is
Kristján Gauti Karlsson kgauti@skessuhorn.is
Magnús Þór Hafsteinsson mth@skessuhorn.is
Auglýsingar og dreifing:
Lísbet Sigurðardóttir lisbet@skessuhorn.is
Valdimar Björgvinsson valdimar@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Þórarinn Ingi Tómasson toti@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Mikilvægasta stétt í heimi
Stundum heyrir maður sagt að einhver tiltekin starfsstétt sé mikilvægari en
önnur. Þær stéttir sem vinni erfiðisvinnu séu sérlega mikilvægar, sjómenn
af því þeir færa björg í þjóðarbú, jafnvel bankamenn eru nefndir til sögunn-
ar, stjórnendur og prestar. Ég tala nú ekki um læknana sem sagðir eru mik-
ilvægasta stétt allra tíma. Allar þessar starfsstéttir eru jú mikilvægar, hver á
sinn hátt, úr því vil ég síst gera lítið. Ein tiltekin stétt vinnandi fólks er hins
vegar stórlega vanmetin að mínu mati og hefur verið lengi. Nægir að nefna
laun hennar til að sjá hvernig samfélagið metur vinnu þessarar stéttar. Já, hér
er ég að tala um starfsfólk leikskóla. Að mínu viti er aldrei á lífsleiðinni jafn
mikilvægt að starfsmenn einhversstaðar vinni gott og faglegt starf og einmitt
það fólk sem tekur að sér að kenna börnunum okkar á fyrstu mótunarárum
þeirra. Fólkið sem tekur við börnunum snemma að morgni og skilar af sér
síðdegis, kennir þeim góða siði, muninn á réttu og röngu í samskiptum við
aðra, hvað sé hollt að borða og leggur almennt grunn að mótun þeirra sem
nýtra einstaklinga þegar út í lífið kemur.
Dagur leikskólanna er haldinn 6. febrúar ár hvert og hefur svo verið um
níu ára skeið. Árið 1950 voru fyrstu samtök leikskólakennara hins vegar
stofnuð sem sýnir hversu ung þessi starfsstétt er í raun og veru. Fyrir þann
tíma var einfaldlega ekkert til sem hét leikskóli. Öll vitum við að kunnátta
og hæfni okkar sem einstaklinga fer að koma í ljós löngu áður en við náum
grunnskólaaldri. Í raun geta glöggir séð strax á fyrstu mánuðum í lífi sérhvers
einstaklings hvernig einkenni hann mun hafa. Hvort hann verður skapríkur,
hógvær, ákveðinn, umburðarlyndur, feiminn, eða hvað annað sem aðgrein-
ir okkur sem einstaklinga. Framan af síðustu öld var því haldið fram að þessi
mótun einstaklinga á uppeldisstofnun þyrfti að hefjast í grunnskóla og lítið
gert úr árunum fram að því. Jafnvel var í fyrstu litið á leikskólana sem hálf-
gerðan geymslustað fyrir börn þar til skólaganga þeirra hæfist fyrir alvöru og
á leikskólum þyrfti ekki að gera miklar kröfur um faglegheit. Sem betur fer
er það sjónarmið nú hverfandi og vonandi einfaldlega horfið. Mótunarskeið
allra hefst nefnilega löngu fyrir grunnskólaaldur. Einmitt þegar náð er sex
ára aldrinum hafa flestar hugmyndir einstaklingsins þegar skotið rótum, til
dæmis hefur barnið myndað sér ákveðin kynjaviðhorf.
Á hverju ári eru veitt hvatningarverðlaun á degi leikskólanna. Að þessu
sinni verður sjónum beint að hlutverki karla á leikskólum og hvatningar-
verðlaun veitt hverjum þeim sem þykir hafa skarað framúr í að fjölga körlum
sem þar starfa. Þetta er afar jákvætt og fyrir löngu tímabært að gera meira í
að fjölga körlum sem starfa á leikskólum. Í dag eru þeir um 1% á móti 99%
konur. Mér er í fersku minni pistill sem Flosi heitinn Ólafsson ritaði hér í
blaðið á upphafsárum þess. Þar fjallaði hann um börn þess tíma sem ólust
upp hjá einstæðum mæðrum sínum. Þá voru allar dagmömmur konur, nær
allir starfsmenn á leikskóla voru konur og þegar í grunnskóla kom var meiri-
hluti kennara kvenkyns. Þessi börn komust sum hver sjaldan í kynni við karl-
menn og brá jafnvel illa þegar þau sáu slíkar furðuskepnur. Flosi vildi meina
að þetta gæti leitt til ákveðinnar brenglunar á kynvitund barnanna, hvort
sem þau voru drengir eða stúlkur. Jafnvel þótt Flosi hafi þarna verið að skrifa
grínpistil, sem hann var þekktur fyrir, þá bjó alvaran undir.
Mikilvægt er að við Íslendingar séum meðvitaðir um að hafa skynsamlega
uppeldisstefnu þar sem kynja- og jafnréttissjónarmið eru höfð í hávegum.
Öðruvísi munum við aldrei ná þeim stalli að geta talist jafnréttissinnuð þjóð.
Við þurfum að leggja áherslu á jafnrétti strax í leikskólum og á öllum skóla-
stigum eftir það. Síðast en ekki síst ættum við að taka undir það sjónarmið að
starfsfólk leikskóla sé ein mikilvægasta starfsstétt þessa lands og ætti því að
hafa laun sem því nemur. Sú viðurkenning er engan veginn til staðar.
Magnús Magnússon.
Síðastliðinn þriðjudag var aðalfund-
ur Félags ungra bænda á Vesturlandi
og Vestfjörðum haldinn á Hvann-
eyri. Ný stjórn var kjörin á fundin-
um, en hana skipa Heimir Klemenz-
son gjaldkeri, Helgi Már Ólafsson
formaður, Ólöf Ósk Guðmunds-
dóttir ritari, Jóhannes Kristjánsson
og Magnús Ingimarsson meðstjór-
nendur. Varamaður er Hafþór Finn-
bogason.
FUBVV er ásamt fleiri sambæri-
legum landshlutafélögum deild inn-
an Samtaka ungra bænda. Fyrir aðal-
fundi SUB funda félagsmenn lands-
hlutadeildanna og álykta um þau mál
sem þar á að taka fyrir.
Að sögn Heimis Klemenzsonar
gjaldkera er FUBVV félagsskapur
ungra bænda og áhugafólks um bú-
skap sem lætur sig varða öll þau mál-
efni er snerta landbúnað. „Ekki síst
er nýliðun í íslenskum landbún-
aði okkur félagsmönnum hugleik-
in, því félagið skipa jú ungir bænd-
ur og bændur framtíðarinnar,“ seg-
ir Heimir.
Félagið sendur fyrir margs kon-
ar fræðslu- og málfundum þar sem
félagsmenn þess fræðast um allt sem
tengist landbúnaði og búrekstri.
Fyrir ekki löngu síðan fengu félags-
menn til dæmis Bernhard Þór Bern-
hardsson, svæðisstjóra Arion banka,
til að ræða við sig um fjármál. Sam-
hliða aðalfundinum í síðustu viku
fengu fundargestir heimsókn frá
Bjarna Guðmundssyni á Hvanneyri
sem fræddi félagsmenn um landbún-
að í sögulegu samhengi.
Einnig stendur félagið fyr-
ir skemmti- og fræðsluferðum þar
sem bændur eru sóttir heim. „Við
reynum alltaf að hittast reglulega
og gera eitthvað skemmtilegt saman
því þá fer fólk að ræða hlutina,“ seg-
ir Heimir.
kgk
Ný stjórn FUBVV kjörin í síðustu viku
Ný stjórn Félags ungra bænda á Vesturlandi og Vestfjörðum. F.v. Jóhannes Krist-
jánsson, Magnús Ingimarsson meðstjórnendur, Ólöf Ósk Guðmundsdóttir ritari,
Helgi Már Ólafsson formaður og Heimir Klemenzson gjaldkeri. Með á myndinni er
Höskuldur Kolbeinsson, fráfarandi stjórnarmaður. Ljósm. FUBVV.
Kvæðamannafélagið Árgali á Sel-
fossi heldur Þorrafund sinn í
Reykholtskirkju 6. febrúar klukk-
an 16:00 til 18:00. Dagskráin verð-
ur hefðbundin, en kenndar verða
þrjár stemmur og kveðið sitt hvað
fleira, sem gestirnir taka heim
með sér. Minnst verður tveggja
hagyrðinga og kvæðamanna úr
Borgarfirði, sem voru félagar okk-
ar syðra, Jakobs á Varmalæk og
Sveinbjarnar allsherjargoða. Vísur
verða kveðnar eftir þá. Sagt verð-
ur frá gamla Þorra, sagt frá staðn-
um og Snorra í Reykholti og sagt
frá kirkjunni. Ungur Borgfirðing-
ur kveður stemmu að eigin vali
og ungur Sunnlendingur kveður
stemmu langa-lang ömmu sinnar.
Að fundi Árgala loknum verð-
ur í boði og samvinnu við Snorra-
stofu farið í bókhlöðuna og lögð
drög að stofnun kvæðamanna-
félags fyrir Borgarfjörð, Mýrar,
Snæfellsnes og Dali. Félagið mun
eiga framtíðarskjól og aðsetur
hjá Snorrastofu. „Velkomin skul-
ið þið öll vera til að fræðast um
hina fornu íþrótt rímnakveðskap-
inn og gerast stofnfélagar,“ segir í
tilkynningu sem Sigurður Sigurð-
arson dýralæknir og formaður Ár-
gala á Selfossi sendi til birtingar í
Skessuhorni.
mm
Kvæðamannafélag Vesturlands
stofnað næsta laugardag
Búið er að stofna fyrirtækið Eng-
lendingavík ehf. og byrjar það
rekstur ferðaþjónustu í samnefndri
vík í Borgarnesi í apríl næstkom-
andi. Að fyrirtækinu standa Ein-
ar S. Valdimarsson, Guðbrandur
Gunnar Garðarsson og Margrét
Rósa Einarsdóttir. Hún er jafn-
framt eigandi húsanna í Englend-
ingavík eftir að hafa keypt þau af
Byggðastofnun á síðasta ári. Fram
á síðasta ár var veitingastaðurinn
Edduveröld starfræktur í húsunum
og þar áður Brúðuheimar.
Að sögn Einars er undirbúning-
ur nú hafinn að opnun nýs veit-
ingastaðar í víkinni í apríl. Veit-
ingastaðurinn mun fá heitið Eng-
lendingavík. „Við erum með ýms-
ar áætlanir uppi um hvernig stað
við viljum opna og hvernig þjón-
usta verður í boði. Á veitingastaðn-
um verður lögð áhersla á gæði og
hráefni úr héraði og þá munum við
leggja áherslu á menningu og sögu
héraðsins og ekki síst sögu gömlu
kaupfélagshúsanna. Sagan drýpur
jú af hverju strái í víkinni og þarna
er mjög fallegt umhverfi frá nátt-
úrunnar hendi við Brákarsundið
og með útsýni út í Litlu Brákarey.
Við munum einnig leggja áherslu
á uppákomur og menningartengda
viðburði og mun Margrét Rósa sjá
um það með okkur Gunnari. Nú
í augnablikinu er til dæmis ver-
ið að skoða möguleikana á að setja
upp lítið svið í veitingastaðnum. Þá
erum við að skoða möguleika á að
bjóða upp á gistingu í lokrekkjum
í efra pakkhúsinu í framtíðinni og
heimagisting verður í boði á efri
hæð Sjávarborgar, sem er íbúðar-
húsið við hliðina á veitingastaðn-
um. Síðan verður sótt um leyfi til að
breyta efri hæð efsta hússins í fjór-
ar íbúðir til útleigu,“ segir Einar.
Hann segir að hugmyndin sé sú að
opna huggulegan veitingastað með
góðan mat á sanngjörnu verði.
Margrét Rósa rekur í Iðnó, menn-
ingar- og veisluþjónustu í Reykja-
vík, en þeir félagar Einar og Gunn-
ar hafa komið að rekstri veitinga-
staða á Snæfellsnesi undanfarin ár.
Þeir byggðu nýjan glæsilegan veit-
ingastað í Grundarfirði síðasta sum-
ar sem ber nafnið Bjargarsteinn og
hafa Plássið í Stykkishólmi á leigu.
Sjálfur hefur Einar verið viðloðandi
Borgarfjörð í aldarfjórðung. Konan
hans, Áshildur Sveinsdóttir, er frá
Eskiholti og með hléum hefur Ein-
ar kennt við Háskólann á Bifröst og
nú einnig við Landbúnaðarháskól-
ann á Hvanneyri. Einar er að flytja
í Borgarnes og segist ætla að ein-
beita sér að rekstri í Englendinga-
vík í framtíðinni.
mm
Líf færist í Englendingavík að nýju