Skessuhorn - 03.02.2016, Qupperneq 25
MIÐVIKUDAGUR 3. FEBRÚAR 2016 25
Snæfellsbær
Hlutverk og ábyrgðarsvið:
U• msjónarmaður fasteigna er starfsmaður tæknideildar
Snæfellsbæjar og er tæknifræðingur hans næsti yfirmaður.
U• msjónarmaður fasteigna hefur umsjón með fasteignum
Snæfellsbæjar.
Hann te• kur út ástand þeirra og gerir viðhalds- og viðgerðaráætlun í
samvinnu við tæknifræðing.
Ums• jónarmaður sinnir sjálfur viðhaldi og lagfæringum en kallar til
iðnaðarmenn í samráði við tæknifræðing þegar tilefni er til þess.
Menntunar- og hæfniskröfur:
Æ• skilegt er að umsjónarmaður fasteigna hafi einhverja iðnmennt,
en það er þó ekki skilyrði.
Reynsl• a af sambærilegum verkefnum og reynsla af mati á ástandi
og viðhaldsþörf fasteigna er kostur.
Umsjón• armaður fasteigna skal búa yfir framúrskarandi þjónustu-
lund og samskiptahæfileika og færni til að eiga samskipti við þá
starfsmenn, iðnaðarmenn og íbúa Snæfellsbæjar sem hann þarf að
hafa samskipti við dagsdaglega.
Frumkv• æði og metnaður er kostur.
Um er að ræða fullt starf. Launakjör eru samkvæmt kjarasamningi
Sambands íslenskra sveitarfélaga og SAMFLOTs bæjarstarfsmannafélaga.
Viðkomandi þarf helst að geta hafið störf eigi síðar en 22. febrúar.
Umsóknarfrestur er til og með 15. febrúar nk.
Umsækjendur eru beðnir um að senda umsókn til Davíðs Viðarssonar,
tæknifræðings, á netfangið david@snb.is, eða til Kristins Jónassonar,
bæjarstjóra, á netfangið kristinn@snb.is.
Umsókninni þarf að fylgja starfsferilskrá og kynningarbréf þar sem um-
sækjandi gerir sérstaklega grein fyrir ástæðu umsóknar og rökstuðningur
fyrir hæfni til starfsins út frá ofangreindum hæfnikröfum. Umsækjendur
eru beðnir um að tilgreina a.m.k. 2 umsagnaraðila í umsókn sinni.
Öllum umsóknum verður svarað.
Starf umsjónarmanns fasteigna hjá
Snæfellsbæ er laust til umsóknar
SK
ES
SU
H
O
R
N
2
01
6
Sveitarstjórn Borgarbyggðar ákvað
síðastliðið vor að ráða ekki í stöðu
leikskólastjóra Andabæjar þeg-
ar staðan losnaði að liðnu síðasta
skólaári. Staðan var þó endurvak-
in og tók Sigurður Sigurjónsson
við sem leikskólastjóri Andabæjar í
nóvembermánuði. Í skólanum eru
40 börn á þremur deildum.
„Ég vissi auðvitað af ýmsu sem
á undan var gengið en þessa vinnu
þurfti að vinna. Ég vissi, búinn að
vera skólastjóri á Vesturlandi þetta
lengi, að hér væri gott starfsfólk og
ég tæki við góðu búi,“ segir Sig-
urður í samtali við Skessuhorn.
Áður hafði Sigurður bæði starfað
sem aðstoðarskólastjóri leikskól-
ans Akrasels á Akranesi og skóla-
stjóri Skýjaborgar í Hvalfjarðar-
sveit. Hann lætur vel af þeim stutta
tíma sem hann hefur verið á Anda-
bæ. „Hér er mjög gott að vinna.
Ég er enn dálítið að setja mig inn
í ýmsa hluti og mörg verkefni eru
framundan, skólanámskrá og að
svara ýmsum erindum,“ segir hann.
Eitt stærsta verkefnið segir hann þó
vera að undirbúa móttöku fyrstu
þriggja bekkja grunnskólans næst-
komandi haust. Sigurður er bjart-
sýnn á að það gangi vel. „Ef vilji er
fyrir hendi þá verður okkur það lít-
ið mál. Bæði hér og í Hvanneyrar-
deild grunnskólans starfar gott fólk
og við ættum að geta látið þetta
ganga vel upp,“ segir hann og bætir
við að húsnæði verði allavega ekki
vandamál. „Hér er gott pláss og
nægt rými fyrir þessi börn. Hvern-
ig við getum nýtt rýmið sem best
verður að fá að þróast með tíð og
tíma,“ bætir hann við.
Notaleg morgunstund á
Degi leikskólans
Framundan er Dagur leikskólanna,
en hann er 6. febrúar ár hvert. Þar
sem hann ber í ár upp á laugardag
verður haldið upp á hann í leikskól-
um landsins daginn áður, föstudag-
inn 5. febrúar. „Þetta verður einfalt
hjá okkur. Við ætlum að bjóða for-
eldrum í morgunkaffi milli klukk-
an 8:30 og 9:30 að morgni föstu-
dagsins. Sýna þeim skólann og eiga
saman notalega stund í þægilegri
og afslappaðri stemningu,“ segir
Sigurður.
Einnig standa Félag leikskóla-
kennara og Félag stjórnenda leik-
skóla á hverju ári fyrir mörgum
viðburðum tengdum Degi leik-
skólans. Oft er efnt til einhvers
konar samkeppni sem ætlað er að
vekja athygli á því starfi sem unn-
ið er innan veggja leikskólanna í
landinu, sem er einmitt markmið-
ið með Degi leikskólans. Sigurð-
ur telur að hverjir þeir viðburð-
ir sem staðið er fyrir í tilefni dags-
ins, stórir sem smáir, skili tilætluð-
um árangri. „Með þessu koma leik-
skólarnir sér á framfæri og vekja at-
hygli á sínu starfi. Viðburðir tengd-
ir deginum fá umfjöllun og athygli í
fjölmiðlum, sérstaklega frá héraðs-
fréttablöðum,“ segir hann.
Ánægjulegt að sjá
nemendum fara fram
Hvatningarverðlaunin Orðsporið
verða veitt fjórða sinni í tengslum
við Dag leikskólans. Að þessu sinni
verða þau veitt þeim sem þykja hafa
skarað fram úr við að fjölga karl-
mönnum sem hafa leyfisbréf til
kennslu í leikskóla. „Það eru ekki
margir karlar sem starfa á leikskól-
um landsins. Karlar eru aðeins eitt
prósent af leikskólakennurum. Það
gefur auga leið að það er ekki nóg,“
segir Sigurður. „Nú eru þrír karlar
leikskólastjórar á öllu landinu. Þeg-
ar ég var á Skýjaborg var ég sá eini
og raunar eini karlinn þar,“ bætir
hann við.
En hvað varð til þess að hann
ákvað á sínum tíma að læra til leik-
skólakennara? „Ég er búinn að velta
því mikið fyrir mér undanfarið,“
segir hann og brosir. „Ég er í hópi
sem hefur unnið að ráðstefnu um
karla í kennslu yngri barna og þurfti
því að líta í eigin barm og reyna að
svara þessari spurningu hjá sjálfum
mér.“ Hann kveðst geta rekið upp-
hafið til tækifæris sem hann fékk
við kennslu í Auðarskóla í Búðar-
dal. „Þar áttaði ég mig á að kennsla
og að vinna með börnum væri eitt-
hvað fyrir mig. Ég veit í raun ekki
hvað það er nákvæmlega en það er
einstök upplifun að kenna og góð
tilfinning að fylgjast með nemend-
um sínum taka framförum og ná ár-
angri,“ segir Sigurður.
Réttindi barna að
umgangast bæði kyn
Aðspurður kveðst Sigurður ekki
vita hvað valdi því að svo fáir karl-
ar vinni á leikskólum en telur lík-
legt að hefðir ráði þar mestu. Hann
telur þó að smám saman sé þetta að
breytast. „Eftir að ég kom á Akra-
sel voru alltaf aðrir karlar að vinna
þar, en það var oftast bara einn og
alltaf voru konur í miklum meiri-
hluta,“ segir hann og bætir því við
að breytingin sé til batnaðar. Fleiri
karla þurfi til starfa á leikskólum
landsins. „Það eru einfaldlega rétt-
indi barnanna að fá að umgangast
bæði kynin, hafa bæði kynin sem
kennara og eiga fyrirmyndir af báð-
um kynjum.“
Sigurður segist ekki finna fyr-
ir neinum mun á starfsfólkinu eft-
ir því hvort hópur leikskólakennara
og leiðbeinanda er blandaður eður
ei. „Mestu máli skiptir að vera með
hæft fólk á leikskólanum, hvers
kyns sem það er. Ef kynjahlutföllin
eru jöfn er það bara bónus.“ Hins
vegar kveðst hann sjá mun á börn-
unum en segist eiga erfitt með að
setja fingurinn á hvar hann ligg-
ur. „Hvers vegna þau tala, haga sér
eða líta aðeins öðruvísi á karlkyns
kennara en aðra veit ég ekki. Það
gæti einfaldlega verið vegna þess
að við erum svo fáir. Ég er sá eini
hérna sem er með skegg,“ segir
hann. „Það er erfitt að gera grein
fyrir þessu. Einmitt þess vegna
verður haldin áðurnefnd ráðstefna
um karla í kennslu yngri barna
12. febrúar næstkomandi,“ bæt-
ir hann við. „Undirtitill ráðstefn-
unnar er „Hvað ætlar þú að gera?“
og ég vonast til að fá mörg svör við
þeirri spurningu,“ segir Sigurður
að lokum.
kgk
Sigurður Sigurjónsson er leikskólastjóri Andabæjar
„Mestu máli skiptir að vera
með hæft fólk á leikskólanum“
Sigurður Sigurjónsson, leikskólastjóri Andabæjar á Hvanneyri.
Börnin á Andabæ létu kuldann í síðustu viku ekki trufla sig og brugðu sér út í
snjóinn.
Lagning ljósleiðara í Dalabyggð
BEIÐNI UM UPPLÝSINGAR
Fyrirhuguð er lagning ljósleiðara í Dalabyggð. Gert er ráð fyrir
að öllum lögbýlum, frístundahúsum, fyrirtækjum og stofnunum í
dreifbýli Dalabyggðar standi til boða að fá ljósleiðaratengingu.
Auglýst er eftir:
A. Aðila eða aðilum sem sannanlega ætla að koma á ljós-
leiðaraneti í Dalabyggð á næstu þremur árum,
eða
B. Hæfum aðila eða aðilum til að taka að sér að byggja og
e.t.v. reka til framtíðar ljósleiðaranet með stuðningi frá
sveitarfélaginu komi til þess að enginn aðili svari lið A
hér að ofan.
Aðilar sem óska eftir stuðningi munu þurfa að uppfylla
tilteknar kröfur um fjarskiptaleyfi og fjárhagslegan styrk, hafa
reynslu af uppbyggingu og rekstri sambærilegra kerfa, sýna
fram á raunhæfa verk- og rekstraráætlun o.þ.h.
Áhugasamir aðilar skulu senda tilkynningu um fyrirætlanir sínar
til Dalabyggðar á netfangið sveitarstjori@dalir.is fyrir kl. 12:00
þann 15. febrúar 2016. Í tilkynningunni skal koma fram nafn og
kennitala aðila auk upplýsinga um ofangreint eftir því sem við á.
Hægt er að óska eftir nánari upplýsingum og skýringum og skulu
slíkar fyrirspurnir sendar á netfangið sveitarstjori@dalir.is
SK
ES
SU
H
O
R
N
2
01
6