Skessuhorn - 18.05.2016, Blaðsíða 6

MIÐVIKUDAGUR 18. MAÍ 20166
Skoruðu hátt í
hópi stofnana
AKRANES: Þrír vinnustað-
ir á Vesturlandi tóku þátt í
könnun um Stofnun ársins -
Borg og bær 2016. Niðurstöð-
ur úr könnuninni voru kynnt-
ar í Hörpu 12. maí síðasliðinn.
Það var í höndum félagsmanna
Starfsmannafélags Reykjavíkur-
borgar að sjá um valið á Stofn-
un ársins. Þær stofnanir sem
taka þátt í könnuninni er skipti
í tvo flokka, stofnanir með 50
starfsmenn eða fleiri og stofn-
anir með 5-49 starfsmenn. Að
þessu sinni voru 42 stofnanir
sem uppfylltu skilyrði til þátt-
töku. Leikskólinn Vallarsel er
í öðru sæti meðal vinnustaða
með 5-49 starfsmenn, skrifstofa
Akraneskaupstaðar var í tíunda
sæti á sama lista og Heilbrigðis-
stofnun Vesturlands er í þrett-
ánda sæti meðal stofnana sem
hafa 50 starfsmenn eða fleiri.
Því má við þetta bæta að í út-
tekt á meðal ríkisstofnana urðu
Landmælingar Íslands í þriðja
sæti sem fyrirmyndarstofnun
ársins 2016.
-arg
Sumaropnun
Pakkhússins
ÓLAFSVÍK: Sumaropnun
Pakkhússins í Snæfellsbæ hófst
síðastliðinn laugardag. Verð-
ur hún með sama sniði og und-
anfarin ár. Byggðasafn er á efri
hæðunum og á jarðhæðinni
mun svo verða til sölu hand-
verk og heitt kaffi á könnunni.
Handverkið sem er til sölu er
allt handunnið í bæjarfélag-
inu og er úrvalið fjölbreytt og
áhugavert. Í tilefni opnunar-
innar voru flutt tónlistaratriði
en það voru fullorðnir nem-
endur Tónlistarskólans í Snæ-
fellsbæ sem stóðu fyrir því. Það
voru þær Steinunn Stefáns-
dóttir og Sóley Jónsdóttir sem
fluttu nokkur lög við undirleik
og dygga aðstoð Valentinu Kay.
-þa
Samfélagsbanki í
undirbúningi
LANDIÐ: Í undirbúning
er íslenskur samfélagsbanki,
Heimilisbankinn. Kynning-
arfundur hefur verið boðað-
ur þriðjudaginn 24. maí næst-
komandi en honum hefur enn
ekki verið fundinn staður.
Þetta kemur fram í frétt á vef
RÚV. Þar er haft eftir Hólm-
steini Brekkan, framkvæmda-
stjóra Samtaka leigjenda á Ís-
landi, sem á sæti í undirbún-
ingshópi verkefnisins, að hug-
myndin um samfélagsbanka
hafi legið í dvala síðan hún
var fyrst rædd á stjórnarfundi
Hagsmunasamtaka heimil-
anna árið 2009. Hann seg-
ir fólk kalla eftir nýjum val-
kosti við íslenskt fjármálakerfi.
„Samfélagsbankar eru nátt-
úrulega aldrei fjárfestinga-
bankar,“ segir Hólmsteinn.
„Þar er einungis um viðskipta-
þjónustu að ræða, inn- og út-
lán, og sá starfsgrundvöllur
sem samfélagsbankar byggja
á er sá að aðaláherslan er lögð
á að þjóna félögunum og þá
með hóflegum þjónustugjöld-
um og hóflegum vöxtum. Svo
rennur arðurinn, sem myndast
af bankanum eða starfseminni,
aðallega í að byggja upp nær-
samfélagið.“ Þeim sem kunna
að hafa áhuga á að kynna sér
málið frekar er bent á heima-
síðu Heimilisbankans, heimil-
isbankinn.is. Þar verður sent
út boð um kynningarfundinn
þegar nær dregur.
-kgk
Ólöf ráðin
upplýsinga-
fulltrúi Veitna
SV-LAND: Orkuveita
Reykjavíkur hefur ráðið Ólöfu
Snæhólm Baldursdóttur í starf
upplýsingafulltrúa. Ólöf var
ein 125 umsækjenda um starf-
ið og mun hún einkum starfa
fyrir Veitur, dótturfyrirtæki
OR. Rekstur Veitna er um-
fangsmikill. Hitaveitur Veitna
þjóna um þremur af hverjum
fjórum landsmönnum og Veit-
ur reka einnig rafveitur, vatns-
veitur og fráveitur víða á sunn-
an- og vestanverðu landinu.
Ólöf hefur starfað hjá Slysv-
arnarfélaginu Landsbjörg í rétt
tæpan áratug sem upplýsinga-
og kynningarfulltrúi. Hún
lauk prófi í fjölmiðlafræði við
Ohio University í Bandaríkj-
unum 1993 og las til meistara-
prófs í opinberri stjórnsýslu
við Háskóla Íslands. Ólöf hef-
ur störf í byrjun júní og verð-
ur jafnframt staðgengill Eiríks
Hjálmarssonar, upplýsinga-
fulltrúa OR.
-mm
Nýir eigendur gistiheimilisins
Álftalands á Reykhólum opnuðu
formlega á hvítasunnudag, 15.
maí síðastliðinn. Enginn rekst-
ur hafði þá verið í húsinu síðan á
haustmánuðum 2014. „Við tók-
um reyndar á móti fyrsta hópnum
okkar fyrir rúmri viku. En á hvíta-
sunnudag vorum við með opið hús
þar sem fólki var boðið að koma að
skoða og nú er bara formlega búið
að opna,“ segir Guðbjörg Tóm-
asdóttir í samtali við Skessuhorn.
Formlegur eigandi Álftalands er
félagið Flautá ehf., en að því standa
Guðbjörg og eiginmaður hennar,
Sveinn Borgar Jóhannesson.
Gistiheimilið keyptu þau í janú-
arlok og hafa síðan þá unnið að
gagngerum endurbótum á hús-
inu. Skipt hefur verið um gólfefni,
hurðir, eldhúsið hefur verið tekið í
gegn, rúm endurnýjuð sem og öll
önnur húsgögn. „Við erum búin
að taka allt í gegn,“ segir Guð-
björg. „Nú á aðeins eftir að ganga
frá utanhúss og laga lóðina til,“
bætir hún við.
Rekstur gistiheimilisins Álfta-
lands er frumraun hjónanna í
ferðaþjónustu. „Okkur langaði að
breyta til og fara að gera eitthvað
annað en við höfum fengist við
áður,“ segir Guðbjörg. „Það vant-
aði gistingu á Reykhóla og það er
frábært að vera komin af stað með
þetta. Fólk í sveitinni er mjög já-
kvætt fyrir þessu.“
Gistiheimilið Álftaland mun á
alþjóðlegum bókunarvefjum heita
Reykholar hostel. Þar er gistirými
fyrir 32 gesti í senn og opið allan
ársins hring. Að sögn Guðbjargar
hefur enn ekki fengist tenging við
bókunarvélarnar en miðað við það
líta bókanir ágætlega út. „Húsið er
til dæmis fullbókað fyrstu helgina í
júlí, þrátt fyrir að við höfum séum
ekki komin inn á bókunarvélarn-
ar,“ segir hún. „Þetta er bara að
skríða af stað,“ bætir Guðbjörg
við. kgk
Gistiheimilið Álftaland hefur verið opnað
Gistiheimilið Álftaland á Reykhólum. Ljósm. jeeptravelh266.blogspot.is.
Eigendaskipti hafa orðið á
Hótel Framnesi í Grund-
arfirði. Gísli Ólafsson hef-
ur selt hótelið sem hann
hefur rekið undanfarin
ár. Hann mun þó áfram
reka kaffihúsið Láka Kaffi
ásamt hvalaskoðunar-
bátunum Láka I og Láka
II sem hann gerir út frá
Grundarfirði og Ólafsvík.
Rætt verður við Sigurkarl
Bjart Rúnarsson eiganda
fyrirtækisins sem tekur við
rekstrinum í Skessuhorni
innan tíðar, en hann baðst
undan viðtali meðan hann
er að koma sér betur inn í
rekstur hótelsins.
mm
Nýr eigandi tekinn við Hótel Framnesi