Skessuhorn - 18.05.2016, Blaðsíða 9

MIÐVIKUDAGUR 18. MAÍ 2016 9
Talsverðar framkvæmdir eru fram-
undan á vegum Akraneskaupstað-
ar á þessu ári. Um er að ræða ýmis
verkefni, bæði lítil og stór. Má þar
nefna aðgerðir við götur og gang-
stéttir, sundlaugarsvæðið við Jað-
arsbakka, Sementsreitinn og fleira.
Nú þegar hefur verið byrjað á
framkvæmdum við Vesturgötu þar
sem bæði er búið að fræsa götuna
og var neðsti hluti Vesturgötu mal-
bikaður síðastliðinn föstudag. Að
sögn Sigurðar Páls Harðarsonar
sviðsstjóra skipulags- og umhverf-
issviðs á Akranesi hafa malbiksyfir-
lagnir yfir steyptar götur almennt
gengið vel á Akranesi. Neðsti hluti
Vesturgötu var fræstur árið 2015
en ekki reyndist unnt að yfirleggja
hann vegna veðurs á því ári og var
það því gert nú. Þá hefur Vestur-
gata frá Merkigerði að Stillholti
verið fræst. Fræsing á götunni var
gerð með tilliti til þess að gatan
gæti staðið ein og sér í einhvern
tíma eftir fræsingu, á meðan ver-
ið væri að finna ástæður þess hvers
vegna yfirlögn á þessum kafla göt-
unnar tókst ekki sem skyldi síðast
þegar yfirlagt var.
Frekari skoðun
á götunni eftir
„Önnur akreinin á Vesturgötu
var orðin sigin og skemmd. Það
hefði alls ekki verið skynsamlegt
að fræsa og fara beint í malbik-
un. Það þarf að komast að því með
rannsóknum, sem nú eru í gangi,
af hverju gatan er svona. Í fram-
haldi af niðurstöðu verður gerð
áætlun um endurbyggingu göt-
unnar. Orkuveitan vill líka koma
að verkefninu og skipta um lagn-
ir og það er skynsamlegt að fara í
þær framkvæmdir samtímis,“ seg-
ir Sigurður Páll Harðarson. Rætt
hefur verið um að þær aðgerðir
verði á árinu 2017. Akraneskaup-
staður hefur eyrnamerkt 18 millj-
ónir króna til að eiga fyrir hugsan-
legum aðgerðum verði mat manna
að gatan geti ekki staðið óbreytt til
ársins 2017. „Hverjar þær verða er
erfitt að segja á þessum tímapunkti
en frekari skoðun á götunni, bæði
með tilliti til yfirborðs og und-
irlags mun leiða það í ljós,“ seg-
ir Sigurður Páll. Stefnt er að því á
þessu ári að fimm ára áætlun liggi
fyrir í ljósi heildar endurskoðun-
ar um frekari viðhaldsaðgerðir á
gatnakerfi Akraness. Horft verði
þá til ástands gatnakerfis samhliða
umferðaröryggi samkvæmt skýrslu
þar að lútandi.
Stígakerfi skipulagt
Í sumar eru fleiri verkefni á dagskrá
á Akranesi. Til stendur að unnin
verði tvö útskot vegna strætisvagna
við þjóðveg til móts við Bónus og
lokið verði við bílaplan við Jörund-
arholt á verktímanum júní til sept-
ember. Á þeim tíma verður einn-
ig lagfærð gangstétt við Vesturgötu
á kafla milli Krókatúns og Grunda-
túns. Jafnframt verður hugað að að-
gengismálum fatlaðra í tengslum við
niðurtektir á gangstéttum. Að sögn
Sigurðar verður á árinu unnið heild-
arskipulag yfir stígakerfi á Akra-
nesi. „Horft verður til strandstígs,
tenginga milli bæjarhluta og op-
inna svæða. Horft verður til gang-
andi og hjólandi umferðar og hugs-
anlega samnýtingu með reiðvegum.
Varðandi framkvæmdaþátt verður í
byrjun horft til minni framkvæmda.
Heildarskipulag mun síðan verða
nýtt inn í fimm ára framkvæmda-
áætlun,“ segir Sigurður. Hann segir
verktímann við vinnu heildarskipu-
lags og í minni framkvæmdir verða
á tímabilinu júní fram í október á
þessu ári.
Pottasvæði endurnýjað
Einnig eru nokkur stærri verkefni
á dagskrá bæjarfélagsins. Má þar
nefna framkvæmdir við sundlauga-
svæði Jaðarsbakka og vinnu við
Sementsreitinn. Verið er að vinna
útboðsgögn vegna sundlaugasvæð-
isins og vegna uppsetningu á Guð-
laugu, heitri laug í grjótvörn við
Langasand. Verkin verða boðin út
sameiginlega í byrjun júní. Um er
að ræða endurnýjun á pottasvæði við
sundlaugina, yfirborði og girðingu
við Jaðarsbakkalaug og uppsetn-
ingu á Guðlaugu. Samhliða á árinu
verður óskað eftir hugmyndum um
rennibrautir í stað þeirra sem fyrir
eru. Verður verktími við sundlaug-
arsvæðið frá ágúst fram í nóvember
en við Guðlaugu frá júlí til október.
Þá er nú unnið að skipulagi Sem-
entsreitsins og stefnt að því að sú
vinna klárist í lok þessa árs. „Í skipu-
lagslýsingu sem nú er í kynningu
liggja fyrir hugmyndir um niðurrif
mannvirkja á reitnum. Í framhald-
inu af viðbrögðum við henni verð-
ur endanlega tekin ákvörðun um
hvaða mannvirki verða rifin. Ljóst
er að niðurrif mannvirkja á reitn-
um, sem rifin verða til að byrja með,
klárast ekki fyrr en á næsta ári,“ út-
skýrir Sigurður. „Þá er eftir að segja
upp leigusamningum við Sem-
entsverksmiðjuna, þannig að verk-
framkvæmd fer ekki af stað fyrr
en í fyrsta lagi í desember á þessu
ári,“ bætir hann við. Auk þeirra
framkvæmda sem taldar hafa ver-
ið upp hér að framan verður tveim-
ur lausum kennslustofum bætt við
Grundaskóla, ásamt tengigangi og
aðstöðu fyrir kennara. Einnig verð-
ur skipt út gervigrasi á völlum við
Grundaskóla og Brekkubæjarskóla
og er verið að vinna útboðsgögn og
ákveða hvaða tegund af grasi verð-
ur notuð. Þá verður húsið við Suð-
urgötu 64 rifið á næstunni, ásamt
bílskúr. „Gengið verður frá því
svæði með þökulögn. Hugmynd-
ir eru uppi um stærri tré á lóðinni
sem bráðabirgðar lausn meðan ver-
ið er að skoða hvernig best verð-
ur að haga uppbyggingu á lóðinni í
framtíðinni,“ segir Sigurður Páll.
grþ
Ýmsar framkvæmdir framundan á Akranesi
Síðastliðinn föstudag var unnið við malbikun að nesta hlutanum á Vesturgötu á
Akranesi, frá Bárugötu að Skólabraut. Myndin er tekin þegar framkvæmdir voru
að hefjast neðst á Bárugötunni. Ljósm. Hilmar Sigvaldason.
Tölvuteiknuð mynd af Jaðarsbakkalaug þar sem nýtt pottasvæði sést vel.
Verið er að vinna útboðsgögn vegna sundlaugasvæðisins og vegna uppsetningar á Guðlaugu, heitri laug í grjótvörn við
Langasand.
Kristinn Jónasson bæjarstjóri í
Snæfellsbæ tók sér frí frá skrifstofu-
störfunum á dögunum. Skellti hann
sér ásamt Ævari Sveinssyni bæjar-
verkstjóra í að ganga frá gangstétt-
inni sem nýbúið var að steypa við
Íþróttahús Snæfellsbæjar. Fórst
þeim félögum þetta verk vel úr
hendi og ánægjulegt að sjá að bæj-
arstjórinn lætur sig margt í bæjar-
félaginu varða.
þa
Bæjarstjórinn
í bæjarvinnu
Í gær, þriðjudag, var athöfn þar
sem Kvenfélagið 19. júní í Borg-
arfirði færði Borgarbyggð stórgjöf.
Íþróttamiðstöðin fékk afhenta lyftu
til að auðvelda fólki að komast í og
úr sundi eða heitum pottum. Lyft-
an er færanleg og nýtist því á fleiri
en einum stað í Íþróttamiðstöðinni.
Lyftan er valin með því að leita ráð-
gjafar hjá Reykjalundi og Heilsu-
hælinu í Hveragerði um hvaða bún-
aður hentaði best.
Rósu Marinósdóttur, formanns
Kvenfélagsins 19. júní, tók það
kvenfélagskonur tvö ár að safna
fyrir gjöfinni sem kostar alls um
2,7 milljónir króna. Hugmyndin á
bakvið þetta verkefni fæddist þegar
endurbætur stóðu yfir á innilaug-
inni og taka þurfti niður eldri lyftu
sem var við laugina. Viðstöddum
var boðið upp á kaffi og meðlæti að
afhendingunni lokinni.
arg
Kvenfélagskonur í 19. júní færðu íþróttamiðstöðinni stórgjöf
Kvenfélagskonur og fulltrúar Borgarbyggðar sem tóku við gjöfinni. Rósa Marinós-
dóttir situr í lyftustólnum.
Ungur drengur prófar græjuna.