Skessuhorn - 18.05.2016, Blaðsíða 2

MIÐVIKUDAGUR 18. MAÍ 20162
Nú er sá tími árs upp runninn þegar mótor-
fákum og hjólhestum fer fjölgandi í umferð-
inni með hækkandi sól og batnandi veðri.
Þegar bíl er ekið er ástæða til að gefa mót-
orhjólafólki og hjólreiðamönnum sérstakan
gaum, því þeir sjást ekki alltaf jafn vel í um-
ferðinni og bifreiðar. Flýtum okkur því hægt
og höfum augun hjá okkur.
Það ver spáð austan- og suðaustanátt, 5-10
m/s á morgun fimmtudag. Víða verða smá
skúrir. Hiti 2-10 stig, hlýjast á Vesturlandi.
Norðaustlæg átt á föstudag og laugardag,
skýjað með köflum og sums staðar skúr-
ir, einkum síðdegis. Hiti 5 til 12 stig, hlýjast á
suðvesturhorninu. Á sunnudag og mánu-
dag spáir norðanátt með rigningu eða
slyddu á Norður- og Austurlandi.
Í síðustu viku var spurt á vef Skessuhorns:
„Hversu oft týnir þú lyklunum þínum?“ Nær
helmingur svarenda, 49%, sögðust aldrei
týna lyklunum sínum. „Sjaldan“ sögðu næst-
flestir, 35%, „mjög oft“ sögðu 12% og 4%
kváðust ekki muna það!
Í næstu viku er spurt:
Ætlar þú í útilegu í sumar?
Fólk sem skipar kjörstjórnir í landshlutan-
um er Vestlendingar vikunnar. Á þessu ári
verður bæði kosið til forseta og Alþing-
is og því þarf þetta ágæta fólk að dúsa að
minnsta kosti tvo daga inni við það mikla
þolinmæðis- og þrautseigjuverk sem slíku
tilheyrir. Þetta er því svona fyrirfram stuðn-
ingur til þeirra.
Til minnis
Veðurhorfur
Spurning
vikunnar
Vestlendingur
vikunnar
Tafir vegna
þrenginga á brú
VESTURLAND: Að sögn
Lögreglunnar á Vesturlandi
gekk umferðin að mestu leyti
vel fyrir sig um hvítasunnu-
helgina. Almennur aksturs-
hraði fór um tíma niður í 70
til 80 km á klst. þegar um-
ferðin var sem þéttust. Inn á
milli óku þó sumir of hratt og
tók lögreglan um 100 öku-
menn fyrir of hraðan akstur í
vikunni og flesta af þeim um
helgina. Nokkrar tafir urðu
vegna seinvirkra umferðar-
ljósa á Borgarfjarðarbrú, þar
sem stendur yfir viðgerð á
brúargólfi og einnig urðu
nokkrar tafir vegna umferð-
aróhappa undir Hafnarfjalli
og víðar í umdæminu.
Nokkur óhöpp
og slys
VESTURLAND: Alls
urðu átta umferðaróhöpp í
umdæmi LVL í vikunni og
þar af tvö þar sem meiðsl
urðu á fólki. Íslenskur öku-
maður sem ók Vesturlands-
veg til norðurs undir Hafn-
arfjalli, missti bílinn sinn yfir
á öfugan vegarhelming er
hann var að reyna að hand-
sama kött sem slapp úr búri
sem var í bílnum. Lenti bíll
hans utan í bíl sem var að
koma út gagnstæðri átt og
síðan framan á bílnum sem
kom þar á eftir en í þeim
bíl voru sjö erlendir ferða-
menn. Ökumaðurinn slas-
aðist við áreksturinn og var
fluttur á heilsugæslustöðina
í Borgarnesi en fólk í hinum
bílunum slapp með skrekk-
inn. Í ljós kom að köttur-
inn hafði sloppið lifandi frá
þessu þegar hann var loks
handsamaður úti í móa. Á
hann þá trúlega sex líf eft-
ir, ef marka má goðsögn-
ina. Fimm franskir ferða-
menn voru á bílaleigubíl sín-
um og óku vestur Snæfells-
nesveg. Ætluðu þeir síðan að
fara Heydalinn en ökumað-
urinn sá vegamótin of seint
en beygði samt þrátt fyrir að
vera á of miklum hraða mið-
að við að geta beygt. End-
aði bíllinn ofan í skurði og
úr varð mikið högg er bíll-
inn lenti á skurðbakkanum.
Farþegi í aftursæti hlaut al-
varlegan höfuðáverka og var
hann fluttur með sjúkrabíl á
bráðamóttöku Landspítalans
í Fossvogi. Aðrir sem í bíln-
um voru sluppu með minni-
háttar áverka. Loks sofnaði
erlendur ferðamaður und-
ir stýri á Snæfellsnesvegi á
annan í hvítasunnu og hoss-
aðist bíllinn út í móa en án
þess að velta. Líknarbelgirn-
ir sprungu út og björguðu
ökumanninum ásamt örygg-
isbeltinu sem hann var með
spennt.
-mm/tkþ
Leiðrétt nafn
Í síðasta tölublaði var sagt
frá úrslitum sveitakeppni
Vesturlands í boccia. Það var
Edda Elíasdóttir sem hafn-
aði í fyrsta sæti, en ekki Ebba
Elíasdóttir, eins og misritað
var í fréttinni. Beðist er vel-
virðingar á þessu
. -mm.
Línubáturinn Gullhólmi SH frá
Stykkishólmi hefur gert góða róðra
að undanförnu og á þriðjudags-
kvöld í liðinni viku landaði bátur-
inn 28 tonnum af fallegum þorski
sem fer allur í salt hjá Agustson sem
á og rekur bátinn. Pétur Erlingsson
skipstjóri var að vonum ánægður
þegar fréttaritari Skessuhorns hitti
hann við löndun. „Þetta er stærsti
róðurinn hjá okkur. Við lögðum 24
þúsund króka út af Jökli og fengum
þennan afla en þetta er allt slægt hjá
okkur,“ sagði Pétur kampakátur.
Alls eru fimm í áhöfn og eru tvær
áhafnir. „Við róum í hálfan mán-
uð og svo tekur önnur áhöfn við
og rær sömuleiðis í hálfan mánuð,“
sagði Pétur.
af
Gullhólmi gerir það gott á línuveiðum
Pétur Erlingsson skipstjóri að undirbúa löndun.Gullhólmi SH ber aflann vel á þessari mynd, en þarna er hann að sigla til hafnar í
Ólafsvík.
Það lá við umferðarteppu síð-
astliðinn föstudagsmorgun þeg-
ar vegfarendur sem voru á ferð á
milli Ólafsvíkur og Rifs sáu risa-
snekkju úti á víkinni. Margir veg-
farendur stöðvuðu bíla sína til þess
að freista þess að ná myndum af
dýrðinni. Þessi snekkja ber nafnið
A og er 120 metra löng og er í eigu
rússneska auðkýfingsins Andrey
Melnichenko sem var í fyrra talinn
í 137. sæti yfir ríkustu menn jarðar.
Snekkjan A er metin á 39 milljarða
króna og er til sölu, ef einhverjir
áhugasamir vilja vita af því. Um
borði í A eru 70 áhafnarmeðlimir.
Ástæða sölunnar er sú að Rússinn
vill kaupa stærri snekkju.
Snekkjan líkist einna helst geim-
skipi en í henni er m.a. sundlaug,
bar, þyrlupallur og til þess að kom-
ast inn í aðal svefnherbergið þarf
að reiða sig á fingrafarask-
anna. Einungis fimm ein-
staklingar komast þangað
inn. Þá er snekkjan drekk-
hlaðin speglum og krist-
al sem Melnichenko segist
hafa mikið dálæti á. Nán-
ast hver einasta tomma í
snekkjunni er sérhönnuð
til þess að mæta þörfum
Melnichenko. Í því sam-
hengi má nefna kranana í
sturtuklefa sem hver um
sig kostaði rúmlega fimm
milljónir króna. Í snekkj-
unni er einnig stærðarinn-
ar bátaskýli sem hýsir þrjá
hraðbáta. Eftir viðdvöl-
ina úti af Snæfellsnesi var
snekkjunni siglt til Reykja-
víkur.
af
Fjörutíu milljarða snekkja lá við ankeri
Snekkjan lá við ankeri milli Rifs og Ólafsvíkur.
Slökkvilið Borgarbyggðar var í gær,
þriðjudag, kallað út vegna elds sem
kviknað hefur í þurrum lággróðri og
kjarri í Húsafelli. Skjótt var brugð-
ist við, bæði af heimamönnum og
þá komu slökkviliðsmenn úr Reyk-
holti með vel búinn tank- og dælu-
bíl á staðinn. Slökkvistarf gekk því
hratt og vel fyrir sig að sögn Bjarna
Kr Þorsteinssonar slökkviliðsstjóra.
Meðfylgjandi er skjáskot úr vef-
myndavél sem staðsett er talsvert
fjarri eldsupptökum. Rauður hring-
ur afmarkar reyk sem lagði um tíma
upp af eldinum. mm
Slökktu hratt gróðureld í Húsafelli
Byggðarráð Dalabyggðar fundaði
þriðjudaginn 10. maí. Á fundin-
um var afgreidd ábending fjall-
skilanefndar Suður-Dala þess efnis
að lengi hefði legið fyrir að ráðast
þyrfti í verulegt viðhald á Kirkju-
fellsrétt, Fellsendarétt og Hólma-
rétt. Óskaði fjallskilanefndin eftir
því að ástand réttanna verði metið
og framkvæmdaáætlun gerð í sam-
ráði við nefndina. Á fjárhagsáætl-
un Dalabyggðar fyrir árið 2016 er
gert ráð fyrir 2,5 milljónum króna
til viðhalds rétta í sveitarfélaginu,
sem er um milljón meira en fyrri
ár. Niðurstaða fundarins var sú að
byggðarráð samþykkti að veita allt
að einni milljón króna til viðhalds
rétta í Suður-Dölum á árinu 2016.
Var fjallskilanefnd falið að annast
skipulag og framkvæmd.
kgk
Milljón til viðhalds rétta í Suður-Dölum
Svipmynd úr safni Skessuhorns frá Fellsendarétt í Dölum. Ljósm. bae.