Skessuhorn - 13.07.2016, Page 14
MIÐVIKUDAGUR 13. JÚLÍ 201614
Nú stendur yfir vinna við ann-
an áfanga lóðar Fjölbrautaskóla
Snæfellinga í Grundarfirði. Ver-
ið er að taka stéttina fyrir framan
anddyri skólans í gegn, setja hita-
lagnir undir og bæta aðgengi fyrir
fólk á hjólastólum. „Það var byrj-
að á þessum öðrum áfanga í júní-
byrjun, skömmu eftir að skóla lauk.
Til stendur að vinnu ljúki fyrir
Grundarfjarðadaga sem eru síðustu
helgina í júlí. Við vonum að það
gangi,“ segir Ólafur Tryggvason,
umsjónarmaður fasteigna FSN, í
samtali við Skessuhorn. Er vinnan
nú framhald af vinnu sem hófst fyr-
ir tveimur árum síðan. Þá var hellu-
lagt vestan við innganginn, gengið
frá í kringum eldhús og við inngang
starfsmanna. „Skólinn var byggður
með miklu hraði árið 2004 og bara
hellulagt til bráðabirgða fyrir fram-
an, ekki settar hitalagnir eða neitt
og vantaði niðurföll. Efnahagshrun-
ið kom síðan illa við eigendur Jerat-
úns, rekstraraðila skólans og fram-
kvæmdum seinkaði,“ segir Ólafur
en eigendur félagsins eru Grund-
arfjarðarbær, Snæfellsbær, Stykkis-
hólmsbær og Helgafellssveit. „En
nú er glæta og því var farið í þenn-
an annan áfanga og fegra lóðina því
hún hefur aldrei verið alveg klár,“
bætir hann við.
Það er Almenna umhverfisþjón-
ustan hefur séð um báða áfanga
lóðarinnar hingað til. Á næsta ári
stendur til að fara í þriðja og þöku-
leggja lóð fjölbrautaskólans.
kgk
Framkvæmdir á lóð FSN
Nýr veitingastaður var opnaður
við Vesturbraut í Búðardal í lið-
inni viku. Ber staðurinn nafnið
Veiðistaðurinn og eru Baldur Þór-
ir Gíslason og Harpa Sif Ingadóttir
eigendur staðarins. „Veitingastað-
urinn er hugsaður sem sjávarrétt-
astaður að megninu til og erum við
með einfaldan matseðil, t.d. kræk-
ling, fisk og franskar, fiskisúpu og
heimagerðan fiskborgara, auk þess
sem við ætlum að reyna að vera
alltaf með einhvern fiskrétt dags-
ins. Til að mynda vorum við með
lax um helgina og höfum hugs-
að okkur að bjóða af og til upp á
karfa. Við leggjum fyrst og fremst
áherslu á úrvals hráefni en það er
auðvelt að fá gott hráefni á Íslandi,“
segir Baldur í samtali við Skessu-
horn. Baldur er einnig með fisk-
vinnslu við höfnina í Búðardal auk
þess sem hann veiðir grásleppu í
Breiðafirði. „Það hefur verið mikil
umferð ferðamanna niður að höfn
að spyrja eftir fiski. Við áttum þetta
húsnæði sem er á mjög góðum stað
í bænum þá kviknaði hugmynd um
að opna svona stað. Við erum einn-
ig að skoða þann möguleika að selja
ferskan fisk úr fiskborði en það
verður ekki strax,“ segir Baldur.
Hann segir viðtökurnar hafa ver-
ið mjög góðar í Búðardal fyrstu
dagana eftir opnun. „Það hefur ver-
ið mikið að gera frá því við opnuð-
um og heimamenn hafa verið sér-
staklega duglegir að koma,“ segir
hann. Auk þess að reka Veiðistaðinn
er Baldur með fiskvinnslu við höfn-
ina í Búðardal og veiðir grásleppu
í Breiðafirði. „Það hefur verið nóg
að gera frá því við fórum að undir-
búa staðinn. Ég er líka með fimm
mánaða tvíbura sem voru fæddir
bara mánuði áður en framkvæmd-
ir hófust. En við erum með margt
gott fólk í vinnu hjá okkur,“ segir
Baldur. Veiðistaðurinn er opinn frá
klukkan 11 til 22 flesta daga til að
byrja með. arg
Veiðistaðurinn opnar í Búðardal
Baldur Þórir Gíslason á Veiðistaðnum. Ljósm. sm.
Hjónin Rebecca Cathrine Kaad Os-
tenfeld og Hjalti Freyr Kristjánsson
á Hólum í Dalasýslu opnuðu dýra-
garð á heimili sínu nú í sumar. „Þetta
byrjaði eiginlega í vetur en alla mið-
vikudaga hafa krakkar úr ungmenna-
búðum á Laugum í Sælingsdal kom-
ið í heimsókn til okkar og fengið að
kynnast íslenskum landbúnaði. Þeg-
ar við sáum hversu vel þetta gekk og
fundum allan þann áhuga frá krökk-
unum langaði okkur að gera eitthvað
meira og kynna íslenskan landbúnað
betur fyrir fólki,“ segir Rebecca við
aðspurð hvernig það hvernig það hafi
komið til að þau opnuðu dýragarð á
heimili sínu.
Elskar öll dýr
Á Hólum má finna margar ólík-
ar tegundir af dýrum, t.d. kalkúna,
hænur, kanínur, hrafn og svín. „Við
eignuðumst jörðina fyrir ári síðan og
þá var voðinn vís,“ segir Rebecca og
hlær. „Ég elska öll dýr og langar alltaf
í fleiri. Þetta er fyrst og fremst áhuga-
málið mitt og mér líður vel innan um
dýrin. Ég á líka mjög erfitt með að
sjá dýr sem vantar heimili og lang-
ar bara að taka þau öll. Ég á því ekk-
ert erindi á síður eins og Facebook og
dýrahjálp, þar get ég alveg tapað mér.
Ég safna dýrum bara eins og margir
safna frímerkjum. En maður verður
að gæta þess að taka ekki að sér fleiri
dýr en maður ræður við að hugsa
um,“ bætir Rebecca við.
Óvenjuleg gæludýr
Rebecca hefur átt ýmis dýr í gegnum
tíðina og sem dæmi átti hún álft í þrjú
ár og tófu í nokkra mánuði. „Álftin
var alveg dásamleg og hún fylgdi mér
hvert sem ég fór og kom t.d. oft með
mér í reiðtúr. Tófan varð að fara þeg-
ar hún fullorðnaðist því hún var farin
að sýna hænunum óþarflega mikla at-
hygli og vildi helst éta þær. Það gekk
náttúrulega ekki,“ segir Rebecca og
hlær. „Það er samt eitthvað sérstakt
við dýrin hér á Hólum, þeim semur
öllum vel. Hér eru kisurnar, hund-
arnir, fuglarnir og öll dýrin bara sama
og allir glaðir.“ Í vor var haft sam-
band við Rebeccu og hún beðin um
að hugsa um meiddan hrafnsunga.
„Við tókum hann að sjálfsögðu að
okkur og hann er orðinn einn af
hópnum. hann á líklega aldrei eftir að
geta flogið svo ég geri ekki ráð fyrir
því að hann fari héðan, og fær hann
að vera hér eins lengi og hann vill.
Hann hefur líka vakið mikla lukku
meðal gesta en það eru ekki margir
sem hafa klappað eða haldið á svona
krumma,“ segir Rebecca brosandi.
Vilja fræða fólk um
íslenskan landbúnað
„Það hafa allir tekið okkur vel og
fólk verið duglegt að koma og skoða
dýrin. Það eru svo margir sem hafa
áhuga á að kynna sér landbúnaðinn
en hafa ekki mörg tækifæri til þess,“
segir Rebecca og dregur fram fötu
fulla af eggjum í öllum stærðum
og gerðum. „Sem dæmi kom hing-
að fullorðinn maður fyrir stuttu og
sá þessi egg. Honum verð brugðið
að sjá eggin svona í fötu og spurði
hvort það væru ekki ungar í þeim.
Hann vissi þá ekkert hvernig eggin
frjóvgast og hélt að það væru bara
ungar í öllum eggjum í sveitinni.
Hann hafði ekki einu sinni hugs-
að út í það af hverju það væru ekki
ungar í eggjunum sem hann fær
út í búð. Þetta er það sem við vilj-
um fræða fólk um,“ segir Rebecca
og bætir því við að fullorðna fólk-
ið hafi ekki minni áhuga en börn-
in á að kynna sér landbúnaðinn og
skoða dýrin. „Fólk verður rosa-
lega afslappað hér í kringum dýr-
in. Enda er bara svo gott að koma
hingað úr amstri dagsins og knús
litla mjúka kanínuunga,“ segir Re-
becca að endingu.
arg
Opna dýragarð í Dölum
Rebecca Cathrine Kaad Ostenfeld heldur á hrafnsunga sem hún hefur verið að
hugsa um.
Lítill hænuungi í dýragarðinum á Hólum.
Önd með unga sem eru nýlega búnir að klekjast úr eggjunum.
Kalkúnn í dýragarðinum á Hólum.