Skessuhorn - 13.07.2016, Síða 17
MIÐVIKUDAGUR 13. JÚLÍ 2016 17
Heimsótti Reykholt
eitt augnablik
„Meginástæðan fyrir þessu öllu saman
er auðvitað brennandi áhugi á Snorra
Sturlusyni,“ segir Bergur. Þeim
áhuga deila þau þrjú með mörgu fólki
um víða veröld sem gjarnan vill sækja
Reykholt heim. „Jóhanna heitin á
Grund hringdi eitt sinn í Geir fyrir
mörgum árum síðan,“ segir Dagný
og Geir minnist þess augnabliks.
„Þetta var á úrugum haustdegi. Hún
sagði mér frá japönskum manni sem
var á leið í Reykholt en lenti í óhappi
á leiðinni, velti bílnum og Jóhanna
fór með hann til læknis í Borgarnesi,“
segir Geir. „Við tókum á móti hon-
um og þá kemur á daginn að þetta var
japanskur prófessor sem var í ársleyfi.
Hann var að stúdera norræna sögu í
Englandi og hreifst af Snorra. Þeg-
ar komið var í Reykholt fór ég með
hann að gröf Snorra. Þar stóð hann
í nokkrar mínútur og hneigði sig síð-
an mjög djúpt. Hann var hrærður og
þetta var stór stund í lífi hans. Kom
þá í ljós að hann hafði keypt sér far
frá Englandi síðasta dag þessa ársleyf-
is til að heimsækja Reykholt Snorra
aðeins augnablik til að votta honum
virðingu sína,“ bætir Geir við.
Fiskisagan um féð norska
Lengi hefur verið sá orðrómur á
kreiki að Snorrastofa og Reykholts-
kirkja hafi verið reist fyrir norskt
fé. Dagný, Geir og Bergur segja að
það sé fjarri sannleikanum. „Ég hef
oft heyrt fullyrt að Norðmenn hafi
borgað undir allt í Reykholti. Það
virðist vera almenn skoðun og er eins
fjarri sanni og hægt er. Þetta er ís-
lensk stofnun og reist fyrir íslenskt
fé. Norðmenn lögðu milljón norskra
króna 1988 til Snorrastofu og um
30 milljónir íslenskar þegar Snorra-
stofa var opnuð um aldamót, en er-
lend framlög til rekstrar eru aðeins
í formi stöku styrkja, sem þá hefur
verið sótt sérstaklega um, og gjafa
til Snorrastofu eða kirkjunnar,“ seg-
ir Bergur og telur norska styrki til
reksturs Snorrastofu vera á bilinu eitt
til tvö prósent til dagsins í dag. Fiski-
söguna telur Dagný hins vegar til-
komna vegna þess að það voru aðal-
lega norrænir fjölmiðlar, þá sérstak-
lega norskir, sem sýndu framkvæmd-
inni áhuga á sínum tíma.
Róðurinn hefur alla tíð verið
þungur en Snorrastofa og Reykholts-
kirkja hafa ætíð notið góðs af gjöf-
um velunnara. Bæði hafa verið gefn-
ar bækur til Snorrastofu, ýmsir mun-
ir til stofunnar og kirkjunnar og pen-
ingar. Auk þess lét vel stæður mað-
ur eitt sinn mikið fé af hendi rakna
til þess að greiða niður hluta skulda
kirkjunnar, en slíkt er fáheyrt. Þar var
á ferðinni Norðmaðurinn Jan Petter
Røed sem kom fyrst í Reykholt 2004.
„Við Dagný tókum á móti honum og
sögðum frá Snorra og frá bygging-
unni.” Hann hefur síðan verið mik-
ill vinur staðarins. Hann gaf t.d. fé til
innréttingar kirkjuturnsins og stóra
og fallega kirkjuklukku sem er í turn-
inum ásamt fjórum öðrum klukkum.
Þar á meðal eru tvær klukkur Reyk-
holts, önnur frá árinu 1745 og hin
frá miðöldum. Tvær gamlar klukkur
komu úr Saurbæ á Hvalfjarðarströnd.
Síðar gaf hann krossinn sem stendur
fyrir framan kirkjuna. „Þegar berjast
þarf með kjafti og klóm fyrir pening-
um geta heimamenn og Íslending-
ar allir ekki verið annað en þakklát-
ir fyrir slíkar himnasendingar,“ seg-
ir Bergur.
Báru steinaltarið
á sinn stað
Eins og í upphafi var sagt er 20 ára
vígsluafmæli kirkjunnar í lok mán-
aðarins. Þó saga kirkjunnar sé auð-
vitað samofin Snorrastofu er hún
ekki sú sama. Það fyrsta sem feng-
ið var til kirkjunnar er kirkjuorgelið,
nokkru áður en framkvæmdir hófust.
„Bjarni Guðráðsson hafði spurnir af
því að selja ætti orgel Dómkirkjunnar
í Reykjavík og ákváðum við að kaupa
það. Bjarna í Nesi, organista og for-
manni bygginganefndar Reykholts-
kirkju, var síðan falið að fara og út-
vega orgelið. Hann gerði það, byggði
yfir það skemmu heima í Nesi og
varðveitti hljóðfærið í 15 ár,“ segir
Geir og brosir.
Smíði kirkjunnar miðaði örugglega
áfram undir styrkri handleiðslu Stef-
áns Ólafssonar kirkjusmiðs og Bjarna
í Nesi. Samstarf hans og Bjarna Guð-
ráðssonar var að sögn Geirs far-
sælt alla tíð. Hjónin Dagný og Geir
segja að ánægjulegt hafi verið að fá að
fylgjast með smíði kirkjunnar og eru
þakklát fyrir að hafa fengið að að taka
þátt í þessu mikla verki. „Það var fal-
leg nóttin fyrir vígsludag þegar smið-
irnir röðuðu sér á steinaltarið og báru
það á sinn stað,“ segir Geir. „Seinna
þessa sömu nótt, þegar altarinu hafði
verið komið fyrir, sest Bjarni og byrj-
ar að spila á orgelið sem notað var í
gömlu kirkjunni. „Það var ótrúlegt
augnablik þegar Bjarni byrjaði að
spila. Þá gerðist eitthvað; byggingin
breyttist í kirkju,“ bætir Dagný við.
Um haustið 2001 var dómkirkjuor-
gelið sent til framleiðandans í Dan-
mörku til viðgerðar. Stuttu fyrir páska
2002 kom það til baka og var notað í
fyrsta sinn hér í kirkjunni á páskum
sama ár. „Kom þá í ljós að orgelið er
afburðahljóðfæri og hefur verið eft-
irsótt til tónleikahalds. Snilldarverk
tónskálda á borð við Sigfús Einarsson
og Pál Ísólfsson eru einmitt samin á
þetta orgel,“ segir Geir.
Reykholtskirkja
er höfuðkirkja
Í Reykholtskirkju er messað alla
sunnudaga að sumri. Þar fer fram
ýmis starfsemi þvert á sóknar- og
prestakallamörk og er móttökustjóri
Snorrastofu með utanumahald um
þann hluta starfseminnar. „Reyk-
holtskirkja er stærst og best útbúna
kirkjan hér í uppsveitunum. Reyk-
holt er kirkjumiðstöð og Reykholts-
kirkja er höfuðkirkja svæðisins,“ seg-
ir Geir og prestshjónin víkja að söfn-
uðinum. „Sóknarbörn og fleiri hafa
alla tíð verið kirkjunni ræktarsöm og
fært henni fjölda gjafa. Meðal ann-
ars hljóðkerfi, ljósakrónur, lýsingu
á kross og altarisdúka, auk þess sem
margir hafa gefið fé til ýmissa verk-
efna. Þetta er ótrúlega falleg saga og
margir hafa sýnt kirkjunni velvilja,“
segja Geir og Dagný; „og Snorrastofa
sem stofnun hefði aldrei orðið til ef
söfnuðurinn hefði ekki tekið þessa
ákvörðun,“ bætir Bergur við.
Endurlit á
Reykholtshátíð
Sem fyrr segir var kirkjan vígð af
herra Sigurði Sigurðarsyni vígslu-
biskupi í Skálholti. Við athöfnina
söng kirkjukórinn messuna Missa De
Angelis. Messan verður sungin aftur
núna á 20 ára vígsluafmæli kirkjunnar
og á Reykholtshátíð. Dagný segir að
kirkjan hafi verið hönnuð með góð-
an hljómburð í huga. „Enda er hún
vinsæl og eftirsótt til tónleikahalds
og dásemdin ein að vera í kirkjunni á
góðum tónleikum,“ segir hún.
Dagný sér um tónleikahald í kirkj-
unni og hefur því alla tíð unnið náið
með listrænum stjórnendum Reyk-
holtshátíðar fyrir hönd kirkjunnar.
„Steinunn Birna Ragnarsdóttir píanó-
leikari kom að máli við okkur Geir á
fögrum haustdegi 1996 og sagði okk-
ur frá draumi sínum um að stofna til
tónlistarhátíðar úti á landi. Það féll
vel að okkar hugmyndum, því tíma-
setning kirkjudags var meðal ann-
ars ákveðin með það í huga að gam-
an væri að halda hátíð í tengslum við
hann,“ segir Dagný. Sóknarnefndin
tók hugmyndinni fagnandi. Ákveðið
var að blása til Reykholtshátíðar sem
í lok mánaðarins verður haldin í tutt-
ugasta sinn. „Steinunn setti markið
strax hátt og hingað hafa komið okk-
ar bestu listamenn og erlendir gest-
ir sem hafa glatt okkur undanfarin 20
ár. Enda myndast ólýsanleg stemning
á hátíðinni sem á sér ótal fastagesti
og velunnara,“ segir hún og ástæðuna
telur hún einfalda. „Hvað er hægt að
hugsa sér betra en að hlusta á fallega
tónlist í frábærum hljómburði í flutn-
ingi öndvegislistamanna?“
Þegar Steinunn Birna tók við starfi
tónlistarstjóra í Hörpu í Reykjavík
tók Auður Hafsteinsdóttir fiðluleikari
við og stýrði hátíðinni í tvö ár. „Und-
anfarin tvö ár hefur Sigurgeir Agn-
arsson sellóleikari stjórnað hátíðinni
og gerir enn. Þau eiga það sameigin-
legt að vera miklir listamenn og hafa
sinnt hátíðinni með miklum metn-
aði og árangurinn er eftir því,“ seg-
ir Dagný að lokum.
kgk/ Ljósm. úr safni
Dagnýjar Emilsdóttur.
Næstu blöð af Skessuhorni
Miðvikudagana 20. og 27. júlí
Vegna sumarleyfa kemur ekki út blað 3. ágúst
Jákvæðni, metnaður og víðsýniwww.akranes.is
SK
ES
SU
H
O
R
N
2
01
6
Eftirfarandi störf eru laus til umsóknar:
Brekkubæjarskóli
• Stuðningsfulltrúi
• Störf í sérdeild
Nánari upplýsingar um ofangreind störf og
önnur laus störf er að finna á www.akranes.is
Laus störf hjá Akraneskaupstað
CLARVISTA
STURTUGLER
FYRIR
VANDLÁTA
COOL - LITE
SÓLVARNARGLER
ispan@ispan.is • ispan.is
M
ynd: Josefine Unterhauser
Auðarskóli í Dölum - grunnskólakennari
Vegna óvæntra forfalla vantar grunnskólakennara við
Auðarskóla í Búðardal fyrir næsta starfsár
Leitað er að einstaklingi sem er jákvæður, skapandi og vill vera virkur
hluti liðsheildar
Menntun og hæfniskröfur
• Grunnskólakennaramenntun
• Áhugi á kennslu og skólastar
• Góð samskiptahæfni
• Frumkvæði og sjálfstæði í störfum
Allar umsóknir verða teknar til skoðunar og þeim svarað. Laun eru
sam kvæmt kjarasamningum Kennarasambands Íslands
Umsóknarfrestur er til og með 27. júlí
Nánari upplýsingar veitir Þorkell Cýrusson skólastjóri í síma 894 3445
Umsóknir ásamt ferilskrá sendist á netfangið keli@audarskoli.is
SK
ES
SU
H
O
R
N
2
01
6
Sigrún Þormar og María Sigurðardóttir í versluninni í móttöku Snorrastofu.
Frá fyrstu Reykholtshátíðinni árið 1997. Dagný og Geir ásamt Steinunni Birnu
Ragnarsdóttur píanóleikara og skipuleggjanda hátíðarinnar og söngkonunni
Sigrúni Hjálmtýsdóttur, Diddú.