Skessuhorn - 07.09.2016, Blaðsíða 12

MIÐVIKUDAGUR 7. SEPTEMBER 201612
Áramót í útgerðinni



Þorvarður Guðbjartsson útgerðar-
maður á línubátnum Guðbjarti SH
frá Rifi segir, líkt og fleiri, að hon-
um lítist ekki á verðþróunina sem er
tilkomin vegna styrkingar íslensku
krónunnar. Hann býst við verð-
lækkun á afla um allt að 20 til 25%
á komandi vertíð. „En ég er mjög
bjartsýnn á góða vertíð þar sem
Breiðafjörðurinn er fullur af fiski.
Nóg er hins vegar af æti eins og er,
en þetta kemur allt með haustinu,“
segir Þorvarður brosandi. „En það
hefði nú mátt auka kvótann um tíu
prósent á þorski, aukningin var að-
eins tvö prósent sem er skammar-
lega lítið. Og að minnka ýsukvót-
ann, maður skilur bara ekkert í því.
Það er verið að lengja bilið á milli
tegunda svo svakalega mikið að
maður skilur bara ekkert í þessu.
Svona bull kallar bara á brottkast á
ýsu. Þetta er bara ekki í lagi,“ held-
ur Þorvarður áfram. Hann segir
aflann eiga eftir að aukast á næstu
árum vegna þess hve lítið megi
veiða í dag. „En svona er nú þetta
og maður getur lítið gert í þessu,“
segir Þorvarður að lokum.
af
„Svona bull kallar
bara á brottkast á ýsu“
Þorvarður Guðbjartsson er bjartsýnn á góða vertíð en skilur ekkert í því að
ýsukvótinn hafi verið minnkaður.
Guðmundur Snorrason er skip-
stjóri á Farsæl SH 30 sem gerður
er út frá Grundarfirði af Fisk Sea-
food ehf. Guðmundur tók við skip-
inu um miðjan maí á þessu ári og er
þetta fyrsta fasta skipstjórnarstaðan
sem hann gegnir. Farsæll SH 30 er
með aflaheimildir upp á rétt tæp þús-
und tonn af bolfiski en það er svip-
að og í fyrra þegar skipið veiddi 522
tonn af þorski, 115 tonn af ýsu og
133 tonn af skarkola svo eitthvað sé
nefnt. Skipið fer svo einnig á rækju-
veiðar en á síðasta fiskveiði ári land-
aði skipið rétt tæpum 200 tonnum af
úthafsrækju og 130 tonnum af rækju
úr Breiðafirði.
Byrjaði ungur á sjó
Guðmundur byrjaði ungur á sjó en
hann ólst upp í Stykkishólmi. „Já, ég
var 15 eða 16 ára þegar ég fór á síld-
arvertíð á Þórsnesinu,“ rifjar Guð-
mundur upp. „Ég ákvað fljótlega að
skella mér í Stýrimannaskólann og
útskrifaðist þaðan 1991,“ bætir hann
við. „Strax eftir útskrift fer ég sem
annar stýrimaður á Júpíter en skipið
var þá á rækjuveiðum. Það var mjög
lærdómsríkt og mikil lífsreynsla að
fara á svona risastórt skip. Ég lærði
helling þarna,“ rifjar Guðmundur
upp.
Fljótlega lá leiðin þó til Grundar-
fjarðar og hefur Guðmundur starf-
að á hinum ýmsu skipum þar. „Fyrsta
reynsla mín sem skipstjóri var á
Fanney SH 24 á rækjuveiðum en þá
var ég bara að leysa skipstjórann af,“
segir Gummi. Hann var svo stýri-
maður á Sigurborgu SH 12 í stuttan
tíma en færði sig fljótlega yfir á Sól-
ey SH 124 hjá sömu útgerð. „Ég var
stýrimaður á Sóley lengst af eða al-
veg þangað til henni var lagt um ára-
mótin 2014 - 2015. Eftir það var ég
háseti á frystitogaranum Arnari HU
1 sem gerður er út af FISK Seafood
ehf. en þar er 30 daga úthald. Einnig
greip ég í afleysingar sem stýrimaður
á Gretti BA 39. Það var nú ekki mik-
ill hasar á þeim báti,“ segir Gummi
og brosir. „En það er svo sem ágætt
að breyta aðeins til,“ bætir hann við.
Það var svo í maí á þessu ári að skip-
stjórnarstaðan á Farsæl SH 30 losn-
ar og var Guðmundur ráðinn skip-
stjóri þar. „Mér líkar það afskaplega
vel og ég er mjög ánægður hér,“ seg-
ir Gummi. Hann er bjartsýnn fyrir
nýju kvótaári og horfir björtum aug-
um til framtíðar. „Vissulega mætti
auka aðeins við kvótann en maður er
svo sem ekkert að kvarta,“ segir hann
að lokum.
tfk
Bjartsýnn á nýju kvótaári
Hér er Guðmundur að taka við verðlaunum fyrir fyrsta sætið í brettahlaupi á
sjómannadaginn.
Mynd úr einkasafni tekin í sumar um
borð í Farsæl.
Hjá Hraðfrystihúsinu á Hellis-
sandi starfa 85 manns, bæði á
sjó og í landi. Ólafur Rögnvalds-
son framkvæmdastjóri Hrað-
frystihúss Hellissands segir fyrir-
tækið hafa þurft að leigja til sín
kvóta á hverju ári. Hann segist
þó bera smá ugg í brjósti hvern-
ig öllu muni reiða af. „Það er
alltaf að verða erfiðara að leigja
til sín kvóta, sem sífellt færist á
færri hendur. Svo er sífellt verið
að angra þá einstaklinga sem eru í
útgerð og sauma að þeim á kostn-
að stóru aðilanna. Almenningur í
landinu lítur á hagnað og arðsemi
hjá stóru fyrirtækjunum og heim-
færir á minni fyrirtækin sem eiga
mörg hver erfitt fyrir. Hér á Snæ-
fellsnesi er einn stærsti útgerðar-
staður á landinu hvað varðar litl-
ar og meðalstórar útgerðir,“ seg-
ir Ólafur. Hann segir nýafstaðið
kvótaár hafa verið ágætt. „Þetta
hefur allt verið við það sama og
maður vonar að það verði svipað
áfram. En auðvitað vonast maður
til þess að veiðiheimildirnar verði
auknar svo að menn þurfi ekki að
leigja til sín svona mikinn kvóta
eins og verið hefur. Við höfum
tekið á okkur skelli í veiðiheim-
ildum á undanförnum árum.“
Mikið tekjutap
Ólafur segir sölumál fyrirtækisins
vera í föstum skorðum og að sölu-
horfur séu sæmilegar. Allur fiskur
fyrirtækisins er seldur ferskur, að
mestu til Bretlands. Það er því frek-
ar þungt hljóðið í framkvæmda-
stjóranum eftir fall sterlingspunds-
ins í sumar. „Sterlingspundið hefur
lækkað um 25%. Það hefur gríðar-
leg áhrif á reksturinn hjá litlu fyr-
irtæki sem þessu. En hitt er ann-
að mál að við höfum séð hæðir og
lægðir í sjávarútveginum í gegn-
um tíðina og ég hef séð þetta allt
áður. Þetta er bara brimskafl sem
við þurfum að fara í gegnum en
það getur tekið tvö til þrjú ár fyr-
ir pundið að jafna sig,“ segir Ólaf-
ur. Hann segir ekki koma til greina
að selja fiskinn inn á annan markað.
„Við höfum selt megnið af þessu til
Bretlands og höfum byggt upp við-
skiptasambönd þar sem við þurfum
að viðhalda. En það ber að hafa í
huga að þetta er mikið tekjutap fyr-
ir okkur, að missa fjórðung af tekj-
unum. Framlegðin er bara horf-
in. Maður er því ekki sá allra kát-
asti í dag,“ segir Ólafur alvarlegur.
Hann bætir því við að ekkert annað
sé í boði en að horfa fram á veginn
og berjast í gegnum storminn. „Að
öðrum kosti gleypa þessir stóru
okkur. Það má ekki gleyma því að
sjávarútvegur hefur gengið vel síð-
ustu ár og það ber að þakka. Það
hafa oft verið blikur í sjávarútvegi
áður og það þýðir ekkert að gefast
upp.“ grþ
Fall sterlingspundsins hefur gríðarleg áhrif
Ólafur Rögnvaldsson framkvæmdastjóri Hraðfrystihúss Hellissands er hér til
hægri, ásamt Ragnari Konráðssyni um borð í Örvari SH 777.
Starfsmenn Hraðfrystihússins eru hér að raða flökum á færiband til frystingar.