Skessuhorn - 07.09.2016, Blaðsíða 15

MIÐVIKUDAGUR 7. SEPTEMBER 2016 15
Jákvæðni, metnaður og víðsýniwww.akranes.is
SK
ES
SU
H
O
R
N
2
01
6
1239. fundur bæjarstjórnar Akraness verður haldinn í
bæjarþingsalnum að Stillholti 16-18, þriðjudaginn 13. september
kl. 17:00. Fundirnir eru öllum opnir og eru bæjarbúar hvattir
til að mæta og kynna sér bæjarmálin. Vakin er athygli á því að
hægt er að hlusta á beina útsendingu frá fundinum á FM 95,0.
Bæjarmálafundir flokkanna verða sem hér segir:
Sjálfstæði• sflokkurinn í Stúkuhúsinu, laugardaginn
10. september kl. 10.30.
Björt f• ramtíð á Smáraflöt 1, mánudaginn 12. september
kl. 20.00.
Samf• ylkingin í Stjórnsýsluhúsinu, 1. hæð, Stillholti 16-18,
laugardaginn 10. september kl. 11.00.
Bæjarstjórnarfundur
ÞJÓNUSTA ÞJÓNUSTA
BLIKKSMIÐJA
Loftræstingar – Reykrör
Klæðningar – Nýsmíði
Viðhald – Efnissala

JÁRNSMIÐJA
Gjafagrindur – Nýsmíði
Viðhald – Þjónusta
Hesthúsinnréttingar

RAFMAGNS-
VERKSTÆÐI
Nýlagnir – Viðhald
Viðgerðaþjónusta
Borgarbraut 74 • 310 Borgarnesi • 412-5300 • limtrevirnet.is
Ágreiningur er uppi milli landeig-
anda á Indriðastöðum í Skorradal og
félags sumarhúsaeigenda á jörðinni
um neysluvatnsveitu. Málið hefur
nokkurn aðdraganda. Eftir banka-
hrun varð þáverandi eigandi Indr-
iðastaða gjaldþrota og leysti Lands-
bankinn eignina til sín upp í veð.
Bankinn seldi síðan núverandi eig-
anda, Dana að nafni Henrik Falster
Hansen, árið 2013. Hansen kaup-
ir jörðina með þinglýstum kvöðum
og réttindum sem eigninni fylgdu. Á
Indriðastöðum eru á annað hundrað
sumarhús. Taka flest þeirra neyslu-
vatn úr lind ofan við bæinn, en hluti
nýrra húsa á jörðinni hefur fengið
vatn úr borholu sem er í landi Mó-
fellsstaða. Eigandi Indriðastaða hef-
ur greitt landleigu fyrir borholu og
mannvirki og kostað dælingu neyslu-
vatns, fyrir um 70 þúsund krónur á
mánuði. Sumarhúsalóðirnar á Indr-
iðastöðum eru eignarlóðir og fær því
núverandi eigandi engar leigu- eða
vatnstekjur af þeim. Ekki hefur náðst
samkomulag um greiðslu kostnaðar
við rekstur vatnsveitunnar og hefur
eigandinn því hætt dælingu eftir að
upp úr viðræðum milli hans og sum-
arhúsaeigenda slitnaði.
Ingi Tryggvason er lögfræðingur
landeigandans. Hann segir að málið
sé í raun einfalt. „Það hefur ekki tek-
ist samkomulag milli eigenda Indr-
iðastaða og félags sumarhúsaeigenda
á jörðinni um rekstur vatnsveitunn-
ar. Þá hefur vatnsveitan ekki held-
ur rekstrarleyfi. Landeigendur geta
ekki látið það viðgangast lengur að
þarna sé verið að dæla vatni úr bor-
holu án þess að til þess séu tilskilin
leyfi og þá geta landeigendur held-
ur ekki sætt sig við að láta m.a. land
undir veitumannvirki án þess að
nokkur greiðsla komi í staðinn.“
Anna B Olsen er formaður félags
sumarhúsaeigenda í landi Indriða-
staða. Hún segir málið í pattstöðu og
nú sé hluti sumarhúsa á jörðinni án
neysluvatns eftir að dælingu úr bor-
holunni var hætt 20. ágúst síðastlið-
inn. „Við höfum reynt að leita sátta
og fá niðurstöðu í málið, en án ár-
angurs. Nýr eigandi Indriðastaða
telur sig ekki bundinn af samning-
um um vatnsöflun og fer fram á háar
upphæðir frá sumarhúsaeigendum
til að mæta kostnaði við rekstur veit-
unnar. Ég hef leitað til fulltrúa sýslu-
manns sem telur sig ekki geta beitt
sér í málinu. Þá hef ég gert bæði
slökkviliðsstjóra og fulltrúa Heil-
brigðiseftirlits Vesturlands viðvart
um stöðuna. Málið er nú í hönd-
um lögfræðinga beggja málsaðila og
í raun eru engar viðræður í gangi.
Á meðan er hluti sumarhúsanna án
neysluvatns,“ sagði Anna í samtali
við Skessuhorn.
Engin lausn meðan ekki
er ræðst við
Svo virðist sem leita megi orsakar
fyrir þeirri stöðu sem upp er kom-
in að þegar Landsbankinn seldi nú-
verandi eigendum jörðina var ekki
tekið fram að kaupandi tæki yfir
þinglýstar kvaðir sem snerta sum-
arhúsalóðirnar. Nýjum eiganda
jarðarinnar er því ekki skylt að af-
henda neysluvatn, þar sem ekki er
getið um þær skyldur hans í þing-
lýstum skjölum jarðarinnar þótt
e.t.v. sé getið um þær í samning-
um um sumarhúsalóðir. Málið lykt-
ar því af lögfræðilegri handvömm.
Lausn málsins felst væntanlega í að
stofnað verði félag um vatnsveitu í
landi Indriðastaða. Sú lausn er hins
vegar ekki í sjónmáli á meðan máls-
aðilar ræðast ekki við.
mm
Deilt um neysluvatnsmál í landi Indriðastaða
Nýverið var nýtt sjónvarp sett
upp í matsalnum á Dvalarheim-
ilinu í Stykkishólmi. Sjónvarpið
var keypt fyrir peninga sem komu
úr flöskusjóði dvalarheimilis-
ins. Það er Árný Margrét Guð-
mundsdóttir, fyrrum starfsmað-
ur á dvalarheimilinu, sem heldur
utan um sjóðinn og hefur gert til
margra ára eða allt frá því sjóður-
inn var stofnaður árið 1991. Árný
starfaði á dvalarheimilinu í 30
ár en hún hætti árið 2013, þeg-
ar hún náði sjötugsaldri. „Ég hélt
utan um þetta á meðan ég vann
þarna og hef haldið því áfram,“
segir Árný.
Hún segir Stykkishólms-
búa duglega að styrkja sjóðinn.
„Það eru auðvitað kassar uppfrá
sem allir setja í en svo eru bæj-
arbúar að setja þetta á tröppurn-
ar hjá mér. Það koma alltaf flösk-
ur, bæjarbúar hafa verið svo dug-
legir og þeir eiga þakkir skild-
ar fyrir það,“ segir hún. Aðspurð
um hvort sjóðurinn hafi nýst vel
til innkaupa segir hún: „Ætli það
Sjónvarp keypt fyrir flöskusjóðinn
Árný Guðmundsdóttir heldur utan um flöskusjóðinn. Hér er hún við sjónvarpið
nýja. Ljósm. Dvalarheimilið í Stykkishólmi.
séu ekki að verða tæp 300 þúsund
sem ég er búin að kaupa fyrir. Þar
má nefna tvo nuddstóla, spegil,
tvö börð, dagatal úr tré og núna
þetta sjónvarp í matsalinn. Það er
búið að kaupa ýmislegt, ég man
það ekki allt saman. Við reyn-
um að kaupa það sem vantar og
það vantaði sjónvarp núna,“ segir
Árný kát að endingu. grþ
Grunnskóli Borgarfjarðar Kleppjárnsreykjadeild
auglýsir eftir matreiðslumanni/matráði tímabundið
vegna afleysinga í mötuneyti skólans.
Mikilvægt er að viðkomandi geti hafið störf sem
allra fyrst. Reynsla af rekstri mötuneytis er æskileg
og færni í mannlegum samskiptum mikilvæg.
Frekari upplýsingar gefur Ingibjörg Inga Guðmundsdóttir
skólastjóri í síma 847-9262 eða Ingibjörg Adda Konráðs-
dóttir deildarstjóri í síma 840-1520 einnig má senda
fyrirspurn á netföngin ingibjorg.inga@gbf.is og
ingibjorg.adda.konradsdottir@gbf.is
Laust starf í Grunnskóla Borgarfjarðar
SK
ES
SU
H
O
R
N
2
01
6
Skeifunni 8 • 108 Reykjavík • Sími: 517 6460 • www.belladonna.is
Verslunin BelladonnaStærðir 38-58
Nýjar vörur í hverri viku