Skessuhorn - 07.09.2016, Blaðsíða 20
MIÐVIKUDAGUR 7. SEPTEMBER 201620
Í sumar hafa staðið yfir framkvæmdir
á stórum hluta opins svæðis á Reyk-
hólum í grennd við dvalar- og hjúkr-
unarheimilisið Barmahlíð, eins og
áður hefur verið greint frá í Skessu-
horni. Jarðvinnu er lokið fyrir knatt-
spyrnuvöll milli skólans og dval-
arheimilisins, steyptir hafa verið
göngustígar og gert torg þangað sem
minnismerkið um Jón Thorodd-
sen hefur verið fært. Framkvæmd-
um er hvergi nærri lokið og mun
ekki ljúka á þessu ári. Nú hefur Vina-
félag Barmahlíðar gefið tíu bekki
sem komið hefur verið fyrir með-
fram gönguleiðinni. Nokkrir bekkj-
anna eru við Barmahlíð en aðrir eru
víðs vegar við göngustígana. Bekk-
irnir voru smíðaðir af Sveini Ragn-
arssyni á Svarfhóli og eru úr Síber-
íulerki, sem ekki á að fúna þó ekki sé
borið á það viðarvörn, heldur gránar
það og dökknar þegar það veðrast.
kgk
Vinafélag Barmahlíðar gefur tíu bekki
Minnismerkið um Jón Thoroddsen komið á nýjan stað og hér má auk þess sjá tvo
af tíu nýjum bekkjum sem Vinafélagið gaf. Ljósm. reykholar.is
Framkvæmdir eru hafnar við upp-
byggingu aðkomu að Svöðufossi á
Snæfellsnesi. Þar á að lagfæra veg-
inn og steypa bílaplan. Eru fram-
kvæmdirnar fyrsti áfangi uppbygg-
ingar á áningarstað fyrir ferða-
menn á þessu svæði. Í mars á
þessu ári hlaut Snæfellsbær úthlut-
að 26,9 milljónum króna til fram-
kvæmdanna, sem var hæsti styrkur-
inn af þeim ellefu sem beint var til
uppbyggingar ferðamannastaða á
Vesturlandi.
grþ / Ljósm. Snæfellsbær.
Framkvæmt við Svöðufoss
Byrjað var að þreskja korn í Ásgarði
í Reykholtsdal föstudaginn 2. sept-
ember. Að sögn Magnúsar Eggerts-
sonar bónda hefur hann aldrei náð
að hefja kornskurð svo snemma,
en hann hefur stundað kornrækt
samfleytt frá 1996. Sumarið í fyrra
var afleitt til kornyrkju og kvaðst
Magnús nánast hafa verið ákveðinn
að hætta þessum tilraunum með
kornrækt. „Það var eiginlega Jón-
atan Hermannsson jarðræktarfræð-
ingur sem taldi mig á að sá korni í
vor. Hann sagði að finna mætti vís-
bendingar um að sumarið í ár yrði
gott og las það úr sjávarhita og loft-
straumum og reiknaði það vafalaust
út á vísindalegan hátt. Hann sagði
að góð sumur kæmu með ákveðnu
millibili. Allavega hafði Jónatan
rétt fyrir sér og útlitið núna er bara
býsna gott,“ sagði Magnús.
Bóndinn í Ásgarði byrjaði að
þreskja byggakur með tveggja raða
korni af kvæmi sem nefnist Kría. Á
sléttum heima við bæ átti hann sex
raða bygg, hafra og rúg sem hann
sagði að þyrfti lengri sprettutíma,
en myndi gefa betri uppskeru en
Krían. Magnús sáði í vor í um 30
hektara af korni og segir að korn-
ið verði veruleg búbót fyrir kúabú-
ið í Ásgarði. Gunnar Bjarnason á
Hurðarbaki hefur þurrkaðstöðu
fyrir kornið og segir Magnús að
hann geti þreskt tvo fulla sturtu-
vagna í einu til að fylla í þurrkaðs-
töðuna á Hurðarbaki. Þurrkunar-
tíminn fer síðan eftir rakastigi og
getur tekið frá einum sólarhring og
upp í þrjá. Þetta verði því tekið eftir
hendinni næstu daga en kornskurð-
urinn fari þó eftir tíðarfari.
En það er ekki einungis korn-
ið sem er verðmætt því mikil eftir-
spurn er eftir hálmi. Magnús notar
hluta þess hálms sem til fellur undir
kýrnar en aðrir bændur kaupi tals-
vert af honum og þá er Nautastöðin
á Hesti fastur viðskiptavinur. Útlit-
ið í kornræktinni er því býsna gott í
ár og mikillar uppskeru að vænta.
mm
Kornþresking með allra fyrsta móti
Magnús í Ásgarði ekur hér þreskivélinni eftir akri á bökkum Reykjadalsár, en handan árinnar rennur
Deildartunguhverinn í hana.
Korninu dælt yfir í sturtuvagninn.
Magnús Eggertsson bóndi.
Sex raða bygg gefur meiri uppskeru en Krían en þarf lengri sprettutíma, líkt og
hafrarnir og rúgurinn sem Magnús ræktar einnig.
Horft til norðurs yfir jörðina Ásgarð.