Skessuhorn - 14.09.2016, Blaðsíða 4

MIÐVIKUDAGUR 14. SEPTEMBER 20164
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til 12.00 á þriðjudögum.
Blaðið er gefið út í 3.800 eintökum og selt til áskrifenda og í lausasölu.
Áskriftarverð er 2.700 krónur með vsk. á mánuði. Elli- og örorkulífeyrisþegar greiða
kr. 2.340. Rafræn áskrift kostar 2.120 kr. Rafræn áskrift til elli- og örorkulífeyrisþega er 1.960 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Guðný Ruth Þorfinnsdóttir gudny@skessuhorn.is
Kristján Gauti Karlsson kgauti@skessuhorn.is
Auglýsingar og dreifing:
Lísbet Sigurðardóttir lisbet@skessuhorn.is
Valdimar Björgvinsson valdimar@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Þórarinn Ingi Tómasson toti@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Verkefni sálfræðinga að
greina stöðuna
Fjárhagsleg staða eldra fólks á Íslandi er vægast sagt afar bágborin. Þó
einhverjir hafi það gott peningalega, hafa flestir það einungis þokkalegt,
en allstór hópur á vart til hnífs og skeiðar. Þeir sem nú fara á eftirlaun
hafa skert réttindi til lífeyrisgreiðslna úr almannasjóðum og eru marg-
ir illa staddur, ekki síst ef þeir skulda enn húsnæðislán. Félagsskapurinn
Grái herinn er skipaður eldri borgurum á höfuðborgarsvæðinu og líkleg-
ur til að láta til sín taka. Í síðustu viku hélt þessi hópur fjölmennan fund á
Austurvelli en var svo óheppinn, ef svo má segja, að hitta á að á sama tíma
var kanadíska ungstirnið Justin Bieber að undirbúa tónleika í Kópavogi
og fangaði svo gott sem alla athygli fjölmiðlafólks. Efni þessa útifundar
náði því ekki eyrum almennings.
Eldri borgarar þessa lands eru upp til hópa afskaplega friðsamt fólk.
Þeir hafa ýmislegt látið yfir sig ganga og vilja eiga vinsamleg samskipti
við hið opinbera. Þetta fólk fer hins vegar náðarsamlegast fram á að það
njóti eðlilegra kjara á efri árum, eftir að starfsævinni lýkur, og þurfi ekki
að búa við fjárhagslegt óöryggi. Þetta er fólkið sem átt hefur stóran þátt
í að koma fjárhag landsins í það horf að líklega er Ísland ríkasta land í
heimi, miðað við höfðatölu. Eldra fólk á því réttmæta kröfu á að geta
vænst mannsæmandi eftirlauna úr Tryggingastofnun íslenska ríkisins og
að sjálfsögðu óháð því sem viðkomandi hefur aflað í lífeyrissjóð. Þetta
fólk hefur greitt skatta og skyldur alla tíð.
Flestir sem nú eru að nálgast starfslokaaldur hafa greitt í lífeyrissjóði frá
því sjóðirnir voru stofnaðir um 1970. Í kringum efnahagshrunið átti sér
stað eignaupptöku fólks í gegnum fall krónunnar og voru þá sett á lög til
að bjarga ríkiskassanum sem skerti greiðslur úr Tryggingastofnun ef fólk
naut tekna úr lífeyrissjóðum. Þarna var náttúrlega um að ræða hreina og
klára eignaupptöku að ræða og skerðingu á persónubundnum réttindum
fólks. Síðasta kjörtímabil hafa hinir tveir fjórflokkarnir setið við völd og
hafa þeir sömu stefnu. Hafa hvorki haft kjark né vilja til að koma þessu
aftur í eðlilegt horf. Eiginlega er ekki annað hægt en að taka undir orð
gamla eðalkratans Björgvins Guðmundssonar, sem barist hefur af einurð
fyrir réttindamálum eldri borgara, en hann skrifaði nýverið: „Það er verk-
efni sálfræðinga að rannsaka hvers vegna stjórnmálamenn og ráðamenn
hér hafa neikvæða afstöðu til eldri borgara. Það getur hver maður séð, að
kjör þeirra lífeyrisþega, sem hafa einungis tekjur frá almannatryggingum,
eru óásættanleg,“ skrifaði Björgvin.
Svo skemmtilega vill til að nú styttist í kosningar til Alþingis. Á nokkr-
um framboðslistum virðast ætla að veljast fullorðnir einstaklingar sem
ættu að geta sett sig í spor annarra eftirlaunaþega. Kannski þetta fólk taki
upp málstað eldra fólks og leggi lóð á vogarskálina að enginn þurfi að ótt-
ast fjárhag sinn við starfslok? Kannski sjá Steingrímur Joð og Össur eft-
ir því hvernig þeir fóru með eldri borgara í sinni stjórnartíð og gefa þess
vegna kost á sér til endurkjörs?
En án aulagríns finnst mér að krafan eigi að vera skýr. Lögbinda á að
lágmarksgreiðsla hvers og eins 67 ára og eldri, sem og öryrkja, úr al-
mannasjóðum verði 300 þúsund krónur frá og með 1. janúar 2017. Fyrsta
verk nýs þings ætti að vera að setja um slíkt sérstök neyðarlög, því varla
er líklegt að samstaða náist um það fyrir þinglok miðað við hvernig sam-
komulagið er á stjórnarheimilinu. Tekjur úr lífeyrissjóðum eiga síð-
an að bætast ofan á tryggingabætur og ekki að skerða á neinn hátt aðr-
ar greiðslur. Lífeyrissjóðirnir eru nefnilega ekki eign stjórnvalda, heldur
okkar, fólksins í landinu.
Magnús Magnússon.
Leiðari
Illa útleikin kind fannst skammt frá
bænum Þverfelli í Lundarreykja-
dal í síðustu viku. Birgir Hauks-
son refaskytta og minkabani birti
myndir á Facebook þar sem hann
sýnir hversu illa kindin var útleik-
in eftir tófu. „Þetta var rétt heima
undir bæ á Þverfelli. Fannst vegna
þess hversu stutt undan hræið var.
Sami refur gæti því hæglega átt
mörg svipuð fórnarlömb sem eng-
inn veit af fyrr en bændur smala
löndin,“ segir Birgir. Hann seg-
ir engan möguleika vera á því að
þarna hafi hundur verið á ferð.
„Þeir fara aftan í kindur og rífa
og tæta þar. Þetta eru aftur á móti
dæmigerð vinnubrögð eftir refinn.
Birgir gjörþekkir þetta tiltekna
svæði og segir þetta árvisst vanda-
mál í Borgarbyggð. „Þetta er á því
svæði þar sem mér er skammtað-
ur kvóti upp á 20 tófur árlega af
Borgarbyggð. Já, það er fullt af
tófu þarna eins og á flestum stöð-
um þar sem lítið er veitt,“ segir
hann.
mm
Dýrbítur heim við innsta
bæ í Lundarreykjadal
Slökkvilið Borgarbyggð-
ar var á níunda tímanum
síðastliðinn mánudags-
morgun kallað út vegna
elds í sumarhúsi við
Hvítá, í landi Ferjukots
í Borgarhreppi. Húsið
er fyrrum samkomustað-
ur hestamannafélags-
ins Faxa á Faxaborg,
en er nú í einkaeigu og
hefur verið gert upp
sem sumardvalarstaður.
Það var mannlaust þeg-
ar eldurinn kom upp og
gerði vegfarandi slökkvi-
liði viðvart. Slökkvistarf
gekk greiðlega en rjúfa
þurfti gat á mæni hússins
til að komast að eldsupp-
tökum. Eftir að reykræs-
ingu lauk var ljóst að um
nokkrar skemmdir var
að ræða af eldi, reyk og
vatni. Eldsupptök eru
ókunn en lögregla rann-
sakar tilurð brunans.
mm
Eldur kom upp í gamla
samkomuhúsinu við Faxaborg
Fréttatíminn birti í liðinni viku
ítarlega frétt um slæman aðbún-
að starfsfólks og mannfæð á Hót-
el Framnesi í Grundarfirði. Þar er
jafnframt grunur um að starfi út-
lent vinnuafl, jafnvel hælisleitend-
ur án atvinnuleyfa. Sigurkarl Bjart-
ur Rúnarsson keypti Hótel Fram-
nes í maí á þessu ári. Hann hef-
ur legið undir ámæli fyrir að hafa
hælisleitendur án atvinnuleyfis að
störfum. Áður en Sigurkarl Bjart-
ur keypti hótelið voru 17 starfs-
menn og mjög góð nýting á hót-
elinu. Strax eftir eigendaskiptin
var byrjað að segja upp heimafólki
og vönu starfsfólki en útlendingar
ráðnir í störfin.
Samkvæmt frétt Fréttatím-
ans hafa lögregla, Verkalýðs-
félag Snæfellinga og Alþýðusam-
band Íslands farið í þrjár eftirlits-
ferðir á hótelið í sumar. Er rekst-
ur þess undir smásjá lögreglu og
verkalýðsfélagsins en starfsmenn
hafa lýst afar slæmum vinnuað-
stæðum. Í síðustu viku voru aðeins
þrír starfsmenn á 60 manna hót-
elinu. Einn fráfarandi starfsmað-
ur lýsir í viðtali við Fréttatímann
miklu vinnuálagi og ómanneskju-
legum aðstæðum sem bitni á þjón-
ustu og hreinlæti á hótelinu. Við-
komandi gafst upp og vakti athygli
fjölmiðla á aðstæðum. „Við höf-
um áhyggjur af hótelinu og að þar
séu erlendir starfsmenn sem ekki
þekki rétt sinn né launakjör. Þar
ríkir algjör undirmönnun og við
vitum að starfsmenn hafa leitað
læknishjálpar vegna álags,“ sagði
Guðbjörg Jónsdóttir hjá Verka-
lýðsfélagi Snæfellinga í samtali við
Fréttatímann.
mm
Hótelrekstur undir smásjá
lögreglu og verkalýðsfélags