Skessuhorn - 14.09.2016, Blaðsíða 31

MIÐVIKUDAGUR 14. SEPTEMBER 2016 31
Klettagörðum 15 | 525 7700 | flytjandi.is
DAGLEGA Á FERÐINNI MEÐ
VÖRUR UM ALLT LAND
Eimskip Flytjandi veitir samræmda flutningaþjónustu
um land allt og eru áfangastaðirnir 80 talsins.
Skagamenn mættu
botnliði Þróttar í
Pepsi deild karla
í knattspyrnu á
sunnudag. Leik-
ið var í Reykjavík.
Fyrri leik liðanna
snemma sumars
lauk með 1-0 sigri
Þróttar. Skaga-
menn náðu ekki að
hefna fyrir tapið á
sunnudag því aft-
ur vann Þróttur,
að þessu sinni með
þremur mörk-
um gegn einu.
Heimaliðið hefur
nú möguleika á að
bjarga sér frá falli
en Skagamenn töpuðu mikilvægum
stigum í baráttunni um Evrópusæti.
Þróttarar byrjuðu vel en varnar-
leikur Skagamanna var ekki sann-
færandi. Þeim gekk mun betur á
hinum enda vallarins, léku vel sín á
milli og sköpuðu sér prýðileg mark-
tækifæri. Fyrir vikið var leikur-
inn mjög opinn og hraður. Bæði lið
hefðu getað skorað fyrsta korterið
og máttu varnarmenn liðanna hafa
sig alla við. Eitthvað varð undan að
láta og voru það Þróttarar sem skor-
uðu fyrsta mark leiksins á 25. mín-
útu. Christian Sorensen fékk bolt-
ann í teignum, kom sér í skotstöðu
og smellti boltanum efst í vinstra
hornið. Árni Snær var með fingur-
gómana á boltanum en náði ekki að
verja og Þróttur kominn yfir.
Skagamenn efldust við mótlætið
og fengu fjögur stórgóð marktæki-
færi næstu tíu mínúturnar en öll fóru
þau forgörðum. Þróttarar komust
síðan aftur inn í leikinn, liðin skipt-
ust á að sækja og bæði hefðu getað
bætt við til loka fyrri hálfleiks.
Það sama var uppi á teningnum
eftir leikhléið. Skagamenn fengu
gott færi strax í upphafi eftir að
Garðar Gunnlaugsson fór illa með
varnarmann Þróttar. Skot hans fór
hins vegar hársbreidd yfir markið.
Þróttarar geystust fram í sókn sem
endaði með því að Brynjar Jónsson
kom boltanum í netið og botnlið-
ið komið með tveggja marka for-
ystu. Virtist markið gefa Þróttur-
um byr undir báða vængi en Skaga-
menn fengu mjög gott færi þegar
skot Garðars af markteig var meist-
aralega varið.
Þegar tíu mínútur lifðu leikst
fékk Þróttur skyndisókn sem endaði
með marki. Dion Acoff stakk varn-
armenn ÍA af og æddi fram kant-
inn. Hann lagði boltann á Vilhjálm
Pálmason sem var hinn rólegasti,
sendi boltann á Brynjar sem kom á
ferðinni og lagði hann í fjærhornið
framhjá Árna Snæ í markinu. Stað-
an 3-0 og sigur Þróttar svo gott sem
tryggður. Skagamenn náðu rétt að
klóra í bakkann á 87. mínútu með
marki Jóns Vilhelms Ákasonar eftir
fyrirgjöf Þórðar Þorsteins Þórðar-
sonar en þar við sat. Lokatölur 3-1,
Þrótti í vil.
Skagamenn eru eftir leik sunnu-
dagsins með 28 stig í fimmta sæti
deildarinnar, þremur stigum á eft-
ir liðunum í 2.-4. sæti og eygja enn
möguleika á Evrópusæti þegar fjór-
ar umferðir eru eftir. Næst mæta
þeir erkifjendunum í KR á morg-
un, fimmtudaginn 15. september, á
Akranesvelli.
kgk
Skagamenn töpuðu fyrir
botnliði Þróttar
Víkingur Ó. og Grindavík mætt-
ust öðru sinni í átta liða úrslitum úr-
slitakeppni 1. deildar kvenna í knatt-
spyrnu á miðvikudag. Fyrri leiknum,
sem leikinn var í Ólafsvík, lauk með
fjögurra marka sigri gestanna og var
á brattann að sækja fyrir Víkingskon-
ur fyrir aðra viðureign liðanna. Loka-
tölur á miðvikudag urðu þær sömu
og í fyrri leiknum, Grindavík sigraði
með fjórum mörkum gegn engu.
Grindavík komst yfir eftir 17 mín-
útna leik með marki Marjani Hing-
Glover og Lauren Brennan jók for-
skot heimaliðsins þegar hálftími var
liðinn. Hún var síðan aftur á ferðinni
á 61. mínútu leiksins þegar hún kom
Grindvíkingum í 3-0. Aðeins fimm
mínútum síðar skoraði Helga Guð-
rún Kristinsdóttir síðan fjórða og síð-
asta mark leiksins og tryggði Grind-
víkingum öruggan 4-0 sigur og sæti
í undanúrslitum úrslitakeppninnar.
Grindvíkingar voru sterkara lið vall-
arins allan leikinn. Áttu hvorki fleiri
né færri en 27 marktilraunir, þar af 12
á markið en Víkingur aðeins tvær.
Þátttöku Víkings Ó. í 1. deild
kvenna í knattspyrnu er því lokið að
sinni. Þær mega hins vegar vel við
una því þetta er aðeins fimmta sum-
arið frá því fyrst var sent lið til keppni
í Íslandsmóti kvenna undir merkjum
Víkings Ólafsvíkur. Liðið hefur tek-
ið stöðugum framförum síðan þá og
bætt sig ár frá ári.
kgk/ Ljósm. úr safni.
Garðar Gunnlaugsson var óheppinn að skora ekki gegn
botnliði Þróttar á sunnudag. Skagamenn töpuðu leiknum
með þremur mörkum gegn einu. Ljósm. úr safni.
Víkingur Ó. hefur lokið
keppni í 1. deild kvenna Eftir 3-1 tap gegn toppliði Stjörn-
unnar á þriðjudaginn í síðustu viku
var komið að ÍA að heimsækja Val
í Pepsi deild kvenna í knattspyrnu.
Leikið var á Hlíðarenda síðastlið-
inn föstudag. ÍA var fyrir leikinn
á botni deildarinnar og hefði með
sigri hleypt mikilli spennu í fallbar-
áttuna. En það varð ekki því Valur
hafði sigur með tveimur mörkum
gegn engu í miklum baráttuleik.
Valskonur byrjuðu af mikl-
um krafti og komust yfir strax á 7.
mínútu leiksins þegar Mist Edv-
ardsdóttir lét vaða á markið rétt
utan vítateigs. Boltinn söng í net-
inu og Valur kominn yfir. Aðeins
fimm mínútum síðar fengu Vals-
konur aukaspyrnu rétt innan við
miðju. Ásta Vigdís í marki ÍA var
ekki nægilega vel staðsett og það
nýtti Dóra María Lárusdóttir sér
og skoraði annað mark Vals. Staðan
því 2-0 eftir aðeins korters leik og
róðurinn orðinn þungur fyrir ÍA.
Eftir seinna markið fóru Skaga-
konur að taka við sér og komast
betur inn í leikinn. Besta færi fyrri
hálfleiks fengu þær eftir góða sókn
þar sem þær komust fimm á móti
þremur varnarmönnum. Maren
Leósdóttir gaf boltann fyrir á Rac-
hel Owens en skot hennar var beint
á markmanninn. Staðan í hálfleik
því óbreytt, 2-0 fyrir Val.
Skagakonur komu ákveðnari til
síðari hálfleiks. Mikil barátta var
í leiknum en færin létu bíða eftir
sér. Þegar færin síðan komu voru
það Skagakonur sem áttu þau.
Megan Dunnigan var nálægt því
að minnka muninn eftir rúmlega
klukkustundarleik þegar hún sendi
boltann í stöngina. Á 69. mín-
útu fengu Skagakonur síðan auka-
spyrnu rétt utan vítateigs. Jaclyn
Pourcel átti fast skot beint á mark-
mann Vals sem kýldi boltann frá en
beint á Hrefnu Þuríði Leifsdóttur
sem kom honum í netið.
Þrátt fyrir ágæta spilamennsku
á köflum síðustu 20 mínútur leiks-
ins tókst ÍA ekki að gera sér mat úr
þeim marktækifærum sem þó sköp-
uðust. Fleiri mörk voru því ekki
skoruð í leiknum sem lauk með
sigri Vals, 2-1.
Skagakonur eru því enn á botni
deildarinnar með átta stig þegar
tveir leikir eru eftir af mótinu. Þær
eygja þó enn veika von um að bjarga
sér frá falli. Fjögur stig eru í næstu
tvö lið fyrir ofan og fimm í sjöunda
sætið. Þær þurfa því að vinna báða
leikina sem eftir eru og treysta á að
öðrum liðum fatist flugið. ÍA leik-
ur næst laugardaginn 24. septem-
ber þegar liðið mætir Breiðabliki í
Kópavogi.
kgk
Slæm byrjun varð Skagakonum að falli
Hrefna Þuríður Leifsdóttir í baráttunni fyrr í sumar. Hún skoraði mark ÍA í 2-1 tapi
liðsins gegn Val á föstudag. Ljósm. gbh.
Víkingur Ó. mætti Fylki í Pepsi
deild karla í knattspyrnu á sunnu-
dag. Búast mátti við hörkuleik í
Árbæ Reykjavíkur þar sem bæði
lið bítast um að halda sæti sínu í
deildinni. Víkingar voru í 9. sæti,
tveimur stigum fyrir ofan Fylki í
næstneðsta sæti. Þegar lokaflautan
gall var niðurstaðan sú að heima-
liðið hafði sigur með tveimur
mörkum gegn einu. Nokkur harka
var í leiknum og bæði lið mætt til
að berjast. Leikurinn tók hins veg-
ar óvænta stefnu þegar Fylkismenn
komust yfir með ótrúlegu marki
eftir skyndisókn strax á 8. mínútu.
Víkingur átti hornspyrnu sem var
skölluð frá. Emir Dokara hugðist
ná boltanum en tókst ekki. Bolt-
inn barst á Alvaro Calleja og Emir
kominn langt út úr sinni varn-
arstöðu. Alvaro var á sínum eig-
in vallarhelmingi þegar hann fékk
boltann en hljóp upp allan völl og
kláraði færið vel.
Víkingur var sterkara lið vall-
arins það sem eftir lifði fyrri hálf-
leiks. Þeir stjórnuðu gangi leiksins
en náðu ekki að skapa sér nein al-
vöru marktækifæri. Það var helst
að þeir næðu að ógna marki Fylk-
is með langskotum og föstum leik-
atriðum.
Víkingur hélt áfram að þjarma
að heimaliðinu í upphafi síðari
hálfleiks og var nálægt því að jafna
þegar Kenan Turudja átti skot rétt
framhjá eftir skyndisókn. Á 63.
mínútu fengu Fylkismenn hins
vegar víti þegar Kramar Denis
braut á Alvaro Calleja. Arnar Bragi
Bergsson steig á punktinn og skor-
aði af miklu öryggi og kom Fylki
í 2-0.
Virtist sem leikmönnum Vík-
ings væri brugðið og botninn datt
úr leiknum næsta korterið eða svo.
Þeim fannst illa farið með sig á
76. mínútu þegar dæmd var auka-
spyrna fyrir brot á Pape Mamadou
Faye en Víkingar heimtuðu víti.
Þeir höfðu ef til vill nokkuð til
síns máls því brotið virtist hafa átt
sér stað töluvert fyrir innan víta-
teigslínuna. Upphófust þá fjörug-
ar lokamínútur. Christian Libe-
rato varði stórkostlega skot af
löngu færi og á 83. mínútu minnk-
aði Pape muninn fyrir Víking með
skoti í teignum eftir fyrirgjöf Al-
freðs Más Hjaltalín.
Christian varði aftur glæsilega
þegar Fylkismenn sluppu einir í
gegn og í uppbótartíma vildu Vík-
ingar aftur víti þegar boltinn fór
í hönd varnarmanns. Dómarinn
dæmdi hins vegar ekkert og allt
ætlaði að verða vitlaust. Þorsteinn
Már fékk gula spjaldið og Dzevad
Saric, aðstoðarþjálfari Víkings, var
sendur upp í stúku. Á lokamínútu
uppbótartímans fengu heimamenn
hins vegar vítaspyrnu þegar Emir
braut á sóknarmanni Fylkis sem
var sloppinn einn í gegn. Emir
fékk auk þess að líta rauða spjald-
ið. Arnar Bragi fór aftur á punkt-
inn en að þessu sinni gerði Christi-
an sér lítið fyrir og varði vítaspyrn-
una frábærlega alveg út við stöng.
En þar við sat og 2-1 sigur Fylk-
ismanna staðreynd. Víkingar sitja
því enn 9. sæti deildarinnar með
19 stig, nú tveimur stigum bet-
ur en Fylkir sem enn er í fallsæti.
Næst leikur Víkingur Ó. á morg-
un, fimmtudaginn 15. september,
þegar liðið fær Víking R. í heim-
sókn til Ólafsvíkur.
kgk/ Ljósm. þa.
Vildu tvær vítaspyrnur en fengu hvoruga