Skessuhorn - 16.11.2016, Blaðsíða 8

MIÐVIKUDAGUR 16. NÓVEMBER 20168
Lögregla vill
lækka hámarks-
hraða
BORGARNES: Tveir ungir
ökumenn voru teknir á 82 km
hraða í gamla bænum í Borg-
arnesi síðastliðið föstudags-
kvöld en þar er leyfður há-
markshraði 30 km á klukku-
stund. Talið er að þeir hafi
verið í spyrnukeppni þeg-
ar þeir voru teknir. Piltarnir
verða að sögn lögreglu ákærð-
ir yfir athæfið. „Lögreglustjór-
inn á Vesturlandi hefur ítrekað
lagt til við sveitarstjórn Borg-
arbyggðar að lækka leyfðan
hámarkshraða á Borgarbraut
í Borgarnesi þar sem leyfður
hámarkshraði er 50 km/klst.
Víðast hvar í bænum er 30 km
hámarkshraði sem og í öllum
íbúðahverfum bæjarins,“ segir
lögregla. -mm
Gekk í skrokk
á konu sinni
BORGARFJ: Í vikunni sem
leið fékk Lögreglan á Vestur-
landi tilkynningu um mann
sem hefði gengið í skrokk á
sambýliskonu sinni þar sem
þau dvöldu í orlofsbústað í
Borgarfirði ásamt börnum
sínum. Lögreglan fór á stað-
inn ásamt fulltrúum barna-
verndarnefndar Borgarbyggð-
ar. Var maðurinn handtekinn
og fluttur á lögreglustöð til yf-
irheyrslu og konan var flutt á
heilsugæslustöð til aðhlynn-
ingar. Málið er í rannsókn hjá
rannsóknardeild LVL. -mm
Bílvelta á
Holtavörðuheiði
HÚNAV.S: Ung kona var
flutt með þyrlu Landhelgis-
gæslunnar á Landspítalann
seint á sunnudagskvöldið eft-
ir bílveltu á Holtavörðuheiði.
Mbl.is greindi frá. Haft var
eftir lögreglunni á Blönduósi
að meiðsli konunnar hafi ekki
verið eins alvarleg og í fyrstu
hafi verið talið. Farþegi í bíln-
um slapp án meiðsla. Hálku-
blettir voru á heiðinni þegar
slysið varð og hvasst í veðri.
Bifreiðin er talin ónýt. -mm
Fresta hækkun-
um launa
AKRA-BORG: Laun kjör-
inna fulltrúa í sveitarstjórnum
taka almennt mið af þingfar-
arkaupi, en eins og kunnugt
er tók Kjararáð ákvörðun um
að hækka laun æðstu emb-
ættismanna og þingmanna
um 20-44%. Sú ákvörðun var
tekin á kjördag, 29. október
sl. og hefur vakið mikla um-
ræðu í þjóðfélaginu. Í síðustu
viku tóku bæði sveitarstjórn
Borgarbyggðar og bæjarstjórn
Akraneskaupstaðar þá ákvörð-
un að fresta hækkunum bæjar-
og sveitarstjórnarfulltrúa þar
til Alþingi hefur komið sam-
an og rætt fyrrgreinda hækkun
Kjararáðs. Laun sveitarstjórn-
arfulltrúa eru 19% af þingfar-
arkaupi og því hefði hækkun
almennra sveitarstjórnarfull-
trúa að óbreyttu átt að verða
um 64 þúsund krónur á mán-
uði. -mm
Ljósleiðara-
væðing þokast
af stað
BORGARBYGGÐ: Í fjár-
hagsáætlun fyrir sveitarfé-
lagið Borgarbyggð kemur
fram að vinna er hafin við
frumhönnun og kostnað-
armat vegna lagningu ljós-
leiðara um dreifbýli sveitar-
félagsins. Sveitarfélagið áætl-
ar að leggja átta milljónir kr.
til verkefnisins á árinu 2017.
Þá samþykkti sveitarstjórn á
síðasta fundi sínum að veita
framkvæmdaleyfi fyrir lagn-
ingu ljósleiðara í Bæjarsveit
í Borgarfirði. Leyfið er veitt
með fyrirvara um samþykki
Vegagerðarinnar, Minja-
varðar Vesturlands og að
leyfi landeiganda liggi fyrir.
Það verður fjármagnað með
styrk úr Fjarskiptasjóði sem
fékkst á þessu ári. -mm
Allt í lás á
starfsdegi
AKRANES: Í gær, þriðju-
daginn 15. nóvember, var
starfsdagur í stofnunum Akra-
neskaupstaðar. Voru þá leik-
skólar, grunnskólar og aðr-
ar stofnanir bæjarins lokað-
ar, hvort sem það eru íþrótta-
hús, bókasafn, tónlistarskóli
eða önnur starfsemi sem fell-
ur undir kaupstaðinn. -mm
Aflatölur fyrir
Vesturland
5. - 11. nóvember
Tölur (í kílóum)
frá Fiskistofu:
Akranes 3 bátar.
Heildarlöndun: 3.636 kg.
Mestur afli: Ebbi AK:1.532
kg í einni löndun.
Arnarstapi: Engar landanir
skráðar í vikunni.
Grundarfjörður 7 bátar.
Heildarlöndun: 296.739 kg.
Mestur afli: Hringur SH:
65.040 kg í einni löndun.
Ólafsvík 12 bátar.
Heildarlöndun: 120.663 kg.
Mestur afli: Steinunn SH:
22.097 kg í einni löndun.
Rif 7 bátar.
Heildarlöndun: 145.495
kg.
Mestur afli: Örvar SH:
65.035 kg í einni löndun.
Stykkishólmur 4 bátar.
Heildarlöndun: 47.428 kg.
Mestur afli: Hannes Andr-
ésson SH: 22.846 kg í fjórum
löndunum.
Topp fimm landanir á
tímabilinu:
1. Hringur SH - GRU:
65.040 kg. 9. nóvember.
2. Örvar SH - RIF:
65.035 kg. 9. nóvember.
3. Steinunn SF - GRU:
58.142 kg. 6. nóvember.
4. Saxhamar SH - RIF:
52.601 kg. 9. nóvember.
5. Grundfirðingur SH -
GRU: 50.022 kg. 5. nóvem-
ber.
-kgk
Nemendur og starfsfólk
Grunnskólans í Borgarnesi
gengu síðastliðinn mið-
vikudag fylktu liði frá skól-
anum og enduðu á stuttri
samkomu í Skallagríms-
garði. Var markmiðið með
göngunni að vekja athygli á
því að einelti er dauðans al-
vara sem hvergi á að þríf-
ast.
þit
Gengið gegn einelti í Borgarnesi
Svæðisskipulagsnefnd fyrir lands-
svæði Dalabyggðar, Reykhóla-
hrepps og Strandabyggðar boðar til
fundar í Reykjavík með skipulags-
ráðgjöfum Alta á morgun, fimmtu-
daginn 17. nóvember, til að ræða
framtíðarþróun svæðisins. Fund-
urinn ber yfirskriftina „Heimahag-
arnir og hamingjan“ og er sérstak-
lega ætlaður ungu fólki frá sveitar-
félögunum þremur sem búsett er á
höfuðborgarsvæðinu eða í nágrenni
þess, en vitanlega eru allir velkomn-
ir, vilji þeir gera sér ferð í borgina.
Á dagskrá er kynning á þeirri
vinnu sem nú stendur yfir við að
móta sameiginlega stefnu sveitar-
félaganna þriggja, en hún miðar að
því að efla byggðina. Einnig verða
umræður um sérkenni og tækifæri
svæðisins og framtíðarþróun þess.
Ráðgjafar Alta stýra umræðunum.
Þá verður að lokum samantekt á
helstu niðurstöðum fundarins og
þeim skilaboðum sem send verða
svæðisskipulagsnefndinni.
Áhugasamir eru beðnir um að
skrá sig á fundinn hjá matthildur@
alta.is eða á Facebook viðburðin-
um sem ber heitið „Heimahagarnir
og hamingjan.“ Fundurinn verður
haldinn í húsakynnum Alta ehf. að
Ármúla 32 í Reykjavík.
kgk
„Heimahagarnir og hamingjan“ á morgun
Fundurinn er sérstaklega ætlaður
ungu fólki úr Dalabyggð, Reykhóla-
hreppi og Strandabyggð sem búsett er
á höfuðborgarsvæðinu eða í nágrenni
þess. Ljósm. samtakamattur.is.
Boðað verkfall sjómanna á fiski-
skipaflotanum hófst klukkan 23
síðastliðið fimmtudagskvöld eft-
ir að slitnað hafði upp úr viðræð-
um þeirra og SFS, Samtaka fyrir-
tækja í sjávarútvegi. Viðræður að-
ila strönduðu á mönnunarmálum í
fiskiskiptaflotanum, eða hluta flot-
ans. Verkfallið náði til 3.500 sjó-
manna. Þegar til verkfalls kom
höfðu sjómenn verið samningslaus-
ir í um það bil sex ár. Sextán ár eru
frá því að þeir fóru síðast í verkfall,
en þá voru lög sett á verkfallið og
gerðardómur fenginn til að leysa
úr því. Hins vegar náðust samn-
ingar til tveggja ára strax á fimmtu-
dagskvöldið milli SFS og VM-Fé-
lags vélstjóra og málmtæknimanna.
Á sunnudagskvöldið var skrifað
undir samning til tveggja ára milli
Sjómannasambands Íslands og
SFS. Sjómanna- og vélstjórafélag
Grindavíkur, eitt aðildarfélaga Sjó-
mannasambands Íslands, tók samn-
ingsumboð sambandsins hins veg-
ar til baka og stendur það félag því
utan við gerðan kjarasamning. Þá
hafa ekki tekist samningar við Sjó-
mannafélag Íslands. mm
Samið við hluta sjómanna
Eitt fyrsta skip til hafnar eftir að verkfallið brast á á fimmtudagskvöld var Bjarni
Ólafsson AK. Hér er hann við bryggju en fjær er Lundey.
Leki kom á neysluvatnslögn í Búð-
ardal á miðvikudaginn í síðustu
viku. Vatn tók að flæða í gegnum
malbik við aðkeyrsluna að hús-
næði Vegagerðarinnar við Vest-
urbraut. Þegar mesti þrýstingur-
inn var sprautaðist vatn upp úr ný-
lögðu malbikinu á aðalveginum en
það gekk fljótt til baka. Um leið
og lekans varð vart hófst vinna við
bilanaleit og var í hádeginu skrúf-
að fyrir vatn í þéttbýlinu. Vatni var
hleypt á fljótlega aftur til að forðast
rask á starfsemi fyrirtækja á svæð-
inu. Viðgerð hófst undir kvöld og
tók skamman tíma.
sm
Bilun á neysluvatnslögn í Búðardal