Skessuhorn - 16.11.2016, Blaðsíða 19
MIÐVIKUDAGUR 16. NÓVEMBER 2016 19
Skipulagsauglýsingar
Sveitarstjórn Borgarbyggðar hefur samþykkt
að auglýsa eftirfarandi skipulög:
Syðri Hraundalur –
nýtt deiliskipulag, lýsing
Sveitarstjórn Borgarbyggðar samþykkir lýsingu á deili-
skipulagi fyrir Syðri-Hraundal 2 landnúmer 223296 til
auglýsingar. Deiliskipulagið tekur til 11,9 ha svæðis,
syðst á jörðinni. Tillagan er sett fram í greinargerð dags.
28. september 2016 og felur meðal annars í sér skilgrein-
ingu á einni lóð fyrir íbúðarhús, einni fyrir vinnustofu og
annarri fyrir hesthús. Tillagan verður auglýst í samræmi
við 40. gr. Skipulagslaga nr. 123/2010.
Lýsing liggur frammi í Ráðhúsi Borgarbyggðar, Borgar-
braut 14 í Borgarnesi frá 17. nóvember 2016 til 15.des-
ember 2016 og verður einnig aðgengileg á heimasíðu
Borgarbyggðar www.borgarbyggd.is.
Ábendingar skulu vera skriflegar og berast í síðasta lagi
15. desember 2016 í Ráðhús Borgarbyggðar, Borgarbraut
14, 310 Borgarnesi eða á netfangið
borgarbyggd@borgarbyggd.is
Niðurskógur, Húsafelli -
breyting á deiliskipulagi
Sveitarstjórn Borgarbyggðar samþykkir tillögu að
breytingu á deiliskipulagi í Niðurskógum í landi Húsa-
fells III til auglýsingar. Tillagan er sett fram á uppdrætti
og greinargerð dags. 27. október 2016. Breytingin tekur
til 3,1 ha spildu austast á skipulagssvæðinu og felur í sér
fjölgun byggingarreita um tvo við Brekkuskóg og til-
færslu byggingarreita við Norðurskóga. Tillagan verður
auglýst í samræmi við 43. gr. Skipulagslaga 123/2010.
Hvítárskógur 12 –
breyting á deiliskipulagi
Sveitarstjórn Borgarbyggðar samþykkir tillögu að
breytingu á deiliskipulagi í Niðurskógum í landi Húsafells
III til auglýsingar. Tillagan er sett fram á uppdrætti og
greinargerð dags. 21. október 2016. Breytingin felur
meðal annars í sér breytingu á byggingarreit lóðarinnar
Hvítárskógar 12 landnúmer 195328 ásamt breytingu á
byggingarskilmálum er varðar leyfilega hámarksstærð
frístundahúss og geymsluhúss. Mænis- og vegghæðir
breytast ekki. Tillagan verði auglýst í samræmi við 43. gr.
Skipulagslaga 123/2010.
Tillögur að deiliskipulagsbreytingum liggja frammi í
Ráðhúsi Borgarbyggðar, Borgarbraut 14 í Borgarnesi frá
17. nóvember 2016 til 29. desember 2016 og verða einnig
aðgengilegar á heimasíðu Borgarbyggðar
www.borgarbyggd.is.
Athugasemdir og ábendingar skulu vera skriflegar og
berast í síðasta lagi 29. desember 2016 í Ráðhús Borgar-
byggðar, Borgarbraut 14, 310 Borgarnesi eða á netfangið
borgarbyggd@borgarbyggd.is.
SK
ES
SU
H
O
R
N
2
01
6
Síðastliðinn föstudag var opið hús í
Grunnskóla Snæfellsbæjar í Ólafs-
vík. Þar fengu gestir að skoða af-
rakstur vinnu nemenda í „Bland
í poka“ - ljósmyndaþema á mið-
stigi“ og „Snildarstund“ sem voru
einstaklingsverkefni á unglinga-
stigi. Opið var inn í kennslustofur
þar sem nemendur unnu við fjöl-
breytt verkefni og námsefni meðal
annars gagnvirkar kennsluaðferð-
ir og skapandi starf. Auk þess voru
til sýnis verkefni sem unnin voru
í Fjölmenningarþema skólans í
október. Þá var Regnboginn settur
upp sem er nokkurs konar orðabók
þar sem átta orð og orðatiltæki eru
skrifuð á tungumálum þeirra þjóð-
arborta sem eru í skólanum. Gam-
an var að sjá hve fjölbreytt verkefni
nemenda voru og val þeirra á þeim
og úrvinnslu þeirra. Bæði mátti sjá
glærukynningar, myndbönd og af-
urðir sem greinilegt var að búið var
að leggja mikla vinnu í. Fjölmargir
lögðu leið sína í skólann og var ekki
annað að sjá en allir hefðu gaman af
bæði nemendur, starfsfólk og gest-
ir.
þa
Opið hús í Grunnskóla Snæfellsbæjar
Byggðarráð Borgarbyggðar tók ný-
verið fyrir á fundi sínum erindi frá
Kjartani Ragnarssyni, Björgunar-
sveitinni Brák og Hollvinasam-
tökum Borgarness um styrk til ný-
sköpunarverkefnis. Verkefnið lýtur
að því að hanna og smíða flatbotna
bát til siglinga á grunnsævi, grynn-
ingum og söndum eins og til dæmis
er að finna í nágrenni Borgarness.
Myndi slíkur bátur nýtast björg-
unarsveitum við björgunarstörf og
þegar til framtíðar er litið einnig til
siglinga með ferðafólk. Byggðarráð
sá sér ekki fært að leggja fé til verk-
efnisins þrátt fyrir að því þætti hug-
myndin allrar athygli verð. „Allur
innanverður Borgarfjörður, innan-
verður Breiðafjörður, Löngufjörur
á Snæfellsnesi og fleiri staðir eru
grunnsævi, grynningar og sand-
ar sem venjulegir bátar komast illa
um,“ segir Kjartan Ragnarsson í
samtali við Skessuhorn. Hann segir
að fyrir einu og hálfu ári síðan hafi
Björgunarsveitin Brák, með stuðn-
ingi Hollvinasamtaka Borgarness
og styrki úr Vaxtarsamningi, ráð-
ist í að dýptarmæla vatnaleiðir í ná-
grenni Borgarness og kanna hvort
og þá hvernig bátar gætu hentað til
farþegaflutninga eða annarra sigl-
inga á því svæði. „Kom í ljós að
venjulegir bátar, hvorki slöngubát-
ar né aðrir bátar sem hafa skrúfu
sem fer ofan í vatnið, duga ekki og
þá datt okkur í hug að loftskrúfu-
bátur gæti hentað,“ segir Kjartan.
„Við töldum því að það væri ómaks-
ins vert að reyna að smíða svoleið-
is bát. Hann yrði þá fyrst og fremst
björgunartæki fyrir björgunarsveit-
ir á svæðum þar sem er sandur og
grynningar. En um leið væri vert
að kanna möguleikana á því að nýta
svoleiðis báta til ferðaþjónustu, en
það er nú meira seinni tíma músík,“
bætir hann við.
Langtímaverkefni
Kjartan segir hugmyndir uppi um
að smíða einn bát, innan við sex
metra langan til að ýta verkefninu
úr vör, öðlast þekkingu og þjálfa
mannskap til að sigla bát af þessu
tagi. „Síðan að kanna hvort leiðir
eru hentugar til siglingar í Borgar-
firði. Þá safnast kunnátta og þekk-
ing á landsvæðinu, en þegar hefur
safnast nokkur þekking á nágrenni
Borgarness með áðurnefndum
dýptarmælingum,“ segir Kjartan.
Hann segir að aðstandendur
verkefnisins hafi sótt um styrki til
að kosta smíði báts af þessu tagi.
„Nú bíðum við bara eftir svörum
frá þeim aðilum, þannig er staðan í
dag,“ segir Kjartan og bætir því við
að verkefninu verði haldið áfram þó
ekki hafi fengist styrkur frá Borg-
arbyggð. „Við lítum á þetta sem
langtímaverkefni. Það hentar vel
að vinni saman að þessu björgun-
arsveitin og Hollvinasamtökin, sem
eru skipuð áhugafólki um að þróa
þjónustu á svæðinu, ferðaþjónustu
sem og aðra þjónustu,“ bætir hann
við. „Það þarf að auka afþreyingu í
ferðaiðnaðinum og þetta er leitandi
hugmynd þar að lútandi. En fyrst
og fremst er það björgunarsveitin
sem vinnur að þessu eins og staðan
er í dag og mun þetta efla mögu-
leika hennar ef vel lukkast,“ segir
Kjartan Ragnarsson að endingu.
kgk
Kanna möguleika á smíði loftskrúfubáts
Svokallaðir loftskrúfubátar, eða loftbátar, þekkjast víða erlendis. Hér má sjá einum slíkum siglt um Bear River í Utah-fylki í
Bandaríkjunum. Ljósm. Wikimedia Commons.
Kjartan Ragnarsson.
Fréttaveita Vesturlands
Aðventublað Skessuhorns
Í næstu viku, miðvikudaginn 23. nóvember, kemur hið
árlega Aðventublað Skessuhorns út. Missið ekki af stærsta
blaði ársins; fullt af fróðleik og m.a. dreift í 10 þúsund
eintökum á öll heimili og fyrirtæki á Vesturlandi.