Skessuhorn - 16.11.2016, Blaðsíða 30

MIÐVIKUDAGUR 16. NÓVEMBER 201630
„Áttu gæludýr?“
Spurning
vikunnar
(spurt á Akranesi)
Snæfell tók á móti Skallagrími í
Vesturlandsslag Domino‘s deildar
kvenna í körfuknattleik að kvöldi
síðasta miðvikudags. Liðin mætt-
ust í Borgarnesi í fyrsta leik vetr-
arins og þá höfðu Skallagrímskon-
ur betur, 73-62. Annað var uppi á
teningnum í Stykkishólmi, því Ís-
landsmeistarar Snæfells náðu fram
hefndum og sigruðu með 72 stig-
um gegn 57.
Snæfellskonur byrjuðu mun bet-
ur í leiknum og náðu snemma góðri
forystu. Um miðjan upphafsfjórð-
unginn leiddu þær 13-2 og Skalla-
grímskonur áttu erfitt uppdráttar.
Þegar leikhlutinn var úti var staðan
18-10 en í upphafi annars fjórðungs
tóku leikar að jafnast. Skallagríms-
konur minnkuðu muninn lítillega
áður en Íslandsmeistararnir juku
hann á ný. Mikill stígandi var í leik
Snæfellsliðsins í öðrum fjórðungi
sem bætti jafnt og þétt við allt þar
til síðustu mínúturnar fyrir hálfleik.
Þá áttu Skallagrímskonur mjög
góðan leikkafla og náðu snarlega að
minnka forskot Snæfells úr 14 stig-
um niður í fimm, 38-33.
Bæði lið komu ákveðin til síðari
hálfleiks og fast var spilað í þriðja
leikhluta. Hvorugt lið ætlaði að gefa
tommu eftir og leikurinn varð að-
eins sveiflukenndur. Aftur kláruðu
Skallagrímskonur af krafti og Snæ-
fell leiddi með aðeins fjórum stig-
um fyrir síðasta leikhlutann, 53-49.
Þar sýndu Íslandsmeistararnir aft-
ur á móti úr hverju þær eru gerðar.
Þær juku forskotið sitt jafnt og þétt
þar til þær höfðu þægilegt 14 stiga
forskot þegar aðeins fimm mínútur
lifðu leiks. Þá hægðist á stigaskor-
inu en Snæfelli munaði ekkert um
það því liðið hélt Skallagrími í að-
eins átta stigum allan fjórðunginn.
Lokatölur 72-57, Snæfelli í vil.
Aaryn Ellenberg var atkvæða-
mest í liði Snæfells með 34, og tíu
fráköst og hvorki fleiri né færri en
sjö stolna bolta. Berglind Gunnars-
dóttir var með 18 stig og fimm frá-
köst og Gunnhildur Gunnarsdótt-
ir með ellefu stig og fjögur fráköst.
Hjá Skallagrími var Tavelyn Til-
lman atkvæðamest með 24 stig og
sjö fráköst og Sigrún Ámundadóttir
var með 13 stig, 13 fráköst og fimm
stoðsendingar.
kgk
Snæfell náði fram hefndum í Vesturlandsslagnum
Berglind Gunnarsdóttir á vítalínunni fyrir Snæfell.
Ljósm. sá.
Tavelyn Tillman með snyrtilegt „fadeaway“ stökkskot.
Hún var stigahæst í liði Skallagríms í Vesturlandsslagnum.
Ljósm. Skallagrímur.
ÍA heimsótti Breiðablik í 1. deild
karla í körfuknattleik að kvöldi síð-
asta föstudags. Leikurinn var jafn
framan af fyrsta leikhluta en eft-
ir það tóku heimamenn öll völd á
vellinum og unnu að lokum mjög
stóran sigur, 102-62.
Skagamenn höfðu raunar yfir-
höndina í upphafsfjórðungnum.
Leiddu að jafnaði með nokkr-
um stigum þar til undir lok leik-
hlutans þegar Blikar náðu að snúa
taflinu sér í vil með skörpum leik-
kafla. Þeir höfðu sjö stiga forystu,
26-19 eftir fyrstu tíu mínúturnar og
litu aldrei til baka. Þeir stungu af í
öðrum fjórðungi og leiddu með 19
stigum í hálfleik, 48-29 og á bratt-
ann að sækja fyrir Skagamenn.
Leikmönnum ÍA tókst ekki að
saxa á forskot heimamanna í síðari
hálfleik og voru aldrei líklegir til að
koma sér inn í leikinn aftur. Blik-
ar bættu lítið eitt við forskot sitt í
þriðja leikhluta og enduðu síðan
leikinn með látum og sigruðu með
40 stiga mun, 102-62.
Derek Shosue var atkvæðamestur
Skagamanna í leiknum með 23 stig,
átta fráköst, fimm stoðsendingar
og fjóra stolna bolta. Næstur hon-
um kom Björn Steinar Brynjólfsson
með 15 stig og 7 fráköst og þá skor-
aði Sigurður Rúnar Sigurðsson 13
stig og tók fjögur fráköst.
Skagamenn eru enn í 7. og næst-
neðsta sæti deildarinnar með tvö
stig eftir sjö leiki, tveimur stigum
á eftir Vestra í sætinu fyrir ofan en
tveimur stigum betur en botnlið
Ármenninga.
Næst leika Skagamenn á morg-
un, fimmtudaginn 17. nóvember,
þegar liðið fær Fjölni í heimsókn á
Akranes.
kgk
Skagamenn steinlágu
gegn Breiðabliki
Derek Shouse og félagar hans í ÍA máttu sætta sig við mjög stórt tap gegn Breiða-
bliki á föstudag. Ljósm. jho.
Jakob Svavar Sigurðsson úr Hesta-
mannafélaginu Dreyra var valinn
gæðingaknapi ársins á uppskeru-
hátíð Landssambands hestamanna-
félaga sem fram fór laugardaginn 5.
nóvember síðastliðinn.
Jakob var tilnefndur í þremur
flokkum; sem gæðingaknapi árs-
ins, kynbótaknapi ársins og íþrótta-
knapi ársins. Auk þess kom hann til
greina sem knapi ársins. Fór svo að
hann var valinn gæðingaknapi árs-
ins, sem fyrr segir. „Jakob er þaul-
vanur keppnismaður í hestaíþrótt-
um og lætur til sín taka í öllum
greinum,“ segir í umsögn valnefnd-
ar. „Hann kom fjórum hestum inn
á Landsmót í gæðingakeppninni og
öll fóru þau í úrslit. Hæst þeirra fór
hinn einstaki gæðingur Nökkvi frá
Syðra-Skörðugili en þeir félagar
stóðu uppi sem Landsmótssigur-
vegarar í B-flokki gæðinga. Sýn-
ingar Jakobs á Nökkva einkennd-
ust af öryggi og fumlausu sambandi
þeirra á milli sem undirstrikaði
hæfileika hestsins.“
kgk
Jakob Svavar valinn
gæðingaknapi ársins
Jakob Svavar Sigurðsson, hestaíþróttamaður úr Hestamannafélaginu Dreyra og
gæðingaknapi ársins. Ljósm. ia.is.
Lionsklúbbar á Vesturlandi í sam-
starfi við fleiri aðila, stóðu á nokkr-
um stöðum fyrir blóðsykursmæl-
ingu um liðna helgi. Á Akranesi var
mæling í samstarfi við Félag syk-
ursjúkra og Apótek Vesturlands í
verslunarmiðstöðinni við Smiðju-
velli. Lionsklúbbarnir í Snæfellsbæ
voru í Átthagastofu Snæfellsbæjar
í samstarfi við Heilbrigðisstofnun
Vesturlands og Apótek Ólafsvíkur.
Blóðsykursmælingin hefur verið
árlega síðustu ár í tilefni af alþjóða-
degi sykursjúkra 14. nóvember.
mm
Svipmynd frá blóðsykursmælingu í Ólafsvík. Ljósm. þa
Lions og fleiri stóðu fyrir
blóðsykursmælingu
Magnús Sigurðsson:
„Nei, en ég átti mörg gæludýr
þegar ég bjó í sveitinni.“
Helga Sigurðardóttir:
„Já, ég á þrjú gæludýr. Tvo
hunda og einn kött.“
Stella Bára Eggertsdóttir:
„Já, páfagauk sem heitir Kókó.“
Böðvar Þorvaldsson:
„Nei, hef aldrei átt gæludýr.“
Kristín Guðjónsdóttir:
„Nei, ég á ekki gæludýr.“