Skessuhorn - 22.02.2017, Side 2

MIÐVIKUDAGUR 22. FEBRÚAR 20172
Leikfélag Umf. Skallagríms frumsýnir
Saumastofuna eftir Kjartan Ragnarsson
föstudaginn 24. febrúar næstkomandi.
Leikhúsáhugafólk í Borgarnesi og ná-
grenni er hvatt til að láta sýninguna ekki
framhjá sér fara. Sýnt er í félagsheimilinu
Lyngbrekku. Þá minnum við einnig á sýn-
ingu Sv1, leiklistarklúbbs MB sem sýnir
Línu Langsokk um þessar mundir í Hjálm-
akletti. Frá báðum þessum sýningum er
sagt frá í Skessuhorni í dag sem og vænt-
anlegri uppfærslu á Ronju ræningjadóttur
hjá NFFA í Bíóhöllinni á Akranesi.
Það verður austanátt á morgun, víða 8-15
m/s. Snjókoma eða él, einkum á suðaust-
urhorni landsins. Frost 0 til 7 stig. Suðaust-
an 10-15 m/s og dálítil snjókoma á föstu-
dag, en þurrt á Norðurlandi. Hægt hlýn-
andi veður. Hvessir síðdegis, suðaustan
stormur og talsverð rigning eða slydda
um kvöldið, en snjókoma og hiti kringum
frostmark fyrir norðan. Á laugardag er út-
lit fyrir hvassa suðaustanátt og slyddu eða
rigningu, einkum á Suðaustur- og Aust-
urlandi. Hiti 1 til 6 stig. Talsvert hægari
vindur síðdegis og skúrir eða él, en þurrt
á Norðurlandi. Austlæg átt og snjókoma
eða él á sunnudag, en yfirleitt þurrt á Vest-
urlandi. Frost 0 til 5 stig. Norðaustanátt
og él á mánudag en léttir til á suðvestur-
horni landsins.
„Á að innheimta vegtolla til að fjármagna
ný samgöngumannvirki?“ var spurt á vef
Skessuhorns í síðustu viku. Niðurstöður
könnunarinnar eru nokkuð afgerandi því
62% þeirra sem tóku afstöðu sögðu „nei,
alls ekki“. „Já, að hluta“ sögðu 13%, 11%
sögðu „já, tvímælalaust“ og 5% sögðu „nei,
sennilega ekki. „Veit það ekki“ sögðu fæst-
ir, eða 3%.
Í næstu viku er spurt:
Ertu ánægð/ur með störf
Guðna Th. Jóhannessonar það
sem af er kjörtímabili forseta?
Halldór Sigurðsson á Þorvaldsstöðum í
Hvítársíðu hefur tekið tæknina í sína þjón-
ustu og smalar fé með aðstoð dróna. Ný-
verið fann hann á fjalli fjórtán eftirlegu-
kindur í kjarrlendi ofan Húsafells. Hinn nýj-
ungagjarni bóndi og bústólpi er Vestlend-
ingur vikunnar.
Spurning
vikunnar
Til minnis
Veðurhorfur
Vestlendingur
vikunnar
Banaslys í
Suður-Afríku
VESTURLAND: Nítján ára
íslenskur piltur fannst látinn á
vinsælu útivistarsvæði á fjallinu
Tafelberg í nágrenni Höfða-
borgar í Suður-Afríku um
helgina. Talið er að hann hafi
látist af slysförum. Hann hét
Bjarni Salvar Eyvindsson og
var búsettur í Hafnarfirði, en
á ættir að rekja á Vesturland.
Bjarni var við sjálfboðaliðastörf
í Suður-Afríku. -mm
Banaslys í
gærmorgun
REYKJANESBRAUT: Einn
lést og tveir slösuðust í hörð-
um árekstri jeppa og fólks-
bíls á Reykjanesbraut, aust-
an við Brunnhóla, um klukkan
sjö í gærmorgun. Í tilkynningu
frá lögreglunni á höfuðborg-
arsvæðinu segir að talið sé að
annarri bifreiðinni hafi verið
ekið yfir á rangan vegarhelm-
ing. Kona sem lést var farþegi
í annarri bifreiðinni en ekki var
búið að greina frá líðan öku-
mannanna í gær þegar blað-
ið fór í prentun. Lögreglan á
höfuðborgarsvæðinu og rann-
sóknarnefnd samgönguslysa
rannsaka slysið. -mm
Halldór Sigurðsson á Þorvalds-
stöðum í Hvítársíðu hefur nú um
skeið átt öflugan dróna. Sjálfur býr
hann með sauðfé og notar tækið
töluvert við bústörfin. Með hon-
um hafi hann fundið kindur sem átt
hafi það til að fela sig og þá segist
hann reka féð með tækinu. Kind-
urnar forðist tækið og suðið sem
það gefur frá sér.
Nýverið létu bílstjórar sem áttu
leið um Kaldadalsveg vita af því
að útigangskindur væru í kjarr-
lendinu ofarlega í Húsafellslandi.
Halldór fór með drónann á svæðið
síðastliðinn sunnudag og fann eftir
nokkra leit alls fjórtán útigengnar
kindur. Féð reyndist vera frá fjór-
um bæjum í Hálsasveit og Reyk-
holtsdal. Eftir að hafa fundið féð
smalaði Halldór kindunum sam-
an í hnapp og hringdi eftir aðstoð
sveitunga sinna. Hundar og vaskir
ungir menn náðu að komu hönd-
um á kindurnar sem nú eru komn-
ar á hús hjá eigendum sínum. Féð
var í ágætu ásigkomulagi og vænt-
anlega munu ærnar bera í vor enda
voru hrútlömb í hópnum.
mm/ Ljósm. úr dróna: Halldór
Sigurðsson.
Dróni nýttur til að finna útigengið fé
Konur í Kvenfélagi Ólafsvíkur tóku
daginn snemma síðastliðinn mánu-
dag. Yfir 20 kvenfélagskonur mættu
galvaskar í Félagsheimilið Klif klukk-
an fimm að morgni. Tilefnið var að
baka sólarpönnukökur. Kvenfélagið
hefur í mörg ár bakað sólarpönnu-
kökur og er þetta ein helsta fjáröfl-
un félagsins. Bakað var á tíu pönnum
og bökuðu sumar konurnar á tveim-
ur pönnum í einu. Aðrar sáu um að
þeyta rjóma til að setja á pönnukök-
urnar, sultu og auðvitað sykur. Þessu
þurfti einnig að pakka öllu saman og
koma til skila. Það voru því margar
kaffistofurnar á mánudaginn þar sem
hægt var að gæða sér á pönnukök-
um. Sólarpönnukökurnar voru bak-
aðar aðeins seinna en venjulega að
þessu sinni en það kom ekki að sök
og bökuðu kvenfélagskonurnar 2.162
pönnukökur. þa
Bökuðu á þriðja þúsund sólarpönnukökur
Slökkvilið Grundarfjarðar var
kallað út á laugardagsmorgun í
iðnaðarhúsnæði við Nesveg. Þar
hafði verið unnið við viðgerð á
plastbáti og talið að kviknað hafi
í út frá hitablásara sem var í botni
bátsins. Enginn var staddur í þess-
um hluta hússins þegar eldurinn
kom upp en maður í öðru iðnað-
arbili varð var við reyk og kall-
aði til slökkvilið sem var fljótt á
vettvang. Eldur var slökktur en
auk þess var töluvert af reyk sem
barst einnig í nærliggjandi iðnað-
arbil í húsinu. Skemmdir voru litl-
ar vegna elds, en töluverðar vegna
reyks og sóts.
mm/ Ljósm. tfk.
Slökkvilið kallað út vegna
elds í plastbáti
Verktakafyrirtækið Stafnafell hóf í
vikunni að sturta efni við stöplana
á Kolgrafafjarðarbrú. Vegna gríð-
armikilla strauma þarna hefur efnið
sem fyrir var sópast frá stöplum brú-
arinnar þannig að þeir standa ber-
skjaldaðir eftir. Fyrir tveimur árum
var prófað að sturta 1500 rúmmetr-
um af efni niður með stöplunum
en það hafði lítið að segja og sóp-
aðist burt á skömmum tíma. Nú er
stefnan sett á að sturta 12.000 rúm-
metrum af efni niður til að styrkja
brúnna. Áætlað er að verkið standi
eitthvað fram á vorið og þurfa veg-
farendur því að sýna sérstaka aðgát
við akstur þarna um, en brúin verð-
ur einbreið á köflum.
tfk
Framkvæmdir við
Kolgrafafjarðarbrú
Starfsmenn Stafnafells
ehf gera klárt fyrir vinnu-
vélarnar við Kolgrafa-
fjarðarbrú. Þarna
bregður Rúnari Atla
Gunnarssyni í Böðvars-
holti fyrir.
Starfsmenn Vegagerðarinnar við dýptarmælingar undir brúnni.