Skessuhorn - 22.02.2017, Side 31

MIÐVIKUDAGUR 22. FEBRÚAR 2017 31
Klettagörðum 15 | 525 7700 | flytjandi.is
DAGLEGA Á FERÐINNI MEÐ
VÖRUR UM ALLT LAND
Eimskip Flytjandi veitir samræmda flutningaþjónustu
um land allt og eru áfangastaðirnir 80 talsins.
Bæði Snæfell og Skallagrímur léku
tvisvar í Domino‘s deild kvenna í
körfuknattleik í liðinni viku. Snæfell
lagði nýkrýnda bikarmeistara Kefla-
víkur að kvöldi miðvikudags en á
sama tíma þurftu Skallagrímskonur
að sætta sig við tap gegn Val.
Vesturlandsliðin tvö mættust síð-
an í Borgarnesi á laugardag í stórleik
umferðarinnar. Fyrir leikinn voru lið-
in jöfn að stigum á toppi deildarinnar,
en Skallagrímskonur vermdu topp-
sætið á innbyrðis viðureignum. Liðin
höfðu mæst þrisvar áður í deildinni og
Skallagrímur hafði unnið tvo leiki en
Snæfell einn. Þá höfðu Snæfellskonur
harma að hefna síðan í undanúrslitum
bikarsins í vikunni á undan, en þar
sigraði Skallagrímur sem kunnugt er
í hádramatískum leik. Fyrirfram var
því búist við hörkuleik í Borgarnesi,
enda mættust þar tvö af bestu körfu-
knattleiksliðum landsins. Sú varð líka
raunin og úrslitin réðust ekki fyrr en
á lokamínútunum. Fór svo að Snæ-
fell hafði betur eftir magnaðan enda-
sprett, 61-71 og tyllti sér þar með á
toppinn í deildinni.
Mikið jafnræði var með liðunum í
upphafi og fylgdust að í einu og öllu
í upphafsfjórðungnum. Skallagrímur
leiddi með einu stigi að honum lokn-
um, 18-17. Þær náðu fimm stiga for-
skoti í byrjun annars leikhluta og aft-
ur um miðbik hans. En Snæfellskonur
kláruðu fyrri hálfleikinn með góðum
leikkafla sem skilaði þeim fjögurra
stiga forskoti í hléinu, 32-36.
Snæfell réði ferðinni í upphafi síðari
hálfleiks en Skallagrímsliðið átti erfitt
uppdráttar. Þegar komið var fram yfir
miðjan þriðja leikhluta hafði Snæfell
tíu stiga forystu, 46-36. Þá var Skalla-
grímskonum nóg boðið. Þær minnk-
uðu muninn snarlega í tvö stig og
þannig var staðan eftir þrjá leikhluta.
Snæfell leiddi með 48 stigum gegn
46. Upphófst þá æsispennandi loka-
fjórðungur. Skallagrímur náði þriggja
stiga forskoti á fyrstu mínútum hans
áður en Snæfell svaraði og komst
stigi yfir. Aftur náðu Skallagríms-
konur yfirhöndinni og fimm stiga
forskoti þegar fjórar mínútur lifðu
leiks. En Snæfellskonur voru hvergi á
því að gefast upp og þegar tvær mín-
útur voru eftir jöfnuðu þær metin í
59-59 með þriggja stiga körfu. Eft-
ir það var komið að vörn þeirra, sem
náði að halda Skallagrími í skefjum
næstu tvær sóknir. Það skilaði Snæ-
felli tveimur auðveldum körfum og
fjögurra stiga forskoti. Með tveimur
þriggja stiga körfum þegar um mín-
úta var eftir innsigluðu Snæfellskonur
síðan sigurinn með ótrúlegum enda-
spretti. Lokatölur í Borgarnesi urðu
61-71, Snæfelli í vil.
Sigrún Sjöfn Ámundadóttir var at-
kvæðamest leikmanna Skallagríms
með 19 stig og tíu fráköst. Tavelyn
Tillman var með 15 stig, átta fráköst
og fimm stoðsendingar og Jóhanna
Björk Sveinsdóttir skoraði ellefu stig
og tók tíu fráköst.
Aaryn Ellenberg var iðin við kol-
ann í liði Snæfells. Hún lauk leik með
28 stig, tíu fráköst og sjö stoðsending-
ar. Berglind Gunnarsdóttir skoraði 20
stig og Bryndís Guðmundsdóttir var
með tíu stig, ellefu fráköst og fimm
stoðsendingar.
Komin í úrslitakeppnina
Úrslit leiksins þýða sem fyrr seg-
ir að Snæfell tyllir sér á topp Dom-
ino‘s deildarinnar með 34 stig eftir
22 leiki. Skallagrímur situr í 3. sæti
með 32 stig, jafn mörg stig og Kefla-
vík í sætinu fyrir ofan. Þessi þrjú lið
hafa tryggt sér sæti í úrslitakeppninni
þegar sex umferðir eru eftir af deild-
inni. Þar með eru aðeins 12 stig eft-
ir í pottinum. Skallagrímur og Kefla-
vík eru 14 stigum á undan liðunum í
5. og 6. sæti og því örugg áfram, sem
og topplið Snæfells. Það er því ljóst
að bæði Vesturlandsliðin munu taka
þátt í úrslitakeppninni og gera tilkall
til Íslandsmeistaratitilsins í körfu-
knattleik. Skallagrímsliðið heldur
áfram að endurskrifa sögu félagsins,
því þetta er í fyrsta sinn sem Skalla-
grímskonur komast í úrslitakeppni
síðan hún var sett á laggirnar. Ís-
landsmeistarar Snæfells eru aftur á
móti á leið í úrslitakeppnina sjöunda
árið í röð.
Úrslitakeppnin hefst 28. mars
næstkomandi en þangað til þurfa lið-
in að ljúka deildarkeppninni. Bæði
Skallagrímur og Snæfell leika næst
á miðvikudaginn, 22. febrúar næst-
komandi. Skallagrímur heimsækir
Stjörnuna en Snæfell tekur á móti
Njarðvík.
kgk
Snæfell sigraði eftir ótrúlegan endasprett
Sigrún Sjöfn Ámundadóttir og María Björnsdóttir í baráttunni.
Ljósm. Skallagrímur.
Aaryn Ellenberg lyftir sér upp og setur
tvö af 28 stigum sínum í leiknum.
Ljósm. Skallagrímur.
Snæfell og Skallagrímur léku tvisv-
ar í Domino‘s deild karla í liðinni
viku. Snæfell tók á móti Tindastóli
á fimmtudag og mátti sætta sig við
stórt tap. Sama kvöld heimsóttu
Skallagrímsmenn lið Keflvíkinga og
þurftu einnig að lúta í gras.
Skallagrímur og Snæfell mættust
síðan í mögnuðum Vesturlandsslag á
sunnudagskvöld. Leikið var í Borgar-
nesi. Fyrir leikinn voru liðin í 11. og
12. sæti deildarinnar. Skallagrímur
hafði 12 stig í næstneðsta sætinu og
hefur verið í mikilli baráttu í þéttum
pakka í neðri hluta deildarinnar þar
sem fá stig skilja fallsæti frá sæti í úr-
slitakeppninni. Snæfell var hins vegar
fallið fyrir leikinn og höfðu Hólmar-
ar því ekki að neinu að keppa. Hins
vegar á engin von á öðru en að þeir
munu bera höfuðið hátt það sem eft-
ir lifir tímabils og það gerðu þeir svo
sannarlega í slagnum við nágranna
sína á sunnudag. Þeim tókst að knýja
fram framlengingu á dramatískan
hátt en þar hafði Skallagrímur betur
á jafn dramatískan máta. Borgnes-
ingar sigruðu með þremur stigum,
122-119 í mögnuðum leik.
Skallagrímsmenn mættu mjög
ákveðnir til leiks og héldu Snæ-
fellingum stigalausum fyrstu þrjár
mínúturnar. Í stöðunni 10-0 tóku
Hólmarar leikhlé og sneru ákveðn-
ir til leiks að því loknu. Eftir upp-
hafsfjórðunginn leiddi Skallagrímur
30-21 en Snæfell minnkaði mun-
inn í fimm stig snemma annars leik-
hluta. Nær komust þeir ekki að sinni
því Borgnesingar léku á alls oddi til
hálfleiks og höfðu 22 stiga forskot í
hléinu, 64-42.
Dramatík á ferð
Stundum er sagt að körfubolta-
leikir vinnist ekki í fyrri hálfleik og
það sönnuðu Snæfellingar á sunnu-
dag. Þeir mættu mjög ákveðnir og
mun einbeittari til leiks eftir hléið.
Voru mun skynsamari í sóknarleik
sínum og hófu hægt en örugglega
að minnka forskot heimamanna.
Skömmu eftir miðjan þriðja leik-
hluta fékk bekkurinn hjá Snæfelli
dæmda á sig sína þriðju tæknivillu
og var Inga Þór Steindórssyni þjálf-
ara því gert að yfirgefa völlinn. Upp-
hófst þá ótrúleg atburðarás. Hann
bað um útskýringar á brottvísun-
inni en fékk engar, var síðan meinað
að taka sér sæti á áhorfendapöllun-
um og á endanum vísað úr húsinu.
Mikil orka fór í þetta og nokkur tími
en það virtist kveikja í Snæfellslið-
inu. Þeir minnkuðu muninn í 14 stig
áður en leikhlutinn var úti og héldu
uppteknum hætti í lokafjórðungn-
um. Smám saman minnkaði forskot
Skallagríms og þegar tvær mínútur
lifðu leiks komst Snæfell yfir í fyrsta
skipti í leiknum.
Lokamínúturnar voru æsispenn-
andi og dramatískar. Skallagrím-
ur leiddi með þremur stigum þegar
12 sekúndur lifðu leiks en hinn ungi
Árni Elmar Hrafnsson jafnaði met-
in fyrir Snæfell á lokaandartökum
leiksins með þriggja stiga skoti og
því þurfti að framlengja.
Mikið jafnræði var með liðunum
í framlengingunni. Skallagrímsmenn
náðu tveggja stiga forskoti en Snæ-
fellingar fylgdu þeim eins og skugg-
inn. Þegar 16 sekúndur voru eftir
jafnaði Snæfell metin í 119-119 en
Skallagrímsmenn áttu möguleika
á að stilla upp í eina sókn enn. Það
gerðu þeir og lauk henni með því
að reynsluboltinn Magnús Gunn-
arsson setti niður þriggja stiga skot
með þrjár sekúndur á klukkunni og
tryggði Skallagrími dramatískan sig-
ur í mögnuðum leik.
Frábær þrenna Eyjólfs
Eyjólfur Ásberg Halldórsson var frá-
bær í liði Skallagríms og steig heldur
betur upp seint í leiknum þegar bæði
Sigtryggur Arnar Björnsson og Flen-
ard Whitfield höfðu verið sendir út
af með fimm villur hvor. Hann setti
upp myndarlega þrennu, skoraði 27
stig, tók tíu fráköst og gaf tíu stoð-
sendingar. Flenard átti engu að síð-
ur stórleik með 41 stig og 17 fráköst.
Magnús Gunnarsson skoraði 21 stig
og tók fimm fráköst en áðurnefndur
Sigtryggur Arnar skoraði 18 stig og
gaf ellefu stoðsendingar áður en hann
var rekinn af velli.
Stigahæsti leikmaður leiksins
var hins vegar Snæfells megin, því
Christian Covile átti magnaðan leik
með 48 stig, 16 fráköst og fimm stoð-
sendingar. Árni Elmar Hrafnsson
skoraði 30 stig og tók fimm fráköst,
Andrée Fares Michelsson skoraði 13
stig og Viktor Marinó Alexandersson
og Þorbergur Helgi Sæþórsson voru
með ellefu stig hvor.
Með sigrinum lyfti Skallagrímur
sér upp um sæti í deildinni og situr nú
í því 10. með 14 stig, tveimur stigum
á undan Haukum og jafn mörgum á
eftir ÍR í sætinu fyrir ofan. Fjögur stig
eru síðan í liðin í 6.-8. sæti. Snæfell
er eftir sem áður án stiga í botnsæti
deildarinnar og fallið, sem fyrr segir.
Bæði lið leika næst fimmtudaginn
23. febrúar. Skallagrímur heimsækir
Stjörnuna en Snæfell mætir Grinda-
vík í Stykkishólmi.
kgk/ Ljósm. Skallagrímur.
Mikil dramatík í framlengdum Vesturlandsslag
Skallagrímsmenn fögnuðu innilega eftir að hafa tryggt sér sigurinn á lokasek-
úndum leiksins.
Eyjólfur Ásberg Halldórsson sækir
að körfu Snæfells. Hann var frábær
í leiknum og setti upp myndarlega
þrennu. Viktor Marinó Alexandersson einn á auðum sjó og skorar fyrir Snæfell.