Skessuhorn - 26.04.2017, Blaðsíða 26

MIÐVIKUDAGUR 26. APRÍL 201726
Hvað er uppáhalds
fótboltaliðið þitt?
Spurning
vikunnar
(Spurt í Borgarnesi og á Akranesi)
Árni Hrafn Gíslason:
Íslenska karlalandsliðið
Daníel Þorfinnur Gíslason:
Liverpool
Egill Fannar Andrason:
Manchester United
Grímar Dagur Axelsson:
ÍA
Hinrik Valur Hlynsson:
Haukar
Víkingur Ari Hlynsson:
FH
Knattspyrnufélag ÍA hefur samið
við pólska sóknarmanninn Patryk
Stefanski og mun hann leika með
liðinu í Pepsi deild karla í sumar.
Patryk kom á reynslu til ÍA á með-
an liðið var í æfingaferð á Spáni nú
í vor. Spilaði hann æfingaleik gegn
HK í ferðinni þar sem hann skoraði
og sýndi að þar fer geysilega vinnu-
samur leikmaður og hraður. Patryk
er 27 ára og kemur frá hinu sögu-
fræga liði Ruch Chorzów, sem leik-
ur í pólsku úrvalsdeildinni Ekstrak-
lasa.
Gunnlaugur Jónsson, þjálfari
ÍA, er ánægður með nýjasta leik-
mann liðsins. „Við erum sáttir með
að það bæta inn sóknarmanni áður
en tímabilið hefst og auka þar með
breiddina í sóknarleik liðsins. Pat-
ryk kemur með mikinn kraft inní
okkar leik. Hann hefur góðan
hraða og er jafnfættur og eykur að
sjálfsögðu alla samkeppni í sókn-
arlínu okkar,“ segir hann. Patryk
sjálfur kveðst spenntur að hefja leik
með ÍA í sumar. „Þetta eru frábær-
ir strákar og flott umgjörð utan um
allt hér á Skaganum, ég hlakka til
að stipmla mig inn í íslenska fót-
boltann.“
kgk
Sóknarmaður til liðs við ÍA
Patryk Stefanski.
Ljósm. KFÍA.
Valdís Þóra Jónsdóttir, atvinnu-
kylfingur úr Golfklúbbnum Leyni,
hafnaði í 53. sæti á Estrella Damm
mótinu á Spáni sem lauk á sunnu-
daginn. Mótið er hluti af LET Evr-
ópumótaröðinni, sterkustu móta-
röð Evrópu. Valdís byrjaði frekar
illa á fyrsta hring síðastliðinn mið-
vikudag og var á fjórum höggum
yfir pari eftir átta holur. Eftir það
sneri hún heldur betur við blaðinu
og lék frábært golf. Lauk hún leik
á þremur undir pari og sat í 8. sæti
eftir fyrsta hringinn.
Annan hringinn lék hún á höggi
yfir pari og var enn í toppbaráttunni
að honum loknum. Þriðja hringinn
fór Valdís á 73 höggum, eða tveim-
ur yfir pari og við það féll hún nið-
ur í 38. sætið fyrir lokahringinn.
Hann lék hún á jafnmörgum högg-
um og þann þriðja, 73 eða tveimur
yfir pari. Við það féll hún niður í
53. sæti á mótinu.
Næst keppir Valdís í byrjun júní,
en þá tekur hún þátt í úrtökumóti
fyrir Evian meistaramótið sem er
eitt af fimm risamótum ársins á
LET/LPGA mótaröðunum. Næsta
mót á LET mótaröðinni fer síðan
fram um miðjan júní í Tyrklandi.
kgk
Valdís Þóra í 53. sæti á Spáni
Valdís Þóra Jónsdóttir slær af teig.
Ljósm. LET.
Körfuknattleiks-
maðurinn Sig-
tryggur Arnar
Björnsson hef-
ur kvatt Skalla-
grím og sam-
ið við Tindastól
og mun því leika
með Sauðkræk-
ingum í Dom-
ino‘s deild karla
í körfuknattleik
á næsta tímabili.
Feykir greinir
frá.
S i g t r y g g u r,
sem er 24 ára
gamall bakvörð-
ur, hefur leikið
með Skallagrími
frá árinu 2015 en
áður á mála hjá
Tindastóli. Hann skoraði 18 stig,
tók 5,8 fráköst og gaf 5,3 stoðsend-
ingar að meðaltali í leik með Skalla-
grími í Domino‘s deildinni síð-
asta vetur. Borgnesingar féllu sem
kunnugt er úr efstu deild og munu
leika í 1. deild á næsta vetri.
„Mér líst mjög vel á að vera kom-
inn aftur á Krókinn og hlakka til
komandi tímabils. Það voru nokk-
ur önnur lið búin að hafa samband
við mig en mér leist best á að koma
aftur í Tindastól. Ástæðan fyrir því
er sú að mér líst mjög vel á bæði
liðið og þjálfarann og stemninguna
í kringum körfuboltann á Sauðár-
króki. Ég held að Israel Martin sé
einn besti þjálfarinn á landinu og
held að við eigum séns á að gera
stóra hluti á næsta tímabili,“ sagði
Sigtryggur Arnar í samtali við Feyki
á mánudag. kgk
Íslandsmeistaramótið í kraftlyft-
ingum í opnum og aldurstengdum
flokkum fór fram í Kópavogi síð-
asta laugardag. Mótið var fámennt
að þessu sinni, að því er fram kemur
á heimasíðu Kraftlyftingasambands
Íslands, en engu að síður voru þó-
nokkur met slegin.
Einar Örn Guðnason keppti fyr-
ir hönd Kraftlyftingafélags Akraness
og stóð uppi sem sigurvegari í 105
kg flokki. Hann lyfti 350 kg í hné-
beygju, 250,5 kg í bekkpressu og
290 kg í réttstöðulyftu. Gera það
890,5 kg samanlagt sem er nýtt Ís-
landsmet í samanlögðu. Skilaði það
Einari Íslandsmeistaratitlinum í sín-
um flokki og öðru sæti í stigakeppni
mótsins óháð flokkum með 533,2
Wilksstig. kgk
Meistaraflokkur karla Víkings
Ólafsvíkur var eitt af 32 meistara-
flokksliðum sem fóru erlendis í æf-
ingaferð fyrir Íslandsmótið í sumar.
Í hópnum sem fór til Pinatar á Spáni
dagana 9. til 19. apríl voru rúmlega
20 leikmenn, þjálfarar og fararstjór-
ar. Hópurinn tók þó smá breyting-
um á meðan á ferðinni stóð. Hilm-
ar Hauksson og kona hans Sigur-
björg Jónsdóttir hófu leik sem farar-
stjórar en Gunnar Helgi Baldursson
kom og tók við því hlutverki þegar
ferðin var hálfnuð. Þorsteinn Már
Ragnarsson eignaðist stúlku nokkr-
um dögum fyrir áætlaða brottför
og kom hann því seinna til móts við
hópinn á Spáni. Einnig mætti kunn-
uglegt andlit á svæðið, Alexis Egea
en hann mun spila með Víkingi í
sumar. Þessu til viðbótar voru svo
þrír spænskir leikmenn til skoðunar í
ferðinni og fengu þeir að spreyta sig
bæði á æfingum og í leikjum liðsins.
Stóðu þeir sig með prýði og mögu-
lega fá einhverjir þeirra að sýna sig á
Ólafsvíkurvelli í sumar.
Uppleggið í ferðinni var hefð-
bundið, æft einu sinni til tvisvar á
dag flesta daga. Uppistaðan í æfing-
um ferðarinnar var taktík og leik-
skipulag og var það kærkomið bæði
fyrir þjálfara og leikmenn að hafa
allan hópinn saman til æfinga. Auk
þess lék liðið tvo leiki, þann fyrri
gegn Stjörnunni og endaði hann
0-0. Seinni leikurinn var gegn Kefla-
vík og hann sigraði Víkingur 3-1.
Þar sem um tíu daga ferð var að
ræða gafst örlítið svigrúm til slök-
unar. Fengu leikmenn nokkrum
sinnum frí frá æfingum og nýttu
þeir þann tíma vel á ströndinni, við
sundlaugarbakkann eða í mollinu.
Það voru sælir og sólbrúnir leik-
menn Víkings Ó. sem sneru til baka
úr vel heppnaðri æfingaferð fullir
tilhlökkunar fyrir átök sumarsins og
það styttist í þau. Víkingur Ólafsvík
hefur leik í Pepsi deildinni sunnu-
daginn 30. apríl þegar þeir mæta Val
á Valsvelli í Reykjavík. þa
Vel heppnuð æfinga-
ferð Víkings Ólafsvík
Sigtryggur Arnar
kveður Skallagrím
Sigtryggur Arnar fer hér illa með leikmann Tindastóls í leik
með Skallagrími í vetur. Ljósm. Skallagrímur.
Einar Örn setti Íslandsmet
Íslandsmeistarinn
og Íslandsmethafinn
Einar Örn Guðnason.
Ljósm. úr safni.