Skessuhorn - 26.07.2017, Page 14

MIÐVIKUDAGUR 26. JúLÍ 201714
Bæjarhátíðin „Á góðri stund“ verð-
ur haldin í Grundarfirði um helgina
eins og síðustu ár. Þetta er nítjánda
árið í röð sem að hátíðin er hald-
in og verður hún með svipuðu
sniði og áður. Aldís Ásgeirsdóttir
er framkvæmdarstjóri hátíðarinnar
annað árið í röð en hátíðin heppn-
aðist einstaklega vel á síðasta ári.
„Þetta veltur svolítið á veðrinu
en við vorum afskaplega hepp-
in með það í fyrra,“ segir Aldís í
stuttu spjalli við fréttaritara. „Spáin
er góð núna og vonandi stenst hún
en þetta lítur mjög vel út,“ bætir
hún við. Sú breyting er á hátíðar-
svæðinu nú að stóru böllin verða í
húsnæði Saltkaupa en ekki í stóra
tjaldinu eins og síðustu ár. „Þeir hjá
Saltkaup voru svo góðir að styrkja
hátíðina með því að lána okkur
húsið sem er tilvalið í þetta,“ seg-
ir Aldís. „Þetta væri ekki hægt ef
ekki væri fyrir styrki frá öllum þeim
góðu fyrirtækjum sem leggja okkur
lið,“ bætir hún við.
Mikið verður um að vera um
helgina og í vikunni fram að há-
tíðinni. Búið er að kveikja á út-
varpi Grundarfirði en það næst á
FM tíðni 103,5 í nágrenni Grund-
arfjarðar. Svo eru ýmsir viðburð-
ir í vikunni eins og hverfakeppni í
Kubb, pílukasti og körfubolta svo
eitthvað sé nefnt. „Bæjarbúar munu
svo skreyta á miðvikudaginn [í dag]
og svo er hið árlega grill í boði
Samkaupa á fimmtudaginn áður en
þjófstartið hefst um kvöldið,“ segir
Aldís en Matti Matt og Jogvan Han-
sen munu skemmta á fimmtudags-
kvöldinu. Síðan skein sól mun síðan
halda stórdansleik á föstudagskvöld
og Stuðlabandið á laugardagskvöld.
„Það munu allir finna eitthvað við
sitt hæfi alla helgina hvort sem það
er froðugaman eða brekkusöngur
með Ingó,“ segir Aldís að lokum
en alla dagskrána má sjá á heima-
síðunni agodristund.com og á fés-
bókarsíðu hátíðarinnar.
tfk
Eins og allir vita eru Stranda-
menn náttúrubörn sem í gegnum
ár og aldir hafa glímt við náttúru-
öflin og lært að lifa með þeim. Þeir
heyra grasið gróa og snjóinn falla
og vita hvað það þýðir þegar hrafn-
inn klöktir til beggja átta á bæjar-
hlaðinu. Nú stendur til að halda
afar óvenjulega útihátíð á Strönd-
um helgina 28.-30. júlí, svokallaða
Náttúrubarnahátíð. Þar fá gestir á
öllum aldri, bæði börn og fullorðn-
ir, tækifæri til að finna og rækta sitt
innra náttúrubarn.
Náttúrubarnaskólinn stend-
ur fyrir hátíðinni og þjóðfræð-
ingurinn Dagrún Ósk Jónsdóttir
hefur starfsheitið yfirnáttúrubarn.
Þessi menningarstofnun hefur ver-
ið starfrækt síðan sumarið 2015 og
heldur námskeið og skemmtanir
og stendur fyrir allskonar útivist.
Náttúrubarnaskólinn er starfrækt-
ur innan vébanda Sauðfjárseturs á
Ströndum, í félagsheimilinu Sæv-
angi sunnan við Hólmavík, og þar
verður hátíðin haldin.
„Markmið hátíðarinnar eru fyrst
og fremst að hafa gaman og flétta
saman fróðleik og fjöri. Ætlunin er
að sýna fram á hvað allir skapaðir
hlutir í okkar nánasta umhverfi eru
í raun og veru merkilegir. Hvernig
vernda má náttúruna og sýna henni
virðingu, en jafnframt nýta nátt-
úrugæði á sjálfbæran, skapandi og
skemmtilegan hátt,“ segir Dagrún
Ósk.
Hátíðin hefst á föstudegi á
gönguferð og síðan veðurgaldri
við veðurupplifunarstöð sem á að
tryggja gott veður alla helgina á
Ströndum. „Veðurgaldurinn hefur
margsannað ágæti sitt í Náttúru-
barnaskólanum, en ef hann bregst
algjörlega verður alltaf hægt að
flýja inn í Sævang með flesta dag-
skrárliði, nema kannski með úti-
eldun og fjallgöngur. Annars er
bara að muna eftir lopapeysunni og
öðrum viðeigandi útbúnaði,“ segir
Dagrún.
Eftir það mun hljómsveitin Ylja
halda tónleika og svo verður vöfflu-
hlaðborð og Náttúrubarnakviss,
skemmtilegur spurningaleikur fyrir
alla fjölskylduna. Um helgina verð-
ur svo m.a. hægt að taka þátt í nátt-
úrujóga, fjallgöngu og sjósundi. Þá
verða skemmtilegar smiðjur fyrir
börn um útieldun og tónlist í nátt-
úrunni, einnig verður hægt að læra
jurtalitun, að vinna úr ull og reka-
viði, ásamt fróðleik um hvað við
getum lagt af mörkum til að vernda
náttúruna.
Svavar Knútur verður svo með
tónleika á laugardeginum, mynd-
listarsýningin Hlýnun eftir Ynju
art verður á svæðinu, Ingó Geir-
dal sýnir töfrabrögð, sagðar verða
drauga- og tröllasögur í gömlu
sagnahúsi, sirkusfólk úr Melodic
Objeccts sýnir listir sínar, hægt
verður að fara á hestbak, heimsækja
plastdýragarð og margt fleira. Að-
gangseyrir að hátíðinni í heild er
3000 kr. en einnig er hægt að kaupa
sig inn á staka daga fyrir 1500 kr.
mm
Byggðarhátíðin Reykhóladagar
hefst á morgun, fimmtudaginn 27.
júlí og stendur fram á sunnudag,
30. júlí. Bryndís Soffía Jónsdóttir,
starfandi tómstundafulltrúi Reyk-
hólahrepps, segir undirbúning há-
tíðarinnar hafa gengið vel fyrir sig.
„Það hefur gengið mjög smurt að
undirbúa Reykhóladagana og raða
saman dagskránni. Það er mik-
ill samhugur í fólki og allir sem að
þessu koma tilbúnir að leggja hönd
á plóg við undirbúning hátíðarinn-
ar. Verkin dreifast því vel á alla og
allir tilbúnir að leggjast á eitt við að
láta þetta ganga,“ segir hún. „Nú
krossleggjum við bara fingur og
vonum að við fáum gott veður.“
Nýtt í bland
við fasta liði
Bryndís segir dagskrána í ár vera
með svipuðu sniði og verið hef-
ur, en þó sé að finna nokkrar nýj-
ungar inn á milli. Nýbreytni er til
dæmis frisbígolfmót í Hvanngarða-
brekku á Reykhólum á föstudeg-
inum, en völlurinn þar var tekinn
í notkun fyrr í sumar. „Hrefna og
Bergþór eru vön í frisbígolfinu og
ætla meira að segja að vera með
stutt námskeið fyrir mótið. Þar
verður farið yfir undirstöðuatriði
frisbígolfsins áður en keppni hefst.
Þau halda síðan utan um mótið og
verða keppendum innan handar,“
segir Bryndís. „Síðan verður sund-
laugarpartí fyrir unglinga í Grettis-
laug á föstudagskvöldið, það hefur
ekki verið áður. Hljóðkerfi verður
sett upp á bökkum sundlaugarinnar
og haldið gott partí,“ bætir hún við.
„Við reyndum að hafa dagskrána
með fjölbreyttasta, þannig að allir
gætu fundið eitthvað við sitt hæfi
á hverjum degi hátíðarinnar,“ seg-
ir Bryndís.
Fastir liðir eins og dráttarvélast-
uðið, þarabolti, karnival og grill-
veisla í Hvanngarðabrekku verða
síðan að sjálfsögðu á sínum stað.
„Veislustjóri í grillveislunni verður
Ingimar Ingimarsson, nýr organisti
í sókninni. Ég held að það hafi lið-
ið tveir dagar frá því hann flutti á
Reykhóla og þangað til ég hringdi
í hann og spurði hvort hann vildi
ekki taka þetta að sér. Hann tók
vel í það og sló til og ég er ekki í
vafa um að hann eigi eftir að standa
sig með prýði, enda skemmtilegur
maður,“ segir hún. „Ég hvet því alla
til að mæta á Reykhóladaga, heima-
menn, brottflutta og aðra gesti,“
segir Bryndís að endingu. kgk
Reykholtshátíð verður haldin í tutt-
ugasta og annað sinn helgina 28. til
30 júlí næstkomandi. „Dagskráin
er sérlega glæsileg, fernir tónleikar
sem bjóða upp á fjölbreytta flóru
tónverka, flutt af mörgum af þekkt-
ustu tónlistarmönnum okkar og
sérlegum gestum, strengjakvartett-
inum Meta4. Efnisskráin spann-
ar aldir – allt frá Bach (1685-1750)
til hins finnska Juha Koskinen
(1972).“ Ítarlega efnisskrá má finna
á viðburðasíðum tónleikanna ásamt
tenglum sem vísa beint á miðasölu.
Miðasala fer fram á midi.is
(https://midi.is/tonleikar/1/10119/
Reykholtshatid_2017) og er hægt
að kaupa miða á staka tónleika eða
hátíðarpassa sem gildir á alla tón-
leika hátiðarinnar. Einnig verður
miðasala við innganginn.
-fréttatilkynning
Náttúrubarnahátíð framundan á Ströndum
Tónlistarhátíðin
Reykholtshátíð framundan
Frá hátíðinni í fyrra.
Á góðri stund verður um næstu helgi
Aldís Ásgeirsdóttir er framkvæmdarstjóri hátíðarinnar.
Unnsteinsson Quartet hélt frábæra djasstónleika á Kaffi Emil mánudagskvöldið
24. júlí.
Reykhóladagar eru framundan