Skessuhorn - 27.09.2017, Page 10

MIÐVIKUDAGUR 27. SEPTEMBER 201710
Átelja svik
um lækkun
tryggingagjalds
LANDIÐ: „Stjórn Félags
ráðgjafarverkfræðinga lýs-
ir yfir miklum vonbrigð-
um með að enn er trygg-
ingagjald hér á landi of hátt
og ekkert bólar á áformum
um að lækka það þrátt fyr-
ir að atvinnuleysið hafi nær
horfið. Það eru gríðarleg
vonbrigði að í frumvarpi
til fjárlaga fyrir árið 2017
skuli ekki sjást samkomu-
lag stjórnvalda og Samtaka
atvinnulífsins um lækkun
tryggingagjalds í áföngum
sem gert var í tengslum við
gerð kjarasamninga á al-
mennum markaði í byrjun
árs 2016.“ Þá segir að sam-
komulagið hafi falið í sér
lækkun tryggingagjalds um
0,5% á árinu 2016 og 0,5%
á árinu 2017, sem síðan
hafi ekkert orðið af. „Jafn-
framt var handsalað sam-
komulag við fjármálaráð-
herra um að stefnt skyldi að
því að almenna trygginga-
gjaldið færi í fyrra horf, þ.e.
í 4,5% á árinu 2018, enda
skapi lækkun vaxtabyrði
ríkissjóðs samhliða lækkun
skulda ríkisins svigrúm til
lækkunar gjaldsins. Það var
sameiginlegur skilningur á
að lækkun tryggingagjalds-
ins til fyrra horfs væri fyr-
irtækjum mikilvægt til að
mæta miklum kostnaði við
umsamdar launahækkanir
og jöfnun lífeyrisréttinda
án þess að raska efnahags-
legum stöðugleika. Það lá
ljóst fyrir að kjarasamning-
arnir myndu ganga mjög
nærri getu fyrirtækja og að
mótvægisaðgerðir stjórn-
valda væru nauðsynlegar
til að kostnaðaraukinn færi
ekki að stórum hluta út í
verðlag.“
-mm
Söfnuðu yfir
80 milljónum
RVK: Á laugardagskvöldið
fór fram á RUV söfnunar-
þáttur til styrktar átakinu
Á allra vörum, sem styð-
ur við rekstur og uppbygg-
ingu Kvennaathvarfsins.
Ríflega 80 milljónir söfn-
uðust, bæði með frjáls-
um framlögum og sölu á
Á allra vörum, varasettum
frá Benecos. „Við erum í
skýjunum með árangur-
inn. Þetta þýðir að góð-
ur grundvöllur er nú fyr-
ir byggingu húsnæðis þar
sem konur og börn þeirra
geta búið í allt að tvö ár
meðan verið er að fóta
sig aftur út í lífið,“ segir
Elísabet Sveinsdóttir ein
af þeim sem standa fyrir
átakinu.
-mm
Hjáleið vegna
lokunar
BORGARNES: Vegna fram-
kvæmda við lagnir og þver-
un Borgarbrautar í Borgarnesi
verður lokað fyrir umferð um
götuna á móts við Borgarbraut
57-59 frá og með mánudegin-
um 2. október til og með föstu-
deginum 6. október nk. Verk-
taki í verkinu er Borgarverk ehf
en verkið er unnið fyrir Veitur
ohf og Rarik ohf. Hjáleið verð-
ur um Kveldúlfsgötu/Kjartans-
götu á meðan á framkvæmdum
stendur. „Beðist er velvirðing-
ar á þeim óþægindum sem þessi
lokun hefur í för með sér fyrir
vegfarendur,“ segir í tilkynn-
ingu frá framkvæmdasviði sveit-
arfélagsins.
-mm
Aflatölur fyrir
Vesturland
dagana 16. - 22. september
Tölur (í kílóum)
frá Fiskistofu:
Akranes: 2 bátar.
Heildarlöndun: 12.839 kg.
Mestur afli: Ebbi AK: 12.681
kg í tveimur löndunum.
Arnarstapi: 1 bátur.
Heildarlöndun: 372 kg.
Mestur afli: Hansi MB: kg í
372 í einum róðri.
Grundarfjörður: 7 bátar.
Heildarlöndun: 238.330 kg.
Mestur afli: Steinunn SF:
115.930 kg í tveimur löndun-
um.
Ólafsvík: 9 bátar.
Heildarlöndun: 104.950 kg.
Mestur afli: Tryggvi Eðvarðs
SH: 18.649 kg í fjórum róðr-
um.
Rif: 9 bátar.
Heildarlöndun: 72.906 kg.
Mestur afli: Esjar SH: 15.563
kg í einni löndun.
Stykkishólmur: 5 bátar.
Heildarlöndun: 91.656 kg.
Mestur afli: Hannes Andrés-
son SH: 34.450 kg í fimm lönd-
unum.
Topp fimm landanir á tíma-
bilinu:
1. Hringur SH - GRU:
64.094 kg. 19. september.
2. Steinunn SF - GRU:
59.612 kg. 20. september.
3. Steinunn SF - GRU:
56.318 kg. 17. september.
4. Helgi SH - GRU:
45.584 kg. 18. september.
5. Esjar SH - RIF:
15.563 kg. 20. september.
-kgk
Nýverið samþykkti stjórn Verslun-
armannafélags Reykjavíkur, stærsta
stéttarfélags landsins, að markmið
félagsins í komandi kjarasamning-
um verði að krefjast þess að lægstu
laun verði gerð skattfrjáls. Það mark-
mið ætti að nást með því að hækka
persónuafslátt þannig að hann verði
endurskoðaður til samræmis við
launavísitölu frá árinu 1990 og þetta
ákvæði verði sömuleiðis bundið í lög.
„Stjórn VR beinir þeim tilmælum
til stjórnvalda að endurskoða fjár-
hæð persónuafsláttar til samræm-
is við launavísitölu frá árinu 1990 í
fjárlagafrumvarpi fyrir árið 2018. Í
komandi kjarasamningum er mik-
ilvægt að horft sé til framtíðar og
launafólki verði tryggður stöðugleiki
og raunveruleg kaupmáttaraukning.
Mikilvægur þáttur í því er að festa
með lögum að persónuafsláttur fylgi
launavísitölu.“ Með því að persónu-
afsláttur verði hækkaður muni kaup-
máttur lægstu launa og millitekju-
fólks hækka umtalsvert. „Hækkun
persónuafsláttar verður ein af aðal-
kröfum félagsins fyrir komandi kjara-
samninga,“ segir í samþykkt stjórnar
VR.
Ekki þurfti lengi að bíða and-
svara, en þau komu frá Samtökum
atvinnulífsins, enda féll ríkisstjórn-
in skömmu eftir að stjórn VR hafði
opinberað kröfugerð sína og ekki að
vænta viðbragða úr þeirri átt. Hall-
dór Benjamín Þorbergsson, fram-
kvæmdastjóri Samtaka atvinnulífs-
ins, skrifaði grein í Markað Frétta-
blaðsins í síðustu viku og kvaðst
afar skeptískur á möguleika þess að
stjórnvöld gætu orðið við kröfu VR.
Hann sagði m.a. að hugmyndir um
að endurskoða fjárhæð persónuaf-
sláttar til samræmis við þróun launa-
vísitölu frá árinu 1990 myndu þýða
tekjutap fyrir ríkissjóð upp á að lág-
marki 130 milljarða króna á ári. Af
þeirri fjárhæð færu um 74% til þeirra
tekjuhærri. mm
VR vill uppfærslu persónuafsláttar í
kröfugerð fyrir komandi samninga
Sjö af átta þingmönnum Norðvest-
urkjördæmis, allir utan Lilju Raf-
neyjar Magnúsdóttur VG, hyggj-
ast leggja fram frumvarp á næstu
dögum á Alþingi þess efnis að veita
Vegagerðinni leyfi til framkvæmda á
leið Þ-H á Vestfjarðarvegi (60), sem
liggur um Teigsskóg í vestanverðum
Þorskafirði. Þrátt fyrir að vera ekki
meðflutningsmaður er Lilja Rafney
engu að síður fylgjandi því að málið
komist á rekspöl. „Samstaða er með-
al allra þingmanna kjördæmisins að
málið komist úr þeirri kyrrstöðu sem
það hefur verið í og fái framgang í
samræmi við matsskýrslu Vegagerð-
arinnar og álit Skipulagsstofnun-
ar,“ segir Teitur Björn Einarsson al-
þingismaður Sjálfstæðisflokksins, en
hann hefur fyrir hönd þingmann-
anna sjö sent fjölmiðlum yfirlýsingu
vegna þessa.
„Ekki þarf að fjölyrða um brýna
nauðsyn þess að ráðast í vegabætur
á svæðinu sem um ræðir, enda ber
gamli malarvegurinn um Gufudals-
sveit ekki lengur þá umferð sem um
hann fer og skapar alvarlega hættu,“
segir Teitur Björn. „Óásættanleg töf
hefur nú þegar orðið á málinu en það
hefur nú velkst í kerfinu í tæp 15 ár.
Flutningsmenn telja ekki ásættanlegt
að íbúar svæðisins þurfi lengur að líða
fyrir þær miklu ógöngur sem leyfi
til framkvæmda hefur þurft að feta.
Það hefur varla verið vilji löggjaf-
ans að hægt sé að halda jafn brýnni
samgöngubót í gíslingu flækjustigs
stjórnsýslunnar í jafn langan tíma og
raun ber vitni. Tafir á uppbyggingu
Vestfjarðarvegar um Gufudalssveit
eru án fordæmis og því getur veiting
framkvæmdaleyfis með sérstökum
lögum nú heldur ekki verið fordæm-
isgefandi. Tímabært er að umræða
um rétt íbúa gegn svifaseinni stjórn-
sýslu eigi sér stað.“
Nú er staða málsins sú að öll efnis-
leg atriði liggja fyrir í nýju mati á
umhverfisáhrifum og í áliti Skipu-
lagsstofnunar. Búið er að taka tillit
til margvíslegra athugasemda, draga
verulega úr neikvæðum áhrifum
framkvæmdarinnar á umhverfið og
eldri ágreiningsefni um stjórnsýslu-
meðferðina heyra enn fremur sög-
unni til. En enn á ný eru tafir á fram-
kvæmdum og snúa þær tafir að máls-
meðferð er varðar veitingu fram-
kvæmdaleyfis.
Flutningsmenn frumvarpsins telja
nauðsynlegt að löggjafinn grípi nú
um tauma í þeim tilgangi að koma
í veg fyrir frekari tafir og flýta því
eins og kostur er að framkvæmd-
ir geti hafist. „Sveitarfélög á Vest-
fjörðum hafa á undanförnu sett fram
sambærileg sjónarmið. Með veit-
ingu framkvæmdaleyfis með lögum
er verið að eyða óvissu um þann þátt
málsins sem snýr að veitingu fram-
kvæmdaleyfis samkvæmt gildandi
lögum og fyrirbyggja þannig frekari
tafir á þessari brýnu samgöngufram-
kvæmd sem varðar ríka almanna-
hagsmuni. Áréttað er í frumvarpinu
að þrátt fyrir veitingu framkvæmda-
leyfisins hefur viðkomandi sveitarfé-
lag eftirlit með framkvæmdum sam-
kvæmt ákvæðum skipulagslaga. Eins
er gert ráð fyrir að Vegagerðin verði
eftir sem áður að ljúka ákveðnum
verkefnum áður en ráðist verður í
framkvæmdir en þar er um að ræða
rannsóknir Hafrannsóknastofnunar
á botnsseti á leið Þ-H í Þorskafirði
í samræmi við álit Skipulagsstofnun-
ar og breyting á aðalskipulagi Reyk-
hólahrepps vegna nýrra efnistöku-
staða,“ segir í yfirlýsingu þingmann-
anna sjö.
mm
Á þessari teikningu sést fyrirhuguð Þ-H leið.
Sjö þingmenn NV kjördæmis flytja
frumvarp um vegagerð um Teigsskóg
Teigsskógur.