Skessuhorn - 27.09.2017, Blaðsíða 41

MIÐVIKUDAGUR 27. SEPTEMBER 2017 Matarauður 41
„Ég er búinn að eiga þessa stöð frá
árinu 2005 en hef verið í grænmet-
isrækt frá því ég var ungur. Pabbi
var í útiræktun svo ég kynntist
þessu snemma og hef ég verið að
rækta eitt og annað t.d. gulrætur,
tómata, gúrku og nú papriku,“ seg-
ir Dagur Andrésson garðyrkjubóndi
í Reit í Borgarfirði. Í Reit er Dag-
ur með 2.300 fermetra gróðurhús í
fjórum einingum og ræktar þar um
18-20% af allri papriku sem fram-
leidd er hér á landi. „Þetta er aðeins
breytilegt á milli ára en ég hef, með
þessa litlu stöð hér, verið að fram-
leiða svona um þetta, 18-20%, en
ansi mikið af paprikunni hér á landi
er innflutt,“ segir Dagur.
Rólegast yfir
sumartímann
„Uppskerutíminn er frá apríl fram
í nóvember en það er nóg að gera
þess á milli. Ég þarf að sótthreinsa
húsin á milli tímabila og svo í janú-
ar sái ég fyrir nýjum plöntum. Ég el
þær upp á borði undir ljósum svona
fram í mars en þá þurfa húsin að
vera tilbúin svo ég geti komið plönt-
unum fyrir,“ segir Dagur aðspurður
um hvað garðyrkjubóndi geri þegar
ekki er uppskerutími. „Sumarið er í
raun rólegasti tíminn hjá mér. Þá er
þetta bara rútína, huga að plöntun-
um og taka af þeim. Svo er ég líka
með starfsfólk hjá mér yfir sumar-
ið,“ bætir Dagur við.
Þekking hefur aukist
Aðspurður hvers vegna papriku-
ræktun sé ekki jafn öflug og gúrku-
og tómataræktun hér á landi segist
Dagur ekki vita það nákvæmlega,
en að það gæti tengst því að papr-
ikuplantan sé viðkvæm. „Ef papr-
ikuplantan verður fyrir áfalli vegna
kulda nær hún sér alls ekki alltaf á
strik aftur. Það gæti spilað inní. En
svo gefa paprikuplönturnar ekki
jafn mikið af sér og gúrku- og tóm-
ataplönturnar. Það hefur þó lagast
mikið svona frá aldamótum. Þá
kom hér nýr ráðunautur sem hef-
ur komið með góð ráð fyrir bænd-
ur og hefur orðið mikil aukning í
framleiðslu síðan. Áður þótti það
bara nokkuð gott að ná svona 7-10
kílóum á fermetra en í dag er það
örugglega nær 18 kílóum,“ segir
Dagur.
Umbúðir um grænmeti hafa verið
mikið í umræðunni að undanförnu
og segir Dagur umbúðirnar þjóna
tvennum tilgangi. „Pakkningarnar
eru m.a. til að upprunamerkja vör-
urnar. Ef við pökkum þeim ekki og
merkjum geta kaupmenn auðveld-
lega sett erlenda vöru í kassana fyr-
ir þær íslensku og þá er engin leið
fyrir neytendur að vita um uppruna
vörunnar. Svo hefur þetta gríðarleg
áhrif á endingu grænmetisins. Var-
an endist töluvert betur í góðum
pakkningum en í lausu,“ segir Dag-
ur. arg
Paprikubóndi í Borgarfirði
Uppskeran hefur aukist samhliða
meiri þekkingu í greininni
Dagur Andrésson garðyrkjubóndi ræktar paprikur í Reit í Borgarfirði.
Paprikurnar nýkomnar af plöntunni.
Matarbúrið
Dalabyggð
Dalabyggð er fyrst og fremst landbúnaðarhérað, þar sem
mikil hefð er fyrir sauðfjárrækt og mjólkurvinnslu. Við erum
stolt af okkar metnaðarfullu fyrirtækjum á sviði matvæla-
framleiðslu í bæði stórum og smáum stíl, jafnt í frumvinnslu
hráefnis og fullvinnslu afurða.
Við hvetjum Dalamenn til þess að virkja ímyndunaraflið
enn frekar og þróa og framleiða fleiri matvörur af öllu tagi.
Þar má byggja á annars vegar því góða hráefni sem land-
búnaður héraðsins býður upp á og hins vegar á þeim nátt-
úruauðlindum til lands og sjávar sem héraðið býr yfir.
Sveitarfélagið byggir upp vottaða matvælaframleiðsluað-
stöðu í félagsheimilinu Tjarnarlundi, sem stendur til boða
fyrir íbúa sveitarfélagsins að nýta til þróunar og framleiðslu
á nýjum matvælum. Matur framleiddur í vottaðri aðstöðu
er meðal annars gjaldgengur í sælkeraverslanir og sem
hráefni til veitingahúsa.
SK
ES
SU
H
O
R
N
2
01
7