Skessuhorn - 15.11.2017, Blaðsíða 7

MIÐVIKUDAGUR 15. NÓVEMBER 2017 7
Áfangastaðaáætlun DMP á Vesturlandi
Opnir súpufundir um framtíðarsýn ferðamála á
Vesturlandi verða haldnir núna í nóvember:
- 20. nóv. Opinn fundur fyrir Dalabyggð
- haldinn í Dalabúð í Búðardal

- 23. nóv. Opinn fundur fyrir Snæfellsnes
- haldinn á Breiðabliki í Eyja- og Miklaholtshreppi

- 28. nóv. Opinn fundur fyrir Borgarbyggð og Skorradalshrepp
- haldinn í Landbúnaðarháskólanum á Hvanneyri

- 29. nóv. Opinn fundur fyrir Akranes og Hvalfjarðarsveit
- haldinn í Garðakaffi á safnasvæðinu í Görðum á Akranesi
Hvernig vilt þú sjá framtíðarþróun ferðamála á þínu svæði?
Vertu með og leggðu
þitt af mörkum í
stefnumótun ferðamála
á Vesturlandi!
Hefur þú skoðun á ferðamálum?
FUNDIRNIR ERU KL. 17:00-20:00
ALLIR VELKOMNIR!
Mikilvægt að skrá sig á www.west.is – svo við höfum súpu fyrir alla 
Hjónin Telma Garðarsdóttir og
Birgir Birgisson eru bæði fædd og
uppalin í Ólafsvík en búa núna í
Reykjavík þar sem þau hanna og
selja barnaföt undir merkinu Mói.
„Við erum með þetta alveg tví-
skipt, ég sé um að hanna fötin og
Birgir sér um markaðs- og rekstr-
artengd mál,“ segir Telma. „Þetta
er eiginlega það síðasta sem ég
sá fyrir mér að gera í lífinu. Það
mætti segja að ég hafi farið alveg
óvart út í þessa starfsgrein,“ segir
hún og hlær.
Telma er menntaður arkitekt og
segist hafa séð fyrir sér að starfa
við fag sitt. „Þegar maður fer
í nám er það væntanlega af því
maður stefnir í ákveðna átt í fram-
tíðinni. En já, ég skipti alveg um
stefnu og er mjög ánægð með það í
dag,“ segir Telma. Aðspurð hvern-
ig það hafi komið til að hún tók
þessa stefnu segir hún marga þætti
hafa spilað inn í. „Árið 2008, þeg-
ar hrunið varð, ákvað ég að fara til
Danmerkur í mastersnám og flutti
alla fjölskylduna með mér. Tveim-
ur árum síðar útskrifast ég og á
þeim tíma var fjármálakerfið ekki
enn búið að jafna sig og arkitekt-
ar því margir atvinnulausir. Ég tók
þá að mér nokkur hönnunartengd
verkefni annað slagið fyrir mark-
aðsfyrirtækið sem Birgir hafði þá
þegar stofnað í Danmörku. Þá fékk
ég þessa hugmynd að hanna mína
eigin barnafatalínu. Mér fannst
þetta ekkert svo ólíkt því sem ég
var þegar farin að gera. Það spilaði
líka inn í að ég var ófrísk á þessum
tíma. Það lá því bara beinast við
hanna barnafatalínu,“ segir hún
og hlær. „Á þessum tíma bjugg-
um við enn í Danmörku og Birg-
ir var að útskrifast úr mastersnámi
í markaðsfræði. Þetta var því líka
mjög sniðugt verkefni fyrir hann,
að prófa að markaðssetja okkar
eigið vörumerki,“ bætir hún við.
Hægt að kaupa Móa
föt í Stykkishólmi
Næsta vor verða fimm ár liðin frá
því fyrsta fatalínan kom frá Móa.
„Við byrjuðum á að koma með
vorlínu árið 2013 og voru móttök-
urnar frábærar. Síðan hefur þetta
vaxið mjög hratt og núna erum
við að selja föt um allan heim.
Við höfum ekki enn tekið ákvörð-
un um hvernig við ætlum að fagna
fimm ára áfanganum en við mun-
um án efa gera eitthvað,“ segir
Telma. Aðspurð hvar hægt sé að
kaupa fötin segir hún þau vera seld
í nokkrum verslunum á Íslandi og
í vefverslun, www.moi-kidz.com.
„Við byrjuðum þetta eiginlega á
öfugum enda, flestir byrja með
litla verslun og stækka svo við sig
en við byrjuðum strax á að selja að-
eins til verslana og fórum ekki að
selja sjálf nærri því strax. Á þessum
tíma voru fötin mest seld erlend-
is, en Ameríka er stærsti markað-
urinn okkar og má til að mynda
finna vörumerkið í um 40 versl-
unum SAKS þar í landi. Það eru
ekki nema tvö ár síðan við fór-
um að selja fötin okkar sjálf. Þá
opnuðum við verslun við Óðins-
götu í Reykjavík og vefverslun,“
segir Telma. Hún segir það ekki
vera í kortunum að opna verslun
á heimaslóðum á Vesturlandi eins
og staðan er núna en útilokar þó
ekkert. „Við höfum ekkert hugs-
að okkur að opna fleiri verslanir
eins og er. En föt frá okkur eru þó
seld víða, í öðrum verslunum. Fyr-
ir þá sem eru á ferðinni á Snæfells-
nesi er hægt að kaupa föt frá okkur
í versluninni Mæðgur og Magaz-
ín í Stykkishólmi,“ segir Telma að
endingu.
arg/ Ljósm. úr einkasafni
Snæfellingur hannar barnaföt undir merkinu Mói
Telma Garðarsdóttir og Nökkvi sonur
hennar.
Brot úr haust- og vetrarlínu Móa.