Skessuhorn - 15.11.2017, Page 18

MIÐVIKUDAGUR 15. NÓVEMBER 201718
Grundfirðingurinn Rúnar Geir-
mundsson nældi sér í sinn fyrsta
heimsmeistaratitil í kraftlyfting-
um laugardaginn 4. nóvember á
heimsmeistaramóti sem fram fór í
Las Vegas. „Ég ætlaði mér að gera
betur og ég veit að ég get það. Í
raun var þetta ekki neinn sérstakur
árangur hjá mér persónulega, en
dugði til sigurs,“ segir Rúnar þeg-
ar blaðamaður heyrði í honum eft-
ir heimkomuna. Í kraftlyftingum er
keppt í þremur greinum og keppti
Rúnar í þeim öllum sama daginn.
„Keppt er í hnébeygju, réttstöðu-
lyftu og bekkpressu. Mótið sjálft
er mjög stórt og stendur yfir í
fimm daga en minn flokkur keppti
á laugardeginum,“ segir Rúnar.
„Ég er sjálfur 84 kíló og keppti
því í mínus 90 kílóa flokki, þó að í
rauninni væri ég mun nær flokkin-
um fyrir neðan, sem er mínus 82,5.
Ég hefði getað reynt að létta mig
til að komast niður um flokk en
ég vildi ekki gera það. Ég er viss
um að það hafi bara neikvæð áhrif
á líkamann og orkuna og ég trúi
ekki á að vera að raska þyngdinni
rétt fyrir mót bara upp á að kom-
ast niður um flokk. Ég vil bara vera
bestur þar sem ég er staddur,“ seg-
ir Rúnar og hlær.
Rúmlega þreföld líkams-
þyngd í hnébeygju
Þrátt fyrir að hafa ekki verið nógu
ánægður með árangurinn bætti
Rúnar Íslandsmet í bekkpressu á
mótinu. „Vissulega er ég ánægð-
ur að hafa unnið á heimsmeist-
aramóti, það er bara þegar maður
veit að maður á meira inni þá er
maður ekki alveg fullkomlega sátt-
ur. En mér gekk gel í bekkpress-
unni og setti Íslandsmet þar. Ég
hefði getað gert mun betur bæði
í réttstöðulyftu og hnébeygju,“
segir Rúnar. Hann er alla jafn-
an að lyfta um 200 kílóum í bekk-
pressu, 250 kílóum í réttstöðulyftu
og 300 kílóum í hnébeygju, sem er
vel rúmlega þreföld líkamsþyngd
Rúnars. Hann hefur verið að lyfta
í tíu ár og er orðinn atvinnumaður
í greininni.
Getur nú lifað á þessu
„Það er ekki auðvelt að verða at-
vinnumaður í kraftlyftingum.
Þessi íþrótt hefur ekki verið nógu
áberandi til að fyrirtæki fáist til
að styðja okkur. Undanfarið hef-
ur þó orðið mikil vakning, sér-
staklega með tilkomu samfélags-
miðla, og núna eru fyrirtæki farin
að koma meira inn og hjálpa okk-
ur. Fyrstu átta árin mín í kraftlyft-
ingum kom allt úr mínum vasa og
ég varð að vinna með. Núna get ég
lifað á þessu og hjálpar það mér án
efa til að ná árangri,“ segir Rúnar.
Aðspurður hversu mikið hann æfi
segir hann það misjafnt eftir því
hvað hann er að gera hverju sinni.
„Ég æfi allt árið, mismikið samt.
Það er ekki nóg að æfa bara stíft
fyrir mót og slaka á þess á milli, þá
næ ég ekki að bæta mig eins og ég
vil gera. Þegar fimm til sex mán-
uðir eru í mót gef ég mikið í og tek
svona þriggja klukkustunda æfing-
ar fimm sinnum í viku. Svo þarf ég
að hugsa vel um líkamann, fara í
djúpnudd, borða hárrétt og hvílast
vel. Það er fátt annað sem kemst að
í lífinu ef maður ætlar að ná langt í
kraftlyftingum,“ segir Rúnar.
Keppir næst í mars
Rúnar fór á sitt fyrsta heimsmeist-
aramót árið 2010 en þetta var í
fyrsta sinn sem hann náði þess-
um góða árangri. Þá hefur hann
þrisvar orðið Evrópumeistari og
margoft Íslandsmeistari, auk þess
sem hann hefur sett Íslandsmet
í fimm þyngdarflokkum. „Þeg-
ar ég byrjaði í þessari íþrótt var
ég mjög léttur en hef bætt á mig
þrjátíu kílóum á þessum tíu árum,
og því færst upp um fimm þyngd-
arflokka og sett Íslandsmet í þeim
öllum. Ég setti líka öll unglinga-
heimsmetin á Evrópumóti fyrir
þremur árum,“ segir Rúnar. Að-
spurður hvað taki við næst seg-
ir hann það fyrst og fremst vera
hvíld. „Núna ætla ég að hvíla mig
í nokkra daga. Eftir það byrja ég
bara að æfa aftur og halda mér í
góðu formi. Ég ætla að taka mér
smá pásu frá mótum fram í mars,
en þá er mér boðið að keppa á
kraftlyftingamóti í Manchester,
á Tattoo hátíð. Það getur ekki
hver sem er keppt á þessu móti,
aðeins þeim sem er boðið. Þetta
er í þriðja sinn sem ég fæ boð og
ég geri fastlega ráð fyrri að taka
því,“ segir Rúnar. „Annars er ekk-
ert planað hjá mér, ég ætla bara
að halda áfram að leggja mig fram
við að verða betri,“ bætir Grund-
firðingurinn Rúnar Geirmunds-
son við að endingu.
arg/ Ljósm. úr einkasafni
Heimsmeistari í
kraftlyftingum
Nýr titill til viðbótar við
Evrópumeistaratitla og margfaldan
Íslandsmeistaratitil
Rúnar Geirmundsson varð heimsmeistari í kraftlyftingum þegar hann vann sinn flokk á heimsmeistaramóti í Las Vegas
laugardaginn 4. nóvember sl.
Rúnar tekur vel rúmlega þrefalda líkamsþyngd sína í hnébeygju.
Kappinn tekur á góðum degi um 250 kíló í réttstöðulyftu.Á mótinu í Las Vegas bætti Rúnar Íslandsmetið í bekkpressu.