Skessuhorn

◄ Tölublað ►

Leiðbeiningar (PDF)

Skessuhorn - 13.12.2017, Blaðsíða 12

MIÐVIKUDAGUR 13. DESEMBER 201712 Við síðustu alþingiskosningar fékk Sjálfstæðisflokkurinn í Norðvest- urkjördæmi 4.233 atkvæði, eða 24,5% fylgi. Flokkurinn tapaði einum þingmanni en hélt tveim- ur, þeim Haraldi Benediktssyni og Þórdísi Kolbúnu R Gylfadótt- ur. „Ég var náttúrlega svekktur með að þetta færi svona, að Teit- ur Björn félli af þingi. Í mér blund- ar keppnisskap og mér líkar illa að tapa. Engu að síður má segja að í sögulegu samhengi ættum við að vera ánægð með þessa niðurstöðu. Erum með langmest fylgi flokka á bakvið okkur og ég verð áfram fyrsti þingmaður kjördæmisins,“ segir Haraldur Benediktsson sem settist niður með blaðamanni á rit- stjórn Skessuhorns undir lok síð- ustu viku. Tilefnið var að fara yfir stöðuna í hinu pólitíska litrófi og fyrstu verkefnin, nú þegar búið er að mynda ríkisstjórn þar sem Sjálf- stæðisflokkurinn tók höndum sam- an með Vinstri hreyfingunni grænu framboði og Framsóknarflokknum. Haraldur kveðst ánægður með að tekist hafi samstarf þessara þriggja flokka. Hann dregur ekki dul á að hann hefði kosið að þessir flokk- ar færu saman í stjórn fyrir ári síð- an, þegar úr varð að flokkur hans myndaði stjórn með Viðreisn og Bjartri framtíð með minnsta mögu- lega meirihluta. Þráður trausts og vináttu En hvernig líst fyrsta þingmanni Norðvesturkjördæmis á stöðuna og hina nýju stjórn? „Ég hef mikl- ar væntingar til þesssarar stjórnar. Hún hefur þá breidd sem þarf og þann mannskap innanborðs að geta staðið í lappirnar jafnvel þótt erf- ið mál komi upp. Við Íslendingar þurfum nú með formlegum hætti að ljúka þessum óróakafla sem ein- kennt hefur pólitíkina í áratug. Mér finnst mjög mikilvægt að við ákveð- um að ljúka þeim hluta Íslands- sögunnar sem kalla má með sanni Hrunárin. Nú er kominn tími til að byggja upp að nýju. Mér finnst líka ákveðið afrek að forystufólk þess- ara ólíku flokka hafi náð þetta góðu samkomulagi. Milli þeirra allra hef- ur myndast þráður trausts og vin- áttu. Það er mikilvægt í hverju sem við tökum okkur fyrir hendur að traust og virðing sé til staðar. Það má líka segja að þessir þrír flokk- ar; Sjálfstæðisflokkur, Framsóknar- flokkur og Vinstri græn séu burð- arafl í íslenskri pólitík. Þetta eru flokkarnir sem hafa vel mannaðir og agaðar flokksstofnanir sem hafa burði til að takast á við þau verkefni sem fylgir því að sitja í ríkisstjórn. Við höfum séð að slíkt er nauðsyn- legt. Bæði Katrín Jakobsdóttir og Bjarni Benediktsson hafa lengi átt farsælt samstarf þótt þau hafi ekki setið í stjórn og stýri flokkum sem eru eðli málsins samkvæmt á sitt- hvorum jaðri íslenskra stjórnmála. Mannleg samskipti, traust og vin- átta skipta gríðarmiklu máli og mun líklega skipta sköpum um að árang- ur náist. Við höfum vonandi fengið stjórn sem getur haldið heilt kjör- tímabil. Auðvitað á eftir að reyna á styrk flokkanna og það munu koma upp erfið mál á kjörtímabilinu. Ég ætla hins vegar að leyfa mér að vera bjartsýnn á að við höfum rétta fólk- ið í brúnni til að takast á við þau þegar þar að kemur.“ Ungt fólk af báðum kynjum Aðspurður segist Haraldur alveg hafa verið reiðubúinn til að tak- ast á við ráðherraembætti ef eftir því hefði verið leitað. „Það er hins vegar ekkert vandamál fyrir mig að til þess kom ekki. Líkt og í janúar á þessu ári er ég talsmaður þess að ríkisstjórn hafi á að skipa ungu fólki og af báðum kynjum. Ungt fólk verður að hafa tækifæri rétt eins og við miðaldra karlarnir.“ Sjálfur óskaði Haraldur eftir því að halda áfram setu í fjárlaganefnd og vænt- ir þess að verða trúað fyrir embætti varaformanns þegar formlega verð- ur kosið í nefndir nú í þessari viku. Framsóknarflokknum var úthlut- að formennsku í fjárlaganefnd og missir Haraldur því formannssætið til Willum Þórs Þórssonar. Málefni sauðfjárbænda í forgang Í kosingabaráttunni í haust ein- kenndu nokkur mál umræðuna. Um sum þeirra voru allir þeir flokkar sem skipa nýja ríkis- stjórn sammála. „Heilbrigðismál, menntamál og samgöngumál eru forgangsmál þessarar ríkisstjórn- ar og þarf ekki að koma nokkrum á óvart,“ segir Haraldur. Hann seg- ir þó mörg önnur mál brýn, stór sem smá. Aðspurður um þrönga stöðu sauðfjárbænda, mál sem frá- farandi landbúnaðarráðherra tókst ekki að leysa fyrir stjórnarslit, segir Haraldur að að samhljómur sé inn- an ríkisstjórnarinnar um að koma til móts við stórfellda tekjuskerð- ingu sem bændur hafa orðið fyrir á þessu ári og því síðasta. „Þess mun gæta strax í fjáraukalögum á næstu dögum þar sem gert verður ráð fyr- ir fjárstuðningi við sauðfjárbænd- ur til skamms tíma litið. Aðgerðir til lengri tíma munu svo líta dags- ins ljós strax á næsta ári enda eru flokkarnir sammála um þá byggða- aðgerð að standa vörð um sauðfjár- rækt í landinu og treysta grundvöll búskapar. Ég er í góðu samstarfi við Kristján Þór Júlíusson nýjan land- búnaðar- og sjávarútvegsráðherra um þessi mál og veit að hann stend- ur með bændum í að leyst verði úr erfiðleikum þeirra.“ Skriður þarf að komast á samgöngumálin Samgöngumál voru fyrirferðarmik- il í kosningabaráttunni og þá iðu- lega rætt um innviðauppbyggingu. „Það er alveg ljóst að það er vilji allra flokka að bæta samgöngur í landinu. Þar sem tíminn fyrir næstu fjárlagagerð er uppurinn, mun- um við ekki geta upplýst í fjárlaga- frumvarpinu fyrir 2018 hvernig lín- urnar verða lagðar. Í fjármálaáætl- un í mars ætti hins vegar að skýr- ast hvernig staðið verður að þess- um málum,“ segir Haraldur. Að- spurður kveðst hann ósáttur við þá ákvörðun Sigurðar Inga Jóhanns- sonar, nýja ráðherra samgöngu- og sveitarstjórnarmála, þegar hann sló út af borðinu nálgun Jóns Gunn- arssonar fráfarandi ráðherra um að flýta vegabótum á suðvesturhorni landsins og fjármagna þær fram- kvæmdir með hóflegum veggjöld- um. „Það er ljóst að Sigurður Ingi er ekki að fara að vilja t.d. sveitar- stjórnarfólks á Vesturlandi sem lýst hefur sig fylgjandi slíkri fjármögn- un. Vafalítið hefur hann orðið fyrir þrýstingi frá Sunnlendingum sem eru mótfallnir veggjöldum, enda er mun lengra komið með vegabætur þar en hér hjá okkur á Vesturlandi. Þær eru raunar í allt öðrum gæða- flokki en þær samgöngur sem við Í NV kjördæmi búum við. Það er al- veg ljóst að ef ekki kemur til sér- tekna af umferð mun það taka rík- issjóð mun lengri tíma að byggja upp þjóðvegakerfið. En það eru ekki einungis vegabætur sem set- ið hafa á hakanum, í því sem kalla mætti „týnda áratuginn“. Hvorki hið opinbera, fyrirtæki eða ein- staklingar hafa staðið í fjárfesting- um þennan tíma og því hefur sam- göngukerfið setið eftir,“ segir Har- aldur og vísar þar til áratugarins eftir Hrun. „Hafnamál hafa einnig setið á hakanum svo ég tali nú ekki um vandræðamálið, vegalagningu um Teigsskóg. Ég er staðráðinn í sem þingmaður kjördæmisins að endurflytja frumvarp Teits Björns Einarssonar sem flestir þingmenn kjördæmisins stóðu að skömmu fyrir þingrof í haust. Það er mik- ill þrýstingur á að ákvörðun verði tekin í því máli. Við sjáum það best núna hversu samgöngur við sunn- Haraldur Benediktsson fyrsti þingmaður Norðvesturkjördæmis tekinn tali: „Skiptir miklu að traust og vinátta ríki milli forystufólks ríkisstjórnarflokkanna“ „Mannleg samskipti, traust og vinátta skipta gríðarmiklu máli og mun líklega skipta sköpum um að árangur náist í samstarfi þessara þriggja flokka,“ segir Haraldur Benediktsson. Haraldur í ræðustól Alþingis.

Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28

Skessuhorn

Skessuhorn

Beinir tenglar