Skessuhorn - 25.04.2018, Blaðsíða 4

MIÐVIKUDAGUR 25. ApRÍL 20184
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.976 krónur með vsk. á mánuði. Elli- og örorkulífeyrisþegar greiða
kr. 2.580. Rafræn áskrift kostar 2.337 kr. Rafræn áskrift til elli- og örorkulífeyrisþega er 2.160 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Í daufara lagi
Þegar þetta er ritað eru einungis tíu dagar í að frestur til að skila inn fram-
boðum til sveitarstjórnakosninga renni út og mánuður til sjálfra kosning-
anna. Þó er allvíða sem framboðslistar hafa ekki enn komið fram. Á öðr-
um stöðum, svo sem í Borgarbyggð, Grundarfirði og Stykkishólmi, hafa
þó að líkindum verið kynntir þeir listar sem í boði verða að þessu sinni,
þótt engan veginn sé hægt að fullyrða um það. Á Akranesi er von á að
minnsta kosti tveimur til viðbótar við þá þrjá sem komnir eru. Loks verða
að líkindum eftir hlé viðhafðar listakosningar í Hvalfjarðarsveit svo dæmi
séu tekin af stöðu framboðsmála hér í landshlutanum. Þetta mun þó allt
skýrast betur á næstu dögum, allavega ekki síðar en 5. maí þegar fram-
boðsfrestur rennur út.
Talið er að þjóðin sé haldin kosningaþreytu vegna tíðra alþingiskosn-
inga undanfarin ár og líkur á að fáir verði vansvefta yfir stjórnmálum á
annars fallegu vori. En deyfð þessi er ekki einungis bundin við almenna
kjósendur. Samkvæmt mínum heimildum hefur hjá mörgum af þeim fram-
boðum sem nú þegar hafa verið kynnt, gengið illa að manna framboðs-
listana. Jafnvel eru dæmi um að hart hafi verið lagt að fólki að halda áfram
þátttöku í efstu sætum, þótt það hafi viljað draga sig til hlés. Þrátt fyrir
það hefur ekkert prófkjör verið haldið í landshlutanum. Þess í stað hafa
flokkar ákveðið röðun á lista í tiltölulega litlum hópum félagsmanna. Skal
því engan undra að nýliðun í starfi stjórnmálaafla er lítil. Vandi gömlu
flokkanna er því að stórum hluta heimatilbúinn og öðrum er ekki til að
dreifa þar sem enginn nennir lengur að stofna sjálfstætt stjórnmálafélag
til að bjóða fram í sveitarstjórn.
Þetta leiðir til þess að almennur áhugi fyrir stjórnmálum fer þverr-
andi. Slíkt er að sjálfsögðu hábölvað og eitur í beinum sannra lýðræðis-
sinna. Kannski er hluta skýringarinnar að leita í því að sveitarstjórnarfólk
hefur kvartað undan neikvæðri orðræðu og óvæginni umræðu um störf
þeirra, einkum á samfélagsmiðlum, þar sem oft er hjólað í manninn í stað
málefnisins. Þar verður almenningur náttúrlega að gæta sín. Jafnvel þótt
heiðarleg gagnrýni eigi alltaf rétt á sér, verður fólk að vanda orðaval og
framsetingu, því stjórnmálamenn eru að sjálfsögðu viðkvæmar sálir líkt
og við hin. Líklegt er að þetta hafi haft fælandi áhrif á almennari þátt-
töku í stjórnmálum.
Niðurstaðan af þessum doða öllum saman leiðir loks til að kosninga-
þátttaka minnkar hér á landi jafnt og þétt. Náði sögulegri lægð 2014 þeg-
ar hún var einungis 66,5%. Sú staðreynd að þriðjungur kjósenda ákvað að
nýta ekki lögvarinn rétt sinn til áhrifa er sorgleg. Einnig er áhyggjuefni að
ekki hafa ennþá birst öll framboð, nú réttum mánuði fyrir kosningar. Mér
finnst það harla klént þegar menn bera því við að lögbundinn frestur sé
ekki liðinn og því liggi ekkert á! Ef metnaðurinn er ekki meiri, er tæplega
að vænta mikils slagkrafts þegar á hólminn er komið. Þeir sem gefa kost
á sér til starfa í sveitarstjórn taka nefnilega á sig miklar skyldur gagnvart
umbjóðendum sínum. Það er því mikilvægt að vel takist til við val (kosn-
ingu) á framboðslista, vönduð málefnaskrá sé tímanlega kynnt og ekki
síst að nokkrir listar verði í boði til að fólk hafi raunverulegt val. Það er
nefnilega svo að það skiptir miklu fyrir alla hvernig haldið er á spöðunum
á vettvangi sveitarstjórna þar sem höndlað er með skattpeningana okkar.
Ég vil að endingu hvetja fólk til að ræða málefni heimabyggðar við
unga fólkið okkar, ekki síst við þá sem nú hafa atkvæðisrétt í fyrsta skipti.
Ræðum við unga fólkið um mikilvægi lýðræðis og almennt nauðsyn þess
að fylgjast vel með. Þökkum fyrir að lifa í lýðræðisríki og eflum mátt þess
og megin með almennri þátttöku þegar okkur gefst tækifæri til áhrifa.
Magnús Magnússon.
Leiðari
Félag framhaldsskólakennara og
Félag stjórnenda í framhalds-
skólum skrifuðu í gær undir sam-
komulag um breytingar og fram-
lengingu á kjarasamningi við rík-
ið. Skrifað var undir samninginn
með fyrirvara um samþykki félags-
manna. Launaliður samningsins
er til samræmis við launalið þeirra
kjarasamninga sem stéttarfélög
opinberra starfsmanna hafa skrif-
að undir síðustu mánuði. Samn-
ingstíminn er stuttur, eða út mars
2019. Í viðauka við samkomulag-
ið er fjallað um ferli breytinga á
vinnumati.
Samhliða kjarasamningi liggur
fyrir samkomulag við mennta- og
menningarmálaráðherra um að
350 til 400 milljónum skuli varið
til endurmats á vinnumati þeirra
áfanga sem falla undir meginbreyt-
ingu á námstíma til stúdentsprófs.
Samningurinn verður nú kynntur
félagsmönnum FF og FS og hefur
formaður Félags framhaldsskóla-
kennara þegar sent bréf á félags-
menn og farið nánar yfir sérstök
atriði samningsins. mm
Framhaldsskólakennarar sömdu
Oddur S. Jakobsson hagfræðingur KÍ, Guðbjörn Björgólfsson, Þorbjörn Rúnars-
son, Sigrún Lilja Guðbjörnsdóttir, Guðríður Arnardóttir, formaður FF, Elna Katrín
Jónsdóttir, Snjólaug Elín Bjarnadóttir formaður FS, Sólveig Ebba Ólafsdóttir og
Brynjólfur Eyjólfsson.
Að minnsta kosti tvenn hjón, sem
bæði reka fyrirtæki á Akranesi, fengu
í síðustu viku tölvupósta frá þrjótum
sem reyna allt hvað þeir geta til að
svíkja út fé. Meðfylgjandi er skjáskot
af öðrum tölvupóstinum sem barst
eiginkonu ritstjóra Skessuhorns á
miðvikudagsmorgni. pósturinn er
skrifaður í nafni eiginmannsins sem
biður náðarsamlegast um að 18.950
evrur verði millifærðar inn á banka
í London. Ástæða er til að vara við
skilaboðum frá tölvuþrjótum af
þessu tagi, en lögreglu hefur verið
gert viðvart og mun rannsaka málið.
mm
Margvíslegar leiðir reyndar til fjársvika
Menningar- og safnanefnd Akra-
neskaupstaðar hefur óskað eftir til-
lögum almennings til útnefning-
ar bæjarlistamanns Akraness fyrir
árið 2018. Bæjarlistamaður Akra-
ness hefur verið útnefndur árlega
frá árinu 1992 þegar Hreinn Elías-
son myndlistarmaður hlaut þá við-
urkenningu. Leirlistarkonan Kol-
brún S. Kjarval var útnefnd bæjar-
listamaður Akraness á síðasta ári.
Tillögum skal skilað inn rafrænt
í gegnum heimasíðu Akraneskaup-
staðar fyrir 11. maí næstkomandi.
Menningar- og safnanefnd mun
fara yfir allar tillögur sem berast og
verða niðurstöðurnar kynntar við
hátíðlega athöfn á þjóðhátíðardag-
inn 17. júní. kgk
Óskað eftir tillögum um bæjarlistamann
Kolbrún S. Kjarval var útnefnd bæjarlistamaður Akraness 2017. Ljósm. akranes.is.
Fyrir fundi sveitarstjórnar Dala-
byggðar á þriðjudag í liðinni viku lá
bréf frá forsvarsmönnum Nesodda
ehf, eiganda reiðhallarinnar í Búð-
ardal. Gerð var grein fyrir skulda-
vanda félagsins en rekstur þess var
í bréfinu sagður stefna í þrot að
óbreyttu á næstu vikum yrði ekki
brugðist við skuldavandanum. Eig-
endur Nesodda ehf. töldu sig geta
lagt fram fjórar milljónir króna til
að leysa skuldavanda reiðhallarinn-
ar. Það eitt og sér dygði þó ekki til.
Óskað var eftir stuðningi sveitar-
stjórnar vegna málsins, hvort sem
var í formi styrks eða hlutafjár.
Sveitarstjórn samþykkti að í ljósi
þess að reiðhöllin hefur hleypt lífi
í hestamennsku í Dalabyggð og
vegna þess að hestamenn hafa m.a.
sinnt ungmennastarfi af myndar-
skap, að styrkja Nesodda ehf. um
fjórar milljónir króna. Styrkurinn
er skilyrtur því að eigendur Ne-
sodda ehf. leggi fram jafn háa upp-
hæð og að skuldavandi félagsins
verði þar með leystur. mm
Reiðhöllin í Búðardal. Ljósm. sm.
Komið til móts við fjárhagsvanda Nesodda ehf.