Skessuhorn - 25.04.2018, Blaðsíða 14
MIÐVIKUDAGUR 25. ApRÍL 201814
Embætti lögreglustjórans á Vestur-
landi tók til starfa 1. janúar 2015 í
kjölfar þess að gerðar höfðu ver-
ið breytingar á embættum sýslu-
manna með stofnun sjö nýrra lög-
regluembætta í landinu sem tóku
við starfsemi lögreglu sem áður til-
heyrðu embættum sýslumanna. Fyr-
ir stofnun embættisins voru þrír lög-
reglustjórar starfandi á Vesturlandi.
Höfðu þeir aðsetur á Akranesi, í
Borgarnesi og Stykkishólmi. Aðal-
stöð lögreglustjóra er nú í Borgar-
nesi og aðrar lögreglustöðvar eru á
Akranesi, í Ólafsvík, Grundarfirði,
Stykkishólmi og Búðardal. Úlfar
Lúðvíksson gegnir starfi lögreglu-
stjóra en var áður sýslumaður á pat-
reksfirði og Ísafirði og lögreglu-
stjóri á Vestfjörðum. Þar áður var
hann skrifstofustjóri og staðgeng-
ill sýslumannsins í Reykjavík. Úlfar
hefur nú gegnt starfinu í á fimmta
ár og segir nokkuð góða reynslu
komna á nýtt embætti og þær sam-
einingar sem áttu sér stað sem hann
segir hafa verið framfaraspor í lög-
gæslumálum hér á landi. Verkefni
við sameiningu voru mörg og huga
þurfti að ýmsum þáttum í rekstri nýs
embættis. Blaðamaður Skessuhorns
settist í liðinni viku niður með Úlf-
ari á skrifstofu hans og ræddi með-
al annars um sameiningu lögreglu-
liða, nýja lögreglusamþykkt, helstu
verkefni lögreglunnar á Vesturlandi
og þær áskoranir sem fylgja aukinni
umferð.
Endurnýjaður
tækjabúnaður og
vinnuaðstaða
Það var ákvörðun innanríkisráðu-
neytisins á sínum tíma að hafa að-
alstöð lögreglunnar á Vesturlandi í
Borgarnesi. Í aðdraganda þess var
það gagnrýnt af bæjaryfirvöldum á
Akranesi sem töldu eðlilegt að nýr
lögreglustjóri ætti sína bækistöð í
langfjölmennasta sveitarfélaginu.
„Ég hafði sjálfur lagt það til á loka-
metrunum en geri og gerði, eftir að
ákvörðun hafði verið tekin um hvar
höfuðstöðvarnar ættu að vera, engan
ágreining um það, enda Borgarnes
ágætlega í sveit sett að þessu leyti.“
Úlfar segir að núningur um staðar-
valið hafi ekki haft neikvæð áhrif á
samstarf og samvinnu við sveitarfé-
lög og samstarf við þau hefur verið
gott frá stofnun embættisins.
Lögreglustöðin í Borgarnesi er í
sama húsi og skrifstofa sýslumanns.
Eftir að Úlfar tók við sem lögreglu-
stjóri hefur öll aðstaða lögreglu
breyst til batnaðar í Borgarnesi og á
Akranesi þar sem segja má að lög-
reglustöðvar hafi verið svo gott
sem endurnýjaðar. Frá skrifstofunni
hans er gott útsýni yfir fjörðinn og
yfir í Hafnarfjallið. Stólar með há-
bleikum bökum eru allt í kringum
fundarborð á skrifstofunni og Úlfar
útskýrir að þeir hafi nú átt að vera
grátóna. Þetta hafi hins vegar verið
það sem hann fékk sent frá verslun-
inni; „og ég var ekkert að leiðrétta
það,“ segir hann glettinn. Hon-
um finnst mikilvægt að lögreglu-
menn og aðrir starfsmenn embætt-
isins hafi góða vinnuaðstöðu og að
tækja- og búnaðarmál séu í lagi. „Ég
sé jákvæða kosti í því að bjóða upp
á þrifalega og huggulega vinnuað-
stöðu og skreyta veggi með líflegum
ljósmyndum. Tæki og annar búnað-
ur þarf að vera í lagi ekki síst vegna
öryggis lögreglumannsins. Á síðasta
ári var fjárfest fyrir á sjötta tug millj-
óna. „Þetta eru uppsafnaðar þarfir
til margra ára,“ segir Úlfar.
Ríkislögreglustjóri
þarf að standa betur
við áætlanir
Fyrir nokkrum dögum fékk emb-
ættið afhentan nýjan lögreglubíl af
gerðinni Volvo V90 Cross Country
sem er sérhannaður bíll fyrir lög-
reglu. Úlfar segir þetta vera hluti af
því að hafa vinnuaðstöðu lögreglu-
manna góða. „Bíllinn er þeirra vinnu-
tæki og þetta snýst meðal annars um
að fólki líði vel í vinnunni og að ör-
yggi starfsmanna sé sem best tryggt.“
Lögreglubíllinn er örlítið frábrugð-
inn eldri lögreglubílum í útliti. Hann
er með samevrópskum merkingum
sem er nýtt útlit hjá lögreglunni hér á
landi. Merkingarnar hafa betra end-
urskin, eru einfaldari í litasamsetn-
ingu og sjást af lengra færi. Lögreglu-
bíllinn hefur það þó fram yfir bílinn
á almenna markaðinum að hafa sér-
útbúið rafkerfi, bremsur, öflugri vél
og sérstyrkta fjöðrun. Hann hefur
þegar verið tekinn í notkun víðsveg-
ar um Norðurlönd og í Evrópu. Bíll-
inn er árgerð 2017 og átti upphaf-
lega að koma til lögreglunnar síðasta
sumar en er nú loks kominn. Úlfar
segir að embætti ríkislögreglustjóra
þurfi að standa betur við sínar áætl-
anir við endurnýjun ökutækja lög-
reglu; „en auðvitað tökum við nýja
bílnum fagnandi,“ bætir hann við.
Ný lögreglusamþykkt í
undirbúningi
„Ég geri ráð fyrir að lögreglumenn í
nýju liði finni til aukins styrks í stærri
hópi. Vinnustaðurinn er stærri og
það er jákvæð breyting,“ segir Úlf-
ar. Hann bendir á að áður fyrr hafi
verið nokkur rígur á milli lögregl-
unnar í Borgarnesi og lögreglunnar
á Akranesi. Það sé liðin tíð. Þá geti
lögreglulið víðs vegar um landshlut-
ann leitað ráða hjá kollegum sínum
á öðrum lögreglustöðvum embætt-
isins. Þetta leiði til betri samvinnu
og betri löggæslu í landshlutanum.
„Á Akranesi erum við með öfluga
starfsemi og kröftuga rannsóknar-
deild og hún verður þar áfram, því
verður ekki breytt.“ Úlfar segir það
heyra til undantekninga að kvartanir
rati inn á hans borð og engar vegna
sameiningarinnar. Hans tilfinning sé
að íbúar í umdæminu og starfsmenn
séu ánægðir með breytingarnar. „Ég
held að sameiningin hafi verið til
bóta,“ segir Úlfar staðfastur.
Embættið hefur nú nýlega kynnt
sveitarfélögum tillögu að nýrri lög-
reglusamþykkt fyrir umdæmi lög-
reglu en í dag eru í gildi fjórar lög-
reglusamþykktir en sveitarfélögin
eru tíu á starfssvæðinu. Úlfar bind-
ur vonir við að það taki ekki langan
tíma fyrir sveitarfélögin að komast
að samkomulagi um sameiginlega
lögreglusamþykkt sem dómsmála-
ráðuneytið þarf síðan að staðfesta.
Það gerðu sveitarfélög á Suðurlandi
seint á síðasta ári og vonir standa til
þess að sveitarfélög á Vesturlandi
fylgi því fordæmi.
Lögreglusamþykktir eiga sér stoð
í lögum um lögreglusamþykktir en í
þeim er kveðið á um það sem varð-
ar allsherjarreglu hjá viðkomandi
sveitarfélögum og ástæða þykir til að
setja um reglur. Í lögreglusamþykkt
má finna reglur nærsamfélagsins;
svo sem um óspektir á almannafæri,
leyfilega staði til að tjalda á, um með-
ferð dýra, umferðarreglur og margt
fleira. Lögreglusamþykkt sem gilti
fyrir öll sveitafélögin í umdæmi lög-
reglunnar á Vesturlandi væri til bóta
fyrir lögreglu og alla þá sem fara
um umdæmið, ekki bara þá sem hér
dvelja til lengri eða skemmri tíma.
„Það væru jákvæð áhrif af samein-
ingunni. Ég á ekki von á öðru en að
lögreglusamþykktirnar verði sam-
einaðar í eina.“
Þarf að fjölga mennt-
uðum lögreglumönnum
Eins og önnur embætti finnur lög-
reglan á Vesturlandi fyrir því að
mannafla skortir. „Það vantar
áþreifanlega fleiri lögreglumenn.
Það finna öll embætti fyrir því,“
segir Úlfar. Það þurfi þó fjármagn
til að fjölga í liði lögreglunnar sem
er ekki alltaf fyrir hendi. „Ég myndi
alveg þiggja fleiri lögreglumenn í
vinnu. Það þarf klárlega að fjölga
menntuðum lögreglumönnum. Við
reynum að manna hvern útkallsbíl
með tveimur lögreglumönnum og
það gengur oftast upp á suðursvæði
embættisins en síður á öðrum stöð-
um. Ég deili þeirri útbreiddu skoð-
un innan lögreglunnar að tveir lög-
reglumenn starfi ávallt saman á út-
kallsbíl. Það er skoðun þeirra sem
þekkja til lögreglustarfa.“
Umferðaröryggi helsta
áhyggjuefnið
Helstu verkefni lögreglunnar á Vest-
urlandi snúa að umferðinni. Í vetur
hafa raddir verið háværar þar sem
hluta Vesturlandsvegar um Kjalar-
nes er lýst sem ónýtum vegi. Þessu
er Úlfar sammála en hann sér margt
við veginn sem honum finnst algjör-
lega óásættanlegt. Í vætutíð séu að-
stæður beinlínis hættulegar þar sem
rásirnar á veginum fyllist af vatni.
„Maður ekur ekki í vatnsrásunum,
heldur bílnum utan þeirra þá nærri
miðlínu vegar eða út við vegöxl.
Þetta er ekki traustvekjandi.“ Um-
ferðarþungi á veginum hefur jafn-
framt aukist gríðarlega á síðustu
árum, með komu fleiri ferðamanna
til landsins. Úlfar bendir á að yfir-
borðsmerkingar séu lélegar á mörg-
um stöðum og þeir sem ekki þekkja
vel til, ekki síður en staðkunnug-
ir, gætu lent í vandræðum vegna
þessa. Það vanti miðlínur og enda-
línur og stundum vegstikur. „Það
dregur verulega úr lífslíkum mínum
þegar ég er á ferð um úrsérgengna
þjóðvegi. Vegagerðin er oftast sein
til með slíkt viðhald. Ég hef þó átt í
góðum samskipum við Vegagerðina
sem virðist þjökuð af fjárskorti.“
Stjórnvöld
bregðast seint við
aðsteðjandi vanda
Snemma árs 2017 kom lögregl-
an á Vesturlandi fram með tillögur
að heppilegum áningarstöðum við
þjóðveginn og kynnti fyrir Vega-
gerð og Samtökum sveitarfélaga á
Vesturlandi. Úlfar segir að lögregl-
an hafi þannig sýnt ákveðið frum-
kvæði en ekkert hefur frést frekar
af því máli. „Við reynum hinsvegar
að hreyfa við málum sem eru ekki
beinlínis á okkar sviði en geta haft
jákvæð áhrif í öryggisátt.“ Tilfellið
sé að stjórnvöldum á hverjum tíma
gengur erfiðlega að sjá hluti fyrir og
bregðast við aðsteðjandi vanda tím-
anlega. „Það þarf oft eitthvað að fara
úrskeiðis til að einhverju verði gert,“
segir Úlfar og tekur dæmi um bana-
slysin á Grindavíkurvegi. Á þriggja
mánaða tímabili létust tveir í bíl-
slysum á sama vegarkafla. Snemma
á þessu ári varð banaslys á Kjalar-
nesi, þar sem karlmaður á fertugs-
aldri lést. Eftir slysið urðu raddir
íbúa Vesturlands háværari um end-
urbætur á Vesturlandsvegi. Það er
þó enn óséð hvort farið verði í fram-
kvæmdir á næstunni. „Íbúar þessa
„Sameining lögregluembættanna hefur verið til bóta“
Rætt við Úlfar Lúðvíksson um helstu verkefni lögreglunnar á Vesturlandi
Úlfar Lúðvíksson hefur verið lögreglustjóri á Vesturlandi undanfarin fjögur ár. Hann segir sameiningu lögregluembættanna
á Vesturlandi hafa tekist vel og sé mjög jákvæð breyting.
Lögreglan á Akranesi fékk nýverið afhentan nýjan lögreglubíl. Bíllinn er með sam-
evrópskum merkingum og sérhannaður lögreglubíll. Ljósm. Björn Andrésson.
Bundnar eru vonir til þess að nýr ómerktur myndavélabíll tempri hraðann á þjóð-
vegunum. Hér má sjá myndavélabúnaðinn sem um ræðir.
Ljósm. úr safni Skessuhorns.