Skessuhorn - 25.04.2018, Blaðsíða 21
MIÐVIKUDAGUR 25. ApRÍL 2018 21
Samfylking og óháð bjóða fram lista
í sveitarstjórnarkosningum í Borgar-
byggð. Þar er á ferðinni einbeittur
hópur sem sér hag í því að sveitar-
félagið nýti þau miklu og fjölbreyttu
tækifæri sem blasa við. Það eru tæki-
færi til að bæta þjónustu og bú-
setuskilyrði, byggja upp innviði og
mannauð og ekki síst til að efla sam-
tal og samvinnu í Borgarbyggð.
Áherslur framboðsins verða á ráð-
deild í fjármálum, bætta þjónustu og
uppbyggingu í sinni víðustu mynd.
Með skýrri markmiðasetningu í anda
þess sem gert var á síðasta kjörtíma-
bili í sameiginlegu verkefni sveitar-
stjórnar sem kallað var „Brúin til
framtíðar“, aðhaldi og sókn er hægt
að styrkja enn frekar fjárhag Borg-
arbyggðar. Jafnframt þyrfti að taka
varfærin en ákveðin skref í að draga
úr gjöldum, lækka fasteignaskatta
og gera þannig Borgarbyggð alla að
enn álitlegri búsetukosti. Í því sam-
hengi er nauðsynlegt að efla stjórn-
sýsluna til þess að takast á við auk-
in og flóknari verkefni tengd skipu-
lagsmálum. Það er hægt að gera með
áherslu á mannauðs- og gæðamál,
skilgreina og bæta verkferla ásamt
því að innleiða umbótamiðað verk-
lag innan stjórnsýslunnar. Vaxandi
þörf fyrir afgreiðsluhraða og flók-
in úrlausnarefni eru langt frá því að
vera einskorðuð við Borgarbyggð
og því væri áhugavert að kanna
möguleikann á því að stofnað verði
stoðsvið skipulagsmála á Vesturlandi
í gegnum Samtök sveitarfélaga á
Vesturlandi, SSV. Þannig væri hægt
að efla þjónustu í skipulagsmálum á
hagkvæmari hátt sem og að efla enn
frekar samvinnu sveitarfélagana.
Við þurfum að leggja ofurkapp
á uppbyggingu húsnæðis við sem
flestra hæfi og laða til okkar fólk
sem vill taka þátt í uppbyggingu
samfélagsins. Sem samfélag þurfum
við að setja okk-
ur markmið varð-
andi íbúafjölgun, fjölgun atvinnu-
tækifæra, móttöku ferðamanna og
ánægju íbúa. Það þarf ekki einung-
is að auka kraftinn í skipulagsmál-
um eða fegra umhverfi, heldur þarf
að leggja áherslu á upplýsinga- og
kynningarmál. Við þurfum að efla
upplýsingagjöf sveitarfélagsins inn
á við og útá við og varpa ljósi á þau
lífsgæði sem við íbúar í Borgarbyggð
þekkjum svo vel. Við eigum að
standa stolt þegar við kynnum öðr-
um þau tækifæri sem felast í búsetu í
Borgarbyggð allri. Með því að fjölga
nýjum íbúum, aukum við tekjur og
getum staðið undir bættri þjónustu á
fleiri sviðum.
Eitt mikilvægasta verkefni Borg-
arbyggðar er lærdómssamfélagið,
skólarnir. Í skólastefnu sem unnið
er eftir til ársins 2020 er undirstrik-
uð nauðsyn þess að þeir hafi frelsi
og tækifæri til nýsköpunar í skóla-
starfi og til að efla sitt innra starf.
Við bakið á þeirri stefnu þurfum við
að standa. Það er ekki síður mikil-
vægt að bæta aðstöðu bæði nemenda
og starfsfólks. Þess vegna viljum við
að standa vel að þeim framkvæmd-
um sem nú eru að hefjast, byggingu
á fjölnota sal við Grunnskólann í
Borgarnesi og leikskóla á Klepp-
járnsreykjum. Huga þarf að viðhaldi
og endurbótum í öðrum skólum,
skólalóðum og íþróttamannvirkjum
um allt sveitarfélagið. Með skýru
samtali, markmiðasetningu og fram-
tíðarsýn getum við farið í uppbygg-
ingu í Borgarbyggð allri því tæki-
færin eru sannarlega til staðar.
Magnús Smári Snorrason
Höfundur skipar oddvitasætið fyr-
ir Samfylkinguna og óháð í komandi
sveitarstjórnarkosningum í Borgar-
byggð.
Byggjum upp á
góðum grunni
Pennagrein
Kvikmyndahátíðin WideScreen
Film & Music Video Festval fór
fram í Miami í Flórídafylki í Banda-
ríkjunum um þarsíðustu helgi.
Á hátíðinni fékk Knútur Hauk-
stein Ólafsson, kvikmyndagerðar-
maður á Akranesi, verðlaun fyrir
bestu klippingu á tónlistarmynd-
bandi. Verðlaunin hlaut hann fyrir
myndband við lagið Hope með ís-
lensku hljómsveitinni Major pink,
en Knútur leikstýrði einmitt því
myndbandi.
Knútur var að vonum hinn
ánægðasti og í ræðu sem hann flutti
við þetta tækifæri þakkaði hann og
sagðist deila verðlaununum með
samverkamönnum sínum við klipp-
ingu myndbandsins. Þeir ættu jafn-
mikið í verðlaununum og hann
sjálfur.
Þess má til gamans geta að
myndbandið við lagið Hope hefur
um þrjú þúsund áhorf á YouTube
myndbandaveitunni og kostaði að
sögn Knúts innan við 15 þúsund
krónur að búa til. Á hátíðinni sigr-
aði það meðal annars myndband
sem hefur yfir tvær og hálfa milljón
áhorfa á YouTube og kostaði marg-
falt meira í framleiðslu.
kgk
Verðlaunaður fyrir bestu
klippingu tónlistarmyndbands
Knútur Haukstein Ólafsson, kvikmyndagerðarmaður á Akranesi, þakkar fyrir sig
á kvikmyndahátíðinni.
Í vikunni tók ég þátt í minni fyrstu
íbúakosningu hér á Akranesi. Ég
kaus um það hvort úr sér gengið
steinsteypt mannvirki sem hefur
ekki lengur notagildi fái að standa
sem minnisvarði. Til hamingju bæj-
aryfirvöld – nú getur enginn sagt
að ekki ríki íbúalýðræði á Akranesi!
Í síðustu viku fór ég líka í fjöru-
ferð með litla drengnum mín-
um og ömmu hans í Krókalónið.
Krókalónið sem bráðum verður
ekki lengur lón. Sem bráðum verð-
ur fyllt upp í til þess að standa und-
ir öðru steinsteyptu mannvirki sem
mun um tíma hafa notagildi – þar
til það hefur það ekki lengur.
Ætli þegar þar að kemur verði
íbúakosning um hvort það mann-
virki fái að standa áfram sem minn-
isvarði?
Það er alveg nóg af einstökum
fjörum hérna á Akranesi til að skot-
tast í. Við fjörulallarnir getum bara
farið í Steinsvör eða Skarfavör á
meðan þær fá að standa í friði.
Ég vil allavega bara fyrir mitt leyti
koma því á framfæri að mér finnst
algjör óþarfi að við íbúarnir kjósum
um það hvort náttúrulegur hluti af
strandlengjunni okkar fari undir
óafturkræfa landfyllingu því það er
svo borðleggjandi að það þarf ekki
einu sinni að kjósa um það.
Tinna Steindórsdóttir
Höf. er íbúi á Akranesi.
Strompaðu þetta!
Pennagrein
Blakdeild Ungmennafélags
Grundarfjarðar stóð fyrir árlegu
kótilettukvöldi í sal Fjölbrauta-
skóla Snæfellinga síðasta vetrar-
dag. Þá voru bornar fram góm-
sætar kótilettur í raspi, kartöflur,
grænar baunir, rauðkál og bráð-
ið smjör. Allur ágóði af kvöldinu
rann til blakdeildar en stutt er síð-
an stelpurnar komu úr dýru ferða-
lagi frá Norðfirði þar sem þær
tryggðu sér Íslandsmeistaratitilinn
í 3. deild. Góð mæting var enda
margir hrifnir af þessum kræsing-
um. tfk
Kótilettukvöld blakstelpna
Eins og glöggir vegfarendur hafa
tekið eftir eru veggirnir á húsnæði
Hraðfrystihúss Hellissands á Hell-
issandi að taka á sig breytta mynd
þessa dagana. Listamennirnar sem
þarna eru að verki koma allsstað-
ar að úr heiminum. Flestir erlend-
ir, en þeir taka þátt í nýju verkefni
Hellissandur; Street Art Capital
of Iceland. Hugmyndina að þessu
fékk Kári Viðarsson, leikari og at-
hafnamaður fyrir nokkrum mán-
uðum og er það nú komið í fram-
kvæmd. Von er á átta listamönnum
í sumar og munu þeir verja allt frá
einni og upp í sex vikum hver við að
vinna að þessu verkefni. Flestir lista-
mennirnar sóttu um að fá að taka
þátt í verkefninu í gegnum alþjóð-
leg samtök sem heita ArtTrvl en það
eru samtök listamanna sem sækjast
eftir því að ferðast um heiminn og
taka þátt í verkefnum sem þessum
í leiðinni. Munu þeir mála myndir
tengdar þjóðsögum af svæðinu og
er vinna hafin við myndir úr sögu
Axlar Björns og mun hún klárast á
næstu dögum.
Sögurnar sem verkin á húsnæði
hraðfrystihússins munu byggjast á
eru Bárðar Saga Snæfellsbáss, sagan
af Axlar Birni, Fróðárundrin, Ferð-
in að miðju jarðar eftir Jules Verne
og sagan af því þegar geimverur áttu
að lenda á Snæfellsjökli 5. nóvember
1993. Í framhaldi af þessu verða svo
nokkrar fleiri byggingar á Hellis-
sandi skreyttar af vegglistaverkum,
meðal annars gamla slökkvistöðin
við Naustabúð. þa
Listaverk sett á veggi fyrirtækja