Skessuhorn - 19.09.2018, Blaðsíða 18
MIÐVIKUDAGUR 19. SepteMBeR 201818
Vegna vætutíðar á Vesturlandi um
sumarmánuðina gátu bændur víð-
ast hvar í landshlutanum ekki haf-
ið slátt eins fljótt og þeir hefðu kos-
ið. einnig var nokkuð um að þeir
þyrftu að hirða beint úr sláttuskár-
anum eða í öllu falli sætta sig við
að hirða heyið blautara en gengur
og gerist. Sömu sögu er að segja af
bændum á Suðurlandi. Þrátt fyr-
ir það er ekkert sem bendir til þess
að hey sumarsins séu slæmt fóð-
ur, að sögn elísabetar Axelsdótt-
ur, framkvæmdastjóra og eiganda
rannsóknastofunnar efnagreining-
ar ehf. á Hvanneyri.
„Við sjáum engin teikn á lofti
um að hey séu léleg. Þrátt fyrir að
þau séu blaut er fátt sem bendir til
þess að þau séu mikið orkuminni
eða steinefnasnauðari, ef miðað er
við kg af þurrefni. Skepnunar þurfa
ákveðið magn af þurrefni, sem
ræðst af efnainnihaldinu, en eðli-
lega þurfa þær því fleiri kg af heyi
eftir því sem það er blautara,“ segir
elísabet í samtali við Skessuhorn.
„Það má eiginlega segja að heysýn-
in sem koma til okkar frá Suður-
og Vesturlandi séu meira og minna
vothey, það er að segja 30-40%
þurr. Við sjáum sýrustig sem við
höfum ekki séð áður, en þeim mun
lægra sem sýrustigið, pH, er þeim
mun súrara er heyið. Það kemur
aðeins á óvart að bændur virðast
hafa náð góðri verkun þótt þeir hafi
þurft að glíma við mjög óvenjulega
blaut hey eða alveg niður í um 20%
af þurrefni. Það ber lítið á smjör-
sýrulykt,“ bætir hún við.
Þannig að heilt yfir segir elísa-
bet niðurstöður úr efnagreiningum
á heyi frá Vesturlandi vera nokkuð
góðar, miðað við þau sýni sem hún
hefur greint. „Mér sýnist vera mjög
góð hey á Norður- og Austurlandi,
frekar þurr og orkurík. Það er ekki
amalegt að vinna með ilmandi töðu
alla daga en votheyslyktin er líka
oftast góð,“ bætir hún við.
Á kafi við
efnagreiningar
efnagreining efh. er starfrækt í
gömlu nautastöðinni á Hvanneyri
af elísabetu og eiginmanni henn-
ar, Arngrími thorlacius. elísabet
er framkvæmdastjóri fyrirtæksins
og annast allan daglegan rekstur
þess. Hún segir meira en nóg að
gera um þessar mundir. „Við erum
á kafi við að greina sýni núna, það
er þvílíkt innstreymi af sýnum og
miklu meira en verið hefur. Bæði
tel ég það vegna þess að nú hyggj-
ast margir bændur flytja hey til
Noregs en einnig vegna þess að
bændur sjá hag sinn í því að senda
sýnin til okkar, frekar en að senda
þau utan. Aðstæður voru þann-
ig fyrir nokkrum árum að bændur
sáu sér þann kost vænstan að senda
heysýnin til greiningar í Hol-
landi. en núna virðast þeir hafa
snúið við blaðinu og ég vona bara
að þeir séu steinhættir því,“ seg-
ir hún létt í bragði. „Á þeim tíma
sá Landbúnaðarháskóli Íslands um
heyefnagreiningar fyrir bændur og
var þjónustan í heyefnamælingum
ekki að standast tímans tönn. Við
erum hins vegar komin með all-
ar þær greiningar sem þörf er fyr-
ir. erum vel tækjum búin og höf-
um látið hanna fyrir okkur gagna-
grunn og hugbúnað til að tengj-
ast beint við NorFor, samnor-
ræna fóðurmatskerfið. Bændur eru
því farnir að sækja í auknum mæli
til okkar með efnagreiningar. Við
erum óskaplega ánægð með það
og þakklát fyrir viðtökurnar,“ segir
elísabet að endingu.
kgk/ Ljósm. úr safni.
tryggvi Harðarson var í síðustu
viku ráðinn sveitarstjóri Reykhóla-
hrepps. Hann tekur við af Ingi-
björgu Birnu erlingsdóttur, sem
greindi frá því í vor að hún gæfi ekki
kost á sér til starfsins áfram. Skessu-
horn sló á þráðinn til tryggva eft-
ir hádegi á mánudag, sem var ein-
mitt fyrsti dagurinn hans í nýju
vinnunni. „Það er fyrsti dagurinn á
skrifstofunni í dag og þetta leggst
vel í mig. Ég er búinn að vera að
undirbúa mig undanfarið, sækja
námskeið og ýmislegt fleira til upp-
rifjunar, sem og að setja mig inn
í ýmis mál,“ segir tryggvi sem er
enginn nýgræðingur á sviði sveitar-
stjórnarmála. „Ég var í bæjarstjórn
í Hafnarfirði um 16 ára skeið, síð-
an bæjarstjóri á Seyðisfirði í fjögur
ár og sveitarstjóri í Þingeyjarsveit í
önnur fjögur. Þannig að ég er bú-
inn að taka rúntinn um landið,“
segir hann léttur í bragði.
tryggvi lét af störfum norður
í Þingeyjarsveit árið 2012. Hann
hefur starfað sem undirverktaki í
járnabindingum á höfuðborgar-
svæðinu undanfarin ár. Þar hefur
hann haft í nógu að snúast, enda
mikill uppgangur verið í bygginga-
iðnaðinum síðustu ár. en hvers
vegna ákvað hann að snúa sér aft-
ur að sveitarstjórnarmálum? „Ég er
búinn að fá góða hvíld og þræla að-
eins með líkamanum. Það er stund-
um kærkomið að breyta svolítið til.
Ég hef jú varið stórum hluta ævi
minnar, 24 árum, til sveitarstjórn-
armála. Mér finnst sveitarstjórn-
armál mjög skemmtileg en í þeim
málum eins og öðrum þarf stund-
um að taka smá frí,“ segir hann.
Nýr Vestfjarðavegur
stærsta málið
Spurður um málefni sveitarfélags-
ins segir tryggvi engan vafa leika á
að eitt mál sé þar áberandi stærst og
mest aðkallandi. „Það liggur alveg
fyrir að það er nýr Vestfjarðaveg-
ur. Ég tel vera lykilatriði að fá botn
í það sem allra fyrst. Þetta mál er
búið að vera til vansa í langan tíma
en ég vona að núna hilli undir end-
anlega ákvörðun svo hægt verði að
ráðast í vegaúrbætur á þessu svæði,“
segir hann. „Síðan er auðvitað eitt
og annað sem þarf að skoða. At-
vinnumálin eru auðvitað mikilvæg
mál og síðan eru skóla- og félags-
mál stór þáttur í starfi hvers sveit-
arfélags. Það getur vissulega ver-
ið áskorun að halda atvinnumál-
um í góðum höndum á stöðum sem
þessum. Í því sambandi er lykilat-
riði að fólk geti búið á stöðum þar
sem atvinnu er að hafa. Núna seinni
ár, eins og fram hefur komið, hef-
ur oft vantað húsnæði fyrir starfs-
fólk fyrirtækja í Reykhólahreppi því
einkaaðilar hafa ekki treyst sér til
að byggja þar sem markaðsverð er
langt undir byggingakostnaði. Þar
þarf að finna úrlausnir til að fólk
geti komið og búið og starfað þar
sem það vill vera,“ segir tryggvi.
Ætlar í réttir
um helgina
tryggvi flutti vestur að Reykhól-
um frá höfuðborginni um síðustu
helgi og er hægt og rólega að koma
sér fyrir. „Ég flutti á laugardag-
inn, leigi gamla skólastjórabústað-
inn við Skólabraut 1 á Reykhólum.
Ég á stóra fjölskyldu og á von á því
að hún verði dugleg að heimsækja
mig,“ segir hann. „Ég er loksins
orðinn lögformlegur Vestfirðingur,
flutti lögheimilið mitt á Vestfjarða-
kjálkann í dag,“ bætir hann ánægð-
ur við. „Fyrsta daginn í vinnunni
er ég bara að reyna að komast inn í
tölvurnar og kerfið og fara yfir alla
tölvupóstana sem biðu mín. Næst á
dagskrá er að setja sig inn í þau mál
sem eru í gangi, auk þess sem allt-
af eru að koma upp einhver ný og
spennandi verkefni sem þarf að taka
afstöðu til. Síðan held ég bara áfram
að koma mér fyrir, taka upp úr köss-
unum. Það tekur allt sinn tíma. Ég
kom rúminu upp á sunnudaginn og
svona því helsta. Hitt verður sjálf-
sagt að tínast upp úr kössunum
alla vikuna,“ segir tryggvi léttur í
bragði. „Ég ætla að kíkja í réttir um
helgina, fylgjast með þar og hitta
fólk. Síðan ætla ég að reyna að fara
um sveitarfélagið og kynna mér alla
anga þess á næstunni. Landfræði-
lega er Reykhólahreppur mjög stórt
sveitarfélag og vegalengdir mikl-
ar. Ég ætla að reyna að ferðast um
það á næstunni, átta mig á landslag-
inu og hitta íbúana, spjalla við þá og
heyra hvað brennur þeim í brjósti,“
segir tryggvi Harðarson að end-
ingu. kgk
tómas Guðbjartsson og Ólaf-
ur Már Björnsson hlutu á mánu-
daginn fjölmiðlaverðlaun um-
hverfis- og auðlindaráðuneytis-
ins og Sveinn Runólfsson fékk
Náttúruverndarviðurkenningu
Sigríðar í Brattholti. Verðlaunin
voru veitt í tengslum við Dag ís-
lenskrar náttúru. Að venju valdi
dómnefnd skipuð fagfólki úr
fjölmiðlum handhafa fjölmiðla-
verðlaunanna en í henni sátu í ár
Ragna Sara Jónsdóttir formaður,
Jón Kaldal og Valgerður Anna
Jóhannsdóttir.
Var það niðurstaða dóm-
nefndar að veita þeim tóm-
asi og Ólafi Má fjölmiðlaverð-
launin fyrir myndefni, upp-
lýsingar og greinaskrif um ís-
lenska náttúru á síðustu tólf
mánuðum. Segir í rökstuðningi
nefndarinnar að þeir félagar
hafi heimsótt fjölmarga staði og
sótt þangað nýtt efni, bæði ljós-
myndir og myndskeið og nýtt
sér samfélagsmiðla og aðra fjöl-
miðla til að koma þessu efni á
framfæri.
mm
Vegna vætutíðar á liðnu sumri gátu vestlenskir bændur víðast hvar ekki hafið slátt eins fljótt og þeir hefðu helst kosið.
„Engin teikn á lofti um að hey séu léleg“
- segir Elísabet Axelsdóttir, framkvæmdastjóri Efnagreiningar ehf. á Hvanneyri
Elísabet Axelsdóttir, framkvæmda-
stjóri Efnagreiningar ehf. á Hvanneyri.
Tryggvi Harðarson, nýráðinn sveitar-
stjóri Reykhólahrepps.
Starfið leggst vel í nýjan
sveitarstjóra Reykhólahrepps
Viðurkenningar í
tengslum við Dag
íslenskrar náttúru